真味鮮廚 (已結業)

一行六人去食蒸氣火鍋，早兩三日book定枱，7點去到就有枱唔使等，坐低後侍應會係咁叫我地order。如果食圍餐有兩個餐揀，龍蝦餐或長腳蟹餐，揀左龍蝦餐，食物質素不錯，醬料自助，坐有少少迫，但可接受，但唔好expect好有service，性價比高，可以encore!侍應係咁sell長腳蟹餐，不過席上有人唔食蟹，見其他枱叫呢個餐都份量十足，下次一定食呢個!龍蝦新鮮大沙巴彈牙鮮甜

同母親大人食午飯，佢老人家最喜愛飲茶！叫左個木桶雞米線，起初以為佢會成個木桶上，點知原來係加大版油雞米線。份量好夠，足足有半隻雞，好彩我地無叫其他野食，否則就食唔曬！加埋茶錢，兩個人都唔洗一舊水，正！

飲茶，來試呢間，亞太中心內的真味鮮廚。都食左幾多野，全部味道都幾好，而且價錢合理。馬拉糕- 係古法馬拉糕，發到成個蒸籠咁大。一開四後每件都仲好 come 食。唔太甜唔太漏黑金流沙包 - 一客三件，我冇份食，單看外表是一流的，同事亦説很流沙。油雞 - 例牌是半隻上，四人好夠食。但我覺得偏甜左少少魚湯菜苗 - 個樣 hea 左D，味道 ok 的。脆炸豆腐 - 熱辣，脆皮，軟心，豆腐夠滑。芝麻煎堆仔 - 香口野，N年冇食過，又幾好味喎。蝦腸 - 用左蝦仁，都大隻的。蒜蓉鮮魷 - 彈牙，不過數量不多。不過有野要投訴，碗碟好污糟，仲痴住D飯粒，換過第二隻亦係咁。雖則預左D客會自己洗吓先，但都不能咁過份吖！如果係屋村酒樓仔就情有可原，但作為商業區的食店，便不能接受了。希望可以改善吓啦！食物味道價錢環境都幾好，唯獨衞生真的扣曬分。

訂了8時半，7時之前到達不給輪喉票，8時後其他友人到達再問先給。問回支客，答不清楚，只說之前的支客已收工。熟人老奉有特快。現場直情睇到。埋到位已9時。什麼心情食慾都沒有。以後就算免費都不去

屋企人生日，想食原隻長腳蟹同其他海鮮，就試下蒸鍋點左龍蝦鮑魚餐，10人份量，2支大啤同2渣竹蔗水，全包，3000 有找，抵食。另再單點長腳蟹，188蚊斤，好化算。隻蟹可以自己出去個大魚缸揀，每隻都有編號同重量，最後捉左隻生猛6斤蟹公，用花雕蛋白蒸，要再加88蚊未食蒸鍋前，先黎刺身同半隻鵝。刺身一般般，鵝肉嫩滑，皮略有脆口，有支臘係碟下，帶微温。跟住上隻蟹，肉質爽甜，瞉唔硬，花雕味略少，蟹膏同蛋白滆合，美味龍蝦用本地，唔係Boston, 味道更濃，鮑魚都大隻，而且已去除內藏。其他配料如肉丸都好食埋單每位350，食到咁多海鮮，很不錯

本身訂左星期一（17/9），但怕打風所以就改左星期四（20/9）。訂左食小菜，比蒸氣枱我地，唔緊要，但連張枱布你都唔放，會唔會懶左少少呢？叫左5樣野，包括海蜇分蹄、枝竹魚肚浸勝瓜、櫻花蝦椰菜粉絲煲、燒腩例牌、龍躉2味。海蜇分蹄：正常既，好味既。枝竹魚肚浸勝瓜：魚肚勁少，枝竹同勝瓜份量正常櫻花蝦椰菜粉絲煲：圖文不符，但勝在惹味，好食！燒腩例牌：經理話賣哂，轉左叉燒。味道ok。龍躉2味：炒龍躉好鞋，西蘭花好硬，蒸龍躉好腥。最後我地叫左甜品，2個楊枝甘露，1個紅豆沙，1個芒果糯米糍，1個芋頭蕃薯糖水。除左楊枝甘露無黎，其他都齊哂。有位經理好趕咁走黎問我地d野到齊未？我地話差楊枝甘露未到，佢轉頭去睇，走埋黎話賣哂。跟住問我地仲有無野叫，我地都未答就拎左張單去埋。你乜料呀經理？趕客喎你家陣！明明星期一至四係無限時咖！你做乜趕我地走呀？出面有客要等又如何？你比唔枱人地係你既問題！比錢果陣我要求check單你又黑我面，你無野呀？我check單好正常呀，我點知你有無計多我錢呀？咁無禮貌！呢間真味永無下次！又唔係好食服務差到極點！

男朋友生日，海鮮係佢至愛本身諗住去one Pacific 食放題但冇book位🤦🏻‍♀️盲中中就上左呢間因為時間都仲早，七點幾都未洗等位嘅一坐低啲員工仲準備緊晚市咁，就唔多得閒彩我地喇海鮮都叫新鮮嘅但魚生就唔多推薦喇，食得出唔多新鮮同近位都比平時嘅差兩人食左五百幾蚊，稍貴

