盛記粥麵

營業中

休息中

今晚在佐敦買完東西，太太突然想吃粥，上網發現這家盛記粥麵好像不錯，就來試試水準。餐廳面積不大，但座位寬敞，每個座位之間均有膠片隔離，做足防疫措施。餐廳主打各式粥粉麵，有不同的生滾粥及港式粉麵，可以加點小食配成套餐，十分經濟。盛記招牌雲吞麵 $36一上枱賣相十分對辦，雲吞在最底，麵在雲吞上，而湯匙又塞在麵之下，把麵條稍稍托起，先呷湯頭，大地魚湯味濃、甜、香、鮮，雲吞皮薄嫩滑，有散尾雲吞的外型，大小適中剛好一口一顆，鮮蝦味濃，而全蛋麵，一咬特別爽口，有嚼勁，一流。招牌狀元及第粥 $52先品嚐粥底綿密細滑，濃稠度剛好，而富豬肉的鮮味。及第粥中有齊豬腰、豬膶、粉腸、豬肚及自製肉丸，處理妥當全無異味，只有滿滿的鮮味，正是粥腴味冶肉料爽鮮。香脆炸兩腸粉 $26加點了一客炸兩，先不加醬油甜醬麻醬，試試本味，外層的腸粉厚薄得宜，入口軟糯煙韌，富有米香，而其中的油炸鬼仍然保持香脆可口，之後加入各式醬料，口味更上一個層次。蒜香南乳炸雞翼拼炸鯪魚球 $33炸雞翼外層焦香酥脆而內裡嫩滑，雞肉肉質軟嫩不乾澀，而鯪魚球先略沾蜆蚧，淺嘗一下，能品嚐到鯪魚的鮮甜和爽口，之後，再搭一件蜆肉吃第二口，兩種食材的濃郁風味在

朋友上次試過成記粥麵店，她時不時會到這裏，說食物質素非常不錯。今日終於有機會來到佐敦，所以就來惠顧。盛記粥麵餐牌內有不同選擇。除了有粥粉麵腸粉外仲有其他的選擇， 有麻辣口水雞飯，海南雞黃薑飯，甚至連香茅豬扒飯都有。今日就食它出名的三寶。當然除了這三寶出名外，還有其他的，例如檸檬薑薏米水，牛筋牛腩….數之不盡！ 今日只得一個人，所以就叫了蠔油冬菇丶淨水餃及桑寄生蛋茶蠔油冬菇超大隻！不是普通的冬菇。是花菇類！花菇肉非常厚身。冬菇味濃郁而蠔油醃得入味。鳳城水餃，皮薄餡靚，裏面的蝦是超爽甜，豬肉鮮甜。之後再欣賞它另一出名的桑寄生蛋茶，桑寄生茶味道不是太甜。蛋是夠入味，而且未食過這麼軟身，蛋軟綿綿好似食雪糕一樣的質感。現在可以食到這麼有質素的粉面店，實在少之又少。而且坐得非常之舒服，服務親切，似家庭式的感覺！

一向都鐘意去舊式嘅粥麵店，除左充滿復古懷舊氣息外，兼且有人情味一點。佐敦呢間盛記粥麵是小弟哥哥推介，話包我有驚喜，佢有港九新界炸醬麵小王子之稱，當然要信佢。-柱侯牛筋腩麵牛腩煮得好淋，而且有牛味，牛筋亦夠淋，份量都算多，蘿蔔唔老，無根，夠入味。麵質唔錯，爽滑彈牙，冇鹼水味，湯底加左腩汁，香濃可口。-京都炸醬撈麵谷歌一下，「撈麵迷思：為何總有一碗上湯？上湯的用處是讓客人品飲，不是當成沾麵汁。先喝口熱湯，濕潤嘴巴、打開味蕾，然後才開始吃麵。麵條隨着時間而變乾，此時客人可以再喝一口湯，讓口腔再次濕潤起來。」哥哥推介食撈粗，炸醬中辣，酸酸甜甜，微辣開胃，簡單又好吃，肉絲份量適中，平衡幾好。上湯湯底清徹，有大地魚的鮮甜，亮點是加入韭黃，絕無味精，因飲後不口乾，唔錯。-鮮蝦腸粉腸粉皮有煙韌彈性，大大隻鮮蝦，加上韭黃，每一口都口感豐富。-麻辣紅油鮮蝦雲吞雲吞大小適中，唔會太大粒太難食到，皮薄餡靚，食得出有蝦嘅鮮味，好味。加上麻辣紅油可口惹味。-招牌薏米水叫得招牌一定有番咁上下，真材實料，薑味濃郁，中和薏米的寒性，材料估大半杯，清甜解渴，正。-評分 : 7/10

