百味川 (已結業)

位於葵芳葵涌廣場既百味川🍜喺葵芳站D出口行過去亦十分方便😆裝修簡約夠哂地道既川味麵食小店🍜😋但不遠處已聞到陣陣香味🤤🍜的確吸引到唔少附近街坊黎捧場之餘😆店員亦好親切主動介紹唔同推介餸菜小食😋自選米線小肥因太肚餓既關係🤤🐷🙇🏻‍♂️重手左一口氣叫左四樣餸🤪🍜有豆卜、枝竹、豬頸肉同埋雞肉🍜🐔🐷😋天氣回暖揀左番茄酸辣乾拌麵既小肥唔會食到出哂汗🤤微微酸辣啖啖番茄鮮香夠哂開胃之餘😋🍅豬頸肉更係呢度既生招牌🤩醃製得夠入味之餘🤤肉質嫩滑脂肪比例均勻食落唔會油膩🤤🐷而經慢煮既雞肉肉質嫩滑食落一啲都唔鞋亦夠滋味😋🐔最後以奶香濃郁既凍咖啡作結😆☕️滿足既一餐😆😆🍜😋

黎親葵廣都係掃街 今次坐低試吓啲粉面店行過見到人哋食 好似又大份又好食咁-蕃茄魚米線($58)魚肉幾滑 幾大件 咁大碗只不過 $58蕃茄湯濃厚鮮甜 仲有一舊舊蕃茄㗎 唯一就是米線太腍-家鄉紅燒肉米線($50)紅燒肉好入味 一層肥膏一層肉 但係肉可以再多啲 面嘅份量啱啱好仲有滷水蛋好入味 好有台式風味-醋香雲耳($26)26蚊大大碟 食極都唔完超級抵食每舊雲耳都沾滿醬汁 酸度啱啱好但係依然爽口-麻辣手撕雞($32)涼拌手撕雞 除咗肉仲有青瓜絲 撈埋一齊好開胃份量好多 2個人食啱啱好 啖啖肉 唔會好辣不過夠麻 吃得好過癮-蒜泥白肉($32)味道不過不失 肉嘅份量都唔少 鋪滿成隻碟略嫌唔夠重口味同太多肥肉 要點好多蒜泥咁食-📍葵芳葵富路7號葵涌廣場地下A39號舖

川味麵店岩口味，我第一時間唸起百味川，自從上次來食過一次，覺得價錢平民化得來水準也不錯，今次行開葵芳都特地來食。首先主食選了酸菜魚配淮山麵同珍寶過橋米線清湯，酸菜魚之前試過真係做得夠地道，加上唔係間間麵店都用淮山麵，這是特別之處。而珍寶過橋米線就有好多款不同的丸子，大大碗清清地都味道唔錯。另外我們也點了小吃，有手拍黃瓜，炸雞尖同炸韭菜餃，炸雞尖好野味，而韭菜餃做得夠皮脆餡多，好有口感。而呢度最特別就係有凍檸啡，我點了凍檸啡，岩我口味同埋夠啡味，唔係度度都飲到，今晚點了咁多野食，又大飽口福了。

呢個月持續疫情下...公司都會早放工...又唔好去人迫地方...但又好想食碗麵先返歸！一於去葵涌廣場搵好西🤭🤭😝😝酸菜魚淮山麵+魚肉：魚肉勁滑！酸菜冇搶走魚味👍🏽酸菜同魚好鬼夾呀...個湯好好飲💯加埋鯪魚滑好係好好好滿足！麻辣手撕雞：又香又辣仲勁麻...絕對刺激味蕾！炸雞全翼：勁大隻囉！唔知以為係大豬手🤪🤪斬埋件碟上真係好貼心👍🏽自選米線：金菇，枝竹，魚片頭，魚肉，仲有紅燒肉！呢間秘製麻辣（少辣）完全唔講得笑...小辣已經有咁勁，真係唔敢想像挑戰大辣會點樣😂😂辣度餘勁非常強勁！個人推介：紅燒肉，好入味，又冇油膩感，相當出色👍🏽值得一提...醫護人員有八折優惠！齊心抗疫，抵讚💕💕

