發達叉燒

營業中

休息中

星期日七點仲要排隊😅 門口得幾個錶位，兜咗幾個圈，終於有位泊。兩大兩細，招牌發達叉燒、燶邊蛋、茅台醬油雞、燒鵝下莊、一條臘腸、一碟西蘭花苗+兩碗飯，我比較大食😝叉燒好有質感半肥瘦，四隻煎蛋條邊脆卜卜，茅台醬油雞啲細路食完係唔會飲醉既，起晒骨，燒鵝下莊非常得，有浸木香味道(非常鍾意食燒鵝，但非常唔鍾意排隊，同區嗰間出名嘅燒鵝，見到門口條人龍，都嚇親)。咁嘅質素咁嘅價錢。下次再黎人多我會選擇外賣。聽聞晏晝仲多人，有QR code可以嗌外賣。😄 #香港美食 #叉燒 #茅台醬油雞#燒鵝#兰杜街

灣仔近金鐘開左由粵菜館鋒膳大廚主理的新燒味店 之前係趣已經見到好多人推介佢個好入味的茅台醬油雞🐔 今次冇機會因為同行朋友話反而想試明爐燒鵝 因為好難得去得早竟然碰巧仲有人見人愛的下莊($190/例)外皮香脆做到皮脆肉嫩 咬落去夠爆汁 油脂夠晒豐富🦢 另外仲叫左每日下午六點後供應既發達雞鴨一品煲 ($280/堂食；$350/外賣) 一大煲超級足料份量又多，有齊鴨血、鴨腸、雞腎、雞潤、鴨肉、豆卜等🦆 湯頭夠濃味微微帶甜 完全唔會有內臟腥臭味，配埋佢哋嘅秘制辣椒油就夠晒惹味 唯一有點可惜就係舖頭冇提供燒味店常見的瀨粉 假如呢個湯頭配幾啖瀨粉真係不得了～！

發達叉燒係鋒膳新開嘅灣仔副線，鋒膳本身以 高質燒味飯同中菜出名，連米芝蓮都有推介過，而發達叉燒延續呢個路線，主打西班牙栗子豬叉燒、茅台醬油雞、五花腩叉燒，燒味迷 一定要試！晏晝必食—西班牙栗子豬叉燒茅台醬油雞飯 $80！呢個價錢 以灣仔嚟講真係抵食， 西班牙栗子豬叉燒燒到外層焦香、內裡嫩滑，油脂均勻，再加埋茅台醬油雞超滑、酒香四溢，連飯都變得 特別香口晚市重點—西班牙栗子豬五花腩叉燒！多人一定單點叉燒同五花腩叉燒，西班牙栗子豬五花腩叉燒勁肥美！入口即化，食完一塊真係停唔到口！朋友對呢款超有愛！但都要提醒返，如果唔太鍾意肥叉可能會覺得有啲邪惡，可以選擇普通蜜汁叉燒鍾意豪食可以加錢轉豬油撈飯，飯底拌上豬油同豉油，香到不得了！加鮮鵝肝潤腸真係夠哂邪惡，呢個我自己食左半條送飯😂貼士：想試一定要趁早！呢間店已經開始中午 12 點同夜晚 6-8 點都好多人，晚市叉燒8 點左右已經賣晒。記得早啲去！

之前食過鋒膳嘅叉燒覺得好正原來喺灣仔都開咗間發達叉燒今晚諗唔到食咩就食叉燒啦其實餐牌上面好多嘢都想食不過兩個人又食唔到咁多下次再約多啲朋友嚟食吓先💜蜜汁叉燒燒得啱啱好，唔會太硬蜜汁啱啱好掛喺舊叉燒度撈埋白飯食就一流💜發達雞鴨一品煲呢個一品煲超大鍋，勁足料入面有好多啖啖肉嘅鴨肉仲有好多唔同嘅內臟，有鴨血、雞腎、雞腸、雞潤最正係佢仲有豆卜，可以吸收晒啲精華食落去好Juicy好好味💜例湯係青紅蘿蔔湯味道好有驚喜，好有住家風味

“叉燒雙蛋飯”($80)“茅台醬油雞飯”($65)“明爐燒鵝1/4隻(下莊)”($190)鋒膳嘅叉燒飯應該好多人都聽聞過最近鋒膳就嚟灣仔開咗呢間發達叉燒鍾意食燒味嘅朋友一定唔可以錯過😍必點嘅當然係叉燒雙蛋飯用西班牙栗子豬燒成嘅叉燒🐖肉質十分鬆軟,肉味濃郁加上少少燶邊同蛋汁,正🤤另一碗點咗茅台醬油雞飯🐔雞肉超級嫩滑😋啖啖肉😙食落除咗醬油味,同時散發出酒香😚而點燒味飯都會送老火例湯例湯都好足料仲超大碗☺️我地仲點咗1/4隻燒鵝下莊燒鵝色澤均勻,外皮香脆食落鵝肉細嫩,啖啖都充滿鵝油香🥰

