石牆道韓國餐廳

營業中

休息中

沒有點醬油蟹便沒有侍應招呼！這間所謂嘅正宗韓國嘢不去也不會覺得是損失，點咗全牛同五花腩，老實說賣相係ok，但味道就一般過一般，前菜完全唔吸引，真係好難搵到一間連前菜都唔吸引嘅韓國餐廳，我都真係要佩服一下我自己！另外，呢個真係好大問題，就係抽風！！！呢間嘢完全感覺唔到有抽風囉，冷氣又唔夠，一路食一路標汗！然後食食吓隔離有人點醬油蟹因為個侍應唔行去另一邊，就突然間抽走中間塊透明板！我完全覺得佢好有問題，呢間可以black list唔駛再幫襯

係咁迫人叫D貴嘅嘢，係咁幫你揭本Menu，完全唔比你睇，服務極差，講嘢大大聲，完全唔比你講，係咁叫你食蟹，又係咁話你唔夠食，你唔叫佢推薦嘅食物，就西面，非常差嘅體驗

唔知幾時可以飛韓國下韓菜唯有留港消費香港有好多韓國餐廳,但有水準既就唔係咁多但上星期係尖沙咀俾我搵到呢間,就相當有水準,所以希望介紹一下，佢地裝修古色古香,好有大韓古代風情,環境唔錯,地方夠大餐前小食有好多款,差唔多有十幾碟,有菠菜,泡菜,蛋,魚仔等,味道唔錯,食完特別開胃主菜有幾款想講下,韓式天婦羅鲜人参,外層炸得好脆,裡面爽同埋有D甘甘地,幾特別整體唔錯，不妨－試

上星期六，話說我同朋友們共四人，訂咗呢間韓國餐廳（訂檯途中出少少問題，有機會再講）睇來睇去最後決定叫個二人餐加一碟素麵，唔夠再加。但都已好飽份量及味道都比我想像中好嘅～看圖同其他韓國餐廳一樣嚟咗好多款前菜～唯獨5點鐘方向果碟咸到嚇親我薯仔及蘿蔔絲都幾好食五花腩及牛都不錯，如果有生菜俾我夾住食再更好魷魚素麵唔錯，但唔食辣嘅朋友小心，都算辣㗎！燒烤嘅過程熱到底褲都差啲濕開大啲冷氣就好。 之後餐仲跟一個石頭鍋飯及海鮮湯，但原來我唔記得影相～味道就正常。總結，如果係兩個女仔叫2人餐應該可以帶定外賣盒

知道星期五晚上book枱食飯一定四圍都多人，一早book好星期五晚食下呢間嘢，下午打電話嚟叫我早半個鐘頭去到，齊人先至可以入座，否則7點嚟到等位，咁我使鬼book枱🤬我6:30pm放工趕唔切呀大佬，幾好食都唔會去😡 結果我四圍都已經book唔到枱🤬🤬🤬🤬🤬🤬🤬🤬🤬🤬♾️衰到冇人有，臨時臨急你叫我邊度搵啦不知所謂的服務😡😡😡😡😡😡😡😡😡😡😡😡😡😡😡😡😡😡😡😡

不得了👏🏻❤️呢間真係要推介！喺韓國最鍾意就係食燒鰻魚😙不過喺香港真係唔多韓國餐廳有，勁難搵，就算有都唔正宗😆韓國人妻好朋友帶咗我去食石牆道😍超級正人妻好友實在太大手筆了😂四個人叫咗超大份量嘅套餐，仲要另外再追加鰻魚，份量勁多👍🏻仲有個好足料嘅海鮮湯，仲有炸人蔘同其他嘅燒肉，不過主角當然就係燒鰻魚☺️勁勁勁正宗✌🏻鰻魚夠晒厚肉，而且好彈牙！大大條勁肥美😎店員仲會幫你燒埋，燒到勁香脆，又有肉汁超正！食法好正宗，會俾搵薑同大蔥，配埋個韓國獨特嘅鰻魚醬汁👏🏻第一次食完條炸人蔘，新鮮炸起，勁香脆！配上蜜糖汁，大大條😙口感好特別！而且一啲都唔苦，甘甘地甜甜地超好食👍🏻另外仲叫咗一啲燒五花肉，質素都非常之唔錯🙈伴菜有成十幾碟，款款都好食！燒鰻魚價錢都唔算太親民，嗌左幾支燒酒，人均消費大約千幾蚊🙈

第二次來了，上次醬油蝦剛樂售完，這次終於有了我們是早上11點多來的，是第一桌客人初次試食醬油蝦，味道不錯，不過選用蝦肉略嫌不夠爽口醬油蟹鮮甜多膏，調味完美前菜的泡菜及蘿蔔太酸，沒有蝦汁味菠菜夠軟腍韓國燒烤吃的是醬汁味道而非食材原味，正好這家對配搭以及醃製的醬汁非常重視，味道不錯👍🏻可樂夠凍、夠氣（一定要叫她給冰冰的可樂，否則會給不凍的，另加冰底）服務非常好👍🏻主動換碟及餐具、幫忙燒肉及拆蟹，還會幫忙弄生菜🥬包而且態度友善，還懂包括粵語、韓語、日語在內的多國語言最後附送美味的甜米釀식혜，結束這一餐人均600hkd左右

