盛記粥麵

營業中

休息中

有時候街坊小店都有意外驚喜，今日去左佐敦買Christmas party既裝修品！愈買愈肚餓決定走去醫肚食個飯先，行行下見到有間平民價錢既街坊小店性價比的確吸引，我就去食個午餐！主打港式粉麵、粥品、油器，已經好耐無食港式粉麵店啦今日一試回味無窮啊我本身想食粥，但喺又怕太熱，結果叫左鮮牛肉粗麵，再加2隻水餃湯底轉左酸辣湯底，應該會幾惹味！鮮牛肉大大片，份量都唔少！牛肉香嫩無渣，食得出無咩落鬆肉粉水餃大大隻超滿足，餡料豐富皮又薄！的確值得再次回頭！

之前吃過這家 盛記，算是老字號，在佐敦這邊也有不少粉絲，通常都過來吃粥，但今日天氣有啲熱，就試試他的麵食吧！座位算多，也比較寬敞，坐得舒舒服服筋腩撈麵麵底干爽，有靭勁，沒有鹼水味，伴住湯汁，好好味！筋腩入味夠軟，而且選擇的部位也很好，肥瘦適中，吃到一半便伴湯，兩種風味🥰🥰粥麵店當然喝他們的豆漿啦！有豆香，不太甜，不錯👍炸兩即叫即做，油炸鬼還是卜卜脆的，熱騰騰的，加上混醬，地道風味☺️☺️這家的確很不錯，不論食物和製作也看得出用心，冬天會來得更密😬😬

今日去左佐敦幫女朋友買聖誕裝飾品，行左好多間鋪頭終於買齊哂！聖誕節又到啦，商場開始好有氣氛！到左中午超肚餓，即刻睇下附近有咩餐廳岩食行行下見到有間港式麵店，主打港式粉麵！我最鐘意食雲吞河，每次去到粉麵店少不了食雲吞！本身都無咩期望，點知一食就有驚喜啦！餐廳主打雲吞麵，雲吞大大粒，蝦肉和豬肉比例掌握得非常好！入口充滿半肥瘦油香，少不了蝦肉鮮甜，雲吞皮薄餡料豐富，每隻都大大粒！我仲加左牛腩，入口嫩口唔乾，好入味！

佐敦美食多，講到地道好味的，非這一間莫屬。粥粉麵普通，但味道煮到如此不普通，真是要試一試。及第粥這是我食過最多料的一碗粥，成碗豬雜粥一樣，所有料都有，喜歡吃豬內臟的朋友一定喜歡。粥非常綿滑，加上豬雜新鮮，令到粥非常鮮甜，加上豬雜煲得剛剛好，豬肝，豬心，豬大腸非常爽口鮮滑，正。蝦腸炸兩蝦腸鮮滑，加上蝦隻非常大隻，原隻沒有碎開的，鮮甜爽口。炸兩上枱的時候還很脆，可見不是整天定的，這點值得稱讚。炸鯪魚球這是我最愛的一道菜，魚肉外脆內香，魚肉鮮滑，結結實實的，越咬越香，加上他的醬味，完全把魚肉的鮮味提升，越吃越好味。寄生旦茶最後再配上甘甜的寄旦茶，中式店來說，真是佐敦美味之選。

大魚大肉之後，有時都想食吓Comfort Food，我嘅Comfort Food當然就係食粥啦朋友介紹佐敦有一間叫盛記粥麵，話嗰度啲粥好食，咁就即刻去試吓我哋兩個人叫咗及第粥，送粥嘅最佳拍檔當然係腸粉啦，所以叫咗豬膶腸同埋炸兩。另外有推介嘅頭抽蝦子蝦球撈麵都想試，最後唔夠喉加多個淨水餃及第粥個粥底非常棉滑，料又足，每款都有兩件，包括肉丸，豬膶，粉腸，豬肚同豬心，全部都新鮮，冇異味，令到個粥底都好鮮甜，超好食豬潤腸同樣足料，並唔係一般切到碎哂嘅，每件都大大塊，大滿足炸兩相對正常，甜醬麻醬就自己落，鍾意幾多落幾多另一重點係個頭抽蝦子蝦球撈麵，睇吓啲蝦子多到，完全蓋過哂啲麵，鹹香味十足，加上彈牙嘅蝦球，呢個都好好食😋唔食雲吞食水餃嘅原因係雲吞好多地方都有，水餃就相對少見，多咗啲黑木耳同筍絲，口感較雲吞豐富兩個人食到超滿足捧住肚走，都係$200，性價比超高👍

香港粥麵店真係愈來愈少🥲， 今次行過佐敦都見到有呢間。 除咗粥之外，仲有好多野食，腸粉、蝦子撈麵、豬手、口水雞等招牌狀元及第粥 $52招牌當然要試吓，材料都幾豐富，有豬潤、豬腸、豬心、肉丸等，滿滿一大碗，熱辣辣味道香濃，入冬食最啱蜜味叉燒腸粉 $33由細到大最鍾意，叉燒香甜爽口，腸粉夠滑溜，唔太厚皮，一個人成碟清哂腩汁蘿蔔 跟餐$18另一碟清嘅，腩汁好香呀，蘿蔔又爽甜，一啲都唔老架招牌薏米水 跟餐$5薏米水都好多料，除咗大量爽口薏米外仲有粒蜜棗，好滋潤

