盛記粥麵

營業中

休息中

雖然下著大雨，今日一早要出去做Gym，路經佐敦道，先食個早餐，食得澳牛多，想食個生滾粥，就選了on line 好評極多的盛記。可能早餐時間已過，店内只有一張枱有人坐，左手邊是卡位，右邊是厨房，舖内面有幾張圓枱，典型港式粥舖格局，榢私和裝修都有一段日子了，啡色地給人有一層油和滑的感覺。二個人坐抵叫咗1️⃣艇仔粥$38上枱時，粥底夠熱和綿，有幾粒花生和葱花浮面，炸花生偏淋不脆應是 overnight leftover, 粥品很有甜味但料大多為醎瘦肉絲，幾條水鱿魚絲和魚片絲，不像平時吃開的艇仔粥，似皮蛋瘦肉粥走皮蛋多D，粥底甜味可能來自MSG🤔。2️⃣滑牛粥$38牛肉有5,6件，都醃得唔錯，淋滑不過籠，有少少鮮味，粥底夠熱但都係偏重味精。3️⃣葱花炸兩$30跟粥、粉、麵叫，可有九折。新鮮製造，腸粉皮過薄，黏得葱花卻包不住條炸麵，皮破了而炸麵外露，手工有點差，不是很突出的出品，和其他的粥舖，相差不遠。總括來話，佢有的別的粥舖也有，不見得很吸引，但價錢卻相對貴一點，cp值不高，唔覺得勁足料、超好味、十分驚喜等……。

今晚兩口子都收晏，晚市堂食重開，就四處逛逛有什麼好吃的吧。喜歡吃粥的我，突然心血來潮想吃粥🙋🏻‍♀️蘿蔔豬手飯老公點的蘿蔔豬手飯，豬手軟綿綿，很入味，而且份量不少！蘿蔔夠入味，沒有渣，再吃點白飯加點豬手汁，完美👅薑蔥魚腩加豬肚粥魚腩肉質鮮甜，夠厚身，沒有腥味！豬肚是心機菜，洗得乾淨需花心思，所以必然點豬肚🤫🤫豬肚爽口彈牙，好吃😋另外加配兩碟菜，份量很足桑寄生蛋茶粥麵店竟然有桑寄生蛋茶？必點😂而且加配的價錢很便宜😙有整整的一隻雞蛋，入味！桑寄生性平，大人老少都啱，夠養生🙂這間粥麵店的質素不錯，有粥麵飯可選，選擇都幾多，還有糖水吃，下次還會再來。

佐敦道好食嘅嘢好，想食舊嘅食品都好多選擇喇，重要好食有水準嘅食肆，而家就真係淨返唔多 ，食粥食粉麵，盛記試一試，舊嘅味道，坐低叫咗個雲吞麵。就唔使講就一家啦，再整碗生滾及第粥，加個郊外，油菜再補碟小食鯪魚球蜆蚧汁，午餐好食，兩個人夠食有餘。雲吞麵 雲吞新鮮彈牙，幼麵唔會一浸就反白，湯底不過不失，大地魚味。生滾及第粥，有齊咁多樣料，大大碗兩個人一人食兩碗仔，粉膠夠粗紐，哈哈啱胃口。油菜我哋要咗芥蘭，夠新鮮有咬口，蠔油好味無須加料，各樣都夠好，好食。下次經過都唔好錯過。

有晚市後差不多每餐都好熱氣，是時候食一些較清的食物!這間位於佐敦的粥粉麵餐廳，食物價錢合理，除了有粥粉麵可以食到，也有飯類可以選擇!特級北菇雞粥，粥底很綿，內裡有大量雞件，還有粒很大粒的北菇，粥有雞的鮮味，淡淡地不錯!盛記招牌雲吞麵，麵底的幼麵爽身彈牙，雲吞有4粒，每粒多餡，內裡有鮮甜彈牙的蝦肉!炸兩，炸兩外層的腸粉都幾滑，油炸鬼很脆口，加上麻醬和甜醬後特別美味!淨水餃，水餃內裡除了有蝦肉，還有木耳絲，食落較雲吞的口感豐富，而且味道亦較鮮，很好吃!

