真鮨 (已結業)

通常男友問今晚食乜最後都係會去左食日本菜今晚 又 食 日本菜嘗新食左哩間叫もしもし！「真鮨 」門口睇Menu 價錢都acceptable(如果門口冇Menu 一定會睇下食評先入去)唔係好大，但店內裝潢幾有FeelMenu 好有質感，期待野食都一樣咁好有最愛ge 燒貝貝可惜近排成日出Rash, 男友話下次再陪我食喺店員介紹下食左哩d:時令魚刺身：今期係秋刀魚秋刀魚食得多，都係第一次食刺身！入口肥美，魚味十足但腥味唔濃點埋on side 的自家制酸Yuzi 汁叫左d 壽司食哩到係逐件逐件叫，唔洗Fix 死一叫叫二件，可以試多d 款每件Sushi 都有大大舊刺身Cover 住油甘魚同墨魚最讚串燒都有一定質素茄子好Juicy, 用燒汁燒得好香連埋木魚絲食哩個係最驚喜！估唔估到入面係咩泥呢？係超甜嘅荔枝肉超甜軟熟果肉配Salty 同硬身d ge Bacon Amazinng餐廳好貼心，焦糖日本甜薯另外用一碟上焦糖燒得好脆好似冰糖葫蘆ge 冰糖咁最後仲叫左個店員推薦ge 清酒貴妃蚌有成隻手心咁大！超香清酒味，配塔鮮甜蚌肉一流呢哩到野食唔算貴之餘都幾比到surprise 我地可以番啅

星期六係尖沙咀行完街有d 肚餓，就係諾士佛臺附近搵左間食壽司既鋪頭，貪佢近近地食完就可以去happy hour!店內裝修色調柔和，主要係木色同埋雲石色，仲有好多種類日本既酒擺左出黎，不過我就唔係特別鐘意飲日本酒，所以無叫到。首先叫左個刺身拼盤，有劍魚腩，油甘，帆立貝，三文魚，甜蝦，同埋墨魚，全部都係賣飛佛，仲要新鮮又厚切，好滿足呀！跟住就叫左d 串燒，有蒲燒鰻魚串，燒麵醬茄子串，燒雞肝，同埋鹽燒雞翼，味道都正常唔錯。最後叫多個壽司拼盤，鱈場蟹腳同馬刀貝真係好鮮甜好好味呀！ 推介！menu 仲有好多其他選擇，呢間餐廳係尖沙咀呢個咁旺既地段黎講，佢既性價比算係唔錯呀！

同朋友係尖沙咀搵食，見到依間食日本菜嘅Moshi Moshi，望見放係門外嘅餐牌上嘅刺身同壽司唔錯咁，價錢又合理，於是就黎食個晚餐。餐廳提供唔少刺身嘅選擇，樣樣都想試，最後叫咗雜錦刺身拼盤($256)。拼盤有三文魚、帆立貝、墨魚片、甜蝦等等，賣相精美，刺身新鮮清甜，其中三文魚係厚切，魚香啖啖均勻，而帆立貝肥美多汁，墨魚片爽口鮮甜，真係睇得又食得。壽司方面，我地叫咗4款火灸壽司，包括蟹膏帆立貝($34)、鱈場蟹腳($38)、墨魚($20)、魚背邊($20)。火喉啱啱好，而飯的份量適中。蟹膏帆立貝最令人眼前一亮，上面嘅蟹膏味道非常濃郁，同帆立貝好夾。海膽和風軍艦2件($84)，滿滿嘅魚子、海膽、吞拿魚，多到就黎漏出黎>< 魚子爆汁，海膽新鮮，吞拿魚香滑，非常惹味。天婦羅拼盤($82)，有大蝦、蕃薯、茄子、青椒。天婦羅即叫即炸，仲係熱辣辣，炸粉唔多，有良心~

