真味鮮廚 (已結業)

搬左去附近住之後呢兩年成日喺觀塘飲茶，最初都同大部份人一樣去鱷魚恤嗰邊飲，貪方便又多選擇，有好幾間都食過，不過不失啦。之後有朋友介紹我黎呢間真味，我同阿媽食過一次就冇再去第二間食。其實佢都係喺apm隔離，不過要岀地面再行幾步過去，都算近。不過始終冇鱷魚恤嗰邊咁旺，次次去食都唔洗等位。佢個地方有好多大玻璃，光猛又好坐，又有龍井飲，非常唔錯。不過重點係，佢啲食物真係好有質素，佢同海港係同一集團，不過野食比海港更好。最推薦係滷水腳仔、櫻花蝦薄餅同個米網腸，幾乎每次都會叫。唯一食過難食嘅係蘿蔔糕，成舊粉，好難食。

又到下午茶時間，好想飲茶食點心，之前中午茶覺得呢間唔錯，我地估下午茶應該都有水準。我地兩個人都叫左幾多野，大家都好肚餓，我地叫左燒腩米線一碗，一籠鮮竹牛肉球，一碟蜜汁叉燒腸，仲有蟹籽燒賣皇、鮮蝦菜苗餃、豉汁煎釀茄子。最欣賞係有雙拼叫，可以一次過滿足晒兩個人既願望，雙拼叫左煎堆拼鹹水角、南瓜餅拼香芋圓同最後蘿蔔糕拼馬蹄糕，每樣大概15至20蚊碟，真係好抵食。當然啦下午茶抵食，唔好對食物質素期望太高，淨以價錢睇，都好滿足。

同衰佬喺APM睇完戲，心郁郁想打邊爐，碰運氣咁行咗APM旁邊亞太中心掃樓。去到6樓見到都幾多人喺度食喎，心諗實無伏啦，就入咗黎啦。其實個場都有十張吉枱架，去到接待處呀姐問我哋想火鍋定蒸鍋，口爽爽就答咗火鍋。問呀姐睇睇火鍋蒸鍋ＭＥＮＵ。。。睇完覺得蒸鍋正啲，未入位坐就同呀姐講想轉蒸鍋。接待處呀姐其實幾ＮＩＣＥ，即刻叫咪叫同事轉蒸鍋。有問題係一個樓面呀叔，馬上黑晒口面望過黎，以作回應我哋既舉棋不定。埋到枱，所有茶壺同碟，只要係呢個樓面呀叔派既，都會連帶巨響。啲食材到晒枱面，就無人理會我哋。我不嬲食開其他蒸鍋店，啲職員都會講解吓個爐點用同埋各款食材既需要蒸既時間。呢度係無既，我求其叫咗一個派菜既呀姐，問佢我哋係咪自己搞掂？派菜呀姐就叫火爆呀叔幫一幫我哋，點知火爆呀叔大鬧派菜呀姐：你唔見我做緊嘢架咩？我有時間就會去架啦，催咩呢？我得兩隻手呀大佬！之後我哋就同派菜呀姐四目交投。。我哋同佢講咗聲唔好意思（雖然唔係我哋鬧佢。。但係間接因為我哋佢先被鬧。。。）五分鐘後，火爆呀叔就走過黎講解。。。呢個呢個。。五分鐘。。呢個六分鐘。。。呢個最耐八分鐘。。明唔明？衰佬同我都比唔切反應佢。。佢又開拖。。。咁簡

現在觀塘已經變成了工廠與商業大厦的混合體，想同班同事去飲早茶，但是大部份酒樓都要早上11:00先開門，因此如果唔想去遠D，只是想在這個半工商區的地方要揾間酒樓飲早茶一點也不容易，幸好經朋友介紹位於觀塘道亞太中心6樓有間叫''真味鮮厨''早上8:00開門，於是就去帮親下。這間酒樓的服務一般，叫點心落單無人應，又没有人帮你加熱水，但是勝在容易揾位，而點心味道都是一般，所以都費事影相。價錢都唔貴，如果不想等位飲茶的話，可以一試無防。

🚩上菜沒有次序， 完全沒有吃蒸鍋的感覺，這店正常應該吃普通火鍋會比較適合。🚩截單叫人多叫啤酒，然後未飲完就叫人走。認真，我不是難為員工遲收工，但確實只剩一支，都不用十五分鐘便可。話我知收12點，我被叫走的時間是23:59。🚩海鮮也算新鮮，但不是特別好食。🚩 象拔蚌刺身也新鮮。🚩 蒸鍋粥底味道不好，完全沒有味道。👉 總結，再來也不會吃蒸鍋，只會吃他的普通火鍋。蒸鍋都是去正常的專門店比較好！！！！

相約了很久沒見的朋友晚餐小聚，大家都係海鮮控，不如一嘗原汁原味的蒸海鮮。選了這間隣近地鐵站位於觀塘亞太中心的真味鮮廚。點了4人套餐-波士頓龍蝦+刺身蒸鍋全包宴($880)。先來頭盤 三色刺身 每人每款各一件。接著便是蒸鍋時間，餐廳貼心的列明了每款食材的蒸煮時間還提供了電子時計，不用擔心過份蒸煮而破壞食材味道。先來鮮甜沙白蜆。蜆肉肥大鮮甜無沙。然後急不及待要食主角-波士頓龍蝦。龍蝦身多肉膏甜，龍蝦鉗肉厚鮮甜。再來其餘海鮮，水庫大魚頭、生猛海蝦，味道也不錯。海鮮過後便要來一些米飯肉食填飽肚子。包括﹕黑蒜豚肉丸、手打蝦丸、黑豚肉、菜心、臘味糯米飯、粗糧拼盤(南瓜、粟米、淮山、芋頭)。最後還有一大鍋粥底。份量十足。每人只需二百多元，十分抵食。只是這個餐的海鮮只有四款，想飽嘗更多海鮮就需要另外再落單了。

