相聚一刻 (已結業)

呢間位於鬧市中的西餐廳，門口細細雖然睇落唔太吸引，但其實入到去好特別，裝修得幾好！一入到去發現其實都幾多客人食緊，店員同我講搵個想坐嘅位就可以，原來細細地嘅餐廳都坐到幾多人😚同朋友叫左幾個菜聚一聚！生蠔半打🦪$68:生蠔半打竟係68蚊！食落嘅質素都還好，雖然有少少腥，但呢個價錢嚟講係好抵食！雜錦海鮮燴飯$88:一上枱發現好大份，仲有個殼做擺盤，成件事好高級！個飯嘅醬汁同飯好夾，飯嘅硬度適中，呢個飯好抵食！好推薦呢個飯！卡邦尼意粉$88:呢個意粉面頭有好多芝士，食落會有少少濟，但味道係一流，雖然呢個會食到好濟，但我會食過返尋味！跟餐白酒$60:白酒味道就普普通通，但30蚊一杯就可以接受的！

次次經過太子都會比佢嘅招牌吸引，大大嘅落地玻璃，感覺好似都幾chill下。.有日同fd入左去，燈光略嫌灰暗，個feel又真係ok chill..點左兩杯紅酒🍷，都幾滿下。.北海道帶子鮮茄意粉有兩個帶子係意粉上面，鮮茄汁包裹著意粉，酸酸甜甜味道都唔錯。意粉口感都ok。.海鮮雜燴飯有蜆和八瓜魚等海鮮，飯量適中，口感唔錯。.新鮮生蠔🦪最期待嘅係呢個生蠔🦪，新鮮至極。還略微帶有海水味道，夠新鮮。😁加配番茄汁，更顯生蠔味道！

坐落於太子界限街街角的＂相聚一刻＂，以落地玻璃設計，坐在窗前，雖然沒有美麗無敵的大海景，但望著街外人車往來，卻令人感覺放鬆身心，同朋友一齊體會輕鬆、愉快的休閒時光。暫時放下生活中的忙碌和壓力；美酒佳餚，珍惜相聚的每一刻！大蝦沙律大蝦配上新鮮的蔬菜和日式芝麻醬。大蝦爽甜，蔬菜口感清脆。北海道帶子鮮茄意粉北海道帶子鮮甜，意粉的彈牙，意粉掛滿用新鮮蕃茄的醬汁，酸酸甜甜的，非常開胃。海鮮雜燴意大利飯除了見到鮮嫩的大蝦外，還結合了各種鮮美的海鮮，魷魚、蜆肉等，意大利飯有咬口，口感非常豐富，好有層次感。配上美酒，把酒談歡，都係一件賞心樂事。

行行下見到間新開既西餐 出面好多好靚既霓虹燈💡吸引左我地入去🤣餐廳有兩層高 環境闊落 入面都好多霓虹燈 忍唔住影左好多相🤳🏻地面有個live band架同唱k既機🤔可能有時會有人表演～餐廳可能開左冇耐 所以食物選擇就唔算多 本身想食生蠔🦪但冇貨～唯有食住其他野先😉1️⃣帶子焗白汁西蘭花🥦有兩粒好大粒既帶子 咬開係一絲絲 高質！白汁西蘭花當然好食😆冇overcook2️⃣酥炸魷魚🦑呢個酥炸魷魚口感偏硬 同埋係切得比較細圈 但係都炸到金黃色唔錯既～3️⃣海鮮risotto份量都幾多！不過海鮮數目就少同細粒左d🤏🏻 但夠多汁 必定食得飽！4️⃣帶子茄汁意粉個人比較推介食意粉🍝 水準比飯高d～一樣係高質既帶子🤪🍅食到有新鮮蕃茄 意粉軟硬度適中👍🏻

餐廳環境寬敞乾淨，可以約埋一大班三五知己都得，令人感覺放鬆舒適。我地叫左6件澳洲生蠔及白酒，仲有帶子鮮茄意大利粉，最後再叫左卡邦尼意粉。白酒醇滑易入口，一啖生蠔一啖白酒，人生很美好。時令生蠔🦪新鮮即開即食，大隻肥美多汁，冰底配檸檬去除腥味，鮮甜美味，海水味不會咸，礦物味不錯。帶子鮮茄意粉🍝帶子好香，彈牙爽口，鮮茄酸甜味道開胃，滲入意粉，豐富口感。卡邦尼意粉：芝士和忌廉味濃厚，配有煙肉，比較甜，味道不俗☺️

又嚟到塘尾一帶搵食，有一間兩層高嘅西餐廳，晚市出奇地唔太貴一到7點就有熄燈亮燭環節，份外有mood見到有北海道帶子，就忍唔住嗌呢碟意粉。一上檯就見到有好多粒大大粒帶子，非常彈牙。意粉火候控制得好好，質感不硬不糊，口感一流，醬汁甜甜地好開胃，仲有豐富蕃茄肉食咗意粉，另一碟就想試吓risotto，面頭有兩條大蝦，肉質鮮嫩，仲帶點膏。飯底混有蝦肉同魷魚等等，醬汁柔香綿滑由於生蠔賣晒，唯有轉食鮮蝦沙律，一份沙律都有好多隻蝦，蝦肉爽甜，蔬菜新鮮本來要嗌生蠔先有得加配白酒，老細都照俾我地飲，仍然同今餐好夾

