相馬日式火鍋 荔枝角 (已結業)

上次聚會系荔枝角一間日式火鍋店搞🎉，店內燈光火猛，亦不見十分擠逼，2人邊爐定大圍食飯都無問題！食物方面，餐廳亦非常有心思，全部食材都好新鮮，而且擺盤都好整齊。✅美國特選牛肩胛 套餐✅入面，我地選擇左清湯同埋✅豚骨✅湯底。我最中意就系✅日式炸物✅，入面有炸蔬菜，炸雞翼等等，全部都系新鮮出爐。最難得是海鮮在滾煮過後仍然好鮮味，蝦肉非常彈牙有口感。♉美國特選牛肩胛非常夠味。食牛既一定知道呢個部位，雪花好好, 放左入湯10秒岩岩好入口即溶。還要一贊，場內有幾組雪櫃無限供應啤酒汽水同當日湯水💯，可以任君選擇。

唔知點解啲食物質素可以咁差，嘢食嘅選擇少之餘，樣樣都唔好食同唔新鮮，啲牛勁梅勁難食，就連炸物都炸唔好，個甜豉油湯底好差。店舖環境衛生都十分惡劣，首先就係成間舖黑咪蚊，陰森恐怖，啲餐具都好污糟，唔知會唔會食死人。仲有就係啲店員態度極差，唔想serve咁，仲要食食下嘢無啦啦放個勁大嘅垃圾桶放枱面食完之後又屙又嘔，仲要胃痛，屋企人都胃唔舒服，又屙咁，之前食牛X鍋食到幾飽都唔係咁。真唔知點解咁嘅質素可以開成幾間分店，懷疑話好食嗰啲係打手！真心唔建議去

上星期和我的丈夫去了荔枝角的任食火鍋，渡過一個難忘的夜晚，特此推介！👍🏻👍🏻我和他點了清湯和甜豉油湯，因為簡單的湯底才突顯海鮮的鮮味。丈夫特別喜愛這裏的扇貝， 十分新鮮和大隻。而我便十分喜歡他們的炸雞翼，因為店舖務求煮熟所以特意切成一半再炸， 十分有心思。👍🏻👍🏻👍🏻我和丈夫每款款式都嘗試一遍，各有各好！寶物沉歸底，最後我們吃了四隻大閘蟹。肉質鮮美，不會有雪藏味，大小適中，不會過小。$400左右的任食套餐擁有這般質素已經非常難得，再次推介給各位！👍🏻👍🏻

每次同老公呢個大胃王出街都會揀啲食放題既餐廳😂今次來咗食日式火鍋！餐廳係mtr附近，方便夠近👍🏻廁所都好易搵😂當嘢飲任飲既時候就經常想去廁所😂😂冷氣都好夠，檯凳set係唔直對風口位既地方，就唔會吹到頭痛！👍🏻👍🏻我食咗豚骨湯，純正豬骨煲既湯底！香濃少油少鹽！👍🏻👍🏻豚肉夠薄，唔會好厚好肥🤤👍🏻海鮮任食套餐真係極抵！大閘蟹大大隻都可以任食👀而且有好多蟹膏同蟹肉，多汁肥美🤤🤤而且大大隻虎頭蝦大頭蝦🦐🦐透明蝦咁款😂😂蝦肉彈牙多肉！😍👍🏻青口同蠔都大大粒好鮮甜🦐🦑🍤🦪🦀💛下次一定要再來食！包你食過返尋味😋😋

晚餐8:30-11:30從來未寫過食評，第一次失望到要寫！同朋友飯聚，大家想食大閘蟹，又見涼涼地就book 左呢度！食物質素大閘蟹，全部公，有死臭蟹點海鮮，任食，但海鮮計人頭落，每次每樣一人一隻，加上漏單..落咗D野唔齊，要重複入單…冇解澤服務樓面後生仔女，有個後生女服務員，我一入去餐廳同佢話訂咗位，佢哦左之後走咗…我同啲朋友呆左呆（即係想點）跟住唯有同收銀櫃講，佢就吖人帶左我地幾個入去坐低……最後明明用open rice 訂位，入座時有核對電話，竟然被取消…

去過不少火鍋放題, 未見咁差環境, 其他工廈都未見過咁邋遢.  地下油淋淋, 差D跣到.  四周環境好汚漕, 真係見到都唔開胃.  可能人流唔多, 食品種類少, $498 再加1, 根本唔值.  蜆有臭味, 唔新鮮.  真係唔會再來.

