百味堂 (已結業)

由好早前在k11 擺檔到而家入鋪都好想試下，難得今日下午路過冇人排隊，即刻沖過嚟買番杯先。佢哋標榜係韓國入口嘅牛奶做雪糕，所以牛奶味十分香，之前都試過幾間韓國牛奶味雪糕，大多都是有質素保證的。K11哩間鋪頭裝修同之前pop up store 差不多，色調都是走向淺木顏色及簡約嘅風格，店裏仲有幾個座位。今次揀咗tiramisu 雪糕，由於人客不多，所以很快就食得，雪糕入口果然牛奶味充足，配合可可粉味道十分之夾不過會有少少「嗆」喉，食嗰陣要小心啲，最特別係佢底部配有浸左咖啡既手指餅，旁邊仲有忌廉芝士，真係好似食緊tiramisu，和雪糕一齊食感覺很幸福整杯雪糕的價錢$68感覺有少少偏貴，不過食物質素絕對是有水準的，閒時幫襯一下也是可以的。

韓國過江龍雪糕🇰🇷一直想試小妹唔中意排隊😅所以遲遲未試之前因爲join左New World CLUB新會員😎迎新優惠享有免費一杯百味堂🍦極濃有機牛奶雪糕🍦價值$48形狀雖然真係有點像💩🤭但比平日食開一般雪糕厚實得多😌口感類似食緊芭菲😚唔容易溶化可以慢慢嘆🤟🏻牛奶味甚濃🐮個cone好脆口喔呢家有其他迎新優惠禮遇架🤗詳情去以下網站登記成為會員睇睇啦😉一齊嘆盡好食又好玩嘅會員禮遇啦😘

幾乎每一次在尖沙咀吃飯後,我一定會到K11買雪糕。百味堂早前首次來港的時候，在K11擺了Pop up Store，試了一次便不能忘記它的美味！看到他正式進駐K11的店舖，心裏10分感動，終於可以常常吃到百味堂雪糕了🍦他的「便便形」雪糕形象深入民心，成為了他的特點。試過很多款不同口味，但我始終最愛原味。口感細滑，牛乳味香濃，亦有一點煉奶的感覺，味道非同凡響，非常出色。

👁‍🗨 原味牛奶雪糕💲48年半之前係韓國，食過一次呢間既豆乳牛奶雪糕，其實當時已經覺得唔錯，尤其係價位係二十幾蚊左右😂返到黎香港之後，見住佢由開Pop Up Store試水溫，到真係係香港開店，呢日我終於有機會再食😛見到價位係韓國兩倍要成四十幾蚊，有對比之下難免會肉赤🙈今次呢個係原味牛奶雪糕，佢依舊係冰感比較重，食落帶有幾濃郁既牛奶味，雪糕筒偏薄但都脆身☺️不過個人口味黎講，我始終都係鍾情於佢既豆乳牛奶味多啲🤭🔛 整體評分（7/10）

放工去K11準備去上堂4點呢啲時間又唔想食咁飽，因為夜啲又要開餐😹😹所以係等上堂既時間，黎試下呢間聞名已久既雪糕🍦拿，講真，粗俗點說，賣相真像一督屎咁叫左豆乳牛奶雪糕🍦食落都幾驚喜，味道唔錯冰涼滑滑，唔是很creamy果種，冰感較重很有豆乳香！是濃濃的豆香味👏🏻唔錯唔錯黎呢到等時間hea下打躉坐下都唔錯係價錢就真係比較貴，$48一杯雪糕其實都可以食飽啲。但我好奢侈咁食左呢杯雪糕😹😹😹我仲要係已經揀左最平果個雪糕，其他特別味道果啲又唔太吸引，好似唔係咁值得去試😹

百味堂最初期係K11做pop-up store小編已經一嚐最Original既極濃有機牛奶雪糕🍦😋😍。當時覺得奶味偏甜，冰感較重，未去到好鐘意。🧐🤨果陣pop-up頭幾日仲記得要瘋狂去買，因為奶好快就缺貨，想食都無得食！！😭😭😭而家就長期都可以係商場食到啦，仲有啲位可以坐下。今次再次食個感覺唔同左，變左超軟滑好Creamy咁，好欣賞呀❣️😚其實百味堂都有好多新推出+限時推出既產品，等我下次試下其他🤠

百味堂真係百吃不膩❤️好鍾意好鍾意佢獨一無二香濃嘅奶味🍼好彩而家唔使飛韓國都可以喺香港食到😆雖然香港定價偏高但係都值得嘅😋先前登記左成為New World CLUB會員 有會員優惠可以係 K11分店免費享用一客原味軟雪糕🍦 下次想試埋佢期間限定嘅白桃口味啊🍑

