石屋咖啡冰室

營業中

休息中

The menu had a lot of choices. We were with a big group so we had ordered some items at the counter. Since it's self service we had to get our utensils inside and waited for the food. It was rather fast. Food was not bad but nothing special. The environment was good and worth a visit. The service is pretty lousy to bad. They give you the food but the empty plates are not their problem. Even if I was holding the plate the waiters absolutely do not feel obliged to take away the empty and finished

環境好舒服，後面街有錶位。假日都幾多人。野食同環境，比呢個價錢相當唔錯。班尼迪蛋整得幾好咪，早餐個炒蛋就好鬼老了，煎蛋咁款。蘋果批熱辣辣微酸的，拼雲尼拿雪糕好有驚喜。

一向都有經過這個"石屋家園", 但就從不知內裡有間冰室, 睇完OPEN RICE 食評後, 見到有ALL DAY BREAKFAST, 所以就來試一試, 位子也很舒服B6的早餐, 牛角包十分好味, 也有喜歡的歐陸腸至於午餐, 當日是黑椒汁配雞扒, 水準一般, 不過不失如果有天再想食下"全日早餐", 我也會來這間冰室, 會選中午前來到, 或許不會像星期日咁多人

水煮蛋+英式鬆餅 ，就真係得水煮蛋同英式鬆餅，加兩條菜！杯啡真心失望，麥當勞仲好飲過佢！個all day真係食左同無食無分別！乜食all day唔係食份量架咩？（膚淺我認）而且味道無特別之餘，茄汁焗豆仲要係冰凍！不過，黎呢度都係食個環境，食個文化氣息！話哂文物建築，食物質素？算吧啦！食環境滿分！

吃完午餐，去了九龍寨城公園。之後到了這裡吃個茶點和參觀一下。我們點了咖啡，蘋果茶和菠蘿油。咖啡味道濃郁，絶對比星X克好味XX倍。蘋果茶茶味少淡，不會過濃而苦澀，配合蘋果的清香，反而柔和配合，good。菠蘿油非常新鮮，表皮香脆，但又不會油膩。好味！這裡的裝修，不能破壞受保護的建築物，可以細細觀察。看看一些三、四十年前的物件，有著往事只能回味的情懷。這裡令我想起台北的華山1914創意文化園區。香港在歷史保育方面，真的非常落後。

兩年前還是陳舊的「藍恩記」石屋，經保育後已變成了小型博物古跡，還開了一家懷舊小冰室～進去之前翻一下menu，每次到來都總有新選擇！午飯菜單是最常更新的，也吸引到不少學生到來吃午飯。室內的環境擺設都充滿70年代的懷舊感覺，擺放了很多舊傢俬和家庭用品。人不算太多，環境十分寧靜愜意~而我最喜歡的就是他們的拉花咖啡，不過不是經常都提供拉花咖啡，可以在下單之前問清楚職員。所以每次問到有的時候，我都會要求在咖啡上畫圖案^^ (比普通咖啡貴$10左右)第一次就要了貓貓latte~唔係淨係得個樣，味道都唔錯架!如果覺得飯、意粉太heavy，可以要包或者沙津餐。吃完以為會好快餓，但其實份量剛剛好是夠飽的。第二次光顧的時候，跟同事一起要了兔兔latte！店員很細心的畫了不同風格的兔仔圖案~其實兩款我也好喜歡>3<這風格看上去比較特別，好有活力的兔子~這兔兔也太萌了 > <即使工作忙到一頭煙，午飯喝了這兔兔latte，下午就更有energy了。不過講到食物，我最推介的是這裡的意粉~每次都點不同的意粉，但都很好吃！而這個芝士焗吞拿魚意粉是我的最愛，不過不是經常出現在lunch

自石屋活化,改建成為懷舊冰室及文物探知中心,既有教學意義又多了一個優閒的空間,趁這個星期六,與GOGO一起去參觀。 石屋咖啡冰室。先到石屋咖啡冰室食午餐,外面設有露天茶座,感覺悠閒寫意。石屋家園為三級歷史建築,以花崗岩及混凝土建成,具有寮屋的建築特色,石屋共有 5個單位,31至35號。33號至35號是石屋咖啡冰室。室內共分了兩層,舊式冰室的設計,有不少懷舊的陳列品,充滿懷舊風味。往上層參觀一下。有卡位。傳送食物升降機。我們坐下層,即睇有咩食。拉花咖啡,正呀。要了all day breakfast及甜品,share食。 轉愛爾蘭忌廉鮮奶咖啡,跟餐轉+$10,好可愛的小貓拉花,咖啡味道香濃,不俗呀。青蘋果茶,跟餐轉加$5,GOGO的,看起來很清新。 all day breakbast,$68,有煙肉、歐陸雞肉腸、煙三文魚、焗豆、炒蛋及牛角包,份量豐富,味道正常水準。焦糖班戟配雪糕,$48,味道香甜,不俗呀。午餐後到周圍逛逛,31號"藍恩記",以前是藍恩記山墳墓碑工程公司,招牌仍保留至今。 32號為文物探知中心。九龍城及石屋的歷史。以前的廚房。兒時也是呢款上下床。小時侯的玩兒。想起以前的板

