百樂小館 (已結業)

為左慶祝妹妹生日所以今晚就嚟到百樂小館食潮州菜👅 位於Mira 1期，餐廳都幾大幾好坐😽 一坐低就侍應就遞上功夫茶🍵 茶味濃，入口甘甜. 係一杯好茶，可以嘅真係想再飲多幾杯🤤 有d小食，花生腰果小小咸，仲有d魚仔一齊食😻😻首先嗌左個胡椒豬肚湯👀 胡椒味十足，豬肚好淋好軟⭐⭐ 仲有d芥菜煲到淋哂好正😍 之後嚟左凍烏頭魚😉第一次食凍魚感覺幾新奇，魚肉入口即溶，佢比左2個黃豆醬嘅，一個比較甜，另一個就咸d☺ 南乳骨亦好食，好香南乳味，肉質偏淋好易咬，撈飯唔錯！👍🏻👍🏻 甜品有紅棗糕😍非常煙韌，又唔太甜💛💛

今日嚟到尖沙咀,就去咗美麗華嗰度食中菜,一嚟到嘅時候已經差唔多八點，見到都差唔多坐滿晒人證明依間野平時都好受歡迎。坐嘅位置非常之舒適，四個人坐絕對有空位而且高私隱度。我哋點完餸，部長就即刻送咗四杯功夫茶俾我哋飲，飲落去嘅口感非常之純正，有回甘嘅味道，令人飲完之後好想食嘢第一碟餸係依個咸雞，四個人食嘅份量一啲都唔小，而且仲有雞髀添，食落去雞皮非常之亂畫雞肉亦都非常之鮮嫩，咬落去帶少少鹹菜嘅香味，再點秘制醬，真係非常之好食又滑又彈啊，推薦比所有人。另外我覺得最好食嘅就莫過於個蘿蔔灌漿，一上碟嘅時候覺得咦點解係四舊金黃色嘅好似包嘅物體呢，原來佢係一個好鬆脆咬落去好蘇化嘅外皮，入面包住嘅就係蘿蔔絲,咬落好juicy,食落去個感覺非常之好食,真係唔知點樣形容,總之一定要叫比較有少少失望嘅係烏頭魚，其實烏頭魚整體來講都好食，而且檸檬汁亦都好入味。我好欣賞佢嘅檸檬皮嘅呢個煮法，可能煮嘅時間比較耐啦，令到肉質冇預期中咁鮮嫩，咁依樣野我地都反映咗比部長聽，部長佢承諾會積極同廚師去改善呢個問題

• 店內設計別緻,感觀舒服!• 餐具有點古色韻味!• 鐵觀音,滾水茶靚,淡淡清香!• 餐前餐後都會奉上功夫茶,味道香濃!• 滷水鵝肉拼盤,會附上xo辣醬跟醋,沾上後更味道更豐富,這裏的xo辣醬十分美味,既香又辣,原來是自家制的,店內亦有一樽樽售賣,買了一樽回家吃!• 滷水鵝肉拼盤,滷水十分入味,墨魚片爽彈,鵝肉肉質細嫩!• 五香芋絲卷• 杏汁白肺湯,杏仁味濃郁,豬肺沒有異味清得乾淨,杏汁白肺湯滋補養顏!• 方魚雞球炆栗子,汁收得剛好掛住每樣食材上,很野味!原粒栗子更有咬口!• 清心丸綠豆爽,這道甜品第一次食,留下了完美印象, 甜度跟綠豆軟硬度均適中!

「把酒當歌人生幾何？」人大了能夠與友相聚確實難得，近年我都比較偏好中菜而已。全因中菜多一份細腻，亦多一份家的感覺。潮菜之夜定必選擇「百樂小館」，全因環境舒適而且食物有保證，最重要的是價格也是合理之作。難怪在平日的晚上時分，也能夠座無虛席可見勝價比高。餐廳利用鳥籠的設計下，頓時覺得有一種鳥籠中自成一角似的。餐牌上滷水的食品必有之物，更有很多點心、小炒、粉麵飯類等；特別是中式甜品更加是我的最愛之物：潮式反沙芋、芋荔、水晶包、杏仁茶等。滷水鵝肉拼盤 $148首先到來定必是潮式鵝肉拼盤，鵝肉的肉質腍軟而且相當入味。滷水汁不會太油膩，混合了豆腐後更加惹味無比，如果添多一碗飯便最好不過。潮式蘿蔔灌漿 $48我的最愛之物「潮式蘿蔔灌漿」，炸至香脆的表層漲卜卜，輕輕咬開置中的部分充斥著蘿蔔絲的香味。蘿蔔絲晴瑩通透熱騰騰並多汁，再添上少許醬汁更加錦上添花。鮑汁扣鳳爪 $78平常只會在早茶的鳳爪，估不到晩市也有售。鳳爪的份量相當多，鮑汁相當濃郁內含花生更加添上口感。鳳爪炆得相當入味，令人愈食愈想食。紅燒皇子乳鴿伴凱撒沙律 $56/隻中西合璧之菜式，紅燒乳鴿炸至香脆油份亦不高，每一口都有嫩肉相當美味。旁邊

