發記腸粉粥品

營業中

休息中

食完昨天的富記牛雜，呢舖真係肚痛到腸胃炎，在等睇醫生嘅時候，我去附近食左碗（嚴格黎講係一盆）放左鹽嘅白粥，外加一碟蝦米炸両。餐牌上沒有白粥可選，入內問問，19蚊，清清地清番腸胃。難以想像白粥可以煲到如此吸引，綿綿的，咸咸的，令我一口一口的食著，彷彿肚沒有疼一樣。蝦米炸両的味道還好，腸粉夠滑，但入面嘅油條就唔係好夠脆，影響左整體評分。不過，好似食親間間加蝦米都係油條唔夠脆咁，都係唔加正d又平d。不過，總結黎講，呢間野係好味嘅，仲滿載回憶添。

今日又跑左去元朗搵食，因為食左糖水無耐又唔想食太飽所以今日晚餐選擇食粥😂依家粥鋪叫發記，係元朗都愈開愈多分店，平時我食開近又新街果間，今次去左另一間分店度幫襯。我地一日叫左一碗沙煲生滾粥：皮蛋咸雞粥同蠔仔豬潤粥加一個即拉布腸粉，蝦米叉燒腸雞粥咸咸地粥底幾綿，煮到連d雞油都出埋黎蠔仔粥d蠔大大粒，豬膶好滑個拉布腸份好大份，腸粉皮夠通透，次次食都覺得好正😝係豉油比較咸。兩個人食埋單都係百幾蚊，好抵食

女樓面態度十分十分十分差，黎食個粥要睇人面色。落錯單仲派錯粥仲講到好似我錯咁。諗住唔舒服食粥點知背脊骨落。粥味道一般，唔值得我咁辛苦咁受住氣食。女樓面掛住自己傾計唔會理你，佢地落單鍾意就過黎同你落，唔鍾意你就等下先。環境又迫又窄，坐得一d都唔舒服。外賣落完單唔會俾單或俾號碼你，你要係門口企係度等叫，試過有人同我落同一樣食物但遲過我好多落單，食物準備好個女樓面一叫另外果個人一黎攞左我個外賣，我要等多十五分鐘，但女樓面黑面話唔關佢地事😡😡😡😡😡😡😡😡😡如果大家唔介意受住氣去食或想挑戰自己EQ可以去試下

見好多人叫雞粥同埋蠔仔碎牛粥。。最後嗌左雞粥食😋😋👍🏻.新鮮滑雞粥好味度：⭐️⭐️⭐️⭐️雞好滑，而且好有味，真係好好味。。同埋見佢喺鹽焗雞來。。個粥，雞都好多～見都有其他客人剩係買雞返去做手撕雞。。都唔錯啊😀😍👍🏻👍🏻.發記第一腸好味度：⭐️⭐️⭐️主要蛋，叉燒，蝦。。。個腸粉最好味係佢ge 腸粉皮，做得好滑同柔軟，其次係佢個豉油，食落似甜豉油+美極～好正😁😋.豆漿都抵😀😀

滑雞粥味道鮮美，米粒煮得剛剛好，碎牛粥食落口滑溜，牛肉碎咀嚼起來鮮嫩多汁，散發出淡淡嘅肉香；叉燒腸粉啫係外皮輕薄柔滑，內餡鮮肉或叉燒味香可口，落埋配好嘅豉油，真係好好味！無論係早餐定係晚餐，非常推介俾鍾意食粥又行開元朗嘅朋友。

因為受氣，原本經常幫襯（已有3-4年多，疫情期間都一直幫襯），變成永遠不再幫襯。我同家人2個人去幫襯，一張4人枱有2人埋單，另外2人仲食緊，我倆坐低，無人執枱。到另外2個食客先後埋單，女樓面話有4個食客要坐我地張4人枱，叫我2個轉去門口果邊張枱，我地唔願意轉位，因為門口係冷氣風口位，坐得唔舒服。個女樓面大聲講2次話我地唔肯轉位。跟住佢執左我地隔離2個位嘅碗碟，偏偏唔執我地2個位嘅碗碟，我要求清走我枱面嘅碗碟，講左3、4次佢先至行動。之後我叫左幾次想落單，佢企喺陜窄嘅通道上背着我扮聽唔到。我再出聲時，佢話等緊我落單，試問樓面係背對住食客幫客落單的嗎？全因為我地唔肯轉位就得到咁惡劣嘅對待，最後我地憤而離開。

下午茶時間附近好多餐廳都落場，又好耐冇食粥，所以入嚟試下，鋪位細，但枱櫈都大張，店員見我哋拎得多嘢，仲主動俾多張櫈我哋擺，我哋叫咗蠔仔肉碎粥、及弟粥、炸兩両同炒麵兩碗粥都好足料，啖啖都食到餸，仲多到食唔晒，蠔仔粥都幾重蠔味，炒麵係即刻炒，所以熱辣辣，但個人鍾意幼啲嘅炒麵，同埋少啲椰菜會好啲，太多好似有啲唔夾，炸両就普通，應該係包定，所以條油炸鬼唔係好脆，有啲淋食物份量大，醬料擺晒喺枱面，唔洗問店員拎，價錢都經濟，可以有下次

Throwback 食評✍🏻發記腸粉粥品@元朗試食指數⭐⭐⭐⭐⭐店舖衛生⭐⭐侍應態度⭐⭐⭐⭐((每項5⭐️為滿分)) ·傳統粥麵店例牌1️⃣魚腩雞粥瓦煲上夠熱魚腩滑唔腥雞量多足料但肉鞋2️⃣油炸鬼唔夠酥脆3️⃣炒麵15蚊大大碟超抵食👍🏻4️⃣腸粉夠熱但太膠·價錢好抵食全單唔過百·無論大鋪小店我哋都會盡試盡講Follow我哋bw.foodie

