發達叉燒

營業中

休息中

Visited @fatjcharsiuhk in Wan Chai and it had a queue on Thursday night around 7:30pm. It is famous for siu mei. We ordered char siu and roast duck to share and add on rice. 🍚The char siu had sweet and savory flavor. The meat was marinated in a mixture of hoisin sauce, honey, soy sauce, and red fermented bean curd, giving it a distinctive red color and caramelized outer layer. It was tender, juicy, and often served sliced. The roast duck had crispy skin and tender meat. The duck was marinated wi

其實本身就係諗住同朋友簡單食個lunch啦，但係真係冇諗過原來咁多人！叉燒蘭王蛋飯本身諗住真係叫飯，但係叫落咗單之後先發現原來可以叫粉麵啦，所以就轉咗個米線！雖然我叫咗熟蛋，但係中間仲有少少蛋黃留心，我覺得呢個狀態係最好。之後呢個叉燒我自己覺得份量超多，我真係冇諗過佢有咁多叉燒，即係我冇辦法我唯有叫我friend同我一齊食。佢仲會送一個例湯，其實都幾大碗。朋友佢哋另外嗌咗燒鵝叉燒，醬油雞叉燒飯都唔錯。不過佢堂食個位真係唔多，如果係啲lunch Time時段，你真係預咗要排隊。

自從在我自己家鄉嚐過當地酒家的半肥瘦叉燒之後，我對叉燒的要求即時提升了很多，覺得香港燒臘店的港式叉燒，只得全瘦及燒到柴皮，已全無興趣可言了，也不抱太大的期望，寧願慶之所至時，自己選材自己去烤焗。但世事無絕對，這個絕對也是可遇不可求。女兒知我對叉燒的嘴刁，今天忽然對我說，在灣仔開了一間鋒膳的姊妹店 - 發達叉燒，邀請我去試一試，務求想改變我對香港叉燒的想法。二人行去吃燒味，今天傍晚來到蘭杜街，這店開在不太熱鬧的街裡，但已見全場爆滿需在門前排隊，心裡想這店的叉燒一定會有料到。我當然要試一試這餐廳聲稱選自西班牙栗子豚肉之叉燒飯如何了得，碟面上兩隻太陽蛋是名牌來自日本蘭王，已覺得這店的誠意，十足得來，一點也不馬虎。叉燒一啖入口，我即時向女兒說：掂呀，肉質淋、嫩、滑、半肥瘦及燒得燶邊香口，完全試到港式叉燒應該是這樣的狀態，也完全乎合我自己的嘴刁要求。再看看餐牌發覺價錢也合理，八十八元吃到高質叉燒並有例湯奉上，而湯也足料夠味。女兒吃的燒鵝飯（$70）也是合理價錢，鵝燒得皮仍然脆口，是即日即燒即賣的印記，隔了夜應該完全不是這樣的口感。總結這一餐真的沒有介紹錯，是一間優質吃燒味的餐廳，下次來要試試他們

最近發現灣仔有間餐廳，標榜佢哋嘅豉油雞係加入左茅台，好鍾意食豉油雞嘅我決定放工試吓🤭晚上去到見到好多人排隊，等左一陣就有位，呢度嘅店員都好有禮貌，即使見到佢哋忙到踢晒腳，但係都好友善，呢種餐廳值得支持！坐底見到隔離枱食緊燒鵝，望到我流晒口水，於是點左半隻燒鵝下莊，當然要叫多半隻茅台醬油雞啦！燒鵝個皮都幾脆，而且冇乜肥膏，啖啖肉又冇咁邪惡，茅台醬油雞上枱真係比個酒香味震懾到，連雞皮都要食埋，雞皮爽滑，雞肉淋滑，仲有不得不讚賞醬油雞都已經起咗骨，只剩下髀位嘅大骨冇起，食得非常方便，原本仲想叫埋叉燒，但係已經食得好飽，留返下次再嚟食過

近來既人氣熱店! 晚飯時間排哂長龍, 大約7點半左右係排緊隊既時候已經聽到店員陸續話叉燒賣哂, 燒鵝又賣哂~~ 好彩仲有茅台醬油雞!! 茅台醬油雞以茅台酒提香, 雞肉超超超嫩滑, 鹹甜中透出酒香餘韻, 半隻分量足, 性價比高!! 招牌鴛鴦腸將中式鵝肝腸同特瘦臘腸雙拼, 油香同酒香平衡, 蒸得恰到好處, 配飯的話一流!!雞鴨一品煲足料滿一滿, 多人分享先得!! 鴨肉好軟熟唔會羶, 仲有好多既雞雜同埋, 鴨血, 豆卜等, 搭配自家熬製既台山醬油滷水, 味道濃郁帶微甜, 好好食! 仲有提供原煲外賣自取, 不過堂食價就更抵食!!整體食物堅出色, 唔係隨便可以食到既味道, 而且係灣仔街坊價錢, 米芝蓮風味, 值得encore!

