百味川 (已結業)

行葵涌廣場前先食午餐，見到呢間百味川幾多人幫襯於是去試下。呢間麵店湯底獨特又多選擇，淮山麵更係呢度嘅特別之處百味酸菜魚淮山麵魚湯好香濃，加上酸菜令湯底有啲酸甜味。魚肉份量好多又好厚肉，食落夠嫩滑，主食淮山麵嘅質感恰到好處，軟硬剛好，有口感。百味鮮茄魚淮山麵嚟到時已見到湯底好濃，飲落覺得好清甜又開胃，魚肉都非常入味，啖啖蕃茄唔會太淋，好滋味。叫埋個小食蒜香皮蛋，賣相好吸引，有粒粒芝麻係面，皮蛋蛋黃好大粒，食落蒜味好濃，仲有麻油同芝麻香，正！

中午無咩做，走走葵芳行下散下步，順便搵野食。到葵涌廣場行左個圈，見到百味川我未食過，又見有卡位坐得舒服d就入去試下選擇都多，我無叫牌既水煮魚(早兩日自己整食左）散叫薯粉加豬腸豬肚 麻小辣 加凍飲$50湯唔錯，夠濃，不過唔覺得麻，有酸菜配料，所以都有d似酸辣湯底。小辣我都夠，頭幾啖覺得唔夠，慢慢辣味就更出。豬肚豬腸唔係話勁入味，但都唔差，可以再煮得淋身d就更好。薯粉唔洗加錢又幾好喎...我會再幫襯試埋其他野的

本來見到網上評分都唔錯，就試一次，點左招牌酸菜魚淮山麵，滿心歡喜期待，沒想到所謂的魚原來只係用雪藏魚柳，無驚喜，湯無魚鮮味，勁失望， 價錢亦唔平，下次都唔會再食。

味道真心不錯，但可惜地方太太太窄，坐位又不舒服，路又窄，店舖細冇計，問題是收銀處男店員唔知點解一副凶神惡煞的樣子，點解咁講係因為比錢既地方同兩邊既食客太近，行入d就整到人，收銀果個又唔醒水…等人遞到埋去…唯有叫左聲“唔該”想佢伸一伸手接d錢囉，點知佢個樣嫌麻煩之餘仲好似想食左你咁，對眼堀住晒又唔出聲……經過今次以後唔敢再去喇……下次想食米線去第2間算……比錢又麻煩…坐正收銀處2邊的話又要成日避比錢d人…

1️⃣酸菜魚米線價錢$56呢間米線之前已經食過！佢個酸菜魚米線又係好好味🤤佢唔算太辣同埋有好多魚柳食落好滑好鮮味👍🏻加上米線比較爽口、配埋湯食一流😍2️⃣蕃茄魚淮生麵價錢$56鐘意食蕃茄既你要試下呢碗麵因為佢個蕃茄湯好清甜唔會好酸！配合埋魚柳一齊食好鮮味😍👍🏻👍🏻👍🏻

水其實米線我一向都好普通，因為成日覺得無咩味道咁。所以一直都好少食，突別係連鎖式果個米線品牌。咁今次同朋友行開葵涌廣場，佢話想食米線咁就陪佢試下呢間「百味川」啦。星期六晚比較多人，哥仔見滿哂就叫我地去隔離鋪「輕鬆一下」坐，佢話照可以嗌返米線。佢可以好似車仔麵咁揀餸，有湯麵亦都可以揀拌麵。咁我就比較三心兩意又唔知揀咩好，咁呢度亦都有啲預設好嘅選擇，亦都係有湯有拌麵揀。我就揀左個百味小鍋米線，裡面有勁多餸！朋友果個特別啲，叫淮山麵，好爽口彈牙！

葵涌廣場不嬲多嘢食就係人都知，今日就試咗呢間食米線嘅百味川🍜相比起商場入邊嘅其他餐廳，佢嘅鋪面算係比較有裝修，座位都比較舒服💁🏻‍♀️，起碼啲櫈係有靠背，唔係坐圓櫈咁辛苦😌食咗佢哋嘅招牌百味酸菜魚米線🐟，米線可以轉扭文薯粉或者淮山麵，平時一般食嘅酸菜魚湯底都係酸菜同埋麻辣為主，不過佢哋呢度嘅酸菜魚湯底就有啲唔同😯，飲得出好濃郁嘅魚湯味🤤，亦都唔油，就咁飲魚湯都唔會口渴呀，而佢哋嘅魚片無骨，仲煮得相當淋滑架👍🏻另外仲試咗百味鮮茄魚米線🍅，湯底有好重嘅蕃茄味，飲得出用咗好多新鮮蕃茄去煲出嚟嘅，飲落唔酸仲甜甜地，幾開胃😋小食就試咗蒜香皮蛋🥚，真係勁多蒜蓉，好香呀🤤，另外仲試咗口水雞翼🐓，佢已經幫你一開二變咗做單骨雞翼，食落好方便，個口水醬汁仲好有麻香添👍🏻原來佢哋最近係大埔仲開咗分店啊，住喺大埔嘅朋友可以試吓啦😉

唔想成日都去x仔食米線，呢間鋪頭特別係有比較少見的淮山麵。食物：呢間鋪頭除咗有米線和扭紋薯粉之外，我每次去呢一間都係會點淮山麵，麵條比較幼，因為係一個個麵餅，所以冇得叫小麵。佢哋嘅微麻辣都好好味，新鮮嘅配料都比較多，可以唔使成日食咁多加工食品。服務💁🏻‍♀️：職員服務可以。環境：餐廳小店比較擠迫，環境尚算可以接受。泊車🅿️：最近可以泊新都會廣場。總結：麻辣味道唔錯，鍾意食麻辣嘅朋友，值得一試。