最近天氣非常炎熱，個人熱到無乜胃口，於是去附近的粥店食粥，順便清清腸胃。中午1:45分到達人流仍然很多，需要等一陣先有位。呢度地方不是很大，座位大約有30個。餐牌上選擇多，除了生滾粥外，仲有腸粉、粉麵等。我和朋友都揀了黃沙豬膶粥，由於是即叫即滾，等了5分鐘才上枱，生滾粥份量多，粥底好綿！豬膶好大塊但食落唔鞋，成碗有5-6塊！牛肉腸，腸粉皮做得滑溜，完全唔厚皮！味道不錯，每次去粥店必叫！飲品方面叫了招牌薏米水，真材實料！薏米佔了1/3杯，而且有濃濃的薑味，冬天飲一流，非常暖胃！

同朋友去佐敦食個下午茶，叫咗個雲吞撈麵，雲吞連湯另上一碗，雲吞嘅份量都好足有好幾粒，雲吞皮薄，餡料有一大隻蝦，非常鮮甜，幼麵好軟熟，加上蠔油撈麵真係好滋味。叉燒腸好滑，有大量嘅叉燒及蔥花，香滑好易入口。蒜香炸雞翼拼炸鯪魚球，雞翼好香脆，上面有好多蒜片，咬落肉質唔乾身。炸鯪魚球，口感彈牙有魚香味，配上蜆蚧醬，呢啲真係傳統粥麵店先會有呢個醬料，食落味道真係好夾。桑寄生蛋茶，同朋友一人一碗，出乎意料咁好飲，飲落味道甘甘甜甜，而且隻蛋都好入味，真係一個滋補嘅糖水。

盛記粥麵 (佐敦)佐敦白加士街11號地舖皮蛋瘦肉粥$36皮蛋好多，粥底好綿好滑，火候夠，夠甜。蔥花蝦米炸兩腸粉$30腸粉皮好薄好滑，油炸鬼勁脆勁香，真心好食！美味黃沙豬膶麵$38豬膶又爽又粉，口感一流，麵好煙韌彈牙，非常唔錯！勝記招牌雲吞麵$36麵係一樣嘅麵，雲吞餡好有鮮味，雲吞皮又薄又滑，好味！凍薏米水$8去濕消暑又解渴，而家天氣咁焗咁酷熱，好合適。凍豆漿$8豆漿夠濃，唔會溝水溝稀晒，飲落有質感。

晚上相約同事到了佐敦盛記粥麵吃個快晚餐，餐牌食物款式很多，有粥品，粉麵，飯，雲吞水餃，蒸炸小食及糖水飲品等！我們點了兩個套餐，性價比高，可以用優惠價錢加配小食和飲品。我點了招牌的盛記水餃米粉，有三粒鮮嫩蝦肉木耳水餃，餡料多，半肥瘦豬肉，鮮味十足，河粉夠滑身，湯底清香，沒有口渴感，證明沒加入味精，不錯！小食加配了蒜香雞翼拼酥炸鯪魚球，鯪魚球口感彈牙，有魚鮮味，雞翼炸得外皮金黃，鋪上了大量蒜茸粒，咬下去很多肉汁，口感嫩滑，十分惹味盛記牛腩河粉，牛腩有咬口，加配了蠔油菜心，不會過淋或過硬，份量大碟，很爽脆！朋友想食白蘿蔔，另外點了腩汁白蘿蔔，算爽口清甜，腩汁非常入味，配上一支凍可樂，馬上感到涼快及清爽，總括來說，店員態度友善，快食之選