有時食到不少美食，都會回想起自己的comfy food!☺️😌其中一樣我間中想食的會係粥🥣特別唔舒服既時間呢! 所以間中我都會去食粥!🥣今日有點趕忙，剛好行過佐敦，又突然想食粥!所以決定試呢一間盛記粥麵📍因為見到都幾多人幫襯，所以都決定一試!-我就點了爽滑鮮牛肉粥，個人最愛💖粥入面滿滿的牛肉，最驚喜係牛肉真係好嫩!💯好值得試! 足料又嫩滑!✅而且粥底都好棉密!🤩以這價錢真係好抵食! 好值得試!🧡🧡-老公則點了雲吞麵，佢一直好鍾意食雲吞麵🥢雲吞足料，而且好大隻!🍜男士食都會足夠呢!絕對係港式美食!😋-另外仲點了蔥花蝦米炸兩，真係好耐無食過了!我個人好推薦呢個炸兩😍因為大細剛剛好，女仔可以一啖係到一舊，唔會狼狽😆而且配上蔥花味道好夠!🔖-飲品則點了粥店必飲的凍豆漿同凍檸檬茶🍋~絕對係滿足又快食之選!價錢相宜! 不妨一試呀!♥️

今天同朋友佐敦行行，我們相議去那兒吃午飯，我們都想吃些清淡食物，附近週圍行看那間符合，所以選了今次這間，入到去，環境不錯，座位坐得舒服，我們選了炸雞翼拼炸鯪魚球雞翼很香雞味，雞肉嫩滑，咬入口脆皮鲮魚球大粒，好有魚香味雲吞河大粒，咬入口好有鮮蝦香味，蝦好彈牙同特別嫩滑水餃河大粒，特別好有鮮香豬肉味，肉特別霖同嫩滑熱意米水好多意米，意米細細粒易入口，飲一口有薑味，好特別，搭配好香意米同薑味凍意米水大杯，好多意米，意米細細粒易入口，特別香意米味豬潤腸腸粉好嫩滑，豬潤厚身，入口得來好霖，好易嘴爵同好有口感

間唔時都想食粥，食粥自己煲又無咁好味，更何況我係唔想煲。😂今日經過佐敦見到呢間盛記粥麵入面都幾多食客，就入去試下啦。呢度有套餐，叫粥、麵、飯、腸粉就可以優惠價配其他野。我叫左皮蛋瘦肉粥配炸両，個粥好綿滑，瘦肉同皮蛋都好足料，味道啱啱好。炸両都正，腸粉皮滑，裹面油炸鬼食到最尾都係脆架。朋友就叫左淨鮮蝦雲吞配南乳炸雞翼拼鯪魚球雲吞真係呢度招牌，真係皮薄饀靚，鮮蝦大隻又彈牙。見朋友係咁飲係咁飲個湯，我都試左幾啖，好鮮甜香濃。香口彈牙既鯪魚球點少少蜆蚧醬，唔錯，個醬入面都有5、6粒蜆蚧，食唒佢。凍薏米水都特別，有少少薑味，我唔鐘意薑都覺得唔錯。

今日食到一間好好食嘅雲吞麵唔怪之得人流不絕！呢個套餐好抵食招牌鮮蝦雲吞麵每檯一坐底都必叫雲吞麵我都唔執輸！麵條完全無鹼水味，口感非常爽彈真係一碗非常正宗嘅雲吞麵一碗雲吞麵有4大粒雲吞每粒雲吞都有一隻大蝦，餡料好足～～特級北菇雞粥粥底好綿滑，驚喜嘅係雞件好有雞味啲雞嘅精華融入落粥底，真係非常好食雞件份量一啲都唔少！鮮蝦腸粉呢度嘅腸粉係即叫即整，所以唔會皺哂皮腸粉皮做得好晶瑩通透，口感好滑而且每隻蝦都好大隻又彈牙‼️桑寄生蛋茶呢個非常有驚喜，本身只係我打算食，比媽咪試左一啖之後，佢搶住嚟食桑寄生本身有有苦味，但呢度嘅一啲都唔苦，而且味道好柔和，同時又有桑寄生嘅香而且唔會好甜，真係極力推薦