琴日同男朋友嚟咗葵廣交收日用品，經過呢間出名川味菜既小店，見到呢度賣少見既淮山麵，即刻入黎試一試👅👅我叫左蕃茄酸辣湯底，配料就揀左肥牛、慢煮牛筋同店員推介既手打鯪魚球😋手打靚魚肉果然超級鮮味同埋彈牙~而肥牛同埋牛筋都好正，牛筋炆得夠入味同夠稔～蕃茄酸辣更加係我既至愛～酸酸地又唔會太辣，岩哂我呢d嗜辣但又唔食得太辣既人🤪淮山麵屬幼身，比想像中更有口感，健康又好味！男朋友叫左家鄉紅燒肉淮山麵，另外加配左豬手～佢話紅燒肉真係不得了，炆到好稔好入味，比起好多上海菜餐廳更出色！小食方面，我地叫左三款，包括口水雞翼、蒜香白肉同川辣鳳爪🌶口水雞翼係用單骨雞翼，味道偏麻，唔算好辣～而蒜香白肉亦好特別，上面淋上勁香濃既蒜泥，正！三樣之中最辣既就係川辣無骨鳳爪，鳳爪質感夠爽口就不在話下，果種辣係超過癮，絕不是死辣～鍾意食辣既朋友一定要辣！

喺葵涌廣場行街行到攰，見到呢一間米線店座位都幾舒適，一於入去食嘢休息下😚百味酸菜魚米線 $58 嘩！d魚係超級嫩滑，一條骨都冇，份量仲要好多，好正！同埋佢啲酸菜夠酸，好想食多d😝米線都非常多，好飽肚😁麻辣牛魔王米線$58 揀左微辣 餸有牛腩、辣牛根、牛肚，牛肚好彈耳，牛腩腍而入味，幾好。湯底濃味，唔錯，好快就食晒成碗面😝米線本身包左嘢飲，一杯揀咗熱奶茶，茶味香濃，有奶香。另一杯加咗$11，叫左恐龍華田，賣相好吸引，阿華田味十足，面頭仲有層阿華田脆脆，正！小食叫左兩款麻辣手撕雞$32 手撕雞份量勁多，辣味十足，青瓜絲爽口！蒜香皮蛋$32勁多蒜蓉啊，每一舊皮蛋都可以撈到好多蒜😋呢一餐食得好滿足，嘢食份量好多啊！

接男友收工係附近食米線🍜，食完返歸！平時久唔久想食米線都會黎呢度食，鍾意黎呢間就係鍾意佢啲小食！個價錢都算大份，又好食，😋 又多選擇我地叫左酸菜魚泡飯，啲飯吸晒湯汁既味道，非常美味，啲湯好夠酸菜好鮮甜，一人分啲我地清晒成碗野！麻辣牛魔王米線🍜小辣，好多料，好惹味！牛肚同牛根都好多！麻辣手撕雞好味😋！！！！！！蒜🧄蓉皮蛋好似有兩粒，放得好整齊好靚！美味！！！！！！！加3蚊有凍飲🥤非常貼地！收工飯堂！

最近進餐也特別開注到衛生與人流的問題，所以有座位又多選擇的餐廳反而較安全。位於葵廣地下的百味川是返工日子的健康之選，無論麵飯到小食的選擇也不少。川式和麻辣的菜款是招牌菜必選，酸菜魚泡飯$58欣賞飯同湯安排分開上檯，鮮甜酸菜加微酸辣的鯰魚柳，肉質滑溜新鮮有口感。魚肉份量剛好，慢慢加入白飯飲湯份外滿足。自選米線湯底$29濃郁沙爹湯底小辣，加配枝竹肥牛及響鈴卷的米線，友人讚不絕口入味，響鈴卷分開上也是份外滿足。口水雞翼$29已拆骨的單骨雞翼川辣惹味，最岩一些接受唔到過份麻辣味的食客，點到即止的麻辣汁伴上雞翼，灑上香口芝麻，是推介的小食。另加了兩款配料，芥末沙律球，一塊炸魚蛋夾著流心醬，芥末香味有驚喜，是比別家米線獨有的一款鮮鯪魚肉，新鮮無腥味，在這家食魚肉，可說是有信心的保證。咸檸七與凍檸樂(跟套餐 +$8)咸檸七的咸咸甜甜，與凍檸樂是絕配，是開胃中解去川辣味的飲品之選。百味川整體的質素都不錯，性價比高而且開舖到現在保持水準。👅美味: ⭐️⭐️⭐️⭐️⭐️/5✨環境: ⭐️⭐️⭐️⭐/5💫回頭: ⭐️⭐️⭐️⭐️⭐️/5💡性價: ⭐️⭐️⭐️⭐️/5💆‍♂️服務: ⭐️⭐️⭐️⭐️/5