嚟到葵廣，平時多數都係食小食，今次想坐低食，開openrice見呢間百味川comment唔錯，而且都幾多人食，於是就試下啦。我最中意蕃茄湯底，又唔食得辣，所以叫左個蕃茄湯底紅薯粉配生菜同雞翼。飲一啖湯先，酸酸甜甜好開胃，食落唔同平時嘅茄膏味，仲有真蕃茄嘅忍唔住係咁飲湯仲多過食粉滷水雞翼就有d失色，可能浸左茄湯，完全無滷水味，而且太韌喇。紅薯粉份量好多，最後都係食唔曬，可能因為飲湯飲飽左幾滿意呢個湯底，以後嚟都會再食

如果重口味既朋友可以去試下你地應該幾中意薯粉本身已經唔係好吸味都食到好濃郁既味道味道比較鹹叫既係酸辣湯底除左鹹左d之外酸度都好夠小編太愛食酸野好難得佢夠酸D餸就好正常都係丸丸丸由於湯底鹹所以菜都鹹

讀書的時候，經常同同學仔在葵涌廣場徘徊，有得行街、食下野，都幾開心！朋友帶我來食這間百味川，湯底款式很多選擇，酸菜魚湯、蕃茄湯都有。鮮茄魚淮山麵，番茄湯真是很濃郁，魚塊又很嫩滑，特別是淮山麵，口感很爽，未吃過淮山麵值得一叫。口水雞翼，雞翼破開兩邊，容易去吃，又很香很入味，有些辣。樽仔奶茶，奶和茶比例適中，入口茶味濃郁，很順滑，樽裝設計即使飲不完又可以帶走慢慢飲。自己都很喜歡酸辣、酸甜食物，所以這間餐廳正合我心意，我想酸辣粉絲也會喜歡的。

酸菜魚米線令人食過返尋味。這是我第二次來這店吃這個酸菜魚米線，今次轉了薯粉。麵一來到，我立刻夾片酸菜吃放進嘴裏，怎料，我夾了一小角醃辣椒。嘩，很辣，立即喝一口湯，這口湯特別甜。(說明清楚，基本上湯底是不辣的，相信辣椒只是伴碟來的)魚湯甜，酸菜恰到好處，最畫龍點睛的是魚肉。魚肉香香滑滑，鮮嫩美味。湯粉很大碗，真是兩個人都夠吃。還點了麻辣豬肚，麻辣味剛好，麻而不太辣，肚絲爽口，不會太油，可以是百吃不厭的小食。

當日做到2:30先有飯食咁就試下呢間好似出名抵食又唔差既下午茶下午茶無咩人坐得睇左餐牌一陣就叫腩肉豬耳酸辣米線再加18蚊一個白肉（7-8塊）再叫左豆漿豆漿比成支都係加3蚊真係抵個米線一上都好似好對板湯色紅紅又有少少肉碎韮菜個d湯個味👌🏻不過米線唔得腍滑腩肉極肥又少豬耳就正常個白肉有配辣醬但效果唔係好夾好普通不過18蚊一試無妨支豆漿好好飲，加3蚊抵如果有下次就試佢個酸菜魚，好似好出名同埋佢支自加仔支裝奶茶

之前經過已聞到好香麻辣味，今次特地走去食，12點半到無乜人。叫咗個小鍋麻辣小辣紅薯粉，小鍋有牛丸、麻辣豬肚、雞肉、豆卜，先黎杯凍檸茶少甜少冰，味道剛好，茶底清，我個人唔喜歡超濃紅茶，呢個啱啱好，仲要係大大杯豆卜，第一口食到胡椒粉味，未試過食麻辣會有重胡椒粉味，不過唔差，而其他餸湯粉都無呢個味道，可能只係豆卜有人🤔花生好食無益味，雞肉好滑，似係油水醃過，豬肚同牛丸都ok，基本上全部都ok，但薯粉對我黎講太un了，好似無乜咬斷到就吞咁不過見好多人叫淮山面，下次要試呢個先得。至於麻辣，佢係麻辣唔係單純辣辣油辣，無搶喉嚨，但就無花椒味，同之前行經有重花椒麻辣味，今次唔單面無花椒味，連聞都唔覺有🤔，欠花椒味失色咗d。不過，總括黎講值得一試。d姐姐服務好，唔會大大聲講嘢，最怕食肆啲阿姐大聲叫仲有啲食具好乾淨，唔會lup痴痴仲要無漂白水味，呢啲真係加唔少分。店內座位較窄，所以少人時間去食會好好多

有次跟朋友行街行到累，要先醫醫肚，隨便選了一間有米線食的店舖入坐，那時肚餓真係食咩都好味，由其是個湯底，好懷念那濃濃的酸辣味，於是今日再來食多次！朋友未到，我就先坐低先看看餐牌。今次叫個酸辣湯底米線加竹笙，湯底會加少許肉碎，更美味麵量不算太多，有時怕食不完會要求「少米線」，而這裡沒有減1的優惠哦。再來叫左個很多人推介的蒜香皮蛋，個人食落覺得太辣，蓋過了米線的辣味，而皮蛋切太小，只剩皮沒有蛋黃。葵廣美食眾多，價錢又便宜！ 試過百味川的米線讓你停不到口，小心上癮！