潮州菜好多人都鍾意食，出面果d潮州菜館多數都係食傳統潮州菜，呢間餐廳好特別，係間非常「潮」既潮州餐廳放工同幾個朋友黎試下呢間少有既新派餐廳，餐廳格局好舒服，好多大卡位，坐得好闊落😆大家都對潮州冇咩特別喜好😅，所以叫店員介紹一下食咩好先黎碟麻醬手撕雞🐔，唔知以為係碟油雞，排得好整齊，肉沾左麻醬，淡淡肉，好快我地清哂再黎白烚黃花魚🐠配飯，好細心，起哂骨，平時唔太食魚既我都覺得幾好食，夠凍又清甜，點埋個咸咸既醬，配埋個飯好開胃黎個咸菜豬肚湯，店員好好，主動幫我地分好，咸菜唔會太咸，豬肚好嫩滑，湯好潤，唔會話油臨臨😜蛋白杏仁茶一遞上枱，就聞到陣陣杏仁香味，大家都話未飲過杏仁茶加蛋白，估唔到會咁好味，又滑又有口感🙈

很想和家人食潮州菜，聽說同事提過一間好出名的潮洲菜，就去咗試試。一看個menu,原來呢度食物係有傳統的，亦有好地度大排檔的小吃。我們急不及待柯打幾度菜，有些是招牌菜，有些是出面舖頭較少有的菜式。點菜後，就送來一壺鐵觀音及每人一杯功夫茶。細問之下，原來功夫茶是鐵觀音的濃味版。在最後一道菜後，亦會送來一杯。茶味濃得來不苦，帶點甘味，上菜前飲吓覺得好開胃，而在最後就可幫助清清油分，首尾呼應呢個安排好不錯。前菜都想讚讚。酸菜是大愛。平時好打冷舖一定要一大碟，想食少少都唔得。呢度份量剛好，酸味味適中好開胃。好快就上個滷水鵝肉拼盤，呢個有鵝肉、鮑片、豆腐、蛋。滷水味剛合我口味而又不太鹹。而且如果再少啲人都可以叫，因為多款而每款都可食一啲，唔駛大大碟，呢啲我最鐘意。呢味餸另一亮點，是碟辣椒油，香味及辣味都好有水準，滷味沾上來吃，吊出個'味'來方魚雞球炆粟子呢味上菜香到無得頂，我主要想講粟子是有兩至三種質感，有大有細，應該是有幾種不同品種的粟子，又是我最愛的多款每樣試少少人嗰杯茶😊不過我們都食剩咗一些較硬質感的粟子炒番薯苗番薯苗是因為媽媽話營養超高所以叫我，好夠鑊氣。我食落去覺得有加到少少獻汁，個汁係

媽媽生日要食好啲，去美麗華就最方便又舒服。百樂小館係'潮'食，啱晒媽咪口味！預先訂咗枱，店員招呼殷勤，卡位亦坐得很舒服，前菜有媽咪鍾意嘅潮州鹹酸菜，甜甜地好開胃。滷水鵝片拼盤～ 必吃推介！鵝片肉質非常嫩滑 肥瘦適中 花椒八角的香氣撲鼻 入口有淡淡丁香桂皮的味道 入味得來不會過咸 好好食！ 墨魚片軟熟 厚薄適中。豆腐香滑。五花腩一層肥一層瘦 口感一流！杏汁白肺湯～ 杏汁湯非常濃郁，像杏仁糊般的口感，杏仁味豐溢！豬肺很滑溜 完全是誠意之作：）五香芋絲卷～ 芋頭粉絲必吃！熱辣辣 外面帶點脆 芋頭鬆化 帶點五香味 芋頭好足料 正！紅棗烏豆豬尾煲～ 壽星媽話要試 我原本有點抗拒 覺得好肉酸 牛尾食得多 豬尾真的冇試過！上菜時 遠遠已經聞到紅棗香氣！鼓起勇氣試左一件豬尾 原來又幾好味！肉質都幾腍 而且非常之入味 媽咪食到好高興！清心丸綠豆爽～ 呢個糖水必食！清心丸QQ的 我一向好鐘意 綠豆粒粒爽口 又唔會太甜 飯後甜品的好選擇！壽星媽食得滿足 指明下次想食潮州菜要再來：）