今日好忙，做到無停手，收工唔想返屋企煮飯，有人提議帶我去佐敦搵食。原來一早做定功課，上網 Search 到呢間「盛記」，聽說店舖嘅粥麵做得很有水準，有口皆碑。餐廳地方不大，屬長方形格局，椅桌擺放得好整齊企理，以四人檯為主，牆身上貼滿美食照片，圖文並茂，令人食慾大增。先嚟一粥一麵，點咗盛記招牌雲吞麵 ($36) 同 甜口豬心粥 ($38)。雲吞麵做得好有誠意，淨係睇賣相已知對辦，湯頭清鮮，飲落有蝦籽嘅香同大地魚嘅甜。雲吞大小合度，有金魚尾，蝦肉爽口，肥肉甘香。麵條亦處理得宜，走鹼功夫一流，入口爽中帶韌。豬心粥即叫即滾，上桌時仍熱辣辣，粥底煮得非常綿稠，散發住陣陣米香。豬心爽脆不腥，食落好有咬口。凡以正價點粥、麵、飯或腸粉任何一款，可以用優惠價加配油菜、小食、飲品或糖水等，咁筍，當然唔可以錯過。揀咗蔥花蝦米炸兩腸粉 (+$30)、炸鯪魚球 (+$30)、雞蛋薏米糖水 (+$10) 同 熱豆漿 (+$5)。油條脆卜卜，外面嘅腸粉皮又薄又滑，配埋蝦米同蔥花一齊食，香口惹味！鯪魚球同樣高質，即叫即炸，既彈牙又大粒，入口帶果皮甘香，配蜆介食，別有一番風味！薏米糖水質素亦不俗，非常滑潤濃郁，雞蛋大大

呢一篇盛記食評可說是番外篇，因在早幾日揾食肥華在OPenRICe第壹佰篇食評，就是寫這間食店的粉，麵及甜店，但比店嘅粥品在食評界口碑亦有很高評語，因此在4月15日肥華和靚媽專誠再到此店，試食埋佢嘅粥品及小食，和鎮店名物之一薏米水是日點了生滚滑牛粥，生滚豬潤粥各一碗，另加酥炸鲮魚球一客，及淨雲吞一碗再加泠熱薏米水各一杯合共6款食物，先講兩碗生滾粥，無論粥底和配料都做得非常有水準，粥内生料火喉恰到好處，兩碗粥都有A+評分，而個炸鯪魚球及個醬料蜆介亦有B+水平，反而個兩杯薏米水若用跟餐嘅價錢尚可一試但如獨立價錢，就唔飲得過。淨雲吞上篇食評已讚過，今次水準依然，總結此店除咗個桑寄生旦茶強差人意外，其他食品都係得嘅

嚟到佐敦站附近搵食 見到呢一間主打粥粉麵的 小店。 就入去試下， 呢度都幾多選擇 有飯有麵 有粥 仲有好多唔同 形式的 腸粉。咁我就首先叫咗最出名 雲吞麵 同埋牛筋腩飯， 之後再加多個蝦米炸兩 之後再加多一個蠔油生菜。首先介紹下佢個鮮蝦雲吞麵 雲吞的確係用鮮蝦 貨真價實 四粒大大粒 咬落大牙冇花假。牛筋腩飯大大兜 大大嚿牛腩 仲有好多牛筋 牛筋炆到好冧 咬落好好味 骨膠原豐富。蝦米炸兩 配上畀低甜醬麻醬一流 腸粉皮即叫色拉皮薄餡靚 油炸鬼脆卜卜。蠔油生菜清甜好味 我絕對滿意呢一餐