My Korean friend just got back from Korea, still overdosing from too much Korean pork belly BBQ so I thought bringing him to a Japanese sushi bar in Hong Kong would be a good idea. So we went to Moshi Moshi on Kimberly Road for a treat.Personal and well-decorated in contemporary style is exactly what you would see as soon as you step in the restaurant. The place was full on a Wednesday so it is best that you make a booking in advance (just imagine how full it would be during the weekend!) We ord

喺美麗華附近，原來有間日本野食，入去之後上幾級樓梯，晃如置身日本一樣。今晚由友人發辦揀野食，大家都唔太餓，就每樣叫少少試試。先由刺身食起，呢盤係秋刀魚刺身，未試過食刺身版本，預左會腥，入口果然好腥！但點左餐廳調製嘅醬之後，即刻完全唔腥，好神奇，個醬帶酸甜，同魚肉味非常夾！然後就有幾款唔同嘅刺身，一人一塊，三文魚腩超新鮮，非常好味！而帆立貝刺身好圓潤大粒，帶有青檸香氣，好正！油甘魚刺身同甜蝦刺身都好新鮮。食完刺身就食壽司。我地叫左蟹腳，蟹膏帆立貝，燒鰻魚，墨魚，左口魚同呑拿魚背壽司，全部都好得！天婦羅炸得唔乾，好香脆！汁燒魷魚筒，燒完都好柔軟，好惹味。最後試左幾串串燒，最鍾意燒雞皮，另外燒雞肝，燒雞腎同燒雞肉大葱都唔錯！

Moshi moshi (もしもし) 你好！想同大家分享呢間值回票價嘅日本菜。我同男朋友都好中意食日本菜，所以今日行完美麗華就即刻起附近搵左呢間日本料理餐廳醫肚！餐廳環境夠哂寬落，樓底高，光線充足，所以幾適合中意打卡嘅朋友仔。順帶一提，侍應服務態度好好，成日幫我地加水。1️⃣一開波一定係叫左刺身先！甜蝦、帆立貝、三文魚係我地的最愛，所有刺身都好新鮮，甜蝦同埋帆立貝除左鮮，仲甜！另外，厚切三文魚帶住魚油香一放入口就係滿滿的幸福感！其實食完個刺身，已經有四成飽，所以好抵食。2️⃣火炙壽司我地分別點左蟹膏帆立貝壽司、魚背邊壽司、墨魚壽司、燒鰻魚壽司。蟹膏嘅香濃配上帆立貝嘅鮮甜，絕！燒鰻魚個醬汁好甘甜，食完好想叫多件。3️⃣重頭戲來了！就係呢客海膽和風軍艦！睇圖就知道佢有幾多海膽鋪面，d魚子多到傾瀉哂出黎。海膽好似芒果咁甜，魚子香滑4️⃣老闆娘仲介紹左個時令秋刀魚比我地食。秋刀魚燒得皮脆肉嫩，配上少少檸檬汁食，好滋味。5️⃣芥末日式炸雞6️⃣事關岩岩個蟹膏帆立貝嘅蟹膏太正，我地最後叫多個蟹膏蟹肉玉子燒！畫上完美句號。

喜歡吃日本菜，這次找到金巴利道的日本餐廳。看見餐牌挺合心水，便進去試試。點了刺身、壽司及和食。隔離枱的食客是日本人，相信味道應該不錯。友人點了秋刀魚刺身，我是很怕腥的人，但這款刺身點了酸汁竟然一點也不腥，反而鮮味十足。不消一會就吃光光。我最愛這盤刺身，全都是我愛吃的，有三文魚腩、油甘魚、帆立貝及甜蝦。全部都很新鮮肥美，滿滿油份很滿足。火炙壽司雜錦亦令人驚喜，左起有吞拿魚、左口魚裙邊、蟹膏帆立貝、鱈場蟹腳、魷魚及鰻魚。每款火喉剛好，飯的份量亦不會過多，不錯！天婦羅的炸粉不會過厚，同時保留了食材的鮮味。最愛青椒，很爽口。串燒則點了燒雞皮、雞腎、雞肝及雞肉大蔥。略嫌醬汁有點咸，不過重口味友人卻很喜歡。另一推介是汁燒魷魚筒，很淋身，燒汁亦沒有過咸，很喜歡。

