石牆道韓國餐廳

營業中

休息中

差唔多有一年無去過石牆道嘆韓菜,最掛住係佢地嘅石頭鍋飯,有飯焦脆卜卜,上面－隻温泉蛋同Ｄ飯攪埋一齊，真係香氣撲鼻,仲有Ｄ配菜:例如蘿蔔，青瓜絲,粉量好足,我－個人食完已經好飽

上次去打波，打左半日真係好攰，咁唯一嘅方法就係慰勞吓自己，去尖沙咀揾到呢間韓國菜真係和味🤤🤤，試左一下呢個醬油蟹 啲調味啱啱好，有甜又有辣 分數滿一百💯，下次要再食多幾次先得😆

前幾日終於可以放暑假，有假期咁就要對自己好啲，同朋友一齊去尖沙咀試左吓未嘗試過嘅菜式，發現呢個韓國料理嘅雞湯超級鮮甜，雞非常嫩，同埋豬手肉口感分明皮Q彈肉夠軟身

本身之前食過一次，覺得好食。點知今次黎食勁失望，趕頭趕命，狂幫我地燒，狂叫我地快啲食咁。燒完之後勁快收哂台上既野，好似阻住佢地收工咁。真心唔會再有下一次。好失望！食都食得唔開心！大家想慢慢食既，唔建議黎依間野食。

今日好友生日，book左佢鍾意食韓國菜既石牆道韓國餐廳。哩間餐廳係尖沙咀，餐廳環境唔錯，好有韓國餐廳風格，座位坐得舒服。下午一點入座後，見到我生日個位好朋友，侍應吹我地點餐，話我生日位朋友等左我好耐😅朋友話唔係等左好耐，您慢慢睇下餐牌想食咩。最後我地點左三樣野食：海鮮炒年糕、炆牛肋骨、海鮮蔥餅，叫左一杯凍咖啡同凍可樂。點完餐，侍應就上左12款前菜俾我地，不過甘多碟，我都係鍾意食泡菜同薯仔粒，其他麻麻，仲要前菜無得refill,真係失望，係韓國食野，好多間有前菜餐廳都有得refill,哩間係香港既韓國餐廳反而無，要食再加錢。海鮮蔥餅我最鍾意食，夠熱又香。炆牛肋骨，蘿蔔同牛肋骨都炆得好淋，但我就唔係好鍾意太淋既食物。海鮮炒年糕不過不失，無咩特別。原本揀哩間餐廳係諗住唔限時，可以慢慢坐，慢慢食，點知未食到三點，兩點半就吹我地last order,原來佢地三點有落場時間，但打來book位時位職員都無講，好差⋯食左兩個鐘就要無奈地埋單離開。講真價錢唔算平，入座後又吹您快落單，又提早last order,我就算再點野食，得番半個鐘，食到滾水六腳都唔會再加單啦，下次未必再幫襯。

負評！全部人係門口等超過半小時，但全部人有訂座，若果無咁多位就唔應該接受訂座，因為已經係晚飯時候加上星期五，已經沒有其他選擇，全部人被迫係超熱的門口等待，仲要係唔知幾點先可入座！

Honestly, they cannot accept bookings and made customers wait for more than 1 hour. It is so ridiculous and the waiting area is so hot without any air conditioning. Would never come back again as such a bad experience. OpenRice you should talk to this restaurant owner to improve the booking system and don’t accept bookings unless you are able to meet it.

服務態度麻麻， D野食還算可以但是偏貴. $700一位. 入門口就有個阿嬋喝著問你幾位， 告訴她訂了位和朋友人到了， 但啊嬋繼續問好像不想讓你進去， 一定要讓她查清楚才讓你進門口. 餐廳都大有兩層， 裝修還可以， 抽風差D. 食到後期好醃眼. 燒肉D阿姐求Q其， 燒到D肉白曬曬， 就話可以食. 9點D阿姐開始話last order， 9:50 老闆開始用韓文趕人走. 如無意外我以後唔會再去.

Booked at 8:15pm for late dinner but still couldn’t get a table until we left at 8:45! We wanted to cancel after 10mins waiting and go another restaurant but the staff said the table would be ready soon. She didn’t apologize at all and just holding us outside for 30mins.So We had to leave and find a restaurant before 9pm.They really have to fix this horrible booking system.

