石牆道韓國餐廳

營業中

休息中

第一次嚟呢間，食物OK，職員態度OK，但事頭婆做生意手法確實唔OK。想同朋友傾吓計，又想食好少少，搵間好似係好坐啲碟，其實都唔介意order食物嘅價錢，去到事頭婆就係咁催你落單，好Nice咁sell你叫啲貴價野，落咗單之後就出事，啲嘢食冚冚聲上晒，你諗住食埋隻醬油蟹先燒，啲職員又冚冚聲幫你燒晒 d 肉，仲要燒到十成熟，實在係嘥咗啲肉。事頭婆有解釋：因為今日外面落雨，所以少咗好多枱。30幾度，究竟有啲咩人會book outdoor 食韓燒？呢個唔係催人交枱嘅藉口。一路食，一路就聽到事頭婆係咁問啲職員幾多號枱食完未幾多號枱食完未。。坐我隔離枱位先生都好火滾，聽到佢同事頭婆講食唔夠一個鐘頭已經催買單。。。手多上嚟睇吓食評，原來係慣犯，都唔關落唔落雨事。生意真係唔係咁做。我第一次去，唔會去第二次，亦都唔會推介朋友去。

我第一次食呢間韓國餐廳！睇佢咁多好嘅食評同埋有咁多人比like，諗住都唔差啦。我已經早兩個禮拜喺OpenRice度訂咗位。今日下午就收到餐廳打嚟confirm Booking，我book咗七點佢叫我早啲到！我話我知會準時到盡可能都只可以早到5-10分鐘。個職員啲態度好差。我淨係覺得我book咗七點，我就係根據返嗰個時間嚟唔遲到就得啦！之後去到餐廳，因為佢有分兩層嘅。去到個侍應叫我上樓上個層，上到去冇人理我都唔緊要！因為都明白好忙！等咗一陣佢就話四位要落番樓下，跟住我就燥底啦⋯⋯你哋玩夠未呀又叫我上，而家又叫我落返去，兩個侍應就嚟嘈交咁濟！之後俾咗一張六人枱我，中間就咁擺個隔板！我心諗有冇1.5米呀⋯⋯最慘唔夠冷氣張枱又細！我一早訂咗位比張咁嘅枱我，咁我book位黎做咩啊不如Walk in！！真係火都黎！我發誓唔會再去呢間食囉！最乞人憎10個有九個待應都十問九唔應。態度又唔係好！我而家俾錢買難受呀⋯⋯😡😡😡😡😡😡😡😡😡😡😡😡😡

美食就肯定要同大家開心share下。前幾日見openrice好多人推薦呢間韓國料理，就約左班朋友黎試下，無得旅行咩當頂下癮囉！我建議大家主食可以試下石鍋拌飯，足料肉多，生蛋同紫菜都係拌飯嘅精髓。海產就絕對唔可以錯過啦，烤魷魚我都係第一次食，嗰店主推薦我地試下，食落都幾彈牙，加上板燒真係無得頂，但係我自己就唔小心燒竉幾塊🥲醬油蟹啲膏都肥美，嗰醬料真係加分。重頭戲部隊鍋，嗰鍋底很入味，送飯真係一流，仲有涼菜都真係幾開胃。整體我會比80分，主要都係價錢上同朋友一起食真係唔算貴，裝潢都非常靚，嘢食都有咁上下水準。菜單仲有好多嘢未試，已經約好下次小聚。

利申: 其實差不多一個月黎一兩次,每次都係為咗醬油蟹，因為係香港算真係唔差。首先, 到當日一定會有個操一d都唔流利廣東話既韓國女人打黎confirm booking, 我個日星期五book 咗7點，佢問我可唔可以早d，我地收工都6點過到去其實都係啱啱好，佢話咁6點3喇如果唔係驚7點半八點先有枱，我同佢講盡快之後收線。去到都6點9個字，因為仲早所以好多枱，我哋係到睇menu 既時候佢哋不斷sell一啲貴嘅菜，次次去都係咁當你睇到燒肉嗰版就叫你燒鰻魚🐟當你睇到火鍋個版佢就叫你食海鮮鍋🦀🦐🦑當你睇到後面鐵板佢就會叫你食沙參一d都唔真心推介！大概7點鬆啲上醬油蟹，之後仲不停係不停問我哋要唔要嗌其他嘢，咁我哋嗌左炒年糕同牛肋骨，已經叫咗佢等我哋食完蟹先上，食蟹途中佢地已試過兩次想夾硬嚟上菜，我哋都異口同聲拒絕佢話叫咗食完蟹先上，到第三次我哋都已經唔想再同佢講。到7點9左右，開始食熱野個白頭髮嘅韓國老闆娘就開始發攻😡不停問我哋食完未仲加唔加野不停催快啲啦快啲啦快啲啦咁其實當時坐咗都未有一個鐘期間叫人加茶，態度勁差特登將個水壺拉到勁高先斟茶啲水彈晒落枱面同我電話佢有12小碟前菜，已經encore 咗