諗住開開心心食餐飯當客人水魚 逼你叫貴嘢一口氣將所有肉都燒曬食食下突然間又趕時間未食完就逼人埋單離開餐廳仲要拍手 好似阻住佢收工千祈唔好去服務態度好差一定唔會再去亦都唔會推介畀朋友

自從po咗個醬油蟹係story之後，好多朋友仔都pm我問係邊間，今日一次過推介俾大家啦~就正如張圖見到嘅一樣，呢度啲醬油蟹真係超！級！鮮！甜！將白飯放入蟹蓋同蟹膏一齊食，再加啲紫菜同埋白芝麻，好味道可以食10碗白飯，名符其實嘅「偷飯賊」！而且每隻蟹都好多羔，一啲都唔腥。另外，都好想讚下佢哋嘅前菜，一坐低通常都會按人頭上12款小菜，除咗啲大路野泡菜之外，仲會有好少見嘅獅蚶，好有誠意！最後食完飯之後亦都會送上韓國人地道嘅甜品 - 薏米水。大部份小菜都好好食，而且都偏大份，四個人叫三樣都夠了。不過就唔好叫韓燒喇，性價比唔高而且冇乜特別。食過幾次，比較推介以下呢幾樣:醬油蟹 ($770/3隻) + 白飯 ($10)生拌牛肉 ($180)炆牛肋骨 ($180)雖然呢間啲嘢食超班，但係佢哋啲服務質素係完全相反。。。啲阿豬媽都幾燥底，而且book左都係廢嘅，如果你想食7:30就建議你book 7點，因為7點去到都要等一陣，最好就weekday夜晚嚟食啦~美味指數：9/10性價比：7.5/10推薦指數：8/10

上次放工同老闆同事心情好，大家確定直落食餐晚飯，跟住老闆就話佢以前食過一間韓國菜🇰🇷，果然老闆就係老闆品味真係有翻咁上下🤤，間店嘅牛 油脂分布好平均，口感一流

係香港都較少餐廳係由正宗韓國人從事侍應,同埋老闆娘都係韓國人一腳踢,會即刻覺得加左分! 因為先夠正宗每次friend 約食韓燒都好擔心自完成身都係油煙味,但呢間韓燒餐廳嘅抽風系统唔错錯。餐廳嘅設計充滿韓式風味,再加上前菜款式多到令你不禁懷疑自己係咪置身係韓國。韓式海鮮葱餅除左好足料之外仲記得十分香脆 ,仲有黎石墙道一定要食牛肋骨，肉質十分juicy吾會好乾,每次黎都必點,十分推荐!仲有佢地嘅糯米魷魚筒就係必食之選,新鲜鲜味夠彈牙,價錢可能高少少,但我都覺得係物超所值

以前每年都飛幾次韓國，宜家就邊到都無得去,唯有留港消費，但好彩香港仲有好多有水準嘅韓國餐廳-------石牆道係其中－間佢地唔係新式炸雞K-Pop個種,而係保留傳統韓國情懷，同埋風味，算係難得早幾日就同班韓粉一齊去食過，一齊韓燒一番，石牆道佢地燒肉份量好多,無偷工减料,牛肉好有牛味，燒上黎香氣撲鼻另外，最有驚喜係韓式海鮮蔥餅,煎得好香，粉漿適中,加埋蜆蝦一齊煎特別香口,但要趁熱食,因為凍左會變硬,影響口感整體唔錯，水準以上，可能李闆娘本身係韓國人，所以特別有種地道韓式風㕲

噚日去左石牆道lunch,因為新公司係附近,所以因利成便又可以嘆番餐泡菜蔥餅，煎得幾好，夠香口，陣陣泡菜味，啱晒鍾意食泡菜嘅朋友部隊鍋份量多，啱晒我地幾個同事一齊食，因為裡面有好多料，有韓式公仔面、午餐肉、泡菜等，好似我地食開嘅一品煲，包羅萬有呢餐lunch都算幾豐富

呢間餐廳食過好多次，有幾次係星期五去。建議唔好星期五去，因為部分待應服務好差，真係攞錢買難受。今次慶祝朋友生日，食到差不多，我行出去找人幫手拎個蛋糕出黎。點知道另一個戴眼鏡待應竟然係我地面前大聲問，「係唔係仲有個蛋糕啊？姓咩架？係唔係留左個蛋糕啊？」，語氣好冇禮貌，真係破壞曬氣氛，成件事錯曬。呢位戴眼鏡待應，仲多次拍我朋友張椅子，叫佢讓開讓開比佢上菜，讓開冇問題，但態度唔洗咁差囉。連下單、安排位置及夠10點叫人走都係…. 態度好差。食物係好味，但服務需要改善，唔好倒自己米😅

總結不會再光顧，首先訂位冇提示要求人齊先入坐，到門口話要人數2/3先能入坐，仲要話今日星期五好多客人要預早拎位，一進入餐廳抽風系統極度差，一入到去坐下已經好大油煙味，基本上冇可能有咁嚴重情況，跟著安排坐位好迫好窄，張枱太細放唔到食物，不停要放又收，侍應代為燒烤原來係想我地盡快食完，未食完加上六十分鐘未夠就已經吹埋單，又冇講要限時，但不停將張單來回兩三次，食物質素一般，牛肉冇肉味，豬肉太熟，侍應服務態度還可以。