佐敦有不少新派食堂之外亦有傳統美食,昨日下課堂後見有點餓, 因為已經9點 所以就隨便入家粥麵店 – 盛記粥麵,  獨獨速食回去。本來只點個撈麵快食, 但又難抵腸粉嘅利誘, 咁岩又有餐結果就一份馳名鳳城水餃撈麵及香茜牛肉腸粉鳳城水餃撈麵嘅鳳城水餃好大隻, 而且放於湯內可以保持溫度名濕度, 餃內嘅蝦仁爽口, 油脂豐富, 感覺好juicy.撈麵爽口彈牙, 加少少蠔油已經好夠味, 碟邊嘅蠔油我只用了三分一!香茜牛肉腸粉嘅皮晶瑩剔透, 隱約見到牛肉嘅存在, 感口好滑, 厚薄適中。

今日去咗寶靈街陪針線，所以喺佐敦搵嘢食，天氣凍凍地去咗盛記食粥粉面。呢度啲粥粉面可以跟餐可以配合水餃腸粉跟飲品，睇落價錢幾抵。及第粥，粥底綿滑有米香，配料有豬心，豬潤，豬肚，豬粉腸同埋豬肉丸，及第粥加上內臟，個粥底會加鮮甜，浸熟嘅豬肝，生熟剛剛好，非常鮮味，而且每樣配料都有兩大件，比平時更加抵食。頭抽蝦籽蝦球撈麵，頭抽豉油鹹香得來多一種豆香，味道更鮮，蝦籽份量夠多，有鹹香。跟餐配炸兩及豬潤腸粉，兩碟都係新鮮製作，入口都係熱辣辣，加上豉油麻醬，特別好味。另外加了一個鳳城水餃，水餃size啱啱好，蝦肉新鮮，有少少雲耳嘅爽口，大地魚嘅湯底好清甜，唔會死鹹，加埋少少韭黃，覺得簡單，但係已經好好味。跟餐仲可以加$8有凍檸茶或$5有其他豆漿飲品，所以都幾抵。係秋涼嘅時候，晚上食啲暖笠笠嘅嘢，個胃好似特別舒服，簡簡單單暖心又暖胃的一餐！

佐敦一間街坊小店 咁岩去果頭又想食清淡啲是但入一間食 但係有驚喜 值得去食下🤩🍜 雲吞麵 $36 好食，湯底，麵，雲吞都有水準，竹升麵爽脆彈牙，湯底屬偏濃厚果種,飲到魚香同蝦子味，油份控制吾錯，增加左油香之餘又保持到清甜既鮮味，雲吞係傳統做法，皮薄，蝦爽口，豬肉餡又帶小小肉既油香 🦐 頭抽蝦子撈粗 $46 粗麵麵質好爽彈，啲蝦子多到吾洗錢咁， 不過蝦子味吾夠香，跟果碗湯先係精華，比起雲吞麵湯底有更香既蝦子味 👅 牛肉腸 $26 夠香油，皮薄又滑，吾錯 ☕️ 熱豆漿 $5飲得出係真材實料，吾係加好多水果隻，仲會起皮

今日又同朋友路經佐敦，有時間食埋晚飯才返家。 又想起"盛記粥麵"出品不錯！有水準粥，粉，麵，飯，水餃，雲吞，小食，糖水飲品種類多選擇，輕食飽食也可以。 甫坐下即叫很想吃的……雲吞麵 $ 36麵爽彈牙，大地魚湯底夠鮮甜。雲吞形似金魚，蝦肉與肉餡鮮味！是碗好麵！海蝦艇仔粥 $ 52粥底綿滑，足料！鮮蝦爽彈鮮甜！炸鯪魚球 $ 30 /4粒每次來必點！外面香脆裏面好彈牙軟滑，點埋 蜆介醬好惹味！炸兩 $ 26腸粉好滑炸兩香脆。跟餐都有半價優恵的飲品~奶茶 $ 8 熱薏米水 $ 5多薏米，不太甜，好飲！飽肚又好味！粥，粉，麵，數這家有水準！

