石屋咖啡冰室

營業中

休息中

呢間石屋咖啡冰室喺正九龍城市區，偏偏又非常清幽，雖然餐廳外面有一大塊空地喺度，今日假日嚟呢度又唔單止唔會見到好多姐姐喺度聚集，仲冇乜話有一家大細喺度，所以想享受一下悠閒清靜同埋飲杯咖啡嘅話，呢度都喺一個唔錯嘅選擇，今日喺度食左個$68午餐，有卡邦妮意粉，另外加$10轉左一杯熱嘅綠茶latte，食物味道普普通通，杯綠茶latte亦冇乜特別，只係貪佢環境自然舒適，比去其他裝修設計好靚嘅餐廳多左一份悠然。

星期日揾間近似大自然嘅城市餐廳，我會首選九龍城石屋，坐地鐵到樂富站行過嚟，或九龍城行過去都好方便，室內上下兩層，室外露天視野廣闊，任君選擇。天氣凍凍地，今次食左碟日式咖哩豬排飯，加多十蚊轉左個高熱量餐飲👉🏼Mocha ，豬排有一塊半咁多，煎到少少脆，肉質又唔會老，不過個咖哩汁就有進步空間，而杯Mocha只加十蚊簡直係物超所值，單係呢杯Mocha放向大酒店賣，分分鐘係我呢份餐嘅價錢，仲要未必咁好飲。

咖啡好吸引，味道好好！加試戶外環境，確係幾舒服，假日嘆下早餐非常之好🎉點左Cafe latte 不加糖都好好飲。Matcha Latte有少少偏甜，如更少甜就完美了👍🏻唯all day breakfast有一點太油了，牛角麵包內軟外脆，下次都會再黎既😊

為咗去買平價泰國梳打水，專誠嚟個半天遊，講到底都係九龍城多美食!首站去飲返杯回魂啡先，風和日麗嘅下午，石屋門外露天位置已經坐滿人，唯有到收銀位置攞個餐牌入室內搵位坐。選好食物就到收銀處落單，職員首先會俾個號碼座你拎埋位，然後到餐具區攞餐具，完成後就可以返埋位等職員送餐~因為老公出發前自私隊咗份早餐，兩個人剩係叫個意粉加兩杯咖啡!菠菜蘑菇意大利粉 微辣（$58） 平時鍾意忌廉煮，今次只係蘑菇同菠菜加辣椒絲炒，意粉硬度恰到好處，惹味又清新食到停唔到口，清晒!跟餐加（$10）可以升級飲鮮奶咖啡，冇乜驚喜，勝在有隻拉花貓仔幾得意老公叫咗中杯mocha（$35）朱古力有少許酒香，意想不到既滋味

想Hea個下午茶又唔想去九龍城入面食，想食特別啲就黎左呢個石屋餐廳，又可以睇古跡又可以食餐好。門口有個可愛婆婆義工派紙扇介紹人入去參觀呢過左lunch tea先黎無咁多人，可以慢慢嘆，開頭以為得一層無位原來bar後仲有位，但已經行左上樓上😂仲好～好懷舊既卡位同poster😻窗啲花紋玻璃好有質感野食買左佢地會送上，咁叫左個溫泉蛋煙三文魚鬆餅配沙律，同埋早餐😂茄汁豆、沙律，菇菇奄列牛角麵包。個早餐牛角麵包唔夠鬆同凍既，奄列菇就唔多🙄多都唔香，價錢唔貴係咁上下個蛋好震震～個蛋令個鬆餅唔乾好入口好多，賣相都幾好，沙律就普通。都係果句價錢唔貴係咁上下，呢個好過早餐啲，當然方環境贏左既