成家都係潮州人，平日間中都會煮潮州菜，好少出街食。見呢間餐廳食評幾好，又係家鄉菜，地點又方便，所以就帶左屋企人黎食😆平日夜晚黎食都估唔到都幾多人，好在一早book左枱，唔洗等😏。雖然係潮州菜館，但環境一d都唔老套，坐得又舒服，招呼都幾好一坐底就遞上鐵觀音☺️呢碟酸菜好清甜，好快俾我清左😅呢碟蘿蔔灌漿連屋企都話未試過，應該係新派潮州野黎。外面好似油炸鬼咁脆，裡面係白蘿蔔絲加埋d灌湯，有d似蘿蔔糕呢碟XO醬生啫芥蘭煲送上黎時熱騰騰，正😁平時唔太好杏仁，覺得佢d味似藥水。但呢個蛋白杏仁茶我岩飲wo, 冇藥水味，好潤口好滑😍

同屋企人聚會，一定係去食中菜個個都啱食啊嘛先黎一人一杯功夫茶 好耐無飲過啦！依家勁少餐廳會咁serve! 濃濃的茶香，適中的熱度，正！除了功夫茶，仲有小食，我最愛的花生魚乾 等主菜黎食最啱係我最愛的黃花魚好大條！佢無落任何汁，所以食得到個味道好鮮甜！ 我就叫咗個白飯配 一下子就食曬成個飯了！我另一個推介會係杏汁豬肺湯其實我好怕杏仁味，所以屋企人叫個陣打咗個突！但呢個湯唔太大陣杏仁味，相反仲幾香幾好飲，仲可以食豬肺tim呢個小館真係唔錯，下次同朋友黎尖咀又多個選擇

今日難得約到阿姨食晚飯，當然要食大家既家鄉菜 一 潮州菜。上網睇到呢間餐廳有網上訂座，又近大家既公司，於是決定一試 。餸菜款式唔少，左揀右揀都唔知揀咩好，於是聽下待應既介紹。每個月仲有主題 十月就係啤一啤🍻，不過聽日大家都要番工，都係下次先 。呢兩碟係我揀既黃花魚起左骨，肉質新鮮，食起黎好方便 。食黃花魚必配既普寧豆醬 我最愛既麻醬雞都無令人失望，肉質唔老唔鞋，麻醬夠香但無完全蓋過雞味 。鐵觀音 濃香 食飽消滯最岩呢間潮館無論食物、環境同服務都很唔錯 ，絕對係食潮州菜既好選擇，下次要留肚試下甜品 。

查實成個九龍區，除左走去太子果邊之外，真係好似唔多地方食到潮州菜，所以決定試下舒服Ｄ比貴小小，上去酒樓食。食之前有功夫菜飲，我既認知唔係應該飯後消濟架咩....我唔係潮州人唔敢亂講野。揀左鮑汁頂住個肚先，反正唔洗$50，花生份量都好多，而個汁並唔係太黏身，應該後加左Ｄ汁先上碟...呢個拼盤都幾多野下，包括鵝片都有，用較清既滷汁關係味道並唔會太咸。全晚最估唔到既係一大盅杏汁白肺湯，$168呢個價錢完全接受，分到八大碗有多，除左湯底濃左ＤＤ之外我無野可以彈了，呢個價錢。小菜類正正常常，最緊要係並唔油膩。呢個係揀酒樓同普通打冷舖最大既分別，健康好多。所以食糖醋伊麵就好明顯知道有Ｄ功夫，因為都炸得幾乾身又唔索油，個人鐘意點醋食。如果比我揀多次，我都會比貴小小但坐得舒服Ｄ同食清淡Ｄ，一定encore。

