石磨坊 (已結業)

我試過佢d 栗子糊, 好正, 有好濃郁o既栗子味,<br />冇得頂, 唔係度度有得食ga, 一定要食一次!!<br />

聽朋友介紹話幾好食，所以就特登去試^^叫左個桂花同心糕,味道幾清甜,好味^^又叫左個黑糯米芒果卷，覺得麻麻，因為唔鐘意咁熱既甜品..另外芒果撈河就好好味，我幾欣賞d「河粉」，夠爽口嘛!仲叫左杯木瓜奶，但好似唔夠奶味。埋單八十幾蚊，我覺得價錢都ok抵，不過環境就迫左少少。

我都覺得它的糊類甜品最掂！尤其杏仁同芝麻糊(雖然水準很不穩定)，但口感比大良八記好，因為夠稠。

之前睇電視介紹去試(個d位置平時根本唔會去)佢既特色甜品唔係好食得咁交關,應該話係一般.反而糊就好有水準.滑得來有口感,可惜有d只有熱食.

入了後巷的店子吃, 環境差差地, 無前店咁靚..椰汁芒果涼粉- 芒果很酸木瓜雪耳糖水- 好多料, 味道ok既.共38 蚊

其實我2,3年前去過,個時佢仲未出名..都幾平(而家貴左d)事隔幾年,佢出多左好多好特別既甜品~我試過桂花同心糕,黑芒紫糯米卷,朱古力燉奶同刨冰....桂花同心糕普通左d,黑芒紫糯米卷都幾好食,但我覺得凍仲正,朱古力燉奶好好食,好香既朱古力味,而刨冰就梗係最抵食啦~又大又多,share都食唔晒.我仲未試個個撈河,唔知好唔好食,$3x又好似貴左d~不過我3會去試下既~總括黎講...正~~

呢度o既紅豆沙好唔好食我就唔知, 但係呢間舖o既甜品以創意為主我就好清楚, 所以一入去就叫o左個芒果椰汁西米刨冰($24), 一來想知佢好唔好食, 二來想比較o下佢同台式刨冰有乜分別.個刨冰上檯時都幾誇張, 好似成座黃色雪山咁, 應該話係冰山. 同台式刨冰唔同o既係, 佢o的冰係pack到結硬o既冰, 而o係製冰時裡面混入芒果汁, 所以一路食/啜/咬舊大冰個陣會一路食到芒果味, 唔會淡謬謬. 呢點我覺得相當有心思. 不過舊大冰溶得好慢, 要食就唯有失禮少少一啖一啖咬哂佢啦. ^_^;;至於其他料, o的芒果肉幾大舊幾甜, 西米份量多, 椰汁夠濃, 24蚊當佢係正餐咁食都夠飽肚, 好味道就更加唔洗講啦!呢度衰就衰在地方細客又多, 坐得唔太舒服, 不過我都會再番o黎試o下其他'創意甜品'.

我食芒果撈河粉,男朋友食水蜜桃刨冰芒果撈河粉都幾得意,好似食緊椰子味河粉咁,雖然有食家品評話好甜,但我就相反,覺得唔夠甜,唔係係我o既問題,定係佢地o既quility唔stable呢? 不過唔稱得上好味,只係食法新鮮水蜜桃刨冰好大碗,支冰柱好高,食極都仲有...兩個人都食唔哂不過冰就比較淡,而且好寒呀我地食完之後覺得好凍,個喉嚨又唔舒服,好似有一陣寒氣,想咳又咳唔出咁我想試下佢個芝麻芒果卷同埋腰果露架不過兩個人食唔哂,下次先再試啦