又去葵涌廣場行街街，行完就帶老公嚟食呢間百味川，已經食過幾次，今次終於可以帶愛人嚐嚐～這間是我杯茶，因為以辣為主~當然，佢都好大衆化，除辣外，仲有車仔麵同飯類餐食。由於地方不算大，所以坐得比較迫夾～但都不影響質素的。我當然係揀心愛的酸菜魚配淮山麵，外加咗三款涼伴，而愛人就揀咗炸豬扒滑蛋飯。先上酸菜魚，佢地呢度有淮山麵揀，唔係度度有，而湯嘅酸度適中，而咸度剛好，係好味之選，而且魚又諗又滑，淮山麵都好爽滑，又好味，又健康之後涼伴陸續上場，由於我想食多啲款式所以叫咗雙拼，＄29以下的涼拌可以叫雙併款~口水雞翼同埋拍青瓜，拍青瓜大大嚿又爽口，夠入味，口水雞翼好大隻，夠香又爽滑，另外一個涼拌就係麻辣手撕雞，除咗雞肉外仲有青瓜絲，啖啖肉，夠麻辣，吃得好過癮～老公係飯桶，所以叫飯食，炸豬扒滑蛋飯，豬扒係生炸豬扒，好厚肉，滑蛋亦都好大塊，蛋味香濃，而且仲有鮮蕃茄煮制而成的汁伴碟，解油膩又提鮮。食辣嘢，嘢飲係一定不小得的，叫咗杯鹹檸七下火，加多杯恐龍華田解辣老公都讚我呢餐介紹不錯👍🏻　

在葵涌廣場行行逛逛最好的地方就是很多美食選擇今天就選了百味川~~👀👀👀以麵店來說，座位尚算舒服店家還很細心的，每個座位下也放有一個籃子方便大家放袋子~~不用抱著包包來吃飯~~👍餐廳的麵食和小食選擇都不少~~重點是有不少川式和麻辣的菜式~~很吸引~~😎自選米線(蕃茄湯底+淮山麵+3餸)($54)🎐蕃茄湯底 ($31)蕃茄湯底夠鮮夠甜~~濃郁~~🍅不是只用蕃膏煲煮，是有鮮茄肉在裡面的~~是會令人忍不住多喝兩口~~😂😂😂🎐豆卜 ($7)豆卜細細一口，方便吃~~質感厚實~~吸收了不少蕃茄湯~~好吃~~🥰🎐蘿白 ($8)蘿白煮得夠淋，亦吸到蕃茄湯汁~~不錯~~😙🎐芥末沙律球 ($8)炸魚蛋藏著夾心醬~~是蟹子芝心丸的芥末版~~只有芥末香味，但絕不攻鼻~~😬🎐淮山麵淮山麵的麵質具彈性~不會是太淋~~頗有口感~麵上掛著了蕃茄湯汁，健康又鮮甜，很好吃~🍅麻辣牛魔王淮山麵 (微辣) ($58)麻辣湯底有酸菜、肉碎、花生~~微微麻辣~~配上淮山麵~~非常惹味~~🍜🍜🍜🎐牛腩牛腩炆得非常入味，肉質非常香軟~~沒有誇張的是用筷子一夾即能分開~非常值得推薦~~~😍😍😍🎐牛肚分別有金錢肚和毛肚~~兩款皆煮得入味~

收工諗住係附近拿拿林食個辣米線，就係葵廣見到呢間食米線既食店，酸菜魚米線，睇落幾吸引，就試下佢先！酸菜魚配蕃茄湯底配淮山麵加左支竹同滷水蛋😛酸菜魚肉質幾滑，都幾大件☺️蕃茄湯酸酸甜甜咁，十分濃厚。不過蕃茄湯冇得揀辣度，如果有得加辣就好了☺️肥牛蕃茄湯淮山麵牛肉份量幾多，正正常常🙂麻辣雞絲份量好多，味道亦都好足。唔會好辣，不過夠麻。涼拌皮蛋蒜香十分，皮蛋都好完整，唔會散開哂👍🏻食物上枱速度好快，快靚正。

