真鮨 (已結業)

星期六係尖沙咀行完街有d 肚餓，就係諾士佛臺附近搵左間食壽司既鋪頭，貪佢近近地食完就可以去happy hour!店內裝修色調柔和，主要係木色同埋雲石色，仲有好多種類日本既酒擺左出黎，不過我就唔係特別鐘意飲日本酒，所以無叫到。首先叫左個刺身拼盤，有劍魚腩，油甘，帆立貝，三文魚，甜蝦，同埋墨魚，全部都係賣飛佛，仲要新鮮又厚切，好滿足呀！跟住就叫左d 串燒，有蒲燒鰻魚串，燒麵醬茄子串，燒雞肝，同埋鹽燒雞翼，味道都正常唔錯。最後叫多個壽司拼盤，鱈場蟹腳同馬刀貝真係好鮮甜好好味呀！ 推介！menu 仲有好多其他選擇，呢間餐廳係尖沙咀呢個咁旺既地段黎講，佢既性價比算係唔錯呀！