真味鮮廚 (已結業)

一圍人最啱嘅就係飲茶，同事前一日就book定，一上到去就有得坐啦。款式算多，價錢中等。佢算新型嘅餐廳，佢嘅餸有啲都唔係咁傳統。蟹飯幾特別，每人都分到一至兩舊蟹，飯嘅量就少咗啲，可能一人有一啖，所以建議叫多碟飯或麵。叫到成枱點心，質素正常，大多數都好味。上菜速度就有啲慢，最好一坐底盡量就叫啦。因為早一日訂位關係，唔知滿幾多人就有一客甜品，我地食個日就有紅豆沙。因為係送，就無乜要求。如果要俾錢，可以唔駛叫啦。佢嘅豆煮得唔夠沙，甜味仲差小小，可以再煮耐啲。我地咁多人請一個人食唔駛100元一個人，其實都已經唔錯。

去得酒家, 大家都想坐得舒服D，慢慢食慢慢傾一班朋友相聚。我們晚上7:00 坐下，晚上8:30侍應便開始迫我們埋單，之後用惡劣態度叫我們走。整個過程，由電話book 枱Super glad to join 到入座，"沒有任何一位侍應" 告訴我們要幾點交枱。佢地態度好似是我們唔肯要。如果一早知這間是這樣，我們選擇放題，至少可以坐2-3小時，我們有大有細12人。這實在太過份😡😡😡😡食物也一般，沒有特別。

之前寫過將軍澳海港令人失望，諗住以後同海港無緣，但近排食過幾次唔同分店的海港蒸海鮮，卻非常新鮮味美，要幫佢平反。今次位於觀塘呢一間同屬海港集團的，座位及招待都比其他的分店優勝。基本上每台客都有叫蟹，有買趁手。食蟹最適合六個人嚟，3對蟹腳分得勻唔使爭，以前食係叫廚房蒸，但經朋友提醒，要自己响枱蒸先好味，的確自己蒸幾次都好味過由廚房攞出嚟好多。即使觀乎海港雲集極級態度惡劣的職員，為左食也愛上它😅！每次都幾個人食，主要叫海鮮同埋蔬菜，次次喪叫大概＄400一位，主角阿拉斯加長腳蟹，4斤都唔洗＄800，但係之前食3斤嘅，質素好似好過4斤重的。除咗海鮮之外，佢個牛都好有牛味全部海鮮都係活生生蒸，其實都幾殘忍，仲要望到佢地添。不過的確非常好味，非常鮮味。選好蟹後，好快成隻被肢解，自己蒸極鮮甜的蝦，呢度係兩份。當日只賣剩三隻較小型的賴尿蝦，隨口開價＄68一隻按指示，聖子需要蒸2分鐘，但係已經過火，浪費食材一個小小的貼士，如果蒸蜆，最好成碟一齊放入去蒸，以免有一隻兩隻臭嘅，影響成煲粥，蒸嘅時間需要加長。另外個蟹蓋，到最後成個放晒落粥到，食到好足料嘅蟹膏呢個粥就係精華，不過今日好多水‼️似湯多個粥，但係當然

呢間都吾止第一次食 因為男朋友父母超鐘意 所以我地又再一次黎幫襯 為免長輩們等當然早一星期打電話去訂位啦 分兩段1830/2030 我地一向都系1830 今次坐底淨系得剔剔紙 要問先俾set menu 由於鐘情阿拉斯加長腳蟹 咁我地都系嗌個6人餐6人餐包4斤蟹 但呢間野有d吾老實 上次同今次都系話冇晒 4斤 得3.5/6斤up 🤦🏻‍♀️要補差價 咁要set有用嗎？我食頭輪都已經冇蟹選擇？原因自行FF雖然吾老實 但佢既食物質素很好 所有野都夠新鮮 長腳蟹肉夠實好鮮甜 大量蟹膏好甘甜 怕濟既朋友可臨尾倒落粥底 簡直冇得輸我地extra 左南非鮑$48一隻吾鮮甜 冇鮑魚味 仲un到一個點

提提大家！如果食長腳蟹時要小心，記住記住「要求磅重」！佢地有張綠色表，列明不同號碼嘅蟹有不同重量！岩岩喺舖頭叫左隻長腳蟹（10號），咁拎左隻蟹出黎就好自然咁叫員工磅重，第一位職員話寫左咁多就咁多，唔秤！然後又請另一位職員幫手，咁佢又話：「我地大公司，唔會呃秤！」我地回應：「我知，只係如果重左嘅我地亦都會願意比返重咗嘅差額！」咁知道哩位職員唔願秤後，我地換另一位職員要求磅重，佢又講左一輪長腳蟹到酒樓後嘅處理步驟，總之推搪一輪，到最後都無人願意磅重！講講下女職員話自己要上七樓幫手，又搵另一個男職員接力，到最後女職員返黎突然話（10號）已經被預訂，比左另一隻見唔到牌號嘅蟹我地，哩隻蟹就好爽快，即時上磅比我地睇！個人覺得成件事好有可疑，至於背後原因係咩就唔評論啦！總之提提大家，叫長腳蟹時，記住要求「即時磅重」！P.S. 其後員工態度良好，亦很有禮貌，食物出現問題亦有即時跟進！

