石磨坊 (已結業)

我自己去石磨坊必食o既係燉奶!朱古力蛋白燉鮮奶/秘製奶皇蛋白燉鮮奶!!兩款都好好食!朱古力味o既燉奶好有新鮮感,又香又滑~~~超正~~!加o左奶皇o既燉奶亦係一絕!奶皇好香好滑,但有D 漏o既感覺。桂花同心糕亦唔可以唔提,蜜糖味+桂花香味+芒果肉粒+面頭o既紅豆溶真係太夾!!另外,石磨坊秘製撈河都好有驚喜!白雪雪滑o都o都o既"河粉"拌住芒果粒同芒果汁o黎食真係...太感動啦!!鍾意食mango o既就o岩哂~~~一流~~~!!低刨冰就真係麻麻啦~雪定o既~~~好硬好難整開o黎食....最可惜係次次都試唔到個栗子糊......價錢方面...一句講哂,物有所值!!環境其實都ok,但旺場時逼o左o的...因為唔夠大......服務都唔差,但要等下,因為太多人太旺場,佢個場細,唔容許請太多waiter.....總之,鍾意食dessert o既就一定要去試下!!

之前未試過，原來好好食！

個芋泥西米露好難食淡茂茂，湯圓層皮又厚，吾抵食！

由於老公出外公幹，一個人在旺角無無聊聊，口淡淡之餘又想不到吃甚麼，經過石磨坊便決定先吃點甜品。一直都覺得這裏的服務很不錯，但當一個人孤孤單單時，別人的一點小關懷就更令人窩心。我只點了一個紅豆沙加芝麻糊，侍應姐姐態度並沒有因此而變差，而且上桌時更叮囑我小心熱親，服務態度一流。芝麻糊依然一貫香甜，而且滑極了，老闆娘一定很有心機磨出來的；紅豆沙不太甜，而且多豆，加上員工的親切笑容，吃得很滿足。不過之前吃過這裏的綠豆沙，我就不大欣賞了。另外推介這裏的芒果撈河及雪白甜如筒，個人覺得值得一試再試。

味道都唔差，但係唔起沙。

食過幾次....見到佢牆上貼滿雜誌報導....加上朋友大力推介....食過幾款甜品.....但都覺得不外如是....芒果河粉呀...芝麻卷呀...味道都麻麻.....仲有果D粟茸,紅荳茸配乜乜物物果D....得舊茸好味D...但係好細舊...而且一舊係D椰汁中載浮載沉...收$16一碗似乎貴左D 喎....最多人食既刨冰賣相吸引...但食得麻煩.....味道OK咁啦.....最令我留下深刻印象既只有朱古力燉奶.....好滑....但係次次都要等位....坐得又逼逼夾夾咁....仲要唔係平喎.....下次都係唔好預我啦....

呢度由開業到依家都冇加過價，因為你叫合桃+芝麻，所以咪貴囉！！^^

今晚飯後去吃甜品，每次我來都一定會吃芝麻糊，今晚當然也不例外，當芝麻糊端來，我吃了一匙便發覺跟往時吃的有很大分別，芝麻糊淡而無味，更有吃粉漿的感覺，真的吃不下去，於是跟負責人說，她有禮貌跟我說對不起，並會追查原因，並不收那碗芝麻糊的錢，我覺得非常不好意思，因為不是出現了甚麼衞生問題，沒有理由不收的，但她堅持說是她們的過失，若客人不滿便絕不會收費，真的好得沒話說。真的有點過意不去=_=

食過桂花芒果如意糕(桂花清香，口感爽滑)、雪白甜如筒(紅白分明，好睇好食)、木瓜西米露(間間差不多，冇死)及暖暖地0既芝麻芒果黑糯米卷(夠煙靱又飽肚，堅持熱食有理!)，都係有誠意又好味0既作品，卻只賣10幾蚊，食完要將超值推上更高界線! 遺憾係環境太擠迫唔夠衛生。

上星期第一次去，係去新分店嘅。入到去冇叫受歡迎嘅糊類甜品，反而叫咗楊枝甘露，我個friend就叫咗芋泥西米露，跟住再叫多個香芒黑糯米芝麻卷share食，不過淨係得熱食。個楊枝甘露好夠料，啖啖芒果肉，又夠凍。至於個香芒黑糯米芝麻卷，雖然係熱食，但係都一樣咁掂。呢間嘅服務態度真係好好，我覺得係去過咁多間甜品鋪之中最掂。不過唯一嘅缺點係衛生問題，我睇緊menu時，有隻小飛蟲飛咗入去。

睇過咁多人讚佢地的甜品, 終於試左佢地的芝麻糊+ 紅豆.沙及楊枝甘露, 芝麻糊確實好滑, 但唔夠甜, 紅豆一粒.粒唔會太硬, 幾好。楊枝甘露真係幾多料, 比例較好, 唔似發記咁d芒果太大喇!

成日響旺角出沒，所以成日去呢度，差不多一個月都去一次…最初迷上係佢地既糊，我好鍾意食芝麻糊，呢度既芝麻糊好滑好香，一流呀…我又鍾意埋食佢既刨冰，一定比許留山有誠意十幾廿倍，汁底冇加咁多糖水，而家佢既刨冰比以前好食左，因為冇打得咁實，容易食好多雪白甜如筒、桂花同心糕、朱古力燉奶、奶黃燉奶我都好鍾意食同埋佢既紅豆蓉好好食，所以我特別鍾意食紅豆刨冰同雪白甜如筒呢d 甜品不過要彈芒果河粉囉，冇乜味又貴，試一次就算

我是去新店的，第一次幫襯，沒有去過舊店。我覺得幾好呀。芒果刨冰，我走了花奶，覺得幾清新。芝麻糊，佷重芝麻味，可能是多芝麻而是其他配料，不過吃吃下有點膩的感覺。d服務態度也很好，個侍應很留意d顧客，有需要時，只稍微示意便行。

食過好多間嘅楊枝甘露都無得同呢間比，因為佢又大碗又多料，而且夠晒凍。因為食過有一間o係深井好出名楊枝甘露果間嘅就唔夠凍，好難食呀！另外呢間重有一款淨係得佢哋有嘅西米丸就好得意同好好味喇！佢用啲西米入面有啲綠豆茸再搓成丸狀，食落好好口感！講到熱食嘅，我就首推芝麻糊，因為好夠味，食落就知唔係用粉開果種，重有蕃薯糖水簡簡單單都唔錯喇！雖然間舖細細都幾乾淨，而且重有洗手間添！啲人服務態度都好熱情，都好有禮貌咁介紹有乜好食。最好嘅就係方便啦，就o係旺角區。

同朋友唱完K去食宵夜，十點幾去到好多人要等位。因為第一次o黎食，襯係門口等位時，睇o下門口貼住報紙介紹有咩好食。一場o黎到當然要叫推介及特色的甜品啦，所以我o地5個人就叫了5款甜品大家share食，有竽蓉涼粉冰、芒果芝麻撈河、芒果黑糯米卷、紅豆沙黑珍珠，紅豆沙卷，總括來講唔係好甜，不過搞到樣樣都無咩味，連豆沙味、芋泥味、黑糯米味都食唔到，5樣中我本人覺得紅豆沙黑珍珠較為好，不過實物同圖有好大分別，其他都係一般，最難食就係芋泥涼粉冰，我覺得d芋泥好食泥膠咁，好膠狀。可能食番傳統的糖水會好d。