係網上見到呢間餐廳推介醬油蟹本身都鐘意食醬油蟹而我以前又係領隊已經去過韓國無數次係香港都成日掛住韓國既菜式但通常香港醬油蟹都伏伏地今次醬油蟹一上菜已經覺得賣相唔錯膏量充足 但都係要放落口先知伏唔伏果然食完對得住個價錢 又唔會太腥太咸食落去蟹肉都感覺到係新鮮（明明佢已經上左天堂好耐）朋友食完都覺得呢間好食！而同場都點左個海草蠔湯 食落口都真係用韓國食既味道一樣但鐘意重口味既朋友就可能要加點調味料先得啦總結呢間餐廳可以再食！

一行六人訂咗8：00pm房，朋友一位7：50pm去到，話有房，上到二樓又話未得，要返落樓下等，8：00Pm，我到，問門口姐姐有房未？佢問我齊人未？吓...唔係掛？我訂咗房，反正都有最低消費，你理得我幾多人到啫，我都係要比咁多錢架啦，最終8：25pm先入到房。坐低點餐，點個$1550~3至4人餐，話無，叫我點個$19xx，我話唔啱食，佢先話$1550有，只係$19xx抵食，喂...抵食同啱食係兩回事囉，又話鰻魚好食好食，要我地叫一條，我問佢幾錢，佢話$800，嘩...個餐牌都無$800一條鰻魚，得$400，佢話$400係半條，但個餐牌完全無寫400蚊係半條囉，好彩我問吓啫，唔問完全唔會講價錢。上菜又快，嘭嘭聲上，檯又細，放都放唔落。9：00pm就話 last order，9:15要你埋單，9：45開始叫你走，9：55pm又話再唔走比人捉到每人$5000。你老闆，你真係識趕客同識劏客囉。

前幾日係公司和同事吹水傾到韓國菜，其中一位同事就推介咗呢間餐廳既豉油蟹。今日中午時段就嚟咗試下，大概等咗5分鐘就有位入得去。咁首先第一道菜就叫咗我朋友介紹嘅豉油蟹，佢碟豉油蟹既味道濃郁，蟹羔同蟹肉份量都充足。之後我又叫咗兩碟菜試下，分別係泡菜炒豬頸肉和炒魷魚加素麵。碟泡菜炒豬頸肉，味道唔差，豬頸肉都幾大塊唔很好肥。碟炒魷魚加素麵，啲醬汁幾，麵都正常唔會好似淋到爛爛地。

今日同女朋友去咗尖沙咀行街，然後見時間十二點，而且都有啲肚餓。然後就上咗openrice search，見到附近有間韓國菜餐廳，就同女朋友決定去試下呢間餐廳。間餐廳環境同服務態度都唔錯，食物種類亦都很豐富。我平時有看韓劇例如Running Man，很想經常睇到佢哋食一堆食物搞到好吸引很想吃。 而今日我都想試下所以就嗌咗個套餐，但係估唔到份量好多😂尤其係佢份牛肉，幾大塊同幾厚身，食起來大大啖肉口感超正。佢個醬油螃蟹味道濃郁，蟹羔同肉都好多。食過一次就會想食第二次

今日我朋友生日，就去咗尖沙咀MCL睇戲。睇完戲，已經大概快一點就諗住去食飯。我個Fd(生日果位) 就話想食韓國菜，然後係網上見到介紹呢間餐廳。我哋首先就叫咗一份韓式炒年糕，年糕彈性幾好，咬起來也很Q而且唔係好辣另一道就叫咗人參雞湯， 我個人就喜歡飲湯，而且平時在家也會自己煲湯。個人參雞湯幾清甜帶有少少人參既甘味，以較喜歡飲清淡啲既朋友可以試下，值得推介食韓國菜點可以少得食烤肉， 我同朋友就嗌咗碟五花腩，唔肥唔廋。烤完在點上啲醬汁，肉既味道一流

上禮拜同朋友一齊食飯 係apps見到呢間韓國餐廳🇰🇷，正好近排韓國團體好出位，所以大家就決定一齊試吓呢間餐廳，發現佢哋嘅烤牛肉真係好香，牛肉嘅口感都非常唔錯，下次有機會一定要再食多次