又到左一年一度嘅食蟹節，梗係唔執輸食下大閘蟹啦，今次揀咗呢間喺荔枝角嘅大閘蟹火鍋放題，唔使淨係食蟹咁Dry呀嘛！今次最主要都係食大閘蟹同埋佢哋幾肉，同埋聽講呢度啲炸物都好好食所以嗌多咗炸嘢！咁梗係講咗啲蟹先啦，大閘蟹就不嬲都係食膏，呢度果然合格，爆蟹得來仲出油90分！之後就講吓啲牛，牛肩胛一向都係我鍾意食嘅位置，因為唔似普通肥牛咁淨係得個肥字，有肉香，豬肉都唔差係優質嘅豚肉，呢度可以比75分！最後期待拉滿嘅炸物，佢呢度除咗有基本嘅咋嘢之外仲有即叫即炸嘅雞翼，佢好貼心咁開邊炸確保熟透，85分！總結來講去都係一間分數好高嘅放題，最後提提大家去社交平台留言，佢會送琵琶蝦～，正！

冇諗過有個咁抵食嘅火鍋放題！😋😋本身以為佢主打嘅大閘蟹已經夠晒抵食㗎啦！🦀🦀點知仲有啲正嘢！唔賣關子啦，第一個驚喜嘅係佢哋炸雞翼種類真係十分之多！！爭啲以為去咗雞翼放題，講真人哋雞翼放題都賣緊接近$100一位，呢度就包埋真係抵！🍗🐓🍗第二個驚喜係佢哋嘅海鮮！竟然有鮑魚！ 同埋有琵琶蝦！平時喺街市買都好貴㗎！呢度竟然任食！真係一浪接一浪啊！🥘🦐🦞最後梗係主角大閘蟹啦，爆膏爆到出晒油🦀，唔講以為去食專門店，定其實佢已經係專門店😂😂平時都好少讚放題，因為來來去去都係咁，但今次呢個真係唔讚唔得！😋😋😋

我哋一家三口都好鍾意食蟹🦀，以前未封關嗰陣成日都去日本度食，又返大陸食大閘蟹，今次見佢夜晚果場都係$428加一梗係即刻去試啦！個泡菜湯底雖然睇落好似冇乜嘢，但係都夠味，配上啲肉類十分之夾，啲肉唔會太肥膩值得嘉許！但係今日嘅目標都係大閘蟹，難得大閘蟹都可以任食梗係唔執輸。啲蟹又多高又鮮甜，仲要唔係淨係頭一轉係咁，我哋前後帶咗三轉，質素都冇下降，極度欣賞！任食都算啦，仲要有三個鐘俾我慢慢食，我哋三個食到個肚飽晒都要再叫多一輪蟹先捨得走😂！CP值極高，推介俾各位！

明明同條仔講好咗今日食大閘蟹，點知佢臨時要OT，但係我真係好想食蟹，佢仲要任食，於是我就挑戰一個人食放題啦！平時條仔唔食得辣，今次終於可以嗌呢個辣嘅湯底，實行食返夠本，肉質非常好不過今次火鍋唔係重點，我就略略帶過。講吓啲串燒先，超級好食，即叫即燒係唔同啲，火候啱啱好，唔會太過燶！另外啲炸物一啲都唔馬虎，正呀，條仔你唔嚟走晒寶。最後梗係講個重點大閘蟹啦，極多膏，爆膏爆到我成手都係，平時要斯斯文文食今次真係可以放開嚟食啦😂😂。今次偷食完美示範一個人都可以食得開心，不過下次都係叫返我條仔一齊食啦。