幾唔開心嘅位係$80食冇乜肉又好多肥膏嘅雞肉、叉燒仲差，有兩舊係尾嚟，而另一舊係勁厚。$80燒味飯係咪好貴又唔算好貴，但$80唔應該係食唔合standard嘅燒味飯。反觀，我朋友嘅叉燒係肥瘦均勻、厚度適中，顯然嘅就係佢哋冇做品質控制。再講，排左20分鐘我唔會希望係食一個失色嘅lunch，同埋一入坐，就放低左兩碗湯，有冇諗過客人係有權去選擇飲唔飲？Anyway, 呢個價位嘅燒味飯我會認為有更好嘅選擇同埋揾到一個更有人情味嘅地方食香港local嘢

叉燒雙蛋飯叉燒用咗梅頭部位，肉質軟腍多汁，肥瘦適中，燒到有少少濃邊，焦香滿滿，厚切叉燒口感特別豐富，選用咗西班牙栗子豬，食落帶有天然堅果香氣，配上蘭王蛋，蛋香濃郁，食到停唔到口。茅台醬油雞燒鵝飯油雞肉質鮮嫩，雞肉已經起骨，食落啖啖肉特別加入咗茅台醃製，散發陣陣酒香。燒鵝用咗蘋果木明爐燒製，外皮酥脆，肉質嫩滑緊實，滿滿油香衝擊味蕾。鵝汁西蘭花苗西蘭花苗新鮮鮮嫩，口感清爽，配上鵝汁帶出鮮甜味道。老火例湯老火例湯用料足，味道清甜，飲得出無落味精，很有家的味道，跟飯免費送，簡直超值。

發達叉燒係人氣粵菜鋒膳副線新開張冇耐已經長期要排隊由於差唔多全日都係繁忙時間，基本上都係要搭枱如果平時喺附近返工嘅話，可以手機落單先咁就唔使等咁耐叉燒雙蘭王蛋飯招牌蜜汁叉燒同平時食叉燒嘅口感完全唔一樣用嘅係西班牙甘栗豚，仲要係梅肉部分鮮嫩唔柴且帶有微微堅果香甜度剛剛好最主要係入口鬆化呢種感覺令人印象深刻茅台醬油雞燒鵝飯用嘅係三黃雞同埋頤和園御品醬油啲雞肉已經起晒骨上枱前都會噴少少茅台（一上菜已經聞到）加埋醬香嘅味道同雞肉嘅鮮嫩燒鵝用嘅係清遠黑棕鵝而且用蘋果木明爐燒製每個飯都會跟例湯廚房細細但已經企滿咗三四個師傅堂食座位有限但因為食物質素太高質，所以大家都好願意搭枱

雖然外貌平平無奇但小編都忍不住寫✍️究竟$105一個叉燒飯係咪智商稅？🤣 (留意番會發達嗰個係店主而唔係你）🤣叉燒雙蘭王蛋飯 $88成日都見到呢間排晒長龍，之前朋友食都頗高評價，今次唔餐就嚟試吓佢😚絕對係高質嘅叉燒飯，非常完美嘅半肥瘦😍😍🐽鍾意食全肥嘅朋友可以食五花腩叉燒，再加個豬油撈飯🤣🤣如果要同高級中菜館鬥嘅話其實質素吾會差好遠，唯獨係唔夠熱，亦都冇小蠟燭喺叉燒下面好fancy咁熱住佢～ 另外個蘭王蛋非常流心冇得彈，飯唔算多，汁都比我想像中少，偏貴但好食😌😗（$105係外賣自取價，直接到店買會平啲）

見到上網有人介紹，所以特登嚟咗排隊，今晚七點幾，等咗大概5分鐘就有位啦。叉燒雙蘭王蛋飯($88): 一上菜已經wow出聲，兩隻蘭王蛋啲食橙到不得了，賣相好靚，而且叉燒燒得好夠火候見到啲窿邊都係有好多蜜汁嘅。叉燒食落去好林，而且自己鍾意偏瘦嘅叉燒，所以呢碟啱啱好。茅台醬油雞燒鵝飯($80): 燒鵝好濕潤，而且皮都仲係脆皮，應該係啱啱燒出嚟，雞亦都好滑！ 自己本身對叉燒期待有啲高，但係冇諗到原來其他燒味都好好食。老火湯:跟飯餸嘅，所以有兩碗，佢嘅老火湯入邊嘅肉都係用上應該係餸頭餸尾嘅叉燒，所以好淋，完全唔覺得係食緊煲完老火湯嘅肉咁樣。鵝汁時蔬($60):本身見到價錢都有啲卻步，但係見到其他食評都讚呢碟時蔬，所以就叫咗嚟食，真係收得呢一個價錢就會對出住d食材。每一條嘅菜心都係批咗皮嘅，所以食落去菜心下面根部入邊完全係好嫩，而且仲係爽口嘅。勁好食!!! 總結：呢間燒味舖咁多人推介真係有佢嘅原因，雖然係冇得book位，但係其實都好快就有位，所以唔需要等好耐。自己覺得佢哋對食材嘅認真真係好值得大家黎支持，淨係碟菜都已經好值回票價。

