百味川 (已結業)

星期五放左工就去行葵廣，樣樣都想食，但又唔知食乜好，就去食蕃茄濃湯扭扭薯粉啦！其實百味川係食酸辣、麻辣米線，仲有其他川菜小食，但是我就鐘意食佢嘅蕃茄濃湯湯底，落單叫左小鍋米線轉扭紋薯粉，湯底要蕃茄濃湯（+$2）。小鍋其中配料雞肉都幾滑，牛丸細細粒，麻辣豬肚因爲浸係蕃茄湯，所以係唔辣嘅！扭扭薯粉煙韌，而且容易掛上湯汁，湯底蕃茄味極重，仲有甜甜蕃茄肉，不過每碗扭扭粉嘅份量都幾多下，跟餐叫凍檸茶，算大大杯，但下次可以叫少甜。結賬$55

而家食嘢越嚟越貴晚餐最少都百幾二百蚊食粉麵之類就可以平d呢度必推一定係川香乾拌麵食過一次之後返唔到轉頭呢個就係川香乾拌麵上面有勁多餸同埋香料撈埋晒一齊食真係冇得彈面嘅份量都唔少我另外叫咗有麻辣豬肚和豬大腸麻辣豬肚辣辣地撈埋個麵食真係一流唔算話係超辣但係豬肚入晒味正食落有少少似街邊撈麵但係質素就高勁多友人點左湯麵份量都幾大 係撈麵嘅兩倍！下次都試吓湯麵食先原味樽仔奶茶原來係每日新鮮整既奶茶味道好正!!好濃好滑

呢度既size係下午餐：正常餐大小正常餐：超大king size今日咁岩去附近唱錢就嚟咗呢間百味川食個米線個時段咁岩撞正係午餐同下午茶之間店員就問我想食午餐定下午茶我又未食午餐 就決定叫個正常餐食我叫咗嘅係百味鮮茄魚米線枝竹，娃娃菜，腩肉一嚟到就已經見到超大碗有我成兩隻手掌咁大好香嘅鮮茄香味個湯底都幾濃餸嘅份量都比起平時嘅多枝竹淋滑入味，勁香嘅蕃茄 好味推介另一個呢度既熱賣就係呢支奶茶!! 超高質

位於太子既小店近排都幾出名下 多左好多人黎排隊秘製牛筋腩河粉食呢度既河粉主要係因為知道佢既牛筋腩係勁高質特別係牛筋, 淋滑入味得黎仲要做法係最傳統個隻成個河粉加埋醋食真係一流北菇滑雞粥雞粥向來都係我最愛呢度勝在一個點就係超多雞件同埋北菇加滑雞既味道配上呢個軟綿綿既粥口感同味道都一流睇下件雞幾大件, 成碗粥都冇咩碎骨值得一讚炸両餸粥點可以少得炸両呢度既我比100分因為佢仲keep到入面係好爽脆唔係度度都可以整到咁高質！

夜晚成十點 葵廣好多餐廳都收左百味川仲有開 我地就中左入去食冇諗過有驚喜！ 個蕃茄湯底勁好味 勁濃茄味 又唔會好酸搞到好想飲哂成碗！ 仲有一定要叫淮山麵第一次食 原來係好爽口 好好味呀🤭🤤

今晚一個食晚餐，揀左快靚正，又好味既酸菜魚淮山麵。麻辣豬肚$28，份量都幾多，豬肚好爽口，麻辣味幾強勁，越食越出辣味，個咀開始麻，仲有辣椒籽的香。豬味酸菜魚淮山麵 $56，超級大碗，多到兩人分都仲得，夠飽肚，魚的份量亦很多。酸菜也算多，配魚同食味道更好，而呢度的酸菜唔會太酸，味道較溫和，較易入口的味道。魚肉厚身又大塊，雪白色好滑溜的魚肉，醃過夠味同埋唔腥，仲吸左酸菜既味。湯底濃而不油，所以飲落唔膩，而且唔會好咸，仲好有魚味。麵可選米線、淮山麵、薯粉，淮山麵幾特別，較幼身又順滑，麵質偏硬有咬口，浸耐左都唔會變腍變糊，口感好好。套餐加飲品都係$6，都幾抵，飲品味道正常、合理。

