發記腸粉粥品

營業中

休息中

是日一行4人黎到元朗搵食，朋友強烈推薦呢間粥店，話啲粥超好食，尤其雞粥，間鋪超旺場，坐滿哂人，去到都要排隊等左約15分鐘先有位，不過果然冇令人失望。睇左陣餐牌叫左兩個粥，一碟腸粉同一碟炸兩share。先講果炸兩，真係好普通，冇咩特色，但當然唔係難食啦！到果香菇雞絲腸，雖然話係雞絲，實際係雞件黎，啲料多到腸粉都包唔住，18蚊黎講完全超值夾抵食啦～到朋友極力推薦既靚靚鮮雞粥，粥底好鮮味，啲雞勁滑，仲要一碗粥勁多雞件，好似唔洗錢甘，超足料。相比起雞粥，我更中意呢個靚靚碎牛粥，因為果粥底仲正，仲鮮甜，配啖啖碎牛真係好好食，啲碎牛又係多到好似唔洗錢甘，勁足料，仲要都只係26蚊，性價比超高。整體黎講，真係好抵食，4個人先食左一百蚊多幾蚊，仲要樣樣都好足料，食到甘飽每人先要廿幾蚊。黎呢到都唔洗睇環境，唔洗睇服務，服務係快同快既服務，即係落單快上菜快收野快既傳統港式餐廳服務。

發記一直都好好口啤～又係傳統既粥店一直以黎都好受大家歡迎肉片炒河 少油版因為怕只係食粥會好快消化曬會好快肚餓所以要叫個炒河食下少左油都仲係好夠鑊氣一上枱就聞到好香～而且份量好多 肉片好軟冧冧 唔會炒過龍河粉都係～但好似有少少淡口可能今次調味料落得比較少但肉片就夠味既靚靚滑雞粥又係勁大碗 可以SHARE食一睇就知道D粥煲得好夠喉仲要係用砂煲裝住啲米係煲到爛曬 唔會太稀太稠食落口係超級軟棉棉 帶有濃濃米香蝦米蝦腸發記既腸粉同粥真係一絕佢啲豉油係甜豉油 我至愛而且比豉油係完全唔孤寒 浸住啲腸粉啲腸粉夠厚薄適中 而且係超級細滑放入口要SIR入喉嚨咁啲配料都係多得好誇張蝦仁同蝦都好大隻啲蔥都多都爆炸

琴晚係元朗講起食腸粉朋友極力推介發記去既時間係晚上10點幾仍然滿座 出面full哂幸好入面有少量位置叫左鮮蝦雞絲腸靚靚鮮雞腳(鹽水雞腳)同埋灼菜芯原來腸粉既選擇都幾多下第一次食鮮蝦雞絲腸蝦肉夠爽 雞絲好滑望住廚房入面一盤盤既雞肉唔知係咪都好滑既呢之後急不及待食雞腳雞腳呢樣野係屬於好食但係腳度食會覺得尷尬既野食呢間既雞腳係好實因為只係煮一煮就上菜請做好咬到天荒地老既準備最後係灼菜菜芯好嫩可以中和下咬雞腳既辛苦下次再食下其他腸先

琴日凍凍地好岩去食個粥暖下胃,呢間粥店做咗好多年, 係個轉角位,永遠都唔顯眼, 真係好容易畀人忽略咗， 今日入去一試發現我甘多年都唔識寶，忽略咗佢😂😂我哋叫咗鹹雞粥+豬雜炒河粉+齋腸👉 都係平民價錢88蚊两個人，係住對飽， 喺今時今日嘅香港真係好抵食👍👍👍首先同大家分享左個鹹雞粥先睇得出個粥底係用咗好多時間黎熬煮，唔係一粒米分一粒米，而係軟綿綿嘅，我粥鹹鹹地，而且雞件嘅數量亦有十幾塊，份量十分之多，由於佢葉咸左我就返唔出佢究竟係用新鮮雞還是冰鮮雞啦，不過我估應該係用冰鮮雞可以降低成本。最有特色嘅係佢堅持用砂鍋上，一嚟可以保持到粥嘅溫度，二來可以比多啲份量，一舉兩得另外個腸粉應該可以講係香港最好食嘅，佢晶凝通透又彈牙，唔會林pat pat，夾都夾唔到，或者太硬，軟硬適中至於個豬什炒河粉我覺得係兩個裏面做得比較遜色嘅，河粉好明顯冇大腸咁滑咁彈牙，應該係入貨返嚟嘅，粉明顯比較厚身同埋冇腸粉咁彈牙，而且豬什比較大件，炒得比較老，而且唔夠顏色同香味不過如果凍凍地又諗唔到食咩嘅話，可以入去一試

