百味川 (已結業)

星期日與朋友到葵芳吃晚飯，看見了這間新開的小店，店鋪環境不錯。菜單上的選擇挺多，最後選了兩款麵食加飲品。這一款是酸菜魚米線小辣。飲第一啖湯已飲得出鮮魚的味道，飲得出是用心之作。魚肉鮮甜份量多，酸菜的份量也很多！另一款是蕃茄拌麵，樣子已令人很有食欲。加了木耳絲，竹笙與雞翼尖三款餸。第一次食淮山麵，成個麵好夾。 推薦木耳絲👍🏻味道少酸少辣，感覺爽口，配上蕃茄好有驚喜！食左一次絕對會上癮，會為了尼個麵而再尼！

見到葵廣新開左間米線舖，星期日黎行街順便試下，一入到去侍應好有禮貌，見到人都即刻帶位，裝修都比一般米線舖靚同乾淨。見到餐牌主要有兩種選擇，湯麵同撈麵，今次既都係湯麵，一碗准山麵，一碗米線，准山麵聽個名都無咩期望，但食落又幾好食(比較下本人鐘意准山麵多過米線)，餸就推介紅燒肉，煮得幾入味，幾欣賞呢間同一般米線舖都有啲唔同，好似准山麵同紅燒肉呢d平時都幾難搵到！小食叫左個蒜香白肉，都幾入味，不過肥膏對我黎講就太多，如果少啲肥就好。總括黎講，食厭左譚仔同雲貴香既話，食下呢間都幾新鮮值得一試👍