相馬日式火鍋 荔枝角 (已結業)

人均$489！主打的大閘蟹應該係比較低級的細型公蟹；我食到的全部都係蟹公！是我食過中較低檔次的大閘蟹！火鍋食材都看似較低檔次的貨色！標題的琵琶蝦及海鮮口感不夠新鮮！其他食材都類似百零蚊火鍋放題貨色！個人覺得冇一樣火鍋配料合我胃口的！點心更加係一塌糊塗！落單要成粒鐘後才到！蝦餃、燒賣食落是非常一般的口感！串燒燒烤落單後都要半粒鐘才有！口感味道都是一般！再講地方淺窄！安排的座位是非常狹窄的卡位！通風系統欠佳！地板有的位置是黐脚！有的位置是跣腳的！走路要小心！漏單情況嚴重！叫的東西食到最後都未到！總括嚟講不敢恭維！呢個價錢要食大閘蟹放题；選擇多的是啊！！！

前幾日生日，終於黎左呢間一直bookmark左既相馬日式火鍋度食！呢間火鍋真係好多野食🤭真係勁豐富，下次都會再黎😆呢度除左肉之外，海鮮、大閘蟹、小食、點心都係任食😆作為食貨既我當然全部都唔可以放過，我先試左點心，我試左牛肉球、蒸包、燒賣，全部都熱辣辣，唔會放到凍哂👍邊爐方面，我叫左蕃茄湯，湯底有濃郁既番茄味，配海鮮、肉都好夾，又唔會搶味，不得不讚既係呢度既肉真係好好食，我叫左好多碟美國特選牛肩胛，肉質好嫩滑，冇乜肥膏👍牛肉味濃，冇冰鮮味🤭真係淨係食肉都好滿足👍總括黎講，呢間野真係勁多野食，食貨真係唔可以錯過，服務態度亦好好，店員都好有禮貌，值得一試❤️

首先一入去餐廳已經好臭，好似一陣死蟹味，大閘蟹食極都係公，冇咩膏，仲要間中有一兩隻係臭嘅，D蟹開始就好奈先黎，要等差不多20-30分鐘，途中吹單D同事好似好唔奈煩咁，其他海鮮唔新鮮，D蝦肉「霉」，其他熟食野食唔多選擇，嚴重漏單，D肥牛完全沒有牛味，都唔知吃左咩？最後甜品雪糕已經空空如也，也沒有員工補給，剩返D雪條，食物唔新鮮餐廳環境惡劣人均消費$480位一D都唔值，我從來沒有試過食打邊爐放題係唔飽，仲要有大閘蟹任食都唔飽，真係一D都唔值，絕對冇下次

星期五放工當然要去食返餐好！今次我就同班姊妹黎左呢間荔枝角既相馬日式火鍋度打邊爐！我地成班姊妹都食得好滿足！呢間火鍋最特別既係有海鮮任食放題！最愛海鮮既我當然唔可以放過🤤呢度海鮮有好多唔同既選擇，有蝦、帶子、蠔等等，全部黎到都好新鮮，全部大大粒，唔會縮水，對得住呢個價錢👍配埋豚骨湯底都好夾，湯底吸哂海鮮既精華，再放其他配料，勁清甜，好正🤭仲有呢度既重頭戲，就係任食大閘蟹啦！大閘蟹隻隻大大舊，多膏好食！我地都叫左唔少😆$500一位內有咁多野食真係好抵，下次都要同班姊妹再黎過！

又到咗食大閘蟹嘅季節啦，就同朋友嚟試吓 相馬日式任食火鍋 及大閘蟹。環境衛生欠佳，坐低就覺得好唔舒服，四圍都好污糟，卡位仲見到有小強！仲要自備濕紙巾、紙巾，餐廳沒有提供。大閘蟹有公有乸，蟹膏不算多，但任食來講蟹算係咁啦。另外肉類算新鮮，大頭蝦爽口彈牙。但熟食方面，有待改善⋯⋯唔係下下都需要灑紫菜碎，賣相睇見都無哂胃口，又乾又咸。我點了新款湯底： 胡椒雞湯湯底個人小鍋，係疫情下唔使同人share 比較衛生。唔係講笑，黑胡椒味勁重，特別食到中段，辣辣哋，胡椒煮到出哂味！