今日開完會見到百味川，就入去食個米線啦！之後開完會經常都會過黎依個商場食飯，因為又平又抵食！今日lunch食個米線，我叫左一個珍寶過橋米線，有豬潤、牛肉、豆腐、魚腐、香腸等等，湯底濃香濃厚，米線爽口掛湯力高，超愛珍寶版，咩餸都有好豐富！大大碗食完非常飽肚！lunch time黎到人流好多，我等左一陣先有位坐！另外叫左一枝樽仔奶茶，好懷舊既奶茶，入口奶香濃郁，茶味夠突出，果然夠過癮！一口米線一口奶茶，lunch超滿足！

早放後係葵芳 shopping 後有點累，到地鋪的《百味川》刺激一下！ 珍寶過橋米級線 HKD 60 麻辣 加HKD 1 轉 淮山麵 今日的第n 餐！ 淮山麵有好多好處 - 低熱量，煮得口感爽滑彈牙是一個必選的健康麵。叫得珍寶所葵月多種餸菜， 鮮牛肉、雞肉、魚片頭、火腿、豬潤、龍蝦丸、支竹、豆卜 —- 很豐盛呢！ 👍🏻 整體牛、雞有咬口，爽豬潤、支竹、豆卜很夠棯，湯夠熱！ 吃完後將近九時，但仍有很多客人！今天很滿足，這個商場太好行了 ！

曾經成日黎葵涌朋友家打牌，順到會黎葵涌廣場買衫食野，今日又來重遊舊地，下午茶時段見lee 間鋪都好多人食應該唔錯就坐底叫左紅燒肉娃娃菜小麻辣米線，肥牛金菇蕃茄酸辣薯粉，樽仔奶茶紅燒肉好味，肥瘦雙間煮得好軟林勁入味，連瘦肉都好林唔柴，帶點甜味正，娃娃菜新鮮有菜甜味，米線質感剛剛好唔會太林仲有彈性湯底因為酸菜帶點酸甜味麻辣味夠香肥牛有驚喜肥瘦適中有牛味蕃茄酸辣湯底好濃郁蕃茄味，鍾意蕃茄既人會鍾意樽仔奶茶好飲，香濃順滑夠大枝。香港地有好多米線鋪但唔係間間好食，這間唔錯可以再食，不論米線，薯粉定餸都岩我口味尤其紅燒肉

我主要到這間百味川永遠都是選擇蕃茄湯底的,因為要遇到能令人滿意的蕃茄湯麵其實业並不容易.但這裡的蕃茄湯真的令人滿意首先, 蕃茄湯是濃郁的, 不會是水一般的浠, 而是有少少糊的感覺你每一啖湯都會飲到蕃茄肉的而且味道自然, 不像茄醬開出的湯即使將整碗飲完, 都不會口渴的起碼這一點令我飲得會比較安心

突然想食湯粉 但唔想再食米線見到係葵廣地下呢間成日都好多人既百味川 Pak Mei House雖然我唔食辣平時都係"清湯人" 就試一試咁岩係下午茶時間 加$18 就可以加一份小食抵食!自選清湯套餐 $372款配料+米線 / 扭紋薯粉 / 准山麵揀左滷水雞翼尖+炸醬 配扭紋薯粉 清湯扭紋薯粉 硬度岩岩好彈口有咬口炸醬有小小辣 仲有D辣椒絲 夠入味滷水雞翼尖 大概有4隻到 滷水夠香雞翼尖入味但唔係散開蒜泥白肉 $30 (下午茶時間+$18)豬肉厚身 食落口沒有騷味 配上熟蒜既蒜泥我個人覺我更加好食 整體比平時乜哥更好食餐飲凍檸茶加$3其實我對百味酸菜魚米線都好有興趣 下次再試先假如Menu 上可以加隻辣椒係辣既餸隔離就更加好!Stay Tuned!XOXO!