偶然飲一次茶都唔錯，可以回味一下。呢間係我地都幾鍾意之一，一大班同事就一定啱。即興食，打過好仍然係勁好禮貌。坐底第一時間就點嘢食，碗都唔駛住。大家係勁熱烈，想食就點，已經唔知點咗幾多🤣青瓜海蜇，勁開胃，正！唔會辣，剛剛好。蝦餃係一人一粒，皮薄餡靚，大大粒蝦，又爽口，我自己唔駛點任何醬都ok。虎皮尖椒，同事食到唔停口，話味道勁好味，上癮。（我麻麻地椒）我最愛之一，xo醬炒蘿蔔榚，勁香口，較辣但係完全接受到嘅，又夠蘿蔔，比例剛剛好。仲有其他嘅，甜薄罅要快食，夠芝麻，唔會太甜；牛肉球夠哂淋；流沙包係正，有流沙嘅，而且好濃；金磚豆腐皮唔算厚，豆腐夠滑嘅；其他都好味，完全無伏。我地12個人，除11份都係一個人66元，飽到放工，抵呀！仲有宵夜火鍋添，可以參考番。

大聖子食到滿口沙，雞可以韌到咬唔開吃唔到，冇食到浪費了，望吓其他抬都係咁，哟人冇吃剩下雞件。瑤柱粥一條瑤柱絲都冇，安格斯肥牛超韌。成晚只得鮑魚和紅棗糕最好吃。有禮貌同女侍應講嘢係冇反應架

是晚，在好友的推薦下，遂到了此間食市享用蒸汽鍋來慶祝好友的生辰。食物方面（蒸汽鍋）：鮑魚：SIZE不細，肉質有彈生，夠鮮味；扇貝：清香可口，蒜味尤香，不俗；蟶子：一點沙也沒有，也頗新鮮；蠔：沒有腥味，也算大隻，口感十足；其實仲食了不少海鮮，但奈何整體味道確很好，故本人只顧食而忘記把部份食物來影相。除蒸汽鍋外，我們還點選了燒鵝享用。燒鵝外皮夠脆，肉質香甜，好食！服務方面：侍應們態度有禮，亦能迅處理我們的要求，不錯。

諗住行去自助醬料吧到整調味 行行比個女侍應推開左都算 其實條路都唔係好窄 講聲唔該借借有邊個會唔讓 行到去醬料吧無哂碟比我我唯有問返個個女侍應啲碟可以去邊到拎 我同我朋友都好有禮貌問佢 而佢既態度好似係前世欠左佢咁 問下佢野係唔得 又要大大聲喝我地叫我地自己揾唉 食餐飯都要受氣 不過啲野係幾好食

You can get your stomach really full when eating in this one,  we ordered a set including King Crab, , Sashimi, and many other seafoods, meats, rice porridge, chinese cakes desserts, and even SweetTomatoes, loll, you will definitely feeling full after the dinnerThey didn't have bigger King Crab and so we ordered this little little one, haaaa, would be better if it grew older. But it tastes too, the crab meat is so juicy, fresh, sweet, and lovely. Though the crab butter is just so few, I like cra

由於今日我們差唔多3點幾4點先食午飯，但因夜晚有世界盃賽事，爹哋話要今晚提早食飯之後返屋企睇波，所以我們喺觀塘附近做完嘢之後，就去咗1亞太中心嘅「真味鮮廚」食晚飯！因唔係好餓，所以我們首先叫咗隻阿拉斯加長腳蟹嚟食，店員好有禮咁問我們想要蛋白花雕蒸或日式凍食？而我們就揀咗蛋白花雕蒸，因係新鮮即叫即劏，所以肉質超結實彈牙，味道極之鮮甜，而且有淡淡嘅花雕香味！我們每人另外叫咗碗白粥，將啲芳香軟滑嘅蛋白放入白粥入面一齊食，味道竟然係非常夾，令人有種回味無窮嘅感覺，真係好正呀！之後我們另外叫咗加拿大象拔蚌刺身，肉質超鮮甜爽脆，鮮味嘅程度係完全唔需要配醬油一齊食，真係超正呀！

父親節豪一豪去食蒸鍋，食物都新鮮，我諗D食物無乜調味，所以有鮮味果D就OK，有D就無味咁囉! 龍蝦、龍躉、雞都OK，魚有魚味雞有雞味，但蜆、蟶子係無味架!呢餐都埋單都3000幾，但完全無服務可言，個阿姐一堆食物放低就行開，連爐都無開，成群人係度等以為只係個爐未熱，千辛萬苦叫到另一個阿姐先知未開爐。D阿哥阿姐經常都唔理人，講多2聲都好似煩親佢咁。以呢個價錢，好食過佢、服務好過佢大有人在，下次唔會再幫襯lu~

食物質素好，蒸鍋頗特別，海鮮非常新鮮美味，有不同種類的套餐，而且價格合理，地方大，真的不錯。可惜這裡養了一班非常散漫，態度差及毫無服務可言的阿姐阿哥server。帶位的唔帶位，只是抽象地跟你講中間一行第三張枱(即是要你估是由左邊開始數定是右面數，由前面開始或是後面呢)。印象中除了廚房送餐員將食物放到你枱面後，這班阿哥阿姐基本是0服務，叫他們攞隻杯都唔多理你，好似你正侵略他們的空間一樣。他們在這餐館工作一定很開心自在，因真的無野做，又或者是有嘢做但唔做。今時今日這種服務態度，真的連在大陸都搵唔到。