石牆道韓國餐廳

營業中

休息中

好快到夏天，所以宜家都開始計劃瘦身減肥，因為怕Ｄ衫著唔落早幾日约左幾個大學同學聚會，有人提議食韓燒,－聽就知道大鍋,因為我最鍾意食韓燒,尤其係燒肉更加愛不釋手我地今次去左尖沙咀石牆道，裝飾好有韓國色彩，同學點左好多燒肉，仲有我至愛牛肋骨，真係無法抗拒，食左先講牛肋骨好大塊,燒起上黎牛味濃，唔韌,好有牛肉味另外，石頭鍋飯，熱辣辣,最係Ｄ鍋巴,脆卜卜，真係忍唔到口食完呢餐要跑番好多個圈先減得番,但都係值得

冇得去旅行 諗住同朋友開開心心食醬油蟹 當感受下韓國feel 落單出菜開食唔夠45分鐘 老闆娘 各侍應就催我同朋友快啲食 唔係催一次咁簡單呀 個老闆娘催足三次呀 上咩菜都講一次 糖水又係 解釋話好多人等 疫情想做多啲生意番多啲枱我明 但生意真係唔係咁做 你想人快食 不如一早講明你繁忙時段用餐時間係幾多 你催食客 作為食客我都順啲呀 但你又唔係限時 我俾錢食嘢 就算嘢食可以 我都唔覺得要俾人咁催法 如果各位係想同朋友聚會我絕對唔建議黎呢間餐廳 其實尖沙咀食韓國菜大把選擇 唔洗食佢 除非你好想俾人催你食飯啦 又另計嘅

石牆道韓國餐廳 Dol Dam Gil Korean restaurant @doldamgilkorean 📍：尖沙咀金巴利道27-33號永利大廈地下20及22號舖📞：+852 2311-9878/2311-9879💲：~HKD400-500/head Food quality 👌🏼：前菜、五花腩、生菜包、醬油蟹❌：韓國泡菜餅總結：👍🏼有專人幫燒 👎🏼性價比不高 價錢略貴但食物質素中比不上其價錢👎🏼不值得一試

經openrice已經book左檯8:00，前一日都再打電話cfm booking 員工都話冇問題，慶祝我同朋友生日。朋友8點前已到達，佢同我朋友講有幾張埋緊單架啦，等一陣啦。 然後我8點05分先到，門口有好多人，全部都係8點個批。我地等呀等，等到8點20分仲未入得，冇見過有人走出黎，門口班人一個都冇入過去。到我去問下啦，我問staff我book左8點鐘，幾時先入得，第一個人hea我答未咁快，啲人叫緊埋單，講完就走左。我心諗又係呢句？然後咁岩第2個人經過，我再問我book左8點，幾時入得？呢個staff先問我姓咩留左幾多位，我講完，佢就話你排第11個，我就問我book8點咩排第11個？你當我walk in? 我琴日有打黎cfm booking 架喎！咁我book黎做咩？我再問咁我幾時大約先入得？佢就答起碼8點半。8點半？睇入面好多檯客仲係食得得好開心，唔似有走嘅打算，而且門口起碼仲有幾班人，仲同我講我係排第11張檯？！幾時先輪到我地，晚市禁堂食10點，我8點幾9點入去咪得返一個鐘燒完食完？諗諗下慶生，唔想搞到咁唔開心，就即走，係韓國街再搵第2間韓燒仲好！奉勸大家除非你係好早入去個批，如

近幾年韓菜大行其道,甚至超越日本菜成為港人最流行菜式,但係韓菜有傳統和新派兩種,我個人比較傾向傳統咁多間中我最中意石牆道,傳統得黎又唔覺老土,上星期我就去朝拜過，我最中意佢地炆五花腩，爽口軟腍,好有骨膠原;另外,石頭鍋飯也非常不俗,熱辣辣好有飯香,加埋隻温泉蛋，真係無懈可擊