今日全日係冷氣地方個人好寒，想食d暖笠笠既野，所以想到韓式湯飯。由入門口個下就覺得好似會俾人呃的感覺，未坐低就狂問食唔食「醬油蟹」，答左佢諗下先，第二個阿豬媽來俾餐具時又問，下一個來斟茶的又問要唔要食醬油蟹，已覺得好煩。岩岩先開始睇餐牌又叫人點套餐，我同朋友兩個人都食好少野，套餐根本唔會食得晒😅，本來想order一份烤肉，一個湯，佢又sell你揀個貴價肉，好啦，之後又叫你加生菜籃（原來唔送菜）仲要$70勁貴😨😨，生菜好大塊但紫蘇葉同蒜片就得幾塊，平時其他韓國餐廳湯都跟白飯，但呢到就要加錢，跟住又再問你飲唔飲野，order時有點似俾人當水魚咁，好似想你叫多d野食，感覺好差食物方面，牛骨湯味道還原度都幾高，小菜也是韓國的味道，可惜食晒就不能refill。牛肩肉幾好食、但蜂巢五花腩就好失望，好普通同比想像中薄，同佢menu張相貨不對版。如果店員不要太進取會感覺舒服d晚餐性價比較低，建議可來食lunch

之前食過兩次lunch都覺得佢的韓餐整得好地道！所以今日試下食晚餐🤣🤣入面的員工應是韓國人，所以講中文有d譚仔姐姐feel😂😂成日驚佢聽唔明我講乜😂😂點野食時因為我地兩個都細食，唔想叫成個set，但員工好似都好想我地叫set咁，係咁sell,我地不叫set佢都會sell散叫的肉，最後點了介左花的五花腩同一款牛肉，仲有一個牛骨湯❤️一開頭上左好多小菜，都好好食，是韓國的味道😭😭😭懷念韓國的人可以來呢度食，但份量好少，也好似不能加？沒有問佢可唔可以加，但我地的小菜碟空左後，佢就好自然收走佢，所以感覺是不能加的？另外烤肉同牛骨湯都好好食，要有菜夾的話加70蚊要個菜藍 平時食肉都一定會送菜藍，至少第一盤是送的，呢度就是另外俾錢買的，有點奇怪，牛骨湯都是度度食都跟飯的，呢度也是另外加錢叫的，也是怪怪的..總之佢是幾好食😋

呢個月係我生日月,所以我有好多朋友要同我慶祝，第一個係我大學同學俊樺,識於微時,所以感情特別好！！我鍾意食韓菜,佢就帶左我去尖沙咀石牆道韓國餐廳，地方古雅，韓風味濃我地點左個天婦羅鲜人参,甘甘地,外面又炸得幾脆，食落幾特別！燒肉唔少得,牛肋骨大大塊,好香口,牛味濃五花腩不肥不瘦;海鮮葱餅幾香口，葱多開胃整體唔錯,下次可以生日可再黎

石牆道韓國餐廳醬油蟹好新鮮，同埋Ｄ羔好多,啖啖蟹味,夏天食就－流另外有種食法係將Ｄ飯加入蟹蓋－齊食,都幾好食;或配紫桑葉都幾特別燒肉，有五花腩，燒起上黎好香口，肉汁四射成晚我地飲左成－打真露,真係非常盡興

早兩日睇左韓劇"文森佐",宋仲基真係型爆，所以噚日就去左食韓菜感受－下韓風餐廳:石牆道韓國餐廳菜式:大盤冷麵$300份量唔少,三四個人食都夠,有好多蔬菜切絲,加埋Ｄ醬汁,份外惹味,夏天食就－流辣鳳爪$300好大碟,同平時食開Ｄ鳳爪有Ｄ唔同,特別入味，不過老實講真係有Ｄ辣,唔食得辣就要注意－下。部隊鍋係韓劇經常見到,大大鍋乜都有,味道唔太濃，都ok好食。韓劇同韓菜可以咁受歡迎，確實有佢道理

朋友說懷念韓國想吃韓式豬手，就上OPENRICE看看，選擇了這家感覺很正統的餐廳。單看餐前小菜種類就較一般韓食店多，熱情的老闆娘一開口就知道她韓國人的身份，用唔鹹唔淡的廣東話幫我們點餐，都幾有趣。炆牛肋骨，牛肉炆到軟腍鬆化，連蘿蔔都入味。人參雞湯，看起來還好，吃下去才知道份量好~大~，雞肚子裡滿滿的糯米飯，超級飽肚，人參味不算重，不會很難接受。石鍋生蠔拌飯，很少看到生蠔的拌飯，試下新，生蠔味道都幾突出。海鮮蔥餅，海鮮都算多，大蔥更充足，好吃是好吃，但都怕會有口氣。韓式豬手，豬皮Q彈，豬肉很瘦，沒有油膩感，補充骨膠原之選。豐富又滿足的一餐，不過價錢都唔平。