BB知我鍾意食大閘蟹，所以逢秋天都會特登帶我去唔同地方食大閘蟹。🦀🎉不過次次買單都好貴，😮‍💨所以今次我帶BB去呢間任食嘅大閘蟹放題，實行食返夠本！😆一入到去裝修就有好有日式風，特別欣賞佢哋嘅整潔程度，去攞醬嘅時候見到佢哋齊齊整整，好多款調味料都有，喺度讚一讚佢哋先！入主題啦，大閘蟹好新鮮，膏又多，果然係不時不食。除咗包高嘅大閘蟹仲有多款海鮮，竟然有鮑魚同琵琶蝦🦐🦐超級驚喜！當然唔少得肉質好好嘅豬肉同牛肉啦！今次真係大滿足😋😋😋

難得約到齊人梗係食好啲啦！今次去咗荔枝角呢間度食！原因好簡單：係蟹！係好多蟹🦀🦀！大閘蟹任食喎，今次仲唔食窮佢🤣😂講咗個邊爐先，三台人分別嗌咗甜豉油同中華辣湯湯底，兩個湯底都唔錯！不過最吸引都係佢哋嘅海鮮，我哋人多都仲可以任嗌真係唔話得！特別係佢哋有琵琶蝦出邊買到好貴嘅，我哋平時都唔夠膽叫嚟食，今次真係可以食返夠本！ ！ ！重點真係啲蟹啦，一啲都唔臭㗎！仲要好新鮮，有多膏，成班friend夾夾埋埋食咗差唔多20幾隻大閘蟹，好食到我下次都同埋班姊妹再去食過先！❤️❤️❤️❤️

又係食大閘蟹嘅季節，見到荔枝角依間火鍋竟然做埋大閘蟹放題，我同我條仔梗係唔執輸即刻過去食啦。星期六兩個人lunch過去都係$450左右，環境都幾好一坐低即刻攞左半打大閘蟹先啦啲大閘蟹真係幾好食，肉質呢係夠實淨嘅，唔會霉咗😋本身諗住一人一半三隻船，最後我自己一個都食咗 五隻（任食呀嘛）😗食到好滿足之後就順手打埋邊邊🍲，仲叫咗啲炸嘢添，啲炸嘢都係正常水準，唔會話任食大閘蟹就其他嘢Hea左湯底雖然比較簡單但係佢嘅海鮮好足夠所以個湯底加埋海鮮都會好正！任食大閘蟹呢個價錢真係唔錯，會再食！

荔枝角分店，店員服務差，上菜求其（聶）位，明明我地食緊野佢可以聶碟野係我地個碗隔離，明明可以執可少少位放，明明有位唔放，求其擺抵就算。第一碟牛小排，其後上的懷疑牛肩閘當牛小排（口同鼻講，一個職員答係牛肩閘，另一個似經理走黎答牛小排）；另外衛生環境都差，地下油淋淋，差啲跌到兩次，燒野食物質素又差，真係好難食，燒蝦係（梅）既，現場睇眼見蟹既大細好明顯冇片咁咁大隻，不個任食都明既，現實又點會真係咁多膏同大隻；真係唔會有下次。

星期六放假同爸爸一齊撐檯腳，我地好耐無一齊坐底好好咁食餐飯！爸爸同我都鍾意食海鮮，不過又懶得自己煮，因為洗煮蒸炒既過程實在太煩，加上夏天太熱都懶得入廚房煮😂🐷呢間餐廳海鮮都洗得好乾淨，無沙的！佢地炸物都香脆可口，炸午餐肉，炸燒賣，炸墨魚丸🦑炸米網蝦春卷🦐外型包到似米網狀，春卷香脆得來唔會多油！👍🏻😋我食咗泡菜湯，酸酸辣辣幾好食🤤美國頂級牛肉同豚肉都好爽口多汁！配埋泡菜湯底酸酸辣辣真係好正！另外大閘蟹放題都好好食！蟹肉同蟹膏都好多汁！🤤🤤😍任食食到飽！😂👍🏻