途經佐敦，見到呢間「盛記粥麵」，有人企在舖門口外等位，我諗呢間必定有些特色，加上睇見放在舖外餐牌上嘅食物款式頗多，於是等埋一份入去試下。😉真係花多眼亂，經過一輪挑選後，終於選擇了👇🏻：【頭抽黃沙豬潤撈粗】～ 豬潤非常嫩滑，份量唔少…有5塊咁多，加埋彈牙粗麵，簡直一絕！👍🏻😋【蝦籽海蝦粥】～ 蝦籽灑在粥面好香，🦐肉爽口彈牙，兼有6隻咁多，應真夠份量，粥底又夠綿，食到停唔到口！【蒜香南乳炸雞翼拼炸鯪魚球】～ 呢款係我至愛，用蒜香南乳調味做炸物，非常野味…雞翼外脆內嫩，加埋鯪魚球配蜆芥，又香又彈牙！【腩汁蘿蔔】～ 蘿蔔好夠腩汁味…如果煮淋多啲啲就更加好味喇！😉【養顏桑記生蛋茶】～ 食完炸物飲呢款糖水，令喉嚨配覺舒服，加埋隻蛋，真係飽晒！

不經覺呢篇已經係，揾食肥華在OPenRICe，嘅第壹佰篇食評，為隆重其事，肥華特登揾呢間名氣食店四大名氣食品，同另外四間名氣食店嘅同一款食品，作一個比拼，4月11日同靚媽在此店合共點了四款食品，包括雲吞麵，淨水餃，柱候牛腩河，及桑寄生旦茶，先用雲吞麵和十大碗相比，無論麵厎，雲吞，和湯底可說旗鼓相當，誰也赢不到誰，至於個牛腩河和個淨水餃，我就用昌興同佢比，先講水餃單論水餃昌興無論口感和味道都比此店略勝一筹，但講個湯底此店有落韮王，而昌興個湯底衹得䓤花，整體來講，呢個淨水餃亦係各有千秋，到牛腩河比拼，無論牛腩，粉底，湯底，盛記可說是完勝昌興，最後到過桑寄生旦茶，原本係揾源記同佢拼拼，點知兩者嘅分別真係天與地，無論隻旦，碗桑寄生茶盛記完全無得同源記揮，佢嘅呢碗桑寄生旦茶衹能和另一間米芝連甜品店，華園比個高低，上述評論是我揾食肥華個人意見，如有錯誤希望各位見諒🙏🙏其實此店都係一間高質食店

昨晚天氣轉冷，想食一些暖暖粥粉麵依類食物，喜歡開OpenRice 看看附近有什麼餐廳好，見這間好評多，負評少，而且好似食物相都好吸引，於是同朋友試下買外賣自取一共買了三樣： 艇仔粥 ： 粥份量夠大碗，可惜以$38價錢粥水多，配料少， 最多是瘦肉絲，魷魚絲，豬皮配少到以為自己食緊瘦肉粥鮮蝦腸 ： 買了粥可加$34，一碟蝦腸，鮮蝦大隻又足料，共有五隻大蝦，蝦肉爽口， 但腸粉質感普通，腸粉質感又厚又粘口，好似膩，不夠滑，我個人不喜歡此質感腸粉皮蛋瘦肉粥：粥份量夠大碗，這碗$36粥水多，配料少， 最多是瘦肉絲，味道愈食愈鹹，重味

之前堂食，食開云吞麵薏米水腸粉。 好食而且服務唔錯。 因疫情，今次改外賣，試吓及第粥，估唔到好食，粥底夠綿，唔會好水，仲有果皮香味。唯一唔好係好少料。 炸兩，例牌好食，外賣都內脆外嫩，而且醬料全部用細膠兜裝住，好企理。 當然唔及堂食咁好食。桑寄生蛋茶, 第一次試，之前堂食見好多人都點，果然味道好過好多甜品舖，雞蛋好滑，如果有埋蓮子就完美。