好耐無入元朗嚕，雖然附近好多好好味既小店，但始終行到去之前一直都有光顧既發記❤️無論係價錢抵食定味道，一樣稱心！就算要排隊等位，20分鐘我都會等既店😛罕有我會花時間排隊既店😆😆😆今次食唔到太多，叫左個蠔仔碎牛粥！生滾粥係好唔同，粥較一般既店多米，粥底吸收左碎牛同蠔仔既精華，就咁食粥已經有食材既味道🤤材料一直非常足料就已經唔洗講，蠔仔中size有成十幾粒，碎牛野味👍🏼🤤 鮮蝦腸每條都有三粒蝦，非常足料😆d熱醬油都唔會浸到條腸粉好咸，甜甜地😚腸粉滑溜唔痴牙，正呀！💦💦💦💦👅

今朝起個大早，好想食碗粥同腸粉，好在屋企附近有間《發記腸粉粥品》，咁就落去歎番個中式早餐。店舖面積不大，亦沒有甚麽裝修可言，一副街坊街里地道小店格局。呢度主打腸粉粥品，當然有林林總總嘅粥品、腸粉、炒麵、油器等可供選擇。我叫咗碗茘灣艇仔粥$26同蝦米炸兩腸$20。蝦米炸两先上，大大碟好吸睛，腸粉夠滑嫩，大大粒蝦米夠香口，雖然油炸鬼唔夠脆，不過味道都相當不俗。等咗一陣，艇仔粥熱辣辣上枱，大大碗份量好足，粥底夠綿膩，有魷魚、豬皮、瘦肉、生菜等材料。雖然連鎖快餐店都有呢類中式早餐提供，但在味道及風味上絕對唔可以相比。

點了碎牛粥，炸両同埋蝦腸，碎牛粥牛肉有苦味，咬唔爛，粥底偏咸，唔夠綿，味道還可以，炸両皮薄，油炸鬼脆，有芝麻提供會更香，蝦腸皮太過厚，蝦大隻冇味，硼沙重手咗，只係食豉油味道。山長水遠入去食可以係失望，街坊醫肚大大份就好抵食。

食粥就唔一定要係病同唔舒服嗰陣食嘅，正常當一餐正餐咁食都可以㗎。今次就去咗依間粥舖食，大約夜晚7點都有10幾個人排緊隊等堂食，亦都有唔少人等外賣。門口都有餐牌可以比大家去睇定食乜。等咗15分鐘就入到去啦。舖面唔大，但如果2-4個人一齊食都可以好快等都位。今次食咗豬膶粥豬膶腸同鮮蝦腸由於本人都好鍾意食豬潤，所以叫晒兩款食啲豬塊塊都好大舊，而且處理得好好，如果同我一樣鍾意食豬潤，一定要叫！而鮮蝦腸都唔差，腸粉拉都好滑，蝦又彈牙個粥就煮到好綿，仲要成個沙煲上，啲粥都唔會咁快比冷氣吹到凍晒雖然今次個腸粉唔知點解落咗勁多豉油，但我見其他人叫都無事，我估係手快落多咗，但整體黎講係好好食嘅，全部加埋都係$66，下次去開元朗不妨去試下

一個人，唔知食乜好，經過發記腸粉粥品，想起他的豬潤腸粉，但係又想食我最愛的鮮蝦腸粉，咁就叫左一份雙拼腸粉鮮蝦豬膶腸粉23元鮮蝦大隻爽脆，豬潤嫰滑，腸粉厚滑！下次我不會再叫雙拼，我要叫一碟鮮蝦腸粉，一碟豬潤腸粉😋