一家人不經不覺又過了二十多個年頭，只是今日成員少了一位、 但不要緊她始終在我們心中仍然佔一席位， 預早慶的中秋飯我們選擇飲茶、 不要煩惱晚上搵位交代的時間， 共識的轉變吃午飯已成我們家人飯敍的時間。。。裝修設計時尚應該是食店的其中一個亮點， 因為早早已訂位所以直接由侍應生帶到餐桌枱旁、 看看點心紙其實價錢上毫不手軟， 不過由於席間訂枱家人來過覺得不錯所以就選此、 如果這價錢應該仲有很多同類型的比較和選擇~永遠都講人多好辦事，所以在點心選擇上我們今次種類亦都非常多、 點心部份有些可以在場面上看到廚師即場製作。。 新鮮熱辣辣上海生煎包HK$38. 外皮不算太厚內餡肉汁中中平平， 不過不失之作~ 對於娥姐上素粉果HK$48. 個人覺得口感上不算十分豐富、 以這個價錢而論不值一試~ 菠菜汁蝦餃皇HK$48. 雖則實物比一貫方間更為大， 但 蝦餃皮較為厚身而且不算晶瑩、 對分數的整體度亦略為要遞減~ 黑松露鮮蝦長春卷HK$48. 漂亮的名字但實質上味道只是一般， 黑松露氣味亦不算突出、 雖然入口尚算脆口但亦都是一句不為一值~ 這個香芋豉汁蒸排骨HK$38.肉質很稔， 名為排骨但肉質部

一直都知美麗華多野食，食得多西餐都想食返d中式野，今次就揀左百樂小館，裝潢好modern，坐位舒服。我地叫左滷水鵝肉拼盤 ，鮑汁扣鳳爪，紅燒皇子乳鴿伴凱撒沙律 ，秋葵炒牛肉 ，方魚雞球炆栗子 ，糖醋伊麵 ，手打魚蛋煮津菜煲同埋甜品。鵝肉啖啖肉，但不會太油過肥鳳爪同平時酒樓既煮法唔同，同埋肥美d我好唔鐘意杏仁陣味，但友人極喜歡，覺得好香好入味，滋潤必試，魚蛋好彈牙好正! 清清地，好岩我口味賣相鮮艷，牛肉嫩不會太甜既桂花糕

放假朋友聚餐揀左地點方便的''百樂小館''。新派中菜廳，裝修簡單大方，有幾個雀籠燈罩 樣的單間小包廂。滷水鵝肉拼盤。潮州菜中最愛食滷水拼盤。''百樂小館''滷水拼盤有鵝肉、五花腩、墨魚片、滷水蛋同豆腐。整體滷得幾入味，特別係鵝肉，腍身又有香味。椒鹽九肚魚。顔色金黃，粉漿上得很薄，魚肉嫩滑，不過椒鹽味比較淡。黃金炸雙棗-蝦棗配蟹棗。即叫即炸，上枱時非常熱。味道不道，有點點海鮮鮮味，脆口少少彈牙。最後加個廚師推介XO醬生啫芥蘭煲。XO醬不多，不太香，味道不特別和出色。總體而言，係三五知己、家庭聚餐一個唔錯選擇。

前日親戚生日便到了百樂小館，一嘗新式潮州菜，餐廳招呼周到，一入坐就預備了功夫茶百樂小館主打潮州菜式，所以第一道菜當然是潮州滷水鵝肉拼盤😍 份量剛剛好，其中滷水鵝肉最深得我心，鵝肉吸滿了滷水汁的精華，又不會過咸 第二道菜是我最鍾意的蘿蔔灌漿，以 $48的價錢很抵食，外皮裹著薄薄的粉漿，咬開炸至金黃色既外皮後，粒粒豐富既蘿蔔清晰可見，跟我一樣喜歡食蘿蔔的朋友真的不能錯過👍😋紅燒皇子乳鴿伴凱撒沙律- 56/隻乳鴿皮燒得又脆又薄又香，配上凱薩沙津有一種小清新的感覺🌿秘製乳香骨是爸爸的必點小菜，每份排骨都切至細細件，方便入口，香噴噴既南乳味，鬆脆又吾乾身的口感，食到最後連骨頭也滲有濃郁的南乳香氣💨另一道主菜是沙茶牛肉炒河，上枱時香氣迫人，味道相當濃郁兼份量十足，當中的牛肉腍有咬口，再配搭獨特的沙茶醬汁，讓人垂涎三尺，其中最好的一點就是不會太油膩，芥蘭亦很甜很新鮮😎一餐完美的晚餐又豈能少得一份甜品做點綴呢？每份甜品都很精緻，主角很喜歡食擂沙湯圓，最後就選擇這道花生糖糠湯圓，一份有六粒，與家人摰愛分享就最適合不過👪外層是芝麻跟花生，口感酥脆食落軟糯又有少少煙韌，內有芝麻作餡，芝麻味很濃，入口甜而不膩