相馬日式火鍋 (已結業)

相馬火鍋店越開越多間，之前食大閘蟹🦀出晒名，今次當然要來試吓佢呢個黑豚肉🐖放題啦，最好嘅地方就係一人一鍋嘅湯底🍲，疫情打邊爐都唔怕啦，衛生又乾淨。為咗配合呢個日本鹿兒島黑豚肉，我揀咗豬骨嘅湯底，豚肉配合左呢個湯，感覺上味道更加升華左😍，意想唔到嘅係佢嘅肉質好鮮嫩☺️☺️。唔使落配料已經好好味，加左反而遮蓋左啲肉味。同埋二百幾蚊竟然會有埋海鮮🦞嘅拼盤，而且款式仲唔少。海鮮拼盤有日本帶子好鮮嫩😋，廣島蠔🦪夠大隻，除此之外仲有蟹棒，青口，虎蝦，蜆同埋螺，種類非常豐富，而且最緊要係夠新鮮，食返兩盤真係回晒本💯。

西環向來比人感覺都係好多café同西餐，估唔到而家連日式火鍋放題都有。😆見到呢間開左一段時間既相馬就諗住試吓，🥳晚市120分鐘火鍋放題任食好開心。🥰首先喺鍋底方面我哋可以一人一鍋唔使爭！所以點左2 個湯底，泡菜湯底同埋豬骨湯底😆我想講佢嘅泡菜湯底做得非常之唔錯，湯底非常濃郁好似去咗韓國🇰🇷一轉咁呀。豬骨湯底🐖味道好濃郁，有少少似出前一丁豬骨湯嘅濃郁版。佢嘅牛肉油脂💧係比較少啲，所以牛嘅肉味係非常香，但係食落亦都係好嫩口。😋😋除此之外仲有海鮮🦞拼盤，放入打邊爐食好鮮味。外面自助區仲其他配菜，菜嘅款式都有接近十種，好多唔同選擇。😵‍💫😵‍💫

西營盤既相馬日式火鍋🥘，雖然顧名思意係主打日式火鍋。但黎到先知，呢度除了火鍋之外，仲有好多野食。而且價錢唔貴，CP值超高。 呢度既名物之一係雞翼，佢地有好多味道選擇。我仲自己整咗個辣汁黎點雞翼食添。🤭😋 無辣不歡既我，叫咗中華辣湯湯底。湯底好夠辣 (仲好多辣椒🌶️🌶️🌶️添)，超惹味。用黎滾肉類同埋丸，全部都俾辣油包圍住，超正。 呢度既肉類全部都好高質，而且海鮮都係任食。真係心好抵食。 除此之外，餐廳仲任食串燒、炸物同埋雞翼。 絕對可以滿足到我地呢d黑洞。我地2個人除了牛肉豚肉之外，仲不停叫串燒同埋炸物。 炸蝦多士、芝士春卷係我既首選。

 相馬日式火鍋店，今日一心諗住黎食火鍋🥘，但係個放題勁正，包埋任食串燒🍡、炸物🍤同埋雞翼。 餐廳放咗一大幅日本🇯🇵色彩既畫，好有日本feel哦 我地點咗中華辣湯，湯底好夠辣🌶️。而且夠辣可以突出食物既味道，唔錯😋。 我地加咗30元升級日本鹿兒島黑豚肉🐷。認真講，我鐘意呢個豚肉多過牛肉。呢個豚肉好夠彈牙，而且肉味好香。 雞翼有好多款選擇，有蒜蓉牛油雞翼、芝士雞翼、蜜糖雞翼、黑椒雞翼、土匪雞雞、水牛城雞翼、麻辣雞翼。款款都好好食，黎打邊爐變咗食雞翼。咁多款我最鐘意麻辣雞翼，辣味好香，又唔會太咸。🤭🤭

網上見相馬日式火鍋既評論都唔錯，今日就過黎食吓啦。餐廳環境好舒服。呢度最好既，係一人一鍋，大家都可以叫自己鐘意既湯底唔使爭😆。而湯底選擇亦都好多，今次我選咗豬骨湯底，味道適中，唔會好濃。 除咗火鍋之外，佢地仲有串燒任叫任食。串燒質素唔錯，金菇牛肉卷 海解拼盤入面有好多款式既海鮮，其中大頭蝦🦐好高質，爽滑彈牙。 🐮牛肉係美國特選牛肩胛，牛味濃郁又唔會太肥，而且餐廳切得唔會紙咁薄，有返啲厚度食起上黎都好好口感。我地食咗好多碟～😆