呢間石牆道係同事推介既lunch飯堂 兩層環境都好大 座位有卡位 又有大桌同埋露天戶外既位置 店員招待我地坐戶外 又幫手開火爐算好好服務 招待既店員同埋老細都係韓國人 不過佢地普通廣東話對答都可以 一坐底無耐店員就開始上前菜前菜款式好多 total有12款醃製過嘅前菜放到一桌都係 喜歡食蛋卷 薯仔 黑豆 芽菜 同埋 泡菜都好入味 特色既配菜其實有部份都真係唔知係咩名堂 以主菜大多 HKD 70-80 如果要食燒肉另計 尖咀黎講都算係正常價 之後食過石鍋拌飯表示無伏係正常水準 份量大份但又唔係好特別一定會推介。食完正餐店員送上餐廳送贈既冰凍甜米露 米露香甜有咬口 正正解一解膩 重米味既冰糖冰水好岩食完熱野飲晚餐暫時未試過 比唔到comment 但如果你想食個豐富傳統韓式風味既午餐 可以考慮呢到一試。食物:7/10 價錢:6/10 環境:6.5/10。石牆道韓國餐廳 尖沙咀金巴利道27-33號永利大廈地下20及22號舖

最近心情有Ｄ郁悶,唯有食韓菜心情先會好Ｄ，早輪就去左石牆道天氣熱熱地就叫左個水冷麵,食落透心涼,咬落好爽滑唔會太腍;跟住嚟份燒肉BBQ,有五花腩,牛叻骨,燒起上黎香氣撲鼻,肉香軟腍;之後加多幾隻醬油蟹,食落又幾鲜甜,雖然經過制,但味道仍然保持得幾好,不愧為韓食首選

韓國餐廳我係香港去咗好多，但係食既餸主要都係以韓燒為主，當然之前也試過幾間點餸食飯的，不過質素一般。今次比我發現到這間點餸食飯也唔錯的，當然他們也有提供燒烤。特別一提，他們的Menu上有很多以魚作主菜，這是非常罕有的，一般都是在韓國本地才較多的，他們居然都有做，所以值得試試！一入到去，餐廳原來有分兩層，我本身坐下面，不過都幾逼夾，所以上咗一層，就發覺是天和地，上邊寬敞舒適，同埋差唔多每張都是卡位。所以就算至兩個人，基本上都係四人座位。我們一行二人就點了刀削麵, 蔘雞湯, 辣燉安康魚。未講主菜單，等我先講講他們的伴菜，因為係我食咗咁多間餐廳裏面，他們的伴菜真的是最完整、最多的。罕有地，連黑豆及醃製蚶都有，當然其他餐廳都有，不過這間餐廳我去好幾次，而每次都有的情況下，我給他們的伴菜是100分。其次，就是蔘雞湯，基本上我去親的，蔘雞湯都是完全冇味的，間唔中有一兩間會煮得幾好，但是水準都是參差，不過這家就味道就夠晒濃烈，糯米的份量也剛剛好，唔會太多，撐到太飽，而雞也很鮮嫩。這個配搭簡直是100分，無可挑剔。到了刀削麵，麵的質地唔錯，可惜是湯唔夠濃，個人認為有點淡，加上平時都上面一般都是用cla

訂左7:15, 中午打黎問改6:30到8:00還枱得唔得, 我話左唔得. 如果要我8:00還, 我就要取消BOOKING. 太急. 點食?!好啦, 又同我講, 無問題. 7:15到留枱俾我. 結果黎到, 無枱, 要我坐 Outdoor. 其實都無所謂. 天氣唔太熱, 我OK. 但係成餐飯俾人落左催命符咁, 催落單, 催快D食完收碟 (都未食完就收我碟, 我要叫停佢先放低, 仲要想收幾次, 直至我黑面！) , 催埋單. 8:00叫我走!  石窩生蠔拌飯, 辣炒八爪魚, 鐡板牛, 再加生菜籃. 食左$8xx. 二個人, 不算低消費吧！真心嬲. 食物幾好食都無用. 掃興到爆. 真係無第二次. 唔介意速食的. 可以一試.  我就 NO 左呢間野啦. 食物好, 服務好既地方, 我相信仲有, 我唔會再黎受氣!

個人第一次公開寫差評，因為實在太差勁，第一次食飯食到咁嬲，今日朋友共3大人1小童預約了5點半試呢間韓國菜，我們準時到，職員給我們安排了獨立房，當時外面見到有一台客人，之後櫈都未暖便有位高級職員來點菜，狂sell餐牌最貴的套餐同醬油蟹，其實我地最想食係韓國湯類，總之攪左十分鐘我地決定點人蔘雞湯同牛骨湯一解冇得去韓國之情懷，再點海鮮煎餅，海鮮炒五花腩，其實已經好夠，再點飲品。我估計等左10分鐘陸續上菜，職員不停入來問加唔加d咩？在20分鐘內總共問左4次，我地食都食得唔安樂，到左6點25分，職員竟然攞張單同錄卡機來埋單，我地碟五花腩仲有一半。其實用餐大約係30分鐘左右，中間仲要不停被職員問呢問路，成餐飯食到背脊骨落。我們唔想嘈唯有埋單，點知埋單仲要計多杯飲品，我地3個大人都好嬲，未試過食餐飯食到咁。埋單9百幾，唔算平，冇唸過係比人趕走叫我地埋單囉。唔通要食成皮野先可以坐耐dd, 其實當時外面係唔爆場，眼見仲有3至4張台的。仲有，我地係未食完的。重點係 ，食物質素係ok的，未至於到可以趕客走的程度。勁差！