放工與朋友一同前往葵芳逛街， 逛街後，最終目的當然是為了吃飯，這次我們選擇了一家沒有太多人的四川風味小店。我點了川香乾拌麵，選了酸辣及淮山麵，配料包含豬頸肉，青瓜絲，技竹和貢丸。 一般乾拌麵也吃得多，平常的也是比較油膩，而這家小店卻令我推翻了過去的想法。入口醬汁豐富，充滿了四川的酸辣味，加上健康嘅淮山面，面掛滿了醬汁入口更加美味。川香白肉， 作為前菜份量唔算多，勝在價格便宜， 但請不要小看這個，辣味卻是100級，這次的挑戰我輸了。由於太辣嘅緣故，所以我點了原味樽仔奶茶，奶味與茶味配合得剛剛好， 甜度適中，剛好把辣味也變得溫和。小店果然是一個充滿驚喜的地方，下次又多了一個新的選擇。

食辣野真係好開心，去到葵涌廣場新開嘅呢間川菜專門店食佢地出名的米線。感覺有啲似川味美食呢間舖頭，裏面嘅裝修唔算太華麗但燈光幾鮮明同埋整潔。咁啱放lunch就同同事試吓，叫咗個川香乾拌麵，有豬頸肉、青瓜絲、枝竹同貢丸，食落去好香口，我仲加咗蕃茄酸辣，真係未食過咁惹味嘅米線，本來仲以為蕃茄會係甜得好唔自然，點知佢又可以做到酸酸辣辣咁，認真唔錯。成個面咁大個都係$47，好抵食。仲叫咗支豆漿飲，全部每日新鮮到貨，豆漿好香滑，飲完好舒暢！

葵廣裡的小店，經常經過但每次都緣慳一面。這日逛街再經過，決定放棄掃街同米線愛好者試下呢間川味米線。當日係平日，幸好未需跟旁邊客人貼著坐，但如果星期六/日小店應該都係無可厚非的。米線價格一般就四十幾以上，而小食就2-30左右，價位屬於平價。中麻辣五餸薯粉 🌶🌶$61 - 波浪型薯粉，掛湯能力高，也較彈牙。叫嘅係中辣，湯底夠麻夠辣，還配上微酸的酸菜，湯底味道有層次，辣到咀腫才夠爽！放肆的姐任何一間米線也必叫腩肉，腩肉雖然外表很嚇人，但做得好其實口感是爽口不油膩。這家腩肉算是厚切，都保持都爽口彈牙，水準合格。小酸辣辣五餸米線 🌶$61 - 個人不愛太酸（朋友愛酸辣），但湯底酸味我也可接受。竹笙吸哂湯底精華黎食，又係我必點之一。🍴川辣雲耳 🌶$25 - 醬汁較重口味，但辣度只算是微辣。🍴川香白肉 🌶🌶$30 - 同樣屬於爽口，味道反而比雲耳淡，辣度偏強，不太能受辣要慎點，但愛辣的相信反而會覺得辣得過癮！飲品：檸蜜 - 普通飲品就不多說了總括黎講，人均100以下絕對抵食嘅，要一讚嘅係湯底係食得出有層次嘅。火速食完又可以繼續血拼下喇

一個人晚宴之選 麵麻辣豬肚 紅燒肉 酸辣 淮山麵 $45豬肚 不軟亦不硬 口感剛剛好但好像麻辣味不多紅燒肉 採用的豬肉 肥瘦比例個人覺得剛剛好入口唔會有成口油嘅感覺 豬肉軟淋 但唔會碎散酸辣湯底 味道香濃 有點多油淮山麵 口感一流