之前見過網上有推介過這間石屋咖啡冰室特別在這間石屋能夠由文化保育下來.由一群社企人士經營在相片都能夠感受到環境清幽.於假日可以放鬆一下所以決定今天到石屋感受一下煩囂中的清幽由樂富地鐵站走路到石屋大約要10至15分鐘星期日的下午2時半依然多人點餐的位置就很顯眼在門口. 不過. 似乎整個流程有待改善. 略嫌有點混亂..(下面再綜合)我們點了2個餐對..沒錯.只看這個價錢可以吃到egg benedict以為食店比較走平民路線賣相: 當食物來到時. 是有一絲失望的.跟我期望的有點出入.當然這個價錢我不會期望是外面要上百元吃到的那些. 不過硬是覺得有點簡單味道: 比賣相再失望一點點. 其實味道沒有特別. 其實吃egg benedict最重要的兩環就是蛋&汁. 沒錯那個蛋熟的程度是可以令蛋汁漏出來. 但我略嫌煮的時間尚欠一點.可以再熟多一點點. 蛋白還沒有太出. 蛋汁沒有很稠的感覺.另外egg benedict的sauce. 覺得沒有那個味道. 正常應該一點點檸檬酸味.不過都感覺不到..所以整體來說是沒有特別...很普通這個意粉味道都不錯. 很夠creamy. 而豬扒調味也很夠. 整體來說ok!

見到有雜誌介紹石屋家園入面嘅石屋咖啡冰室，價位唔貴，於是就同家人一齊去行吓食吓嘢。個環境好好呀，不過附近其實有墳場。入面係仿懷舊裝修，都幾特別。我同家人分別叫咗三份all day breakfast，再加三杯咖啡。分別係Regular Coffee、Hazelnut Latte同Caramel Latte，後面兩款跟餐要加十蚊。我飲Hazelnut Latte，榛子味唔係好出，同埋超超超超超甜，不過兔仔同貓仔拉花又真係幾得意。水煮蛋配三文魚及英式鬆餅、水煮蛋配煙肉及英式鬆餅，以四十幾五十蚊就食到eggs benedict，真係好抵。切開都幾流心，同埋冇腥味，可能有人覺得「吓呢個都係評語？」，不過我曾經晌其他地方食過個eggs benedict係有腥味，所以呢點對我嚟講都幾緊要。伴碟嘅雜菜沙律有車厘茄、青瓜、粟米粒、生菜等等，整體嚟講都幾健康。唯一要彈煙肉嗰份，啲煙肉煎得好乾同有啲硬。另外仲叫咗份deluxe breakfast，包括：煎蛋、煙肉、雞肉腸、煙三文魚、焗豆同多士。呢份唔係我食，所以講唔到咩味，不過就咁睇就好似冇eggs benedict咁開心，呢款仲要係咁多款all day

早前見到網上有關呢間石屋Café嘅報導，已經bookmark咗一段時間，襯住今日放假，一於去一趟懷舊之旅！石屋咖啡冰室坐落於九龍城區，真係估唔到市區竟然會有個咁hea嘅地方！呢間石屋已經有七十年歷史，被定為三級歷史建築。內裡嘅裝修留有當年嘅懷舊風味，保留咗原有花紋地磚，牆上掛滿咗當年嘅花花鐵碟，記得以前喺我太婆屋企都見過幾隻！呢間Café 由社企經營，不過食品質素就真係麻麻。All Day Breakfast有Classic 同Deluxe，小妹就選左後者，比起Classic多咗雞肉腸同煙三文魚，可以揀多士或牛角包！本身早餐配即磨咖啡、紅茶、橙汁或蘋果汁，加咗$10轉Cappuccino。炒蛋唔滑但好多油，腸冇煎香，煙三文魚又唔知點解咁多油。牛角包唔脆，煙肉好普通，茄汁豆就係平時食開罐頭嗰D。。。係個Cappuccino正常！總括嚟講，喺呢度係食環境同文化，而唔係食物質素。。。

早上１１：３０約朋友專程來食全日早餐，一來享受悠閒環境，二來食個抵食美味的egg benedict.結果真的沒有令我們失望。第一次來，看Google maps, 以為好偏僻，點知係旺中帶靜，超易揾。露天座位有太陽傘，座落在大花園中，啱晒hea下傾下計，花園中仲有個偽迷陣，加了幾分詩情畫意。一場來到先叫個大家都讚好的egg benedict with smoked salmon. 只是$55,質素卻猶勝很多5星級大酒店, egg benedict是暖暖的，流心狀，蛋香撲鼻，味蕾全被濃郁的蛋味所攻陷佔據，蛋味久久不散，盡滿足了口腹之慾。鬆餅微微烤過，有烤焗的焦香味，配上濃郁的蛋香丶煙三文魚的咸香丶火箭菜的鮮草味，簡直一流的享受。😋😋😋最怕那些蛋己半熟，預先整好雪到凍凍的，麵包又有倒汗水，變林了。這裡品質用料工夫都叫好了得。咖啡也有驚喜也是水準之作，除了見到多部專業咖啡機，咖啡師也專業用心，拉了個得意貓兒圖案，與餐牌內的機乎一樣，細緻討好，手拿著杯柄，已感到微溫，杯是預先座暖了，確保咖啡溫度，再飲一口，驚喜好飲，咖啡熱熱的，豆香撲鼻，非常易入口，奶的比例比一般少，卻叫咖啡味更特出，同時不嗆喉