4月1號，新開始。都成個月同朋友見，難得仲可以有堂食機會，都要放工後同朋友見面同食飯。食到好唔盡興，因為10點就要起身離開。餐廳同作為食客既我哋唔開心。但睇到既係hk仲做到，好多人鐘意同朋友食飯見面！上次秋季食左🦀🦀，今日食鰻魚。都算新鮮，有小小貴。加上garlic + ginger 係燒鰻魚既好配搭！再叫左份半豬半牛，1支燒酒，1個可樂。2人埋單18xx 。參考下，一次半次都還好！但餐廳本身價錢比較貴，除非特別菜色先會再返黎食！

天氣開始熱,所以我地去嘆左個韓菜蟹宴我地上Openrice search過知道呢間食醬油蟹比較正宗傳統，所以我地－行四人就去试下裝飾:傳統韓式裝潢，有古時韓式宮廷味道主角醬油蟹:醬油蟹被韓國人稱為「米飯盜戰」。要考書油蟹,吃數碗飯也可以的意志,是颇一流的美食!醬油蟹顧名思義即是利用醬油醃製的生蟹,最普遍是用上花蟹醃製,不過始终是使用醬油醃製,所以最好配搭白飯－齊吃，將白飯放入蟹蓋與蟹膏一起吃,可以將醬油蟹的精華完全放入胃裡面,石牆道嘅蟹既鮮且甜,完全食到以上效果，值得－讚

約咗朋友敘舊食飯，喺尖沙咀有好多唔同嘅韓國餐廳，喺網絡搜尋見到好多好嘅評價就試吓呢間！老闆係韓國人，所以食嘅嘢都係好正宗韓國風味！餐前小吃一共有12碟，每碟都唔同但係每様都咁好味！特別推介泡菜、大豆芽另外有一種好似係醃魷魚！我哋四個人但係就叫咗一個2人餐有蝦嘅另外就將韓國伴飯加錢轉左碟，帶子再加一個大大粒𧐢餅、牛肩肉，同埋好多人推介嘅新鮮燒鰻魚！𧐢餅唔係一大塊，而係每一件包住一整粒𧐢！新鮮味美！跟餐有牛肋大排同豬腩肉都係頂呱呱！Juicy！人參雞湯，係一般冇乜特別！頂級推介就真係呢個燒新鮮脆鰻魚，有專人幫我哋燒，兩邊燒到脆卜卜！有三種唔同食法：1⃣️就咁原味食2⃣️點淮鹽食3⃣️好特別就係用佢特製嘅紫蘇葉再加薑同埋鰻魚醬就另外一個層次食完之後先發覺原來佢有一個室外小庭園下次可以再幫襯！

I love the Korean food over ten years.Last week I came to Dol-Dam Gil Korean restsurant with my best friends.The environment was great good.And the service also not bad.Our order was follows:Korean seafood pancakeThe taste was good and the seafood was fresh.Korean raw beefI dont want to try it before because the beef was blue.After taste,the feeling was not badKimichi pancake I love korean food because of kimichi.It was not too spicy.I love to enjoy it until nowFinally,we was enjoyed all the din

早前食過佢哋個lunch唔錯，又比我發現原來呢間係韓國人主理嘅韓國餐廳! 我呢幾日好想食醬油蟹所以決定同家人去試吓佢哋嘅醬油蟹同韓燒！ 去到餐廳見隔離枱食部隊鍋好似好好味😋😋所以改變主意食部隊鍋同醬油蟹😜😜另外，又叫咗水冷麵同石頭鍋飯😋😋都好好味！部隊鍋嗰份量都好多呀! 味道都唔錯不過係辣咗少少！🥵我哋對昨晚呢餐飯都好滿意😋😋最後竟然仲有好美味嘅韓式甜品送囉😍😍好窩心呀！😘😘