我同朋友今日去呢間野食大閘蟹放題，因為兩個人每次最多可以order四隻，當我哋兩個都食緊第二隻嘅時候諗住落定order下一輪既蟹，點知…某位肥胖職員同我地講「你一定要食晒先有得落下一轉，你開咗唔代表食曬！」其實食過咁多間大閘蟹放題，真係第一次見一定要人食晒先俾人落order，但係都算，咁照跟佢講食晒先再落…呀，點知俾我哋見到有兩個客（估計係熟客）根本都未食晒嘅情況下再order蟹，呢個職員又會應承同埋比佢哋㗎喎！真有趣咁就問佢哋另一個職員係咪一定要食晒先可以order啦，而呢一位職員佢嘅答案係好中肯：「咁有冇話規定要食晒先可以嘅！」咁究竟某職員係發生咩事？🤓🤓🤓🤓🤓🤓🤓同佢熟就可以？唔熟就等下先？重點我哋完全唔會因為叫完食唔晒係都要拖勁耐先出服務態度真係差到爆！見佢做嘢已經係行行企企冇咩搞架啦佢竟然叫我哋啲蟹殼唔好放喺枱面，佢咁樣會抹得好辛苦🤡我個兜啲蟹殼滿瀉，你都唔黎清唔放台放邊呀？仲要收我哋加一服務費……..仲知…. 鐘意食蟹食得多既完全唔推薦呢間，每次出蟹都勁慢等好耐

本身同朋友一去到見到個環境 已經喺度諗緊一間日本餐廳點解可以望落咁污糟 但網上仲要見到咁多好評😓 仲要一坐低已經見到隻曱甴BB 我哋用紙巾拍死咗 諗住算數啦 但發現原來佢地下都冇清潔到 就咁有啲肉喺地下。出到去諗住拎啲火鍋料 但係個環境都不堪入目 個雪櫃嘅嘢飲長期唔凍嘅 放雪糕嗰個櫃仲要勁污糟 有啲獨立包裝嘅雪條但隔離有啲係自己筆嘅 大佬你叫人點樣夠膽食啊😓第一二轉啲大閘蟹係OK嘅 不過就細咗啲 你當係手心咁大隻 去到第三轉 一打開入邊係黑色 肺係灰黑色嘅 入邊啲蟹膏都係黑黑綠綠 一聞落去勁大浸阿摩尼亞味 之後開埋其餘果三隻都係一樣 同店員講佢話換過批新嘅俾我哋 之後唔過2分鐘佢就上咗第四轉 結果都係一樣 一打開全部都係黑色嘅 上網search過呢啲好似係死蟹 即係擺咗好耐唔新鮮嘅 我覺得咁樣比客人食真係好有問題 如果食完唔舒服 想知佢哋點負責🤗 之後我哋再同店員反映 佢竟然係答我哋一句：得㗎喇我哋知㗎啦 然後冇諗過換過批新嘅俾我哋仲有其實佢個火鍋料有其他嘢食可以自己用QR code叫 我哋叫咗啲燒菠蘿燒雞皮 由一坐低已經叫咗 等咗成兩個鐘佢都未燒到俾我哋 大佬兩三個鐘燒到變炭啦 我哋

冇下次！已後唔會去，兩個人去食中午大閘蟹放題，食左兩轉之後叫多轉蟹叫先無到，之後斜對面6個人叫蟹立即到，食到一半出去拎完D打邊爐野返黎，見到牆上面有曱甴之後走左，隔咗一陣間隻曱甴向枱到出現，叫個職員黎打唔死仲跌咗落我條褲到，個職員拍咗一下落我條褲到，唔該用個腦諗下如果㩒死咗向我條褲到會點呀。衛生情況惡劣。真係唔好去食！！如果你想清腸胃我唔阻你！