This two-storey place is at the corner of Boundary Street and surely is eye-catchy with its big neon-light designs. Inside is spacious, bright and lit with different neon lights signs- giving you that retro vibes. We sat beside the windows at the ground level and watched the passerby while we dined. Lovely experience. Wine from Australia paired with a sharing plate of freshly opened oysters. Oysters were of palm size and came with lemon wedges and a black pepper+ ketchup cocktail sauce. Easy to

今日放工想搵嘢食，路過呢間餐廳門口嘅霓虹燈咁靚，於是就入去試吓佢！原來想試下佢個生蠔，見佢賣$88半打幾抵食咁，但老細話今日賣晒，真係可惜呀！唯有叫個小食拼盤同兩個意粉試下～北海道帶子鮮茄意粉，蕃茄粒夠多，酸酸甜甜，食落好開胃～意粉硬度適中，帶子厚肉鮮甜，好食！卡邦尼意粉，忌廉味夠濃，又有黑椒香，煙肉條煎得香，醬汁份量適中，意粉同樣軟硬適中，呢個都唔錯小食拼盤勝在夠多款，所有小食都炸得香口，雖然有啲油但都好食～雞翼仲有隻雞翼尖咬下，夠晒香口～點埋佢個醬真係夠晒惹味～白酒兩杯，易入口有果香，味道清新帶微酸，唔錯！.見佢有兩層，樓上仲有得唱K玩下咁，下次要上去試下先得！今日平日夜晚嚟都幾多人幫襯，睇嚟呢度都幾有口碑！

今天去太子界限街行街，經過一間叫相聚一刻餐廳，有多個霓虹燈牌，好有懷舊意境，環境也寬敞，決定光顧😁生蠔🦪 6隻 $88 + 紅酒2杯 $60生蠔肉質鮮嫩多汁而且大大隻，口感滑膩，味道更為鮮美😝，配上紅酒🍷，口感一流😍北海道帶子鲜茄意粉🍝 $88北海道带子鲜茄意粉的口感豐富，带子的鲜味和番茄的酸甜味相互融合，意大利面的嚼勁增加了食物的口感😍卡邦尼意粉 🍝$88卡邦尼意粉的口味濃郁，鷄蛋、培根和奶酪的组合在熱意大利面上形成一种豐富的奶油醬，口感超级creamy😍小食拼盤 (春卷，炸燒賣，鷄翼，咖喱角) $68鷄翼經油炸後口感鲜嫩多汁，咖喱角炸至金黄香脆的，裹面有咖喱饀料，春春卷也炸至金黄酥，内有蔬菜、肉類而炸燒賣也大大粒，配上甜酸醬，十分開胃😝最後，仲有紅肉火龍果做飯後生果，十分滿足

餐廳位於太子界限街36號地下餐廳用紅色光管，非常搶眼門口有藍妹廣告，亦有各種美食照片其中$88。6隻生蠔，係最吸引餐廳分兩層，樓下有兩人檯，吧檯兩部平板電視同點唱機洗手間設係上層，可以由開放式樓梯行上去仲擺放在兩座飛標機餐廳主打生蠔是日生蠔係澳洲非常肥美同鮮味$88＜6隻＞白酒或紅酒原價$60一杯，叫6隻生蠔可以用半價即係$30享用到一杯紅酒或白酒或者$388 任食90分鐘，仲包一杯白酒非常有情調今日我叫左6隻生蠔$88一杯白酒$30一杯紅酒$30卡邦尼意粉$88白汁蜆肉意粉$88白酒冷凍入口香醇紅酒冰凍果香味濃配生蠔等海鮮非常夾❤️卡邦尼意粉有少少炒香左既煙肉芝士粉蛋黃汁非常好味白汁蜆肉意粉用左蒜泥炒香蜆肉配搭好多菇類餐廳播放著譚詠麟的歌曲仲有set左live band 位置❤️

我哋今晚約左去咗太子食野，揀咗間西餐廳，諗住坐低傾吓偈chill下。🫶🏻首先開胃菜就叫左6隻生蠔，配一人一半白酒！生蠔ok新鮮、好肥美，酒香同生蠔嘅味道結合還好😋過咗一陣就嚟我哋嘅主菜，卡邦尼意粉同海鮮什繪飯。卡邦尼意粉嘅醬汁做得好濃郁，意粉煮得夠彈牙，加埋少煙肉，可以！至於海鮮什繪飯就有青口、同少量海鮮，份量都十足！兩個人食啱啱好😎而且，餐廳有兩層，環境都好啱我哋，佢啱同朋友或情侶嚟，樓上原來有得唱卡拉OK，仲可以玩飛鏢，氣氛好正！不過今日係平日，所以唔算多人，如果星期五或假日，應該會有人book場開party🥳 朋友話齋：相聚一刻，只談風月😜😜