💬又有新開嘅燒味餐廳，落戶灣仔人氣食街之中，以叉燒作招牌實在無法抗拒，立即去試咗一次堂食一次外賣🥡，知道係 @flowerdrumhk #鋒膳 品牌嘅當然會有返咁上下期望🔥.———————————————————————————🔥叉燒油雞飯🐽🐔 $80💬外賣都好企理同精緻，叉燒同油雞賣相都吸引，油雞比起叉燒感覺更出色，叉燒再多點麥芽焦香會更好 。不過份量確係少咗啲，男士絕對有唔夠飽嘅可能 。.🔥叉燒燒鵝飯🐽🦆💬堂食點咗另一款雙拼，一坐低都有碗例湯飲下先，上菜速度係有待提升，加咗豬油撈飯多一啖美味，但真係可能要多少少份量滿足感會再家強啲 。

「發達叉燒」位於灣仔嘅「鋒膳」，由燒味大廚余燦達主理，絕對係燒味愛好者今期必試嘅聖地!今次叫咗招牌燒腩仔潤腸雙蛋飯❤️燒腩仔嘅外皮金黃酥脆，咬落去時，肥瘦相間嘅肉質柔嫩多汁，配合住豐富嘅肉香，實在太出色!每一片燒腩仔嘅脂肪與瘦肉比例恰到好處，超香~大廚嘅獨門醃製秘方，令燒腩仔嘅味道層次分明，既有醬香，又唔失肉本身嘅鮮味潤腸更係令我食唔停口，口感滑順，與燒腩仔搭配得天衣無縫，增添咗整體飯菜嘅層次感。兩顆煎蛋嘅蛋黃流心，輕輕一戳便流出，與飯同燒味混合，令呢道菜更加好味!點餐時仲會送上一碗老火例湯，豬肉好淋，非常出色 成碗湯清甜可口，展現咗食材嘅原味~湯汁清澈，口感滑順~🧡值得encore 的小店!❤️

灣仔嘅燒味界真係臥虎藏龍,今日就專誠去咗試下發達叉燒！呢間餐廳人氣勁爆,星期日去到真係全場爆滿排曬隊，連外賣都人頭湧湧,真係感受到佢哋嘅實力💪🍖！首先推介一定係【叉燒雙蛋飯】🍚🥚！蜜汁叉燒肥瘦均勻,入口即化,燒得啱啱好,香甜味濃得嚟又唔會膩。兩隻煎蛋仲將成個飯提升到另一個層次，啲蛋黃流晒落白飯，食完即刻滿足感爆棚！😋至於【雙拼飯：茅台醬油雞拚燒鵝】🍗🦆,真係雙重享受！醬油雞帶住陣陣茅台香氣,雞肉滑嫩無得輸,而燒鵝就更加唔使講,皮脆肉嫩,鵝香四溢,一啖燒鵝配啖飯,完美到不得了！👏最後仲有【鵝汁時蔬】🥬,界左菜既外皮, 直接食到最甜既部份, 再加埋鵝汁吸晒入去,甜得嚟仲帶少少鵝油香,真心正！💚發達叉燒真係燒味迷必去嘅一站,大家有冇興趣一齊排隊試下呀？😆👊

最近嚟試咗呢間近排討論度超高嘅新餐廳！原來佢哋係由人氣粵菜館鋒膳大廚主理，主打叉燒、茅台醬油雞同燒鵝🤤 🐷叉燒雙蛋飯 ($80) 叉燒肥瘦比例啱啱好，仲有燶邊，食落軟腍鬆化，真係好高質👍🏻 係我下次經過會想買返屋企加餸😋🐓茅台醬油雞 ($120/ 半隻) 一上枱已經好香酒香，雞皮食落爽彈，肉質軟滑，入口帶有淡淡豉油香～🪿燒鵝飯 ($70) 肉嫩之餘，燒鵝咬落油香濃郁但唔會覺得膩～🍲凡嗌飯類仲會送老火湯，都幾足料！整體食物好有驚喜！