三人行, 點左4個孖寶孖寶價錢依家係$25.80, 之前黎食係$24.80, 加左$1早茶的孖寶有好多唔同的點心,粥同飯 (共20款)每次都會點燒賣, 蝦餃, 抵食!! (平時呢兩樣都要特點,最貴)不過今次黎食, 食物質素無以前咁好點心係微暖, 酥皮焗餐包都細件左.鳳爪拼金錢肚的份量愈來愈少..今次試左佢的銀杏鮮粥卷, 係粥底但無咩味, 無下次最中意都係食燒賣, 足料又美味!!早茶的孖寶點心,一兩個月都會轉下款式都差唔多食過哂早茶的點心了,常客

差不多点了十五个蒸品，海鲜，肉鱼样样有，预计的分钟刚刚好！全部保持鲜味！个个都话正！但价钱就有点贵！如果平多15%就十分理想。安格斯牛最正！值得推介！但准备拍照時已被吃光！因此没相睇！

我們選了6人長腳蟹海洋餐$1980，最後冇唒餐牌上的4.5斤蟹，最後補錢選了5斤，味道不錯，但可惜沙白太細隻，實在太細食不出味道，其他也一般，朋友話蒸魚有點腥，要點豉油就可以蓋過。今晚係我第二次來，跟上次比，今次質素較差。

食物新鮮 環境OK 不過我和女兒七點入席已即時點了自己蒸的龍蝦 扇貝 聖子 松露花枝丸 本地手切肥牛和可樂蒸到八點已經食曬自己熄埋爐 侍應問有無粥底 我話冇 侍應說要收碟啦 我話好 另一個侍應走過嚟講 你要埋埋張單啦有人等位 我份人一向都是隨和 一口就答應 但係她一句唔該都冇 我仲連水都未飲 越諗越嬲所以寫上嚟呻一呻 嬲爆

一出𨋢就見到地方好開揚，好幾張大圓枱，成班朋友黎食都坐得夠舒服。餐牌有散叫又有套餐我地揀左4人餐再加散叫重有混醬區俾大家自選醬料7人每人埋單$300左右，真係好抵食到肚都漲埋🤤

While looking for chinese cuisine with friends , this restaurant seemed like the nice place to go to. We all appreciated the variety of food & the great experience of steaming dishes. The sea food is especially tasty, clams, crabs & sashimi are fantastic. Will definitely come back again. Great time!

想同一大班人聚會咁就一定唔可以錯過茶樓！呢度同出面嘅茶樓一樣都有各式各樣嘅點心同埋炒粉麵，好好食之餘價錢仲要好抵！下午茶大班人每個人食到飽晒都係四十幾五十蚊就埋到單除咗食點心之外，呢度其中一樣唔可以錯過嘅嘢就係鳳爪排骨飯下午茶時間$8.8雖然細煲，但我哋10幾個人食每人一煲個個都食到好飽當中最愛流沙系列及煎炸野咸水角，春卷，基本上茶樓的炸嘢全部我都啱我地牛肉腸同蝦腸表皮晶型通透，正啊！但係呢度lunch time嘅時候好熱鬧如果要好多人一齊去食嘅話，一定要預早搵人霸定位先星期一估吾到四點多有八成客

慶祝中秋節嘅家人飯聚，今次食呢間真係讚口不絕，每一道菜真係做得好出色，賣相好好，味道好正，服務亦一流，大人細佬都食得好開心睇到個菜單都覺得好豐富「南瓜蓉蘑菇汁大元貝」，南瓜好甜可口，蘑菇汁惹味，配大元貝認真一流「凍食拉斯加長腳蟹」勁新鮮，超多肉，蟹蓋勁多蟹膏「自家臘味有米脆燒豬」炒飯炒得香口，乾身，bb燒豬脆卜卜，肉十分嫩「濃鮑汁千層竹煮花膠公」鮑汁味道不會太濃郁，花膠公一大片一大片，食得好爽「胡椒湯煮老虎頭」魚鮮味，很多肉，很滑，煮嘅時間啱啱好，胡椒湯很夠味「蒜蓉粉絲蒸北海道大元貝」「剁椒皮蛋手撒麻香口水雞」「上海烤夫炆煮南非6頭鮑」呢個我最欣賞，鮑魚很淋身，十分惹味，小朋友都會鍾意食，而且賣相亦很精緻，不得不讚要每一道菜式都各有特色其實很難，但呢度做得到

跟同事一大班食飯，食悶左普通酒樓，試試海鮮餐！哇好鮮味的蟹飯～大大隻蟹加上蔥花同飯,鮮味嘅海鮮汁深深咁滲哂入飯粒裡面~正呀!呢個唔係普通嘅菜心, 而係加上好多好多好多蝦仔嘅菜心, 有菜心同蝦的鮮味雙雙融合～好大粒蝦蛟呀！