男朋友成日話想食粥 今次黎到盛記粥麵叫咗碗魚腩粥 另外叫主食（粥/麵/腸粉等）可以優惠價換小食同飲品 我哋加咗個炸雲吞同薑汁薏米水 另外散叫咗個口水雞魚腩粥好足料 有好多件魚腩 另外呢度粥底綿密 男朋友讚不絕口炸雲吞新鮮炸起 裏面包咗豬肉同蝦 爽口彈牙又脆卜卜 點埋泰式辣醬食係一個唔錯嘅小食口水雞就不過不失啦 個口水汁都算好味嘅薑汁薏米水唔會過甜 而且有d薏米咬下 可以當係一個幾清新嘅糖水食另外我仲叫左零系可樂 估唔到會係支裝上 只係$10 幾抵飲

突然好想食中式粉麵，喺佐敦附近我就諗起「盛記粥麵」。長期都有捧場客，差不多滿座好在唔使等位。水餃麵剛剛淥起麵質呈半透明😋最為吸引，入口爽身幼滑，湯底也帶有韭王嘅香氣。水餃大大隻餡料滿滿的，有原隻鮮蝦，木耳爽脆，味道超正！牛筋腩飯分量十足，牛筋腩炆到又冧又入味，白蘿蔔超甜冇渣。豬潤腸粉腸粉入口特別軟糯，而且滑不漏口，豬潤薄薄的梗梗熟十分爽口。炸鯪魚球很久沒有吃剛剛炸起的鯪魚球，大大粒，好有魚味，超彈牙！配上鹹香嘅蜆芥，更能突出鮮味！熱豆漿豆味濃郁，甜度適中！

今日有幸來到乘機試一試他們的雲吞麵。因為是朋友食過話九龍區最好食的一間雲吞麵！ 所以特意來到試下。 見餐廳內其實都已經坐滿人。相信都已經有一定程度的口碑。 坐下見到他的餐牌原來有不同食物的選擇。 不單止有粉麵粥粉麵亦有其他不同類型的食品例如沙薑雞飯。唔該先來一碗雲吞麵另外再加炸兩。這碗雲吞麵真的是我有史以來最突出的一碗雲吞麵。他的雲吞夠爽甜，皮好滑溜。而湯底是用大地魚熬製而成。那個味道有鮮魚味。而他的湯底比其他雲吞麵湯底相對溫度較熱。所以那碗麵食起來特別爽滑。麵質非常爽口。這個炸兩更不用多說。平時食開裏面的油炸鬼上到枱已是淋身。這個油炸鬼是脆口的。所以炸兩特別之處，就是食那個油炸鬼脆口再包一層博博的皮。 老實這個炸兩完全不用其他醬料，也已經非常好味。另外我們也叫了凈食牛筋腩蘿蔔真係要比三個正！，因為牛筋煙靭得來是念念的。感覺好多骨膠原！而牛腩入面有八角。蘿蔔就不用說…….好甜！ 朋友話想是他招牌的薏米水這個薏米水是加了薑。所以非常之有益。最重要的是微甜巳而。在夏天的天氣飲非常之解暑去濕！最後見其他枱度有叫。這個桑寄生蛋茶所以不妨一試是了真係覺得下個星期要再來。 點解那個蛋可以煲到這麼滑

咁岩同朋友經過佐敦，肚仔餓就入左呢間粥店去醫肚。食物，環境衛生同埋店員既態度都好好❤️👅美味黃沙豬潤粥豬潤好厚好大件，起碼有5大塊食落口一啲都唔苦，生熟剛剛好，仲有黃油，粥底滾熱綿滑，而且吸收左豬潤既精華，每一啖都好鮮味～👅滋味口水雞飯口水雞雞肉好嫩滑，估唔到粥店既口水雞都可以咁好食，惹味既口水汁辣度適中，唔食得辣既都可以接受到～醬汁麻酸辣齊哂👅炸鯪魚球鯪魚球每粒都脹卜卜熱辣辣，新鮮炸起，食落口好有口感同埋有魚味，再配搭蜆蚧醬，絕對係劃龍點精～👅黃沙豬潤腸粉腸粉望落好晶瑩剔透，食落口感滑溜，豬潤亦都好大件，豬潤入口勁彈牙，索索聲好出色，入口每一啖都好滿足～