行過見到好多人排隊，所以就坐咗入去試吓～嗰日大概七點幾，但係好多飯款都已經賣晒，幸運地得到最後一碗叉燒煎蛋飯🥰，另外朋友就叫咗個燒鴨油雞雙拼飯，味道都好唔錯！感覺到呢間係專門做燒味，食落都好有質素，特別係叉燒超入味，兩隻蛋都煎到燶邊好出色🤤🤤，食落去係有脆脆地嘅感覺，雖然以一碗燒味飯來講，價錢係有啲貴，但絕對值得一試！😚

其實我係第二次嚟。上次冇食到燒鵝，今次一叫叫叫半隻。黐線！好味過鏞記！全香港最好味嘅燒鵝肯定係呢間。世一！一定會再嚟。best roasted goose dish I have ever tried in the whole of Hong Kong. Very nice indeed! Will come back again and again. 其實個例湯都好飲。都幾肯定冇味精。不過冇影相。下次影咗寫第三篇先大家介唔介意？仲有好多嘢未試。好想試晒❤️❤️❤️

大家好今日去了灣仔既發達叉燒食午飯呢間餐主打係食燒味在燒味店林立既灣仔區呢間小店雖然新開但都幾多人排隊今日我就主係食佢既燒味飯首先係例湯今日係紅蘿蔔豬肉湯都有好多材料而且無乜味精味第一個燒味飯係點了茅台醬油雞飯油雞份量差唔多完全蓋滿飯上面斬得好整齊而且己經去骨雞有少少肥所以食落都比較軟滑油雞皮既咸度稱中而仲食到雞味跟住係叉燒雙蘭王蛋飯呢個俗稱黯然消魂飯叉燒就係比較腍既梅頭肉有7成係肉3成係肥食落去係比較腍身蛋用了兩隻蘭王蛋而且有少少濃邊煎得半熟有好多蛋汁可以撈飯蛋汁+醬汁配飯食係好唔錯同埋呢度既飯係軟硬度煮得適中唔會太腍或太硬最後仲有鵝汁時蔬 其實係西蘭花苗都幾嫩而且可以用入口無乜渣來形容總括呢間店既出品都係高質

灣仔既燒味有好介紹，睇住叉燒、燒鵝、油雞令立立，望見到想試，兩個人胃口有限，叫住啲嚟試吓先🔸雞鴨一品煲 $280晚市限定雞鴨一品煲，自家熬製兩個鐘以上台山醬油滷水，入面有6款食材有雞腎、雞潤、雞腸、鴨血、豆卜、鴨肉，鴨血嫩滑，雞腎爽脆，滷汁唔死鹹，外賣$350原煲可以返屋企加熱🔸招牌蜜汁叉燒 例牌$120選用西班牙甘栗豚梅頭肉，我揀左五花腩，肉質鬆軟，油脂分佈均勻，叉燒最正就係外層既蜜汁，又鹹又甜先夠正

好幾年前食過粵菜館「鋒膳」私房菜, 其中嘅叉燒令人回味, 知道近月係灣仔蘭杜街開咗間由粵菜館鋒膳大廚主理, 主打發達叉燒同埋燒味餐廳小店, 今晚就同朋友去尋味。果然新店已經好有人氣, 入夜時段人流不斷, 餐廳內整潔企理。先送上餐湯, 都幾足料。【蜜汁叉燒】HK$120叉燒選自西班牙栗子豬, 肉質軟林, 肉味香濃, 仲有少少燶邊, 帶點香口。【發達雞鴨一品煲】HK$280一品煲非常豐富, 包括有雞肉同鴨肉, 肉質有咬口, 還有爽口雞腎、雞腸、雞膶、彈滑鴨血, 湯汁鹹甜, 配上莞茜同埋自行加入嘅辣椒粒, 更為惹味; 

🌸叉燒雙蛋飯，大大塊叉燒肥瘦適中，油脂分布好平均，食落口肉質好軟腍鬆軟，肉味好香濃！配埋雙蛋燶邊荷包蛋一齊食🍳蛋汁飽滿，蛋汁流出再混入叉燒同埋醬汁一齊食，最完美嘅配搭呢！🌸茅台醬油雞拼原隻鵝髀飯，平時燒味就食得多，第一次食用茅台調製嘅醬油，好香濃嘅酒香味！醬油雞皮薄肉質鮮嫩，啖啖雞肉都吸收醬汁嘅味道！原隻鵝髀大大隻，外皮酥脆可口，肉質鮮嫩又入味，好juicy ，非常滋味🌸鵝汁時蔬，西蘭花苗炒得啱啱好，青嫩爽脆，好清甜！配埋鵝汁好香口特別！上菜速度快，菜式創新而又好味道！大排長龍！