講到元朗食粥，我諗大家都會諗起發充同新記，發記就真係主打粥麵同腸粉，而新記就會有多少少選擇，簡單小菜甚至乳鴿都有，如果唔係特別想食雞粥的話，我都係會食返發記。基本上每次我都會嗌皮蛋瘦肉粥，生滾粥雖然係等得比較耐，但係就好食好多，起碼連配料一齊滾會入味先。我就最唔喜歡白粥底溝另外煮好嘅配料咁樣食粥！腸粉方面我通常會叫冬菇雞絲腸，貪佢啖啖肉，不過眼見好多人都會嗌蔥花蝦米腸，望落其實都幾吸引！下次再食的話決定跟下風嗌先！

平時去樓下食個湯河最平都要$29一碗但發記炒麵$18就有交易，仲要大碟加好味，認真抵食😚😚 炒麵配料相對清淡，但全部都我鍾意嘅食材，食落好爽口。分別有椰菜絲、芽菜同炒得脆口嘅麵😬 雖然有少少油，但調味同火喉恰到好處，唔錯！！除咗麵，粥都係幾好嘅選擇😀 $43有碗足料沙鍋雞粥，成碗粥至少都有6件雞，好彩嘅仲會有我鐘意嘅雞胸肉，啖啖肉又無骨🦴 碗粥有曬雞嘅精華，份外鮮甜😛題外話：蔥花輕輕放喺粥面，唔食青嘅可以落單講定🤓

元朗都係我成日出沒嘅地方之一，呢間粥店我都食咗好幾年，個價錢真係抗通脹！以價錢嚟講，有呢個質素，真係好抵食，所以都吸引咗唔少人食，晚市都有好多人排，如果唔想等太耐又住附近，建議買返外賣會好啲，因為入面都有啲熱！😂 喺屋企開住冷氣食先夠嘆😍腸粉質地係比較煙靭，豉油都好味，$20 有兩大條，但粉皮有啲厚，每條有3隻蝦，但我記得以前係有3條的，可能來貨貴咗~~呢碗粥嘅份量好足，有四至五件豬肚，魚片冇骨，抵讚！😆😆😆😆但粥底比較稀，可能就唔太啱鐘意食稠粥嘅朋友仔了~~

前幾日問朋友元朗除左壽司仲有咩好食，朋友仔就推薦左發記俾我啦。果日係公司講起元朗美食，有同事都話係元朗要食粥嘅話就食發記。去到發記，門口都有幾多人等緊，仲以為要排一陣隊添，誰知原來好多都係等外賣嘅。等左一陣好快就有枱了，點左三樣野食先，唔夠一陣再加，以免浪費食物啦。蘿蔔糕料幾多嫁，不過唔知係唔係今次落得太多油煎啦！我自己覺得過油左！豬潤粥超多豬潤，搞到我最尾食唔哂d豬潤。炸兩超好食，皮夠滑，油炸鬼都脆口。CP值最高。如果有芝麻比我自己加埋就一流啦！😋😋最尾，好好彩冇叫多個粥食姐，兩個人都飽飽，不過下次應該要試個炒麵，隔籬枱好似好吸引。

10點幾肚餓，唔食東西會睡不著，吃粥是最好的選擇！終於搵到機會試這家發記啦，之前經過看見超多人，坐滿曬人，門口仲排著等位的人，等外賣的人，想話甘多人食一定是好味😍果然沒錯！這間鋪只有6，7桌，但是等位的時間算快，大概10分鐘左右，因爲佢上菜速度快，客人吃飽就走，翻枱好快👍🏼🔸雞粥朋友話有驚喜，雞肉有彈性，又嫩，粥面鋪了一層雞油，又香又好食！..🔸豬潤粥 豬潤的份量好多，爽口，但是有一點點腥，還可以接受。要比讚的是粥，好綿滑，剛剛好，這麼一大碗只要HK$27，性價比真的好高！..🔸蝦米腸好吃，鋪滿了蔥花跟一點蝦米，配搭的很好，又香又滑，加上一點甜醬油，完美！這家很不錯，便宜又好吃，會再去試一下其他口味的粥！

元朗呢間煲仔粥真係好足料，開左咁耐，材料一樣無減少！我最鍾意起到食及第粥，樣樣材料都咁新鮮，豬潤粉腸呢d要夠新鮮先好食！豬潤好厚，煮得岩岩好，唔會老身，好回味！$27咋，相當抵食!食粥配炸兩，好完美