9點後有蒸氣火鍋宵夜套餐，五人份，600蚊左右，加18蚊就有份三文魚刺身，好扺食，又多野食，啲海鮮又算新鮮，食完蒸海鮮之後又有個粥底食下，唔洗驚唔夠食，本來都想寫食評贊下呢間野，但我食到11：30，有個侍應同我地講“我地收11半“,但我仲有個粥底未食，咁唔通我唔食？?跟住佢就熄晒啲燈同冷氣我未試過食野食到咁樣俾人趕走，蒸氣火鍋須時，間舖冇理由唔知啲客要食幾耐，既然啲伙記一定要準時收工，咁一開始9點9果時，你就唔好俾人入座啦咁嘅服務態度，以後唔會再去！冇影相

開左兩圍食$5680嘅長腳蟹套餐！味道都幾好！1.乳豬，味道適中！👍👍2.清蒸長腳蟹，好鮮甜👍👍👍👍👍3.西蘭花炒帶子同蝦，堅好味，連個蝦都入曬味👍👍👍👍👍好正！4.蒸網鮑，之前我都食過呢種鮑魚，係好爽口的！新鮮👍👍👍👍👍5.時蔬係上湯窩筍雪耳，感覺有d怪，但好入味，清新👍👍👍👍6.雞煲翅，有份量，湯唔會太咸👍👍👍👍7.燒雞，味道正常👍👍8.炒飯，我個人口味覺得幾好粒粒分明，有d人話好硬👍👍9.魚，其實都係海班，不過唔係東星咯，廣告寫左係東星，比訂果時職員有講明唔係紅色嘅東星！所以建議廣告寫番清楚係海班，米寫東星啦⋯⋯10.壽包都ok，我地食唔曬我都拎走番屋企食👍👍其他我已經忘記左！都係有下次的推薦！

之前試過幾間蒸氣鍋都覺得不錯，今次朋友介紹這間，新裝修環境不錯，食物都很新鮮，價錢亦算合理。服務方面男部長和男侍應招待還不錯，但大部分女侍應卻愛理不理，態度不大好，有待改善。所有海鮮和肉類的肉汁精華全部溶入粥裡，所以粥吃起來不用加任何調味料也很鮮味。

今晚公司開年飯係觀塘真味館book左房。8:00去到，大家打麻雀打牌玩到9:30先開始食首先，先來碗湯滋補下湯吾會好咸，用料豐富不錯！再來碟白灼海蝦，蝦肉新鮮，不是死蝦或蝦毛上為薑葱炒蟹，味道挺惹味，但蟹肉黏在蟹殼上，食既時候比較麻煩。設計特別的椒鹽鮑魚，以步步高升的意念來擺設鮑魚新鮮，以椒鹽方式炮製，外脆內軟而不韌魚蒸得有點老花菇只有2隻但豆苗加入大量蒜蓉去炒，蠔鼓份量都多，調味都吾會過咸，幾好燒鵝皮脆肉嫩最後甜品有燉桃膠用料豐富，滿滿的桃膠，熱辣辣食返碗超滿足

天氣稍凍，就好自然想食火鍋暖下身，係家附近不想去太遠，就去咗亞太中心間真味鮮廚搵食，有海南椰子鷄鍋湯底，就不諗其他啦！個湯底都真不錯，開爐時只放咗半隻走地雞滾下先，之後就飲啖湯䁔下身，都好清甜走地雞不太肥，又幾大隻，足料！但安格斯牛肉就麻麻地，可能手切會較好叫碟花膠筒滋潤下，淥好都不會點縮水，仲好嫩口，掂自家製水餃王好大隻，好飽滿，本身不太喜歡肉多少菜嘅水餃，正合我心意！少不了食我至愛午餐肉，厚切，掂！最欣賞可以揀4或8件嘅腐皮脆香酥，但不是太脆口當然少不了田園香蔬籃，有5至6款你食，都幾新鮮！店內除了可以食火鍋外，有蒸氣海鮮鍋，見到隔離枱隻蟹好大隻，都想食番隻！還有小菜可供選擇，算多元化食堂，一定搵到一款啱你食

