發記甜品 (已結業)

呢晚我仲要係遊車河專登去添, 簡直失望呀!! 係年前都嚟過呢度吃過宵夜,當時我真係覺得滋味無窮,由其我唔食榴槤,我更嗅出我個fd個榴槤pancake果股氣味....呢晚平日一行五人, 叫咗楊枝甘露3碗, 榴槤PANCAKE ,芒果PANCAke各一碟同埋一碗普通o既士多啤梨西米露....楊枝甘露ok喇, 不過e+都唔係什麼特別食品,$23一碗價錢貴咗....呢晚榴槤PANCAKE居然嗅不出當年果股氣味,我fd食緊話仲要一d榴槤味都唔察覺....芒果PANCAke多cream同埋士多啤梨西米露都算不過不失..... 食完糖水, 我去櫃面找數.... 但見到個掌櫃佬後面副牆某某車會張卡貼係度, 之後 我道:『咦！嘜某某車會張卡．．．有折架咩？』 掌櫃佬道:『．．．』(唔出聲) 我就無奈o甘攞咗一百四拾蚊出嚟.....掌櫃第一時間找返2蚊比我....... 之後我同fd講返某某車會張原來卡有折呢單嘢......O甘個fd咪攞返張會卡我試下, 睇下佢會有反應....... 我行埋去掌櫃佬面前.... 我道:『原來我有帶某某車會張卡．．．』

大暑那天我們一行四人行完山就去那兒食糖水當tea食。叫了：楊枝金露（$23)-招牌貨，試了一口，果然正，起碼好味過滿記果碗先。榴槤飄香（$25)-嘩，超正呀！超香超多呀d榴槤。每一口都是大大口勁濃的金枕頭來的，好軟綿綿喲，口感超正！實在太令人齒甲留香喇！overall感覺就像楊枝金露的榴槤版。鮮雜果意大利涼粉（$28)-招牌貨，好多款水果呢！d意大利涼粉就是長條形的涼粉，哈哈！試了一口士多啤梨，即使不太大，但也夠甜，ok。木瓜奶（$15)-好大杯呀，比起義順那杯就是有過之而無不及！即使我沒試，但只是聞就聞到好足料的木瓜香。由於大暑太hot，一班行完山的汗人（我們）坐了室內，冷氣夠大，環境也舒適好坐。服務一流，我們想了好久吃甚麼都沒有人催，不錯！Waitress們全程都很友善好聊！

每次去必食楊枝金露，一年四季的杧果都好甜，正﹗泊車﹕佢好似有代客泊車，或者附近都有個收費的露天停車場，平日$10/小時，星期六日$15/小時。

如果大家去到荃灣附近食晚飯,我有一個一條龍式嘅好提議.首先去深井裕記食燒鵝套餐.跟住稍事休息就去發記食甜品,咁就最perfect喇.其實我早前寫咗行山遊記兼寫埋裕記嘅食評,已經想寫吓發記,不過放底咗,之後就冇咗件事.其實當日食完燒鵝之後仲有下文.我地四個人去埋發記食糖水.冇法啦!行山太辛苦,要食番啲嘢慰勞吓自己.我地點咗個"焗香蕉酥皮卷",雖然等咗好耐,但係值得嘅.外層酥皮好香好脆,入面嘅香蕉熱辣辣,咬落去香蕉嘅香味傾瀉而出.仲有一個朱古力蛋糕夾層,除咗可以同香蕉嘅香甜味互相發揮外,仲可以令酥皮不會因香蕉嘅水份蒸發而變淋.實在聰明.我食完之後有多少罪疚感,對唔住自己日益膨脹嘅身軀之餘仲對唔住生活得比我地冇咁富足嘅小朋友,希望我日後可以同佢地分享一下美食.

深宵時份（十二點半左右），前往深井的發記食甜品和糖水！好開心！四個人食了楊枝甘露、芒果pancake、焗芒果酥皮卷、糖不甩！楊枝甘露好好味，好夠料。芒果pancake 超正，芒果好多好甜，比起滿記的好，因為滿記的芒果pancake 係七成cream 三成芒果，發記的剛剛相反，少cream 多芒！糖不甩就普通啦，比較欣賞焗芒果酥皮卷，酥皮好脆，芒果好甜，very good 呀！由於發記開到好夜，所以好適合如我們這些夜鬼三五知己去，一邊食甜品糖水，一邊吹水。

2006年4月19日今日食完晚,就同老公,沙律Bee重遊我地既舊居--深井食發記糖水.以前既例牌係芒果豆腐花~好正架,不過今日我地叫左紅豆沙清心丸,楊枝金露同一個蘇皮芒果卷.清心丸好好味,好煙un~楊枝金露不錯!蘇皮芒果卷....真係嚇死人,首先係伴碟的"2邊"(即一粒)既士多啤梨乾到好似話梅咁,而芒果卷冇特別...可以不試!!仲要收人$35一客......

芝麻糊+ 豆腐花(熱) –芝麻糊太“熹”, 豆腐花水汪汪, 碗野仲係唔熱……失望!!!姜汁蓮子清心丸- 好夠姜味, 甜度適中芒果+ 豆腐花–好多芒果, 但夾著d大冰粒,扣分! 芒果太多, 唔多見d豆腐花.芒果糯米糍 –皮薄, 唔粘牙, 芒果甜…正整體只是一般, 唔值得專登去食law

意大利涼粉+楊枝金露好食....但其他糖水就普普通通啦...不過環境唔錯.....幾有feel

食o左意大利涼粉, 同埋焗榴槤酥意大利涼粉的口感幾得意焗榴槤酥o既酥皮其實好好食, 但入面o既榴槤好淡, 淡到冇味咁.....可能食開「泛后甜品」的榴槤甜品, 覺得呢度o既榴槤好冇味如果個榴槤爭氣d, 我就俾5 分了

朋友專登駕車載我入去食試過榴槤飄香同榴槤pancake