今日來到西營盤的相馬日式火鍋晚飯。餐廳環境佈置非常之日式，好似置身日本🇯🇵咁。呢度主打火鍋♨️串燒放題，而且價錢亦都抵食。 美國特選牛肩胛，油花分佈好平均，肉味香濃。而且亦都唔會像坊間，未溶哂雪就上枱。 我地加錢升級了日本鹿兒島黑豚肉，豚肉肉質好靚，好彈牙。 海鮮拼盤好多種類，有帶子、帆立貝、大頭蝦、廣島蠔及蜆。全部都好新鮮，大頭蝦極度推介，超甜超多膏。 最特別係泡菜湯底，外面少見。泡菜湯帶有香辣味道，又唔會太辣，用來配肉類和海鮮剛剛好。總結一下，呢度既肉類同海鮮都好正，而且一個價錢仲可以食埋串燒同埋炸物，簡直抵到爛。

今日同朋友黎咗西營盤既相馬日式火鍋食放題。咪以為呢度主要食火鍋，其實呢度仲有放題既串燒同埋炸物，款式多元化之餘，性價比亦都好高。❤️ 我哋叫咗燒大頭蝦🦐、免治雞肉棒🐔、豚肉串🐷。佢哋個大頭蝦🦐好新鮮，肉質彈牙，而且好多膏。 仲有燒菠蘿，作為甜品一流🍍 火鍋湯底亦都有好多選擇：清湯、蕃茄、甜豉油、中華辣湯、豚骨同泡菜。仲可以加錢升級其他湯底。 我叫咗中華辣湯同埋清湯底。 中華辣湯香辣好開胃，清湯底湯頭好甜，配肉類亦好一流。

呢間相馬日式火鍋真係要推介俾大家。性價比超高👍🏻，食物種類多😋, 仲好高質。除咗火鍋之外，佢地仲有串燒炸物呢啲放題先有的食物任點。 而且呢度火鍋一人一鍋，疫情下確保衛生。👍🏻👍🏻 呢度只有一款牛肉 (美國特選牛肩胛)、一款豚肉 (日本鹿兒島黑豚肉) 同埋雞腿肉可揀。三款肉都好高質，牛肉同豚肉均油花分明，肉味香濃。 除咗豬牛雞之外，當然仲唔少得日式火鍋其他配料啦：丸類、餃子、菇菜類、粉麵類一應俱全。 除咗以上既食物之外，呢度最特別之處係，除了日式火鍋，仲有放題既野食可以叫：串燒、炸物、雞翼等等。而串燒係好好食，可以媲美串燒店呢～🍢😋 當然最後仲有飲品同雪糕任食啦，呢度有白色罐裝可樂呀，外邊小見。

出面好多放題都是主打食幾靚幾靚既牛肉。而相馬日式火鍋，仲主打任食海鮮🐚🦐🦑🦀 佢地既海鮮拼盤係任叫的，一上枱大大盤好多海鮮。 帆立貝大粒多肉、大頭蝦新鮮香甜，蝦頭仲多蝦膏、仲有廣島蠔同埋其他海鮮。凈係食海鮮都已經回本。😋😋 除了牛肉、豚肉同海鮮之外，佢地都仲有好多日式火鍋配料放於自助區任夾。再加上佢地仲有串燒炸物任食，串燒同炸物都係即叫即造，新鮮好食。相馬日式火鍋放題，滿足到火鍋之外，仲滿足埋放題，正！！👍🏻👍🏻

火鍋放題好多時候都係睇人數然後給你一至兩個大鍋，好少是一人一鍋的。 但相馬日式火鍋，放題之餘，仲可以係一人一鍋 。一大班朋友一齊食都可以自己選擇自己鐘意既湯底。 而且疫情後，咁樣好似加倍衛生。真心讚 👍🏻 呢度除咗牛🐮之外，佢地既日本鹿兒島黑豚肉🐷都好出色，豬香味好濃。而且海鮮🦐🦑🐟🐚都是任食，抵讚👍🏻 泡菜湯底用了泡菜同埋少少辣白菜煮成，唔算好辣，但有好香既泡菜味道。😋 豚骨湯底好香濃的豬骨味道，但我反而覺得太濃搶咗肉既味道～ 呢度仲有一個賣點，就係任食串燒拼盤🍢。而且佢地既串燒唔差，以放題黎計，好出色呀。 食物質素好、又抵食，極度推介

