相聚一刻 (已結業)

今日收工之後同朋友嚟到呢一間相聚一刻食飯，個店名真係好應景，因為我同朋友都成大半年冇見啦😆裝修來講，門口大大隻字既霓虹燈完全吸引到我嘅眼球，一定唔會搵唔到呢間舖，鋪入面嘅裝修都好有特色，滲入左少少舊時日本居酒屋嘅元素，啱晒打卡，入面仲要有兩層，上面嗰層仲有得擲錶、唱K，真係啱晒一大班朋友一齊嚟玩，鍾意嘅仲可以開房添！我哋叫咗半打生蠔，生蠔嚟到都幾大粒，唔好睇佢好似唔夠豐厚咁，其實食落去有驚喜，咬落去啖啖都係肉，比酒店嘅生蠔大粒好多，而且夠新鮮同creamy，層次十分豐富綿密，如果俾我要encore嘅話，一定非生蠔莫屬😎✨之後我哋仲叫咗個海鮮燴飯，因為我哋真係好鍾意食海鮮，又唔會肥，海鮮嘅料俾我哋想像之中多、有八爪魚等等，以呢個價位嘅海鮮燴飯嚟講，真係超值之選，食完已經覺得好飽肚，而黑松露俾海鮮燴飯嚟講呢就有稍為失色，香味係夠既但黑松露味可以再出啲，而且略嫌有啲過油，不過最後我同朋友都食得好滿足咁返去，有機會經過會再黎☺️