中午石屋家園有木管五重奏音樂表演，我冒雨來欣賞，兼到訪這間蠻有懷舊特色的冰室，一來是為了支持社企，二來要找個地方歇歇腳，因為雨真的下得很大。看了看openrice 各位bs的食評，對這裡的食品沒有很高的期望。在三級歷史建築來個下午茶，只需要數十元，價錢親民，所以對這裡的食品更沒有不合理的奢求。我雖然時常嚷著要減肥，但餐牌上那個班戟加雪糕怎麼如此吸引。我不理會甚麼了，就點這個吧。在櫃臺點餐時，收銀的會問你坐在那張枱，因為食物會稍後送上給你。而飲品方面，樓上雅座會有店員端上飲品，坐地下座位的則要自行取飲品。點餐時我問雪糕的味道可有選擇，收銀的很冷傲的說沒有，好年青的店員啊！取咖啡的時候，那位小哥哥也帶點傲慢的叫客人來取。我在想他們這股傲氣是從那裡來的，真叫人費解。大概因為是普通咖啡吧，咖啡面看不出相傳的精緻拉花。咖啡的味道是可以的，是即磨咖啡的味道。食物來了，裝飾得精美，令人悅目。但沒料到全碟最好吃的是那球雲呢拿雪糕！班戟送上來時是有點暖的，吃上口，感覺很乾，不似是即點即煎的。再吃多幾口，覺得似是在超市買來的日本燒餅，然後再翻叮一樣，只是這個沒有豆沙餡。班戟的味道是可以的，畢竟我也會到超市

其實香港真係有唔少歷史遺留落黎既名勝古蹟，位於九龍城既石屋家園，於十九世紀末為何家村既所在地，建有屋宇兩排，附近有一村落名叫茘枝園，住有三數戶人數。一路都有睇開某介紹香港食玩網頁，前排見到介紹呢間cafe好似幾有特色，就襯星期六放假黎試下啦。石屋係一幢三級歷史建築物，冰室既裝潢亦都有70年代既感覺，實在係個影相既好地方，可以影下相放上網呃下like，呢到仲有間兩層石屋咖啡冰室，都幾有特色，環境寧靜舒適，仲可以揀坐室外或者室內添。今日試左個all day breakfast，有炒蛋太陽蛋二揀一，歐陸雞肉腸同焗豆，麵包方面可以揀牛角包或者多士，鍾意食牛角包既我就梗係揀牛角包啦。Cappaucinno 整得好香滑，一D都唔馬虎，炒蛋整得好滑，雞肉腸一D都唔油，至於焗豆係凍既，無左傳統英式早餐有熱焗豆既風味，如果可以整返熱俾客人就更加好啦。食完野之後仲可以順便周圍參觀下，睇下舊時既香港係點，真係幾有趣架。

假日有空來試試石屋家園的全日早餐，咖啡一流！最令我驚喜的是環境很寧靜舒適，坐在露天茶座看書嘆咖啡，奢侈下，真係好舒服。全日早餐食物唔算突出，全日早餐可以揀牛角包或者多士，記得要揀多士，堅好味，夠熱好鬆化！炒蛋有少少「鞋」；三文魚份量少，味道一般；煙肉煎得太乾。食物整體一般。石屋家園勝在有靚咖啡同靚環境，今次試左個愛爾蘭咖啡，較甜易入口，唔使落糖，好香好滑，岩曬飲咖啡入門既朋友！呢度有唔少人慕嘆咖啡之名而來架！石屋實在是個拍照的好地方，皆因石屋是一幢三級歷史建築物，聽說有60多年歷史，拍出來的照片份外有懷舊的味道。值得一到！

位於九龍城的石屋咖啡館，頗有特色，可以拍照呃like haha。近樂富鐵路站，尚算方便。咖啡館有兩層和戶外茶座(有太陽傘，不用怕曬)。星期六的下午，人算多，大部份是一家大小，所以稱不上幽靜。服務基本上是自助形式，要自己等枱，自己購票，自己拿餐具。這是我點了的all day breakfast:味道還好，煙肉不會太硬，建議先把蛋吃掉，要不然吃相會顯得有點狼狽哈哈。飲品是熱朱古力，這杯味道差了點。太甜，而且朱古力味不濃郁。(所以身為朱古力控的我，有點失望。)需要自己先行購票啊！有點像快餐店的形式。飲品要自己取，食物會有號碼牌，等侍應送到枱面。上層比較適合三五知己坐在一起，而且環境比較清靜。整體而言，這間可以一試，但對食物不要抱太大期望，就是比較普通。價錢平均$50-60，比起外面$100左右的all day breakfast 便宜得多，但質素相對也那麼高啦～