今日同班同事一行5人諗住開開心心去食大閘蟹放題，book左8點半，我地8點15已經去到，一上樓梯已經feel到瀨野，環境恐怖，地方污糟到不得了，然後轉彎入去係一個巷，擺左好多凳，因為時間未到8點半，要喺門口等，注意，果個位雖然有凳比你坐，但係無冷氣無風扇無窗，焗到一個點，所以如果大家要挑戰，一定唔好早到，分分鐘焗死。等既途中同事A去廁所，個廁所係十分十分惡劣！一個有poopoo一個有血，環境衛生只能夠用超級恐怖黎形容，如果大家都仲想繼續挑戰我建議去D2解決。終於等到8點半入去喇，大家入去小心啲，尤其係會帶小朋友或老人家一定要拖住，因為全個場個地都係油淋淋，坐低就即刻要叫湯底，原來係一人一鍋打邊爐，我地叫左兩個豬骨兩個甜豉油同一個清湯，得豬骨叫做正常少少，其他都係淡如清水，然後緊係叫主角大閘蟹，頭一round都快，10分鐘就有得食，一人得兩隻，蟹都算ok多膏不過真係細隻無肉食既，之後頭一round 既牛肉都還可以，海鮮就真係唔掂！蝦唔係新鮮，雖然大隻但係梅晒，咬完一啖係要掉果隻，然後啲大閘蟹係要食完先可以叫，唔可以食食下嗌定，第二round蟹開始等得耐！都要20分鐘到先有，都係每人得兩隻

星期六中午來食大閘蟹，見到門面同環境裝修比較舊。由於我去過台灣相馬，以為同一集團，當然這是我一廂情願的想法。叫完個2人任食蟹餐，走出去視察自助區，啲雞肶菇唔知放咗幾耐變哂啡黃色，唔敢食；由頭到尾，除咗拎雪條、汽水同一杯羗茶(個熱水壺只倒剩一杯羗茶，想拎多一杯都冇)，完全冇拎過火煱食材。醬料區無新鮮指天椒供應，只有碎辣椒乾。雪糕柜霉漬黑哂邊，汽水柜下面成氹漬水，下欄車個泊車位污漬班班，條抹枱布啡啡黃黃隨手丟在車上。成個場得十零張枱有人坐，開始感覺有啲中伏。除了筷子剪刀，其他食蟹工具是要去下欄車旁的餐具區自取。第一輪四只大閘蟹，連一盤牛肉、雞肉、豬肉，及一盆海鮮；呢啲係店家自上，唔使自己落柯打。除咗最大果隻蟹有啲羔，其他果啲都好少；蟹冇蟹味，肉又冇乜肉食。屋企人反問做乜蟹BB都殺。炸物蝦多士好黑，蝦膠係好薄一層，塊多士索哂千年油，食咗半啖放棄。店家牛小排肉及牛肩胛肉好正常。肥牛真係肥過豬腩肉，佔三份二以上肥羔。人均$471呢個價位，食蟹連洗手盅或一張濕紙巾都無得供應。食完呢次我同屋企人都話唔會返轉頭。主角大閘蟹完全唔掂，自己出街買好過。對環境衛生有要求的客人要有心理準備。

星期日同屋企人去行街shopping，夜晚太攰唔想煮飯，然後經過見到呢間餐廳新鮮牛肉同大閘蟹任食套餐好吸引😍入面環境唔錯，冷氣夠，夏天唔會食到身水身汗，牆上裝修壁畫擺設都有日式風格🤣我地食咗好多碟美國頂級牛肉，紅卜卜新鮮上碟咁😂👍🏻牛肉好爽口！無咩肥肉，瘦肉好好食！牛肉味好出，完全無冰鮮味😋好新鮮！我食咗黑松露牛乳湯底火鍋，黑松露同牛乳味都好出，浸落牛肉啲牛味出曬來😂😂海鮮都好新鮮，大頭蝦🦐超大隻青口，峴肉，廣島蠔🦪都大大粒😍😍超抵！重點係可以任食！🤓食到你飽為止！大閘蟹肉都好滑，好鮮甜！勁好食！🤤仲食咗炸物，唐揚炸雞，炸午餐肉，脆卜卜，正！