🌃 餐廳位於太子界限街， 鄰近於太子港鐵站D出口，係一間走平價西餐路線嘅酒吧，設有地下及一樓兩層， 餐廳設計以懷舊情懷為主調， 並有多個霓虹燈牌，別具氣氛，仲可以唱卡拉ok及掟標等娛樂活動。.🦪 生蠔半打 配白酒2杯💲 88+ 60👉 餐廳當天為日本蠔， 每隻都大大隻好肥美，海水味略為較淡， 如果加埋檸檬汁同埋茄汁會好一些，另外以優惠價加購了白酒兩杯，入口微甜。.🥘 海鮮雜燴飯💲 88👉 雖然價錢屬於平價， 但都用上了大大的青口， 加上魷魚同埋蜆肉粒， 用料尚算不錯，飯粒有煙韌嘅口感， 加埋芝士白汁燴飯都幾香口。.🍝 卡邦尼意粉💲 88👉 芝士粒方面落得幾慷慨， 醬汁都好creamy，奶香味十足，但欠缺了蛋黃漿略嫌扣分一點， 配料有唔少嘅煙肉粒，意粉食落幾有彈性。..📍 相聚一刻太子界限街36號地下.此價格只供參考及以當時為準，實際價格或會與本文章有所差異。-.

今日係太子收工約咗朋友喺附近食嘢,朋友住太子知道邊度有好嘢食,佢帶咗我去一間餐廳,有生蠔有酒飲。相聚一刻,地址係界限街36號地下,餐廳環境唔錯地方好闊落,有樓上同樓下兩層。望一望餐牌生蠔半打68蚊,90分鐘任食生蠔308元一位,性價比好高,今次點咗六隻生蠔加一杯白酒,上枱生蠔size都好大隻,入口蠔味好重,加上海水味,令到生蠔嘅鮮味更加突出, 每一隻生蠔都好肥美,食落去好爽甜,口感好creamy,原汁原味完全唔使醬料,淨係食個生蠔嘅鮮味已經好正。海鮮雜燴飯,青口加上魷魚,蜆肉,雜燴飯入口煙煙韌韌,芝士同醬汁已經融為一體, 加上海鮮嘅鮮甜味,味道好有層次,每啖飯都食到蜆肉嘅香味,勁足料。燒汁雞扒伴意粉,雞扒份量好多,廚師仲好細心切到一件件,煎香咗嘅雞皮食落口脆卜卜,雞肉仲係好嫩滑,好juicy食落去好多肉汁,雞肉味香濃。配埋個燒汁真係冇得彈,意粉都煮到啱啱好,軟硬度適中,最正就係每條意粉都掛上燒汁。

之前上網睇到呢間餐廳霓虹燈打卡幾靚就搵朋友黎試下，我叫左我最中意食既卡邦尼意粉，有驚喜地真係好味道，因為我成日都周圍食卡邦尼，如圖忌廉芝士醬汁非常足夠，啖啖意粉都十分濃郁奶滑，中意佢好多芝士熱溶左仲有拉芝效果，煙肉都有微煎過較香口，朋友則點左海鮮雜燴飯，魷魚、青口、蜆肉，中意佢飯粒煙韌有口感，但又唔會太硬身，證明廚師有經驗煮得啱啱好，夠creamy奶滑，前菜點左芥末香草羊架六成熟，羊架表面沾滿香草鹹鹹地，調味十足，中意既可以沾埋個燒汁，我個人幾喜歡個燒汁有啲甜味，配菜粗薯條炸得香脆可口，仲有六隻肥美鮮甜生蠔，隻隻都手掌咁長，酸茄汁酸酸甜甜，呢款生蠔味道較清甜，海水味較淡，配埋杯白酒夠曬chill，樓上仲有得扔鏢玩骰盅，一大班朋友黎聚腳吹水fit曬，又近地鐵站👍

人到中年同朋友既食飯聚會變得越嚟越少，所以即將三十既我每一次都好珍惜同朋友既見面。餐廳一定唔可以亂揀，今次精挑細選之下去左太子既相聚一刻，餐廳一共兩層，下層係餐廳，上層係酒吧可唔飲酒、玩骰仔同掟飛鏢。天花掛上既日式燈籠透露少少玄機原來餐廳仲有日本菜，omakase十五道菜只係$580😱。不過我地今日以西餐為主。- 半打生蠔生蠔好大隻，每一隻都肥美飽滿，不過味道偏淡，配上少少檸檬汁可以提升蠔既鮮味。另外加$30仲有一杯白酒，白酒同生蠔係最佳配搭。- 卡邦尼意粉意粉好大份，口感偏硬，加左煙肉碎味道唔錯。- 海鮮雜燴飯海鮮材料幾多，包括青口、蜆肉同魷魚。食落唔太似意大利飯，但口感好creamy，上面佈滿芝士碎，非常邪惡😈整體嚟講食物唔錯，環境都幾靚，今次聚會只有我同另一個中學同學，希望下次可以一大班朋友係上層暢飲🥺