真味鮮廚 (已結業)

8月28日早上去飲早茶, 點單後20分鐘都冇點心到! 於是追侍應甲, 20分鐘後仲未有野食(前後已半小時). 再追乙侍應, 乙侍應告知沒有單! 那她說叫部長來, 部長只拋下一句, 叫個客再落單! 作為部長, 這是什麼服務態度! 過來說聲不好意思也沒承擔! 侍應甲的服務又爛, 客人追單, 其實一直也沒追過!!! 最後同經理投訴, 當然也是“嘥氣” . 完全不專心聽投訴!!!! 不知所謂!

今晚我們去咗觀塘亞太中心嘅「真味鮮廚」食火鍋！我們叫咗火鍋孖寶：海南椰子鷄鍋「走地鷄一隻」配青藏牦牛！椰子鷄鍋嘅湯底味道好清甜，走地鷄嘅肉質好軟滑，鷄味亦好香濃！青藏牦牛好似平日食嘅新鮮滑牛肉咁，肉質比較厚身，但都幾鬆軟，肉味亦比較濃郁！膏蟹嘅肉質非常鮮甜嫩滑，軟膏亦相當軟滑芳香，而且擺放嘅賣相非常整齊吸引！原條沙巴龍躉係新鮮即叫即劏，所以肉質極之嫩滑彈牙，味道超級鮮甜！甜品：蜜梨紅元燉桃脂係用香甜雪梨紅棗圓肉燉製，味道超清甜滋潤，桃脂嘅質感好似啫喱咁，相當軟滑！店員嘅服務態度相當親切有禮！