今日行完M+Museum 由西九柯士甸那邊一路行。。行到去佐敦搵食醫肚。來到近寶靈街白加士街交界這間「盛記粥麵」， 突然好想食「及第粥」😋生滾粥底好綿，好夠味。 豬潤，豬心，豬肚，豬粉腸也處理得好好冇怪味， 豬肚尤其好爽仲好入味！ 豬潤爽嫩。 最正係手打豬肉丸， 吃到豬肉嘅鮮味，紮實彈牙， 果然係招牌粥款！熱豆漿充滿豆香， 熱豆漿攤咗一陣表面可以夾起豆漿皮， 真材實料！熱薏米水簡簡單單的養生飲品， 唔會太甜， 杯底有大量薏米， 非常堅料！👍柱侯牛筋腩麵牛筋腩炆到入晒味，但又未至於腍到爛。 白蘿蔔清甜又入味。有點似清湯腩嘅湯底。麵質好爽囗要咬一咬先斷果種， 吃到尾都係咁爽口～竟然也冇咩鹼水味～👍😋炸鯪魚球熱辣辣炸起， 鯪魚肉好彈牙，沾上傳統嘅蜆介醬汁，鮮味突出。呢度嘅「炸兩」都係必點， 腸粉皮是即拉晶瑩通透， 包着仲係脆嘅油炸鬼， 口感味道都係超讚！ 加上特別調教嘅甜豉油熟油， 淋上炸兩味道更提升！麵和粥都做到水準， 食物出品美味🌟😋，絕不會被同區名氣廣東麵店比下去。外賣自取有九折， 非常抵食。 傳統麵食都是心機手作， 值得支持！

本身約咗朋友食tea, 不過遲左，變左4點尾5點頭，tea 又tea 唔哂，晚飯又好似太早，咁啱有間粥粉麵店，原來係之前幫襯過，覺得唔錯嘅，今次一於試試睇下有冇退步。每人都係叫一個餐，一齊share。一個餐包括咗主食，小食加杯嘢飲，都幾豐富。柱候牛腩湯麵（粗麵）牛腩厚大，大大件好有口感，份量好足，牛腩入味。個湯底好濃，連同爽滑掛汁嘅粗麵一齊食，好滿足。炸倆油炸鬼炸得好脆，腸粉皮好薄包住，加埋自己親自唧上去的甜醬麻醬，當然好味非常。黃沙豬潤粥粥底好綿，味道好鮮甜，豬潤大約有五大件。處理得好得宜，沒有內臟的腥臭味道。豬潤厚切，一咬落去爽脆，細嚼下好粉嫩，有溶化感覺，連同薑絲一齊食，好好味。湯雲吞一碗5粒，皮簿餡靚，原隻鮮蝦連豬肉入口爽口，唔會太細粒，作為小食很不錯。熱豆漿豆味濃厚，都幾香滑，不錯，值得讚嘅係杯豆漿真係好夠熱。凍招牌薏米水勁多薏米，好重薑味，飲落好好味又健康。建議支飲管可以改用珍珠奶茶嗰隻粗飲管，因為普通飲管俾啲薏米塞住晒。整體都好滿意，既可做下午茶, 又可做正餐，啱啱適合我哋今晚呢個時間，係好好嘅配搭。

和朋友放工路經這間粥麵店，剛好還有兩個位便入内吃晚餐。叫了一碗招牌狀元及第粥，份量很大！而且用料十足！有豬肉丸、豬潤、豬粉腸等材料，不會零零碎碎，大片得來又厚切，整個味道豐富，而且粥底煲得夠綿滑，果然都是傳統粥店好味。加$26有一碟炸兩腸粉，腸粉皮又薄又滑，但神奇的是炸兩仍然夠脆！朋友第一啖吃下去都很驚奇竟然還可以有這麼脆。另外點了一碟蠔油芥蘭，不會過淋或過硬，份量亦充足。飲品朋友點了凍招牌薏米水，他說一飲就知是店家自家煲的，既足料又不會太甜。我點了養顏桑寄生蛋茶，想不到可以在粥店吃到這些中式甜品，滋潤養顏。

我們各自點了一個麵再加上套餐價錢加配了鮮蝦腸粉和蠔油生菜。我叫了一碗香茅豬扒米線。豬扒份量多，切好了一件件，方便進食。豬扒入口軟腍，香茅味都突出。米線比較粗身，口感滑溜，食完很飽足。最喜歡鮮蝦腸粉，入面的鮮蝦很大隻又彈牙，而且已經去除了蝦腸。腸粉整得很滑溜，有一陣米香味。男朋友則叫了一個柱候牛腩米粉。牛腩份量亦多，煮得入味，啖啖肉，令人滿足。蠔油生菜顏色青翠，十分爽口。這間店除了粥麵，還有提供飯類、腸粉等，選擇繁多，而且性價比高。

今日趕時間要工作，所以就要選擇快食之選，粉麵，出乎意料的好。頭抽蝦籽蝦球撈麵幼麵非常細心剪了，令到食的時候更方便，麵質爽脆。一上枱，蝦籽係出乎意外地多，是完整覆蓋整個麵，令到每吃一口都充滿蝦籽，蝦球都不少，每粒都預先把蝦腸挑走了，蝦亦非常彈牙，加上蝦籽，味道很夾。另外以優惠價加配了炸両，油炸鬼非常脆，腸粉皮很薄和煙韌，配上混醬一絕，自己一個清了全碟。粉麵店一般給人的感覺是上菜快，味道一般，但這間是給人用心經營，做好每一碗麵的感覺。