雖然本人未食過呢度的糖水，不過對jerry lam既準則有些少意見，個人覺得食糖水最好食佢最出名的。好似我樓下糖水鋪咁，佢既豆腐花係最出名，我食過真係好滑幾正下，同我以前食開但摺左既鋪仔有得揮，幾掂下。但係佢其他野就一dd，而紅/綠豆沙好明顯係唔太得，因為溝左好多水的。如果只是憑一碗紅豆沙就釘死間鋪頭就實在有點兒唔公平......這只是我的一點看法，希望jerry lam不要介意。

一看菜牌，呢樣加個樣....做出來的甜品，食不出真味，大家都話好食，我徧不信，就叫一個試試，別人要混合的，我就要個簡單的，淨紅豆沙，個伙計一聽到隻眼差點跌出來，問我：淨紅豆沙？我說淨紅豆沙一碗。紅豆沙一上，一看...有點不對勁，點解水同沙分開的，水在面沙在底，我的朋友一看都覺得不對勁，一試...有苦澀味...立即埋單走...我自己覺得連最簡單、最易做的紅豆沙也做不好...其他的好極有限。後記：問過一位朋友，點解水、沙分明及有苦澀味？朋友解釋：紅豆沙煲好後放入雪櫃，再拿出來一煲，立即水沙分明，可能不知幾時煲好。苦澀味是不好的果皮用水浸一浸，打爛加水，紅豆沙上桌前滴一兩滴果皮水...苦澀味無所遁影....各位不信的話可以試試...如果咁都叫好食的糖水，那我教大家做一個一定好的糖水...我想大家都估到的...無錯啦....用任何一種糖煲水吧！如果你可以做到難吃的話....找我晦氣！不用客氣！

食完泉章居, 又係時候食甜品. 未食過石磨坊, 去左試下.叫左一個朱古力燉奶, 好好味, 好香朱古力味, 好正. 而且又唔會好甜. 楊枝金露, 做得唔錯, 唔會太稀. 芒果撈河. 有d似甜心奶奶0個個, 唔記得個名啦, 又係有d一條條0既野. 呢個係一d白色0既條條, 應該係椰汁啦. 有dd椰味. 加埋芒果肉. ok啦, 都可以接受, 但係都好大碟下. 仲有一個芒果黑糯米芝麻卷. 原本係熱架, 有d估唔到. 問個侍應, 如果凍左, 個芝麻皮好硬. 但係好好食丫, 估唔到呢3樣野會咁match. 食完呢4樣都唔夠, 再要多左一個蕃薯糖水, 都幾好. 呢度好值得一試架.

燉鮮奶- just so so, nothing special芒果黑糯米芝麻卷- It’s hot, quite unexpected. Too much 黑糯米but only one slice of mango, 麻麻地la杏仁糊- quite good花生糊- quite goodIn general, I think their 糊is better than other dessert. Waiting about half hour for a table, I don’t think it is worth.

i tried something special in this resturant. i really love the "mango with rice noodle", i never try that b4. The owner was so nice, i will go there again to try its famous "seasame soup".

最近試左個奶黃燉鮮奶，佢自制既奶黃真係非常之香口，值得一試！　今時今日，都仲咁多人等位，你話掂唔掂！

其實想試呢度o既芝麻糊好耐lu；尋日10點幾11點去到，嘩！好多人，間舖有人等緊位，出面D標位又full晒，唯有求其放駕車o係一邊，食完「拿拿」聲走人。兩個人，只係叫o左一碗$12芝麻糊同埋一碟$18香芒黑糯米芝麻卷。個芝麻糊都唔錯，食得出係生磨，滑得o黎幾香芝麻味，滿意。至於出名o既香芒黑糯米芝麻卷，其實大部份係黑糯米，芒果只得一小條，用一片芝麻卷包住；所以其實食唔到芒果同芝麻味，只得黑糯米味，但又唔夠椰汁味o播，所以食半條已經好「漏」，麻麻地。呢度有小妹好鍾意食o既刨冰，$24一客；出名o既仲有石磨坊撈河同雪白甜如筒，有機會一定會o黎試下。相中就係香芒黑糯米芝麻卷。