今日星期日，男人一早起身話要去飲茶，我就唯有去搵下apm附近有咩好食，因平時經過見到好多姐姐派傳單，覺得都唔錯，味黎試下。到到星期日都要等位啦，加上兩個人要唔搭台更需要等，反正唔趕時間，等下吧等左20分鐘到終於有位了，坐低就叫野食。魚滑釀節瓜，等左超耐，啲瓜太林了，一碰即散，唯有食魚滑了炸墨魚丸，好普通。但勝在即炸，唔油，哥以接受。呢個好失望，只係普通湯圓加花生糖芝麻係面。好hea的出品仲叫左蛋散，因太遲上菜，忘了影相，但味道好差，唔夠糖膠之餘仲唔香脆，擺左好耐嘅出品一樣。另外仲叫左煎釀三寶嘅茄子，都好普通。所以冇影相了。總結，下次應該唔會再幫襯。

呢篇好長篇，因為食左好多野今日夜晚黎到觀塘，因為屋企人生日諗住食餐好，而又特別少少既一餐，於是選擇左位處於亞太中心，即係APM附近既大樓裏面，呢餐既重點在於佢每一道餸都係用蒸窩將食物蒸熟，唔落調味，等你可以食出食物本來既味道。雖說唔落調味，但都有豉油、蒜等調味比你，鍾意食麻醬既我，裝左好多黎點，任裝既！我地剛好六位，選擇左呢個六人餐，有三個大男人同三位女士，開頭以為唔夠食，但最後飽到捧住個肚。先過一過目餐牌先：餐牌上十一樣野食，有刺身同龍蝦，1200蚊，價錢都尚可吧！刺身有蝦、有帆立貝、八爪魚等，特別既係有海膽，味道唔算係超級新鮮個啲，正常普通刺身吧！濟州橙汁並唔係橙汁，味道係柚汁，本身我好抗拒陣柚澀味，但飲左一啖就覺得好鍾意，因為幾fresh，好飲既！好！開始主菜！每一道都係放係呢度，吸住蓋等佢蒸熟，餐牌上全部都有教你用幾分鐘去蒸，所以唔使擔心唔識整或唔夠熟波士頓龍蝦啖啖肉既龍蝦，味道都鮮既，唔錯！沙白蜆味道本身都濃既，唔需要點調味都夠咸安格斯肥牛有驚喜，睇唔出佢，我地已經遲左夾上碟同蒸耐左少少，但牛肉都係超滑唔韌中途我地怕唔夠食又想叫呢個蟹飯蟹蓋既膏唔似特別多，見佢饟左好多蒜係上面

大家千萬不要光顧，比錢受氣，淨係做團購客，我們訂了8:30位，9:30都未能入座，入到去D服務員好似欠佢好多錢咁，之後就迫你立即要選套，好似唔想浪費時間幫你寫單，跟著就冇人會再理會我們。

今晚我們去咗觀塘亞太中心嘅「真味鮮廚」食晚市火鍋！我們叫咗個海南椰子鷄鍋「走地鷄一隻」配安格斯肥牛，走地鷄嘅肉質好鮮味同鬆軟嫩滑，安格斯牛肉嘅肉質相當滑溜，而且入口即溶！游水海中蝦非常新鮮，上碟嗰陣仲跳吓跳吓，相當生猛，肉質好爽甜彈牙！沙白蜆同貴妃蚌嘅肉質相當爽滑彈牙，味道超鮮甜！原條沙巴龍躉係新鮮即叫即劏，肉質好結實彈牙！另外我們單點咗椒鹽瀨尿蝦，一上碟嗰陣見到他們用咗個竹籃盛載著上碟，賣相超精緻吸引，肉質非常鮮甜彈牙，炒過嘅香蒜粒令到味道更加惹味！

今晚我們去咗觀塘亞太中心嘅「真味鮮廚」食海鮮火鍋！今晚我們食全海鮮餐，我們叫咗個無水海鮮鍋嘅海鮮，有龍蝦、蟹、蝦、刀貝同沙白蜆，全部都非常新鮮，味道好鮮甜，特別係龍蝦，肉質超爽甜彈牙，份量相當足料，價錢唔算貴，真係好抵食！象拔蚌刺身亦都係超新鮮，非常爽口彈牙同鮮味十足！花竹蝦同瀨尿蝦嘅肉質極之爽脆彈牙，味道超鮮甜，而且都幾大隻！東風螺係媽咪最鍾意食㗎，因而家唔係有好多酒家可以有得食！蟶子嘅味道好清甜！估唔到呢個無水海鮮鍋呢個新食法都幾有創意同特色，完全唔駛加水落去蒸煮，但又唔係蒸氣石鍋咁，係另一種新食法！