我同男朋友最鐘意食日式火鍋放題，今日嚟到西營盤相馬日式火鍋試吓先～ 呢度晚市120分鐘放題，除咗無限量供應肉之外，仲有任食海鮮同埋串燒炸物放題。當然仲有飲品同雪糕啦～ 醬料區有大量唔同既醬料同配料，我最愛麻醬，夾牛肉一起食好香口。另外自助區仲有其他火鍋配料任夾。👍🏻👍🏻 海鮮拼盤好豐富，有日本帶子、廣島蠔、蟹肉棒、青口、虎蝦、蜆同螺等。好多款式。而且全部都新鮮。😋😋 呢度最特別既係，可以任食串燒拼盤。我地叫咗大頭蝦、金菇肥牛卷、豚肉串等，好滿足🤭🤭 蕃茄湯底亦都好正，濃濃的蕃茄湯同牛肉好夾，蕃茄湯應該用茄膏一齊察，好香甜。😆😆 我地兩個食到好飽好滿足呀～🤰🏻

一直都無為意西營盤新開既呢間火鍋店，今次過左peak lunch hour時段黎食，發現係一個幾好坐同朋友靜靜地吹水好地方！ 野食種類選擇多，出面有一大個area係自助揀自己喜歡既蔬菜同野飲。而lunch set 我地揀左60分鐘美國特選牛肩胛 set ，店員會好貼心一早呈上幾盤肉因為係有分選擇60分鐘定90分鐘set。咁就唔使驚要再叫又要等曬晒d時間啦！🌟午餐人均$120有找，火鍋黎講好抵食。😋分數：（10分滿分）味道：7.5價錢：7.5環境服務：7.5（以上評分只是小編個人口味而已）

細個最鐘意飲蕃茄湯，但係估唔到番茄湯都可以用黎打邊爐😳 加上仲有蕃茄粒，酸酸地既湯底都好醒胃。美國特選級牛肩胛牛肉邊緣有條爽口嘅筋😋朋友仔鐘意食有嚼口嘅牛肉🥩於是我地瘋狂order左好多🤣有嚼口得黎又有豐富嘅牛肉味！ 日本鹿兒島黑豚肉掛住同朋友傾計淥耐左豬肉，竟然都無影響肉質，讚💯海鮮必點提升湯底鮮味😋推薦蜆大大隻又冇沙😋一啖一隻勁惹味！自助配料區自助配料區有多款新鮮蔬菜同丸類，有菜心、唐生菜同油麥菜，仲有菇類，超多選擇。串燒拼盤全部串燒都係即叫即燒，叫多幾串大頭蝦實回本呀，火侯控制得剛剛好，金菇肥牛卷都好好食，牛肉唔會燒到好韌，好好食😋

🍴終於捱過第五波疫情，可以出去堂食啦，今晚同朋友去西營盤既相馬食火鍋放題，每位$258，無隱藏收費，肉類、海鮮、熟食仼飲仼食，假日只需加$20💰🍹蔬菜、飲品、醬料同甜品要去到餐廳既自助配料區自取，配料都幾新鮮。🍅今次揀咗蕃茄湯同清湯，番茄湯味道少少酸，夠哂開胃，強烈建議大家一開始去配料區一份蕃茄同粟米放落去，個湯會濃郁好多。🥩牛肉用既係美國特選級牛肩胛，叫咗幾次都keep到同樣質素，肉質比較林，好食啲。黑豚肉片配番茄湯又幾夾喎，提升到豬肉既鮮嫩🦪廣島蠔我每次必食嘅，蠔肉size都幾大，夠肥美🐚東風螺肉質都幾彈牙，大蜆有蜆嘅鮮味，唔會有沙。💁🏻‍♀️總括而言，服務幾好，坐得都舒服，食物質素唔錯，會回訪的放題店。

We went to Soma Shabu Shabu in the morning, when it wasn’t packed. The beef was superb and the tendons and fat of the meat shone through. The vegetable buffet was packed with diverse and hygienic choices, such as lettuce, enoki mushrooms, ramen, udon, and more. It was definitely worth the price, and I recommend it for anyone having small group and informal meetings!