天氣太熱去佐敦食「盛記粥麵」食番配靚粥，消消暑氣！來到2點幾都好多人，叫左個「美味黃沙豬膶粥」，粥底好綿密，係生滾靚粥！加上黃沙豬膶，用上靚材料，有4-5塊豬膶好足料呀，抵食。加$26有個牛肉腸粉，有6小條腸粉，粉樣拉得好透薄，好香滑，滿滿的牛肉餡料，淡淡入口多料好滿足！友人叫了「盛記招牌雲吞麵」，有4大粒鮮蝦雲吞，好正宗的雲吞在麵底，上面是彈牙的全多麵不錯。又再加了個叉燒腸粉。一樣是6小條，貼心的先切好。叉燒份量都好多，好足料呀。最後叫了個桑寄生雞蛋茶，加$10就有超級抵食。不算太甜，有一整隻烚蛋，好正！估唔到佢糖水都好有驚喜！

今日同朋友要去佐敦上堂，我哋都想食得清淡啲，見盛記網上咁多好評，就去試吓啦。我哋叫咗兩個套餐，招牌狀元及第粥$52同皮蛋瘦肉粥$36，加配脆炸兩$26、蠔油菜心$18同兩杯凍招牌薏米水$10。1️⃣ 招牌狀元及第粥粥煲得好滑好軟綿，配料大件又足料，特別鍾意食個豬粉腸，好香，有彈性得嚟唔會硬或咬唔開。第一次食豬心，原來外型係咁嘅樣，食落好香有嚼勁。2️⃣ 皮蛋瘦肉粥一直都係我嘅最愛，皮蛋同瘦肉嘅份量又多又大件，用料新鮮，抵讚！3️⃣ 脆炸兩皮晶凝通透，好滑好薄身，加上脆卜卜嘅油炸鬼，再點上甜醬、麻醬同豉油真係好惹味。4️⃣ 蠔油菜心菜心都算新鮮，特別要讚個蠔油，好香甜可口。5️⃣ 招牌薏米水味道好清新同清甜，一消夏天嘅悶氣，特別鍾意佢加咗薑，平時自己煲都唔會加，原來有薑係咁好飲。簡簡單單嘅一餐，滿足😀。

今天，打完風天氣不穩定一陣陣雨的，沒什麽地方去心思思的想食粥，想起了"盛記"來…… 相約哥哥一起由荃灣出佐敦找"盛記"！其實不單止粥粉麵食馳名，還有其他海南鷄飯，牛腩，豬潤，小食……等。都是令人吃了忘不了的味道味！最愛就是這杯薏米水有凍有熱選擇，每次來都要飲一杯！甜道適中帶微微薑味，薏米軟綿綿的，非常滋潤。哥哥杯奶茶濃度屬中規中矩，但也有茶香很不錯！( 飲品$8一杯 )今次點了艇仔粥 $ 38滾熱辣的，粥底綿錦細滑稠度適中，幾粒炸花生又香又脆少了它就像失去了靈魂一樣。魚片，尤魚，瘦肉……慢慢的享用！當然少不了配一客炸兩 $ 26簿薄一層透明的腸粉，見得到的幼滑細緻包着油炸鬼香脆可口，加入醬油，甜醬，麻醬……就是令人想念的滋味！另一樣必食的~炸鯪魚球 $ 30 /四粒粒粒金黃脹卜卜的軟綿帶彈口感有魚味，配上蜆蚧醬……鮮味一流！哥哥一樣有最愛！細蓉 $36一碗有四粒雲吞，先飲一啖大地魚湯底，再吃爽口鮮蝦雲吞，味道依然保持！麵質爽口幼細！又是一碗沒令他失望的好麵！每次來都吃到滿意味道！值得特意搭車來的！

今日同朋友去佐敦食飯，去到餐廳的時候不需要等位就可以入座。我們叫了兩個晚市套餐，一個馳名鳳城水餃米粉，一個美味黃沙豬膶粥。再配一個生菜和鮮蝦腸粉。最後再配招牌薏米水和凍奶茶。首先上的是鮮蝦腸粉，一共三條六隻蝦，蝦鮮甜爽口，腸粉夠滑身。再來的是豬膶粥，豬膶爽口而且數量適中，不會過老。粥底夠稠，口感綿密夠熱。水餃米粉的水餃是雙料，有蝦同雲耳等，爽口和大粒。整體而言，如果平日放工想方便簡單又快有得醫肚，我會覺得是不錯的選擇。