發達叉燒 - 招牌叉燒飯今日介紹一間位於灣仔區新開業嘅中菜，主打明爐燒味，各式各樣嘅招牌燒味，正所謂生嚿叉燒好過生你，一嚿靚叉燒係幾咁重要！蘭王滑蛋叉燒飯 $75招牌嘅叉燒蘭王蛋飯雖然賣晒，不過滑蛋叉燒飯一樣咁出色，蛋味香濃嘅蘭王滑蛋，加上軟腍腍嘅叉燒，仲有香甜嘅醬油。茅台醬油雞麵 $68 +$10色澤非常吸引飽滿嘅油雞，採用茅台酒同醬油入饌，雞皮滑，雞肉嫩，仲有啲酒香添，再加$10轉手工風乾麵。明爐燒鵝 下莊 $190一場黎到梗係要試埋招牌嘅燒鵝啦，食燒鵝梗係要食下莊，鵝油香、鵝肉嫩、鵝皮脆。地址：灣仔蘭杜街 2 號地下 2 號舖

網上好多人介紹呢間位於灣仔既發達叉燒，趁放假就黎試下啦😍一去到已經有好長既人龍，不過都好快就入到去！一落左單，店員好快就送上兩碗清補涼湯，份量都唔小，而且飲落好舒服，無味精！🌟叉燒雙蘭王蛋飯兩隻蘭王蛋煎得好靚，完全無穿！叉燒大大舊，肥瘦相間，表面燒得焦香，肉質鬆軟又Juicy！🌟五花腩叉燒燒鵝飯五花腩叉燒烤得剛剛好，唔會乾，肥肉部份入口即化，瘦肉部份亦唔會靭！燒鵝皮脆肉嫩，有濃郁既鵝香味！🌟鵝汁時蔬蔬菜有淡淡既鵝香味但亦唔會太油膩！

大失所望！見好評就今日lunch去試，去到見排隊轉彎位，唯有買外賣返office食，打開飯盒已有些不似預期，食落去亦是預計中我感覺一樣，叉燒乾同色水麻麻，食叉燒時很乾同硬，鵝有一陣騷味定還是雪味同骨有少少血，飯少，如比男士食應該唔夠飽肚，唔知堂食水準係咪好正，感覺呢間試一次就算，因雙併以$80（未計外賣盒費用）呢個價錢唔應該係呢個質素，感覺冠一外賣攞到返office鵝皮仍是脆皮，買同樣雙併仍然好好食、竺扶呢兩間好味及水準之上，價錢，質素亦實惠過發達。

我一向都勁鍾意食叉燒🥰 幾年前試過鋒膳，已經覺得佢哋嘅叉燒飯好正✨ 擺盤精緻仲有招牌爵士湯，不過價錢就進取咗少少😝 估唔到而家開親民分店😍 用街坊價就食到高質叉燒! 我當日下午兩點幾去到🕝 諗住避開人潮，點知依然大排長龍😳 仲要燒鵝同肉餅全部賣晒😧 好彩我嘅目標係叉燒，所以都冇乜所謂😬𐄁𐄙𐄁𐄙𐄁𐄙𐄁𐄙𐄁𐄙𐄁𐄙𐄁𐄙𐄁 ☰ ᴍᴇɴᴜ 𐄁𐄙𐄁𐄙𐄁𐄙𐄁𐄙𐄁𐄙𐄁𐄙𐄁𐄙𐄁✅ 例牌叉燒 $𝟭𝟮𝟬雖然唔算厚切，但係叉燒軟腍入味，半肥瘦，充滿蜜汁豉油🍯 好正😚✨✅ 叉燒雙蘭王蛋飯 $𝟴𝟴 (配老火例湯)呢個真係不得了! 蘭王煎雙蛋🍳🍳+叉燒飯🍚係最強組合💖 流心蛋撈飯正到爆🤤 呢個價錢仲配老火湯真係好抵🔥 飲落應該冇味精，而且鮮甜足料☺️✅ 茅台醬油雞飯 $𝟲𝟴酒味香濃，主要係雞胸肉，不過依然滑溜👍🏻 但整體無特別驚喜，下次應該都係食返叉燒飯🥰整體覺得性價比超高，一定會回訪🌟 想食燒鵝記得早啲到😌⋆ ⋆ ⋆ ⋆ ⋆🐽 Overall : 9/10🐽 Revisit : Yes❤️

叉燒雙蘭王蛋基本上台台都會叫呢個，超中意蘭王蛋，蛋味濃又燶邊🥳😍叉燒份量好多，呢個係半肥瘦 完全滿足左我🤤🤤😍又霖好入味😍撈飯食一流！茅台醬油雞飯 雖然叉燒係好食，但我覺得油雞仲出色🤩🤩最屈機係作已經幫您切走晒啲骨，當正佢海南雞甘食，啖啖肉超爽🥺😍影落好似係好鬆散甘 因為佢又嫩滑又無骨🤤~~咩位置都係嫩滑唔鞋🤤🤤一定要試！下莊明爐燒鵝黎到燒味店一定要試埋燒鵝～都係好嫩滑，個皮少少脆，都係好高質！😍😍老火例湯當日係紅蘿蔔豬骨湯，真係好家既味道🤩🤩0味精！