我住呢邊係呢到買外賣真係好方便佢係一間好傳統既賣粥既鋪頭我每次都會叫佢既雞粥 蝦腸 豬雜炒河粉返屋企同屋企人share食😍又平又好味！好過連鎖食粥既鋪頭呢！支持支持，要多啲去幫襯先得❤️

發記腸粉粥品 🍲今次嚟到一間比較舊式嘅粥鋪，menu 全部都係人手寫，成個感覺都有廿年前茶餐廳既feel，咁樣嘅舖頭宜家真係買少見少了😢我一直都覺得呢一種舖頭通常都特別好食！果然係冇估錯😜😜新鮮蠔仔粥 🦪🦪$33蠔仔全部都大大粒，我數過起碼有20粒蠔仔喺入面！！真正做到啖啖粥都有蠔仔，粥底都幾綿滑，仲有濃郁嘅蠔仔味添😍😍一路食一路覺得，$33而家都買唔到廿隻蠔仔啦呀嘛😂抵食又好食！ 大推大推！👍🏻👍🏻👍🏻靚靚鮮雞粥 🐓🐓$46鮮雞味道一樣好出色，一碗入面有六嚿雞件，件件都大大件！呢個粥底嘅味道就更加濃郁，真係有好香雞味㗎！而家天氣咁凍食番碗就啱晒啦！👍🏻👍🏻👍🏻發記第一腸 🦐🐷$27呢一個腸粉由鮮蝦、叉燒、雞蛋整成，鮮蝦比平時酒樓食嘅更加出色，爽口彈牙又入味～如果腸粉嘅皮可以更加滑，就肯定prefect啦！一樣係高分區，都推介大家嗌黎食！👍🏻👍🏻總括嚟講，兩個人$100左右埋單，食完暖笠笠，仲要好味道，我一定會再encore ！💓💓

本身打算去食消夜，但年29，就打去問問先，一打去問收幾點，個女人話唔知，仲要同另一個講，距問我收幾點，就cut咗線。超無禮貌。唔會再幫襯。 邊有一間食差到咁。。。。

今日食評✍🏻發記腸粉粥品@元朗試食指數⭐⭐⭐⭐⭐店舖衛生⭐⭐侍應態度⭐⭐⭐⭐((每項5⭐️為滿分)) ·傳統粥麵店人多冇隔板怕衛生問題就可以考慮下我哋去食早餐1️⃣魚腩雞粥瓦煲上夠熱魚腩滑唔腥雞量多足料但肉鞋2️⃣油炸鬼唔夠酥脆3️⃣炸兩油炸鬼同上建議加埋枱上的甜酸辣醬👍🏻4️⃣叉燒腸好味但就蒸得太腍一夾就散·價錢好平所以我哋冇睇價錢就點😂應該百零蚊左右·疫情下的食肆無論大鋪小店我哋都會盡試盡講Follow我哋bw.foodie

炒麵每次食粥嘅時候，都好鍾意食其他小食，例如腸粉、牛脷酥、同埋今次要介紹俾大家嘅炒麵發記嘅炒麵比較濕身因為落咗好多豉油同埋芽菜比較適合鍾意食芽菜嘅朋友份量相對上多，多啲人叫嘅時候share一齊食就啱晒推薦指數：✨✨✨✨-豬潤粥諗咗好耐除咗叫雞粥之外仲有咩粥好食一望上去牆上面，一張張橙色手寫嘅menu第一個就見到豬潤粥，所以就叫咗啦平時食開嘅豬潤會好大浸內臟味反而可能呢度即叫即煮嘅關係 冇嗰陣味質感有啲粉 有幾舊咬開會有少少血水不過我覺得應該係正常嘅但係朋友就覺得應該要煮熟少少推薦指數：✨✨✨-雞粥份量好大好多，出到嚟熱辣辣，雞嘅份量佔咗碗粥嘅三份一覺得煮得好好嘅原因係佢唔會好鞋不過實際上同出面嘅雞粥都有少少出入但係依然都好食(((o(*ﾟ▽ﾟ*)o)))好值得過嚟試吓推薦指數：✨✨✨✨-因為係比較舊嘅舖頭，衛生情況未必係最好，而且啲夥計都比較惡不過呢個係佢哋嘅特色，如果介意嘅話未必適合- 發記腸粉粥品 (元朗)地址：元朗建業街67號

第一次光顧，叫咗皮蛋瘦肉粥、炸兩同蘿蔔糕，外賣 返到車發現冇甜醬同花生醬，老公成袋拎番鋪頭欲加醬，枱枱都有食客費事打攪到佢地，所以同唯一一個男待應拎醬，佢西面道：要咩醬要早講。西面男可以主動問要咩醬架啫，點解要唔熟架步唔熟路嘅客做主動？唔比甜醬唔比花生醬，但係有比豉油喎，反而我唔食豉油架囉～炸兩$20新鮮上，脆嘅，粉皮都好滑；皮蛋瘦肉粥$28就中規中矩；蘿蔔糕$21堅難食嘅，啖啖粉……說好的蘿蔔絲呢？第一次幫襯點知你規矩，你咁趕客唔會再幫襯第二次囉。每一份外賣盒都要$1，👆🏽三樣野加左$3蚊，我接受嘅，自己冇帶到容器。

元朗好多粥鋪，唯獨喜歡這一間，招牌鹹雞粥係必食，估唔到炒河粉都唔錯，河粉比較粗身，吃起身有口感，而且一點都唔油膩，另外仲可以叫炒菜，唔洗淨吃澱粉，蝦米腸都好足料，不過環境就一般，夏天預咗會好熱，煮粥嘅姐姐都好辛苦。