百味堂呢個💩形雪糕出左名好耐好耐，但我一直都懶得排隊去買。上個星期三下晝終於見到佢冇人排隊，所以的起心肝去買左黎食。去到先發現佢啲雪糕仲有好多款，有唔同配料，但我都係買左最classic嘅原味soft serve。個樣係幾工整幾得意嘅，個size亦比想像中大。一食落去，淨間覺得好冰，係超級冰。頭幾啖食落覺得真係幾重奶味，唔會過甜。但食到中間，發現有幾舊依然係冰嘅雪糕🙄 終於明白點解個shape可以keep到，原來係因為好冰好硬，有啲失望，唔值$48！

之前已經朝聖過幾次，係韓國食完發現和香港的味道是一樣的，沒有很大的差別。牛奶雪糕十分滑口，而且奶味濃郁！ 有一次意外發現雪糕cone比杯裝好味好多。杯裝使用匙羹食落去，奶味無咁出！！反而雪糕cone的奶味濃郁，係一個意外的少少發現。同友人都覺得十分有趣。豆乳雪糕的甜味和豆乳味味都比牛奶淡點，不是太好甜的人可以選擇豆乳！之前都嘗試過抹茶味的，味道不過不失，不過感覺有點甜。下次試埋朱古力味就完滿la

呢排見到廣告話日賣1000支，所以今日行開K11呢頭就同女友黎試下，朝聖呀嘛，當食個宵夜。黎到時真係KEEP住有人排。睇真D原來旁邊都有座位比我地坐，呢個算係驚喜 今次就試下<<原味牛奶雪糕筒>>，賣相好靚，算係幾可愛，入口口感又滑又重牛奶味道。真係幾享受，不過就比想像中快融，食到一半已經開始滴落手。以四十八蚊呢個價錢定價可以接受，起碼係香港又多一個選擇，唔使飛去韓國都食到。愛食牛奶味雪糕既一族絕不能錯過呀。

以前在pop up store食過百味堂的雪糕，今次是第一次在實體店食。上次食的是原味，今次試意大利芝士牛奶雪糕。這款雪糕是有盒裝住的，幾重咖啡味，因為我鍾意飲咖啡，所以覺得好正，雪糕下面仲有一舊tiramisu蛋糕仔墊底，好好吃！價錢係$68, 都覺得貴，偶而食一次都ok嘅！

聞名不如見面，今日終於試左百味堂極濃有機牛奶雪糕，盛惠$48杯！牛奶味的確好香好濃，份量亦比想像中大。好彩唔係好甜，所以唔會食到好漏。脆筒比較薄，但keep到由頭到尾都好脆、有口感。整體味道出色，不過眼見佢冇左以前日日排長龍嘅境況，可能價錢真係有啲貴😅Taste: 👅👅👅1/2Value for Money: 💰💰(on a scale of 0-5 emojis)百味堂 地址：尖沙咀河內道18號K11購物藝術館B1樓B101A號舖

This ice cream place has been so hyped up since its opening a couple years back, but this is my first time to try their signature soft serve!I think the shape of the soft serve is really cute but the soft serve itself isn’t as good as I expected... The milk flavour is pretty strong yet the texture of the ice cream isn’t good at all. It remained half frozen when I ate it, like I could literally feel the multiple chunks of ice buried in the soft serve🙁hkfoodtour’s official verdict: $48 is way too

近排天氣好熱，每次出街都想買雪糕食。今次同朋友係尖沙咀行街，就去左k11個百味堂買雪糕食。之前同男朋友黎食原味覺得好好食，好重奶味，而且唔易溶。今次同朋友就想試下其他味道，我地猶豫左好耐，因為隻隻味道都想試😂，我地最後揀左白朱古力士多啤梨牛奶雪糕，價錢黎講都算係幾貴，要差唔多成八十蚊，性價比係幾低既。但雪糕味道真係唔錯，佢同平時d軟雪糕唔同，係比較挺身，而且食落好冰凉，好似食緊好軟綿既碎冰咁，白朱古力就食唔出啦，但依然好有奶味，士多啤梨就得幾粒，下次會黎試下其他味道🤭。

一見到呢個雪糕嘅外型就知道係百味堂！呢間韓國大熱嘅雪糕專賣店係香港其實已經開左好多間分店，但一直我都無機會試試。今日行過K11見到有人攞住，就即刻搜尋店鋪location. 雖然已經食飽午餐，但都係忍唔住買左個classic 牛奶雪糕試試～佢menu其實有好多其他款選擇，但由於我係第一次食，所以都係揀返最basic 嘅就算。食落有啲似雪芭，有奶味但係有冰嘅感覺，唔似平時食到嘅軟雪糕嘅質感。雖然係冰嘅感覺，但又幾滑嘅。不過差唔多成$50個雪糕個人覺得性價比有啲低。除左外賣攞走食，間舖頭隔離仲又啲位可以坐係度慢慢食，同朋友吹水hea時間就最啱啦。