在民生書院附近,九龍城候王廟對面的石屋咖啡冰室感覺不算容易找,幾次渣車經過去九龍城買野都想望下,但呢條路車行得較快亦唔會有停車位~所以今日專程去食下午茶,附近有小巴,巴士站,樂富地鐵站大約步行8分鐘就到,其實好方便,渣車可泊對面屋苑或後面兩條街有咪錶位!而家秋高氣爽最岩坐露天~大約有十張檯,室內有兩層,先點餐付款,餐具,餐紙,調味料,冷熱水是自助形式~充滿懷舊既裝潢~懷舊花紋地磚,搪瓷花花碟,牆上亦掛滿當年的海報!自家製芝士蛋糕配紅茶$48芝士味香濃~但又唔會好滯,口感幼滑綿綿~最中意餅面厚厚既酸忌廉,酸酸甜甜食得超滋味~餅底略為壓實,不易鬆散也不硬實,很好!!食完記得周圍參觀呢個三級歷史建築物石屋家園～仲有免費導賞服務(要預先報名登記)

看到網上介紹隨即被這冰室的懷舊感吸引，決定要拜訪一下當個偽文青打打卡！因為是閒日的關係，人客不多，餐廳上下兩層均有空桌任君選擇，我本來想坐在室外位置享受陽光，可惜當天沒有開放。餐廳裡充滿懷舊的佈置，很在六七十年代的感覺，讓你彷似回到過去。樓上的座位相當寬敞，且環境整潔舒適又寧靜，坐多久都可以！這裡的All day breakfast set價錢便宜，份量足夠，質素不比出面賣過百的差！尤其牛角包十分好吃！不得不提，店員的服務佳，態度極好！看得出他們用心經營！餐廳旁有小型展覽館介紹石屋的由來及從前人們的生活等，值得一看！還有提供懷舊小玩意讓大家玩樂一番緬懷過去！這棟歷史悠久的建築得以活化實在難得，雖然地理位置不夠方便，但正好帶給這兒一片隔離繁囂僻靜、一個讓你喘息放空的天地。當天天氣好好配上這優美的環境，心情都變好了！

超高分餐廳，我打95分聽說這石屋已經有70年歷史了。裏面保留著舊香港的環境，年代的味道。食物真心的不錯！ Egg Benedict的麵包有先烤一下，吃起來脆脆的，蛋黃也煮得剛剛好！外面好多店都煮得不夠熟，蛋黃全流出來，變得太水了。這家餐廳煮得剛剛好照燒豬頸肉飯好吃😋 重點是這個Apple Crumble, 底下的醬汁用了caramel, apple crumble 要等半小時，因為要新鮮烤出來，再加個香草冰淇淋，一冷一熱的效果非常美味而且價錢唔貴，一個lunch $50左右包野飲！渣車的話附近街有好多錶位

下午三點半左右來到這間餐廳,點了午餐豬排飯跟熱咖啡這間餐廳半自助，先付款隨後有服務員送餐給你餐具自己取，杯咖啡幾好味應該係咖啡豆磨出嚟不是茶餐廳貨，豬扒飯我覺得 餸多過飯仲有芝麻醬沙律，餐廳裝修係用懷舊為主題，餐廳外面放了多張枱可以對住花園飲茶， 如果有興趣嘅朋友可以去一試 ，不過記住這裏營業時間係星期二至星期日晚上六點收工。

You don't expect to have brilliant food or coffee here. 😅(Not bad thought, the normal social enterprises kind of quality.) But the place is quiet enough and the outdoor area is just too lovely. 🤗With plenty of shades, it's comfortable even in the summer.

從前我在九龍城區工作，對於九龍城區的食肆，算是熟悉。只是事隔一年，再次行經九龍城，發覺有很多食肆關門，又換上新的食肆。故此，一年前還是｢九龍城友｣的我，也要上openrice網瀏覽一下九龍城的食肆。居然發現一處，我從來不知道的，叫做｢石屋餐廳｣的地方，真是驚喜發現！這是一處活化了的文物，裏面改成餐廳。趁著今天空間，便和Honey拍拖到來，既可以吃午餐，又可以遊覽一下古蹟。這石屋，還是我小時候回鄉下看到的模樣：木樓梯、木製的二樓上層、瓦片屋頂……真懷舊。至於食物方面，價錢相當相宜！午餐由$58至$68，即使我們改 cappuccino 和 latte，也只是加$10。意粉好香口，炒得很乾身，有咖哩的香味 。至於Benedict egg 非常出色！而且外面叫一份Benedict egg，至少要$100，這裏只是$68……又好味，又便宜！餐後，當然又是女人的毛病：第二個胃未滿足…｢甜品胃｣未滿足。所以，我們又叫了一份甜品｢焗蘋果批加雪糕｣。這個Apple Combo 剛剛焗起，外面是非常脆的脆餅，中間是軟稔稔、熱辣辣、有濃厚月桂香味的熟蘋果，又脆又稔又熱，配合中的雪糕，簡直是一流！這地方，除