星期三放學諗住同同學食餐開sem飯😂然後係openrice見到呢間餐廳評價幾好，應該信得過👍🏻我地入去食咗炸雞翼，佢有好多隻味道既，我地食咗黑椒，土匪，蜜糖，水牛城同埋麻辣雞翼！水牛城同麻辣雞翼都有少少辣，辣味好惹味，一定要連埋雞皮一齊食先！不過佢雞翼既肉都好入味，讚！🤤😍另外炸午餐肉，炸燒賣，炸蝦🍤都脆卜卜！😋海鮮，牛肉，串燒，炸物，飲品同雪糕都係任飲任食，真係好抵！😋😝我食咗泡菜湯底，大閘蟹海鮮任食套餐抵到！海鮮襯辣湯底一流！泡菜湯底濃郁，大閘蟹多蟹膏，好食！大頭蝦新鮮，彈牙！👍🏻下次再來食！❤️‍🔥

星期五放工Happy Friday打算約幾個朋友出來食飯，大家都係紅色線附近返工😂😂好彩呢間餐廳都近，就係荔枝角站附近，一出站就見到👍🏻👍🏻方便易搵😎我食咗豚骨湯，熱辣辣既湯底，香濃豬骨湯味勁入味😝火鍋任食，我食咗好多腐皮，烏冬同芋絲🤣🤣重頭戲來啦！大閘蟹任食套餐真係絕級正！大閘蟹勁多肉，好好食，蟹膏仲好肥美😋仲有其他海鮮食，青口，峴肉，蟹柳，大頭蝦🦀🦪🤤大大粒唔會縮水🤪海鮮都好新鮮！美國頂級牛肉好正，唔會只係得肥肉另外仲有炸物都非常值得一提，香脆得來唔會臨曬又多油，擺耐啲都食得！我地食咗唐揚炸雞，金菇肥牛卷，燒墨魚丸，炸蝦🍤午餐肉，波波腸💛😋😝全部都係我既摯愛👍🏻👍🏻

同朋友過嚟食大閘蟹放題。到大廈嘅門口其實已經有少少令人卻步。沿着一條污糟嘅樓梯上一樓，餐廳門口嘅走廊油淋淋到不得了。每一步都要行得好小心，容易跣腳嘅鞋千祈唔好着過嚟。入到去被安排坐窗口嘅卡位。其實成個餐廳嘅感覺都唔係太衛生。自從covid，真係未見過有餐廳嘅衛生水準可以咁低。門口油到會跣腳，再加上一塊千年都唔覺有洗過嘅膠地氈，行入去果下已經覺得不妙。不過諗住食蟹同埋火鍋都係煮到熟一熟嘅嘢，應該唔會肚痾呱，亦都唔想掃朋友興。就繼續坐低。餐廳入面攞嘢食嘅area一樣都係油淋淋。一步一驚心。出面嘅嘢食我完全冇攞過。一心淨係食蟹，火鍋淨係食咗幾片牛肉。豉油都費事。最驚嚇係食食吓發覺有隻BB小強喺我地張枱。唔知好彩定唔好彩我唔驚曱甴。我哋好冷靜咁用紙巾拍死佢。點知交俾店員嘅時候先發覺佢未死。店員一句說話都冇講，連埋個食物兜一齊收咗之後，件事就完咗。隻小強其實未死，佢將成個兜入邊嘅野就咁倒咗落去架收廚餘嘅手推車度就算我見有食評話啲蟹唔掂，好彩我嗰晚啲蟹全部都正常，都好食嘅。火鍋料我就唔建議啦。樓面同事嘅服務還可以啦，都有禮貌嘅。呢個值得加分。但係餐廳嘅衛生真係有好大嘅進步空間。

就嚟到中秋節就要約埋朋友一齊聚會下比盒月餅佢過節🥰，大家最後決定咗要一齊打邊爐，最後就嚟咗呢間荔枝角嘅日式火鍋放題店。因為佢哋最近有得打邊爐仲有得任食大閘蟹！加上網上評價一致好評，價錢又唔貴所以即刻決定嚟。佢哋嘅大閘蟹雖然係任食但係質素都依然優質！拎上手全部都係大隻又靚仔。打開入面同樣冇失望，超多蟹膏！打邊爐肉類又有唔同選擇，優質豚肉同美國特選牛肩胛嘅肉質都非常鮮嫩，食落口感好滑嫩👏🏻加埋泡菜湯湯底仲開胃，食過唔停！海鮮都種類繁多，日本帶子大粒之餘又清甜，廣島蠔肉質鮮嫩又肥美，總之全部都值得一試啦🤩