真鮨 (已結業)

日本餐廳開到成行成市，行到攰攰地，壽司店、放題、火鍋、烤肉、磯燒、放題，種類五花八門，總有一間係左近，今日就係moshi moshi開餐，門面時尚內在又保持日式風味，店舖細細但又唔會太壓迫，輕食、放肆任點悉隨專便！原個蕃茄沙律結實多汁，有效清清腸胃，補充纖維，配上沙律醋比芝麻醬健康！火炙壽司以蟹膏帆立貝味道最突出，吞拿魚背有點過熟，墨魚爽口，左口魚群邊油香豐厚！章紅魚、赤身吞拿魚、油甘魚件件厚切，油脂少卻魚味十足，牡丹蝦香甜爽口，實屬必食之選！始終要有啲熱食先夠完滿，串燒當然係不二之選，內臟最能夠試到師傅既功架，太熟就會失去油份變得乾爭爭，雞肝軟糯、雞腎結實有彈性，豬肉露筍油脂包住露筍保持蔬菜水份，豬腩肉香脆唔油膩！餐廳整體水準平均，以諾士佛臺同美麗華餐廳相比價錢比較貼地，若然係附近行到攰想醫肚，都係一個唔錯選擇！