市區中要在用餐時段享受到陽光, 除了在大廈樓上舖的小小平台上, 相信都較難找到, 又或者消費也不會便宜; 這九龍城邊緣的小店, 卻為大家提供奢侈的在陽光下享受用餐; 原本是寮屋區遺址下的小石屋, 經市區發展計劃變成文物採知中心與小小的咖啡座這裡食物選擇不算太多, 不過想像到來這裡用餐的人都志不在此,  反而志在對這小石屋的古蹟與歷史, 與及在咖啡座的優閒享受; 小石屋裡座位不少, 也有分樓上樓下, 可是外面陽光燦爛, 來到當然不能錯過, 室外的座位有太陽傘遮蔽, 旁邊是探知中心門前的一片空地, 而且與大馬路有一點的距離, 加上咖啡室旁的都是住宅大樓, 走到附近的不是居民便只有咖啡座的客人, 令這小小的雅座雖位處市區, 卻難得的可以享用到陽光與寧靜, 找個休閒的早上來到, 享受一下陽光底下的早午餐, 也不需要山長水遠走到西貢了

<REAL FUN FOODIES>70年歷史 - 石屋咖啡冰室心血來潮 我地無啦啦想搵間特別d既餐廳！！！咁就搵到間九龍城廉價冰室！！！真係睇佢外表唔覺得入面係有野食！！！呢度係似一間cafe咁既野因為我本身很喜歡吃All Day Breakfast所以黎呢度真係好岩我！而且呢度既價錢是算很便宜了一個Egg Benedict 只是$48一個Deluxe breakfast 是$58但係一分錢一分貨雖然沒有非常驚喜 但真的值得一試香港歷史性建築物沒有很多能迄立不倒真的非常厲害還有旁邊有個小型博物館可供免費參觀希望大家有機會黎呢度幫襯下！！影多d靚相XDDD只可惜外觀的照片沒了😢

剛好在附近有事做，時間又未到，便尋找一下有什麼餐廳可以試試⋯看到這家石屋咖啡室，名字有火特別，於是便在此吃東西～這家餐廳裝潢很懷舊呢，人不多，先點餐再找位置坐坐～途中有不少人拿著相機拍照～食了一個早餐，份量並不多，那個火腿奄列好味，不過那塊包就偏乾⋯難入口～這杯抹茶鮮奶要加$10，抹茶味夠，但甜了一點~食完就周圍行下影下相～打發時間～如果下次剛剛在附近，或許會再來，因為這裡很寧靜呢～不過相信週末假日應該會很多人，因為這兒有個展覽，關於以前的生活呢～

呢個石屋咖啡冰室, 原來係保育而改造成為冰室的, 有露天及室內, 露天唔怕曬因為有太陽遮, 天氣唔熱的話坐出面慢慢嘆杯咖啡都幾好嘅, 但因為我第一次來，見到裏面嘅裝修好懷舊, 一磚一瓦都好特別, 仲有好多舊式嘅海報poster , 而且仲有冷氣, 於是決定坐裏面。要咗一份全日早餐， 水煮蛋煙三文魚配英式鬆餅， 加多10蚊要咗杯latte。水煮蛋煙三文魚英式鬆餅配咗沙律, 不過個人就唔鍾意佢啲千島沙律醬, 因為我鍾意食黑醋橄欖油。煙三文魚好大塊, 水煮蛋都有流心, 但上枱就一啲都唔熱。其實成件事喺呢個咁舒服咁有特色嘅環境慢慢食早餐係好寫意嘅，所以個人覺得呢度係慢活嘅好地方，食物ok啦 ! 但主打係呢度嘅環境同氣氛。會latte可能因為復活節嘅關係, 拉花拉咗隻兔仔畀我, 咖啡都香且易入口。