葵廣向來以多美食款式馳名, 以往都主力走到3樓掃街, 但今次轉戰地下層餐廳, 因為可以坐低慢慢食。任何時候葵廣處處人流不斷, 我地決定隨便見到邊間有位就入去坐。結果走到百味川就止步, 因為個人本身偏好川菜, 就試一下!坊間普遍一份酸菜魚唔平得來份量亦唔細, 一個人食基本上都難以handle, 但百味川居然有酸菜魚米線, 都只不過$58味道唔錯而且魚肉肉質好滑, 唯一就是米線太腍, 下單時忘了要求米線軟硬度, 失策!而我就揀左好似車仔麵嘅的麻辣薯粉, 可以自己揀餸。 最後我揀左竹笙, 牛筋, 豬手, 首先意想不到麻辣湯底夠香夠麻辣, 係一個有自己特式嘅湯底, 而豬手都好驚喜, 煮得好腍, 肉一吮就甩出黎除左正餐, 當然不缺小食, 蒜香皮蛋/ 手拍青瓜/ 醋香雲耳, 都係必然之選。其蒜香皮蛋大有驚起, 用預先煮過嘅蒜蓉, 特別香!食物方面已經好滿意, 而飲品- 我揀嘅紅棗茶其實少有, 好養生!!

今次行過葵涌廣場，見到呢間餐廳座位比較寬敞，就同朋友坐低左。Menu有好多野揀，自選米線有得揀湯底、配料、同埋面。小菜揀咗口水雞翼同麻辣手撕雞，口水雞翼係切開咗嘅單骨雞翼，食起上黎好方便。麻辣手撕雞非常入味，同青瓜絲撈埋一齊非常開胃。我叫左蕃茄湯響鈴牛腩淮山麵，蕃茄湯好鮮甜，仲有一舊舊蕃茄係個湯入面㗎 ！響鈴同牛腩都好新鮮，牛腩非常入味， 配濃郁嘅蕃茄湯好夾。朋友叫左冬菇雞肉淮山撈麵，撈麵底嘅小小汁係番茄麻辣味，濃郁得來又唔會太乾，冬菇同雞肉都好好味。另外叫咗兩支豆漿，都係香港新鮮製造嘅即磨豆漿。豆味濃郁，飲唔晒仲可以成支拎走添，好方便。如果唔想去掃街同其他人迫，又冇位企的話，我會比較prefer呢度，起碼坐得舒服。

嚟葵廣除咗掃街，其實仲有唔少食店㗎，今次嚟試吓呢間嘅米線!! 呢間小店座位唔係好多，餐牌簡單易明!!我嗌左蕃茄淮山麵，配料有竹笙韭菜餃同埋冬菇，蕃茄湯酸酸甜甜幾開胃，湯底都幾濃而且偏甜，個人覺得酸返少少會好味啲，想健康啲就order了淮山麵，麵係幼麵而偏挺身嘅質感，配料選擇夠多最鍾意冬菇夠厚身爽口大隻!! 呢度竟然有鹹檸七飲，太耐冇飲過而唔係咁多地方有，今晚飲到好開心!! 仲叫咗兩個小食-蒜香皮蛋同麻辣手撕雞，兩個都有少少辣幾惹味而且味道不錯!!

葵涌廣場不嬲出名美食多，人流咁多嘅地方，想搵間鋪頭坐低靜靜地慢慢食嘢，今次呢間店在喺呢個商場入面都算舒適，而且桌下面仲有箱可以俾人放手袋同埋戰利品，唔怕整污糟唔使直接放落地下，非常貼心！朋友點左小窩米線，而我就揀咗蕃茄酸辣乾拌麵，原來乾畔麵仲可以選擇面底，真係可以有好多自由組合👍🏻👍🏻 而我就選擇左出邊比較少食到嘅淮山麵，淮山麵麵質煙銀，有口感，咬落去唔會太淋，好值得一試。飲品方面選擇左樽仔豆漿，唔會太甜。小食方面，我哋食咗口水雞翼同埋麻辣手撕雞😍口水雞翼係切開咗嘅單字骨雞翼，容易進食，咬得冇咁辛苦，而且更加入味👍🏻買單一人80幾蚊，一個小食，一個面，仲有飲品！性價比非常高呢（≧∇≦）