宜家天氣成35,6度，真係好熱，所以宜家约Ｄfriend都係夜晚，前晚我就去左尖沙咀一間韓國餐廳食飯,叫石牆道第－道我就食個冰凍水冷麵,非常透心涼，Ｄ麵又好彈牙,爽第二道我就叫在個醬油蟹，幾鲜甜，唔會腥,有Ｄ水準最後叫多個部隊鍋，大雜滙,有韓國餐肉,即食麵,腸仔,份量好多夠飽肚

夏天終於都嚟啦,外面成三十幾度,所以噚日约左Ｄfriend去左淺水灣游水消暑一下,之後就去食晚飯，朋友提議食韓燒，我地去左尖沙咀呢間。。。石牆道我最期待係食水冷麵,入囗透心涼;仲有牛肋骨，燒上黎好香口,Ｄ肉汁－滴－滴流落黎，真係未食都流晒口水另外，仲有五花腩肉都－定要試，肥瘦比例適中,雖然肥少少,但－定要試呢間石牆道都唔錯,可以－試

上星期日一年一度母親節,梗係要同阿媽食番餐，佢最鍾意煲韓劇,所以母親節就梗係要食韓菜,係openrice 查一下韓菜,有間石牆道係尖沙咀,交通幾方便，近美丽華，所以去試下係地舖近近地,行條樓梯上2樓，地方都幾大,跟住經老闆娘介紹，試左個人參雞湯，幾清甜,唔油,雞肉好淋,可以當餸食;仲有魷魚筒,泡菜煎餅都幾好食,整體唔错,且老闆娘幾好人,下次可以再去

* Sizzling stone pot rice with beef (HKD80) * Bibimbap (HKD70)👩‍👧喜愛程度: 💛💛💛💛/5前幾日去左呢間門面唔多起眼嘅韓國餐廳食early dinner🥢 原來餐廳有室外同室內 我地見天氣幾舒服而且又無咩人 就選左露天嘅座位💁🏻‍♀️ 露天環境幾靚 感覺舒適🤩 兩個人用餐都有配菜有12款式⚠️ 份量十足，豐富而且款式多元化 食完都飽左八成🙌🏻 店員好有禮貌，用餐前侍應會用紫外線燈再一次消毒餐具。由於唔係好肚餓我地淨係order 咗兩個飯 係分別係牛肉石頭飯同蔬菜拌飯 份量夠大又夠熱辣辣 韓式辣醬好惹味 整體足料又好味😋 最後仲贈送甜品薏米水 幾清潤架👍🏻 以咁好嘅食物質素、環境同服務黎講 性價比真係頗高!! 期待再訪試佢嘅烤肉同醬油蟹🥩🦀

終於明白前幾個負皮點樣嚟⋯一行三人打算慶祝媽媽節，見啲評論唔錯就book 位去食，又見到個場都幾多人食應該正常我哋唔太肚餓，所以一開頭打算散叫啲肉嚟食，但佢不斷sell我哋食套餐同埋貴啲嘅肉，呢個都算啦，我哋最後叫咗個二人套餐。叫完之際佢已經叫我哋之後再加野食，當下係覺得佢循例上驚我哋唔夠食。啲肉上咗之後佢又叫我哋加嘢食。前後有成三四個人叫咗我哋五至六次加嘢食，問我地要叫啲咩食。整整吓個感覺就唔係咁好，有少少夾硬要我哋叫多樣嘢食嘅感覺。我分別問咗兩個人點解我哋要加嘢食，一個就話因為我哋三個人，但係叫咗個二人餐；另一個人就話係因為前菜俾咗三個人嘅份量我哋，但係佢前菜係免費refill 。。。我地真係食唔落，所以無再加嘢食，埋單嘅時候有個人居然話我哋仲有一樣嘢食未叫🤯我覺得好奇怪就係佢一早冇同我哋講有最低消費，而Menu上邊亦都冇寫。究竟每人係要叫最少一碟肉？定係每人最少要食一個指定金額？我哋埋單三個人$940。如果我哋唔叫套餐就咁叫三碟肉係咪就唔使我哋加嘢食呢？個感覺有少少似比人劏咁🙄講返嘢食，質素真係好一般，人蔘雞湯冇人蔘味，石鍋飯又普普通通，啲肉又唔係特別出色。