就咁睇個餐廳名都唔覺原來佢係sell日本菜既~另外餐廳位置係the one附近，都還算方便~先黎個刺身試下，質素同味道都係ok的，但想提下呢到既特點係切得好厚，我個人覺得食落更有口感，睇個人preference啦，另外油甘魚可以再肥小小就好~跟住就係sushi，點名讚下個蟹腳壽司，非常非常鮮甜，蟹肉亦都唔會好似爛泥咁林，值得一試，另外個帶子都超大隻，唔似其他餐廳一開二咁比你~😛3種串燒，燒得岩岩好，第一樣係雞肉大蔥串，平時我就唔食大蔥既，但佢搽上薄薄一層醬汁再燒燶小小食落都唔錯~另外有豚肉露筍，調味適當，不過不失~最後牛舌最好食，個邊燒脆左入邊仲係相當juicy同柔軟，而且好濃既牛舌香味~天婦羅，好抵食蝦既質素相當高，爽口+彈牙~日本蕃薯好甜但軟殼蟹一般

日本餐廳開到成行成市，行到攰攰地，壽司店、放題、火鍋、烤肉、磯燒、放題，種類五花八門，總有一間係左近，今日就係moshi moshi開餐，門面時尚內在又保持日式風味，店舖細細但又唔會太壓迫，輕食、放肆任點悉隨專便！原個蕃茄沙律結實多汁，有效清清腸胃，補充纖維，配上沙律醋比芝麻醬健康！火炙壽司以蟹膏帆立貝味道最突出，吞拿魚背有點過熟，墨魚爽口，左口魚群邊油香豐厚！章紅魚、赤身吞拿魚、油甘魚件件厚切，油脂少卻魚味十足，牡丹蝦香甜爽口，實屬必食之選！始終要有啲熱食先夠完滿，串燒當然係不二之選，內臟最能夠試到師傅既功架，太熟就會失去油份變得乾爭爭，雞肝軟糯、雞腎結實有彈性，豬肉露筍油脂包住露筍保持蔬菜水份，豬腩肉香脆唔油膩！餐廳整體水準平均，以諾士佛臺同美麗華餐廳相比價錢比較貼地，若然係附近行到攰想醫肚，都係一個唔錯選擇！

日式小店平日行過呢條街，都一直無為意有呢間日本菜。朋友突然話帶我嚟試下，就即管一試！二人好耐無見，搵左呢度一邊食，一邊傾計。環境適合兩至四個聚會見面。我地分左三次點餐，食物上枱時間快，慢慢點就可以慢慢食。第一轉，點左壽司。蟹羔蝦壽司，火炙帶子。材料都幾新鮮，飯嘅份量控制得宜。海膽吞拿魚蓉卷，佢得意在係自己張啲料卷埋一舊再放入口。食落口感好豐富！每一口都好滿足！第二轉，點左剌身。三文魚腩，油甘魚。切得好厚，好肥美赤貝也不錯。第三轉，熱食。明太子玉子燒，呢個配搭好夾！原本偏咸嘅明太子同玉子一齊食令咸度減淡。燒牛舌。舌厚，有肉汁保留住，不會燒到過乾。雞皮。好脆，脆得似薯片一樣。邊享受美食，邊同好友聊天，就過左一個晚上。希望下次嚟可能食到更多新菜式。

今日同新同事兩個人食飯，所以隨意喺公司附近搵咗間日本餐廳，一入到去先記得好似佢啱啱開張嘅時候，我同朋友食過一次，印象中都唔錯嘅。呢度餐廳細細，有一個開放式嘅廚房，牆上面有啲日式掛畫同埋木Menu，都幾睇得嘅　同事叫咗吉列豚肉蛋包飯，我本來都想點，但諗住大家試下唔同嘅野，上枱一望落都流口水，同事話豚肉再炸耐少少會更好，但蛋包飯做得相當唔錯而我就點咗月見和牛丼定食。佢配埋麵豉湯，螺肉小食同茶碗蒸我ge主角出場！喂，睇個樣掂！D牛肉明顯外熟肉嫩，食落一D都唔靭，＂畢＂落去配埋D蛋汁同甜甜哋嘅飯，我成碟清哂呀！本來有少少怨言，因為餐廳小小，客人唔太多，我同事個飯食咗一半，我的才到，等咗好耐，但咁好食，馬上覺得好食ge野等一陣都值呀！我諗係時候同自己講：輕鬆吓啦香港人！

經過了好幾次呢小店 睇佢個蛋包飯好似好好食就講定 下一次一定要食今次就試試佢今日同同事叫左兩個餐 一個蛋包飯 一個櫻花蝦魚生飯櫻花蝦魚生飯-包有蒸蛋、海蜇、味噌湯 （$128）都新鮮既吉列豚肉蛋包飯（$88）呢個係確實好味 做到日式咖喱味🙂蛋亦做到好滑身 吉列豬都唔會好肥 亦唔會炸列好厚身🤤呢一間Moshi Moshi 佢既蛋包飯係出色既我同事都話要再反食😻呢個價錢，如果俾現金係唔需要加一服務費既！所以俾現金抵d 唷

餓到頭昏腦脹盲中中咁中咗入去嘅。✩✩✩日本蠔，食得出新鮮嘅，嫩滑唔腥，但蠔味就真係欠奉喇，好在有佢啲自家嘅sauce增味。✩✩✩呑拿魚海膽飯普通過唔普通嘅一款飯，純粹有啖飯落肚，但個海膽都還可以，小甜✩✩✩✩牛舌串燒呢個驚喜好食，燒到剛剛好，有一串個心有小小生，加啲七味粉食一流呀🤤✩✩鵝肝多士個醬略淡略小，肝味中等級數，如單靠鵝肝襯塊多士真係唔可以，因為無味嘛。這間招呼好周到，時刻幫你斟茶，介紹菜式；收碟各樣都好到位。

經過見到呢間餐廳有好多款壽司、刺身，一於試下！餐廳坐位舒適寬敞，傾計唔錯，店員服務態度好👍🏻刺身: 油甘魚、章紅魚、劍魚腩油甘魚、章紅魚都係厚切，入口即溶，劍魚腩肉質結實。刺身水準高 亦好大塊！啖啖肉！壽司: 燒黑松露鵝肝壽司、火炙魚背邊壽司、吞拿魚背壽司、三文魚腩壽司鵝肝壽司不得了，燒得超甘香，亦好香黑松露味！三文魚腩好肥美，吞拿魚背都入口溶，壽司飯都高質！<海膽和風軍艦>三文魚籽多到好澎湃！海膽大大舊夠鮮甜，仲有肥美吞拿魚腩蓉，我表示滿足喇。<明太子玉子燒>推介！玉子燒好嫩滑，甜甜地，食得出係用高質雞蛋做，明太子份量多，好鮮甜，喺香港好少食到咁用心整的玉子燒，驚喜！<明太子釀雞翼>燒得好香，明太子多到滿瀉。

小妹今晚真係真係好嬲！於是隨心所欲入左一間日式小店，放肆一下！叫左一份刺身拼盤，有五款刺身，每款兩件，都幾厚切新鮮另外叫左4款炙燒壽司，分別係魷魚、蟹膏帆立貝、三文魚同黑松露左口魚魷魚賣相好靚，口感彈牙三文魚芝士，芝士味香蟹膏帆立貝，蟹膏味濃且香！黑松露左口魚， 黑松露好香，加埋左口魚魚油香，四件壽司之中最吸引！清酒煮蜆，蜆超大隻，啖啖肉！清酒味唔算濃，屬淺淺的另外叫左4款串燒淺嚐，雞肉、雞潤、雞軟骨同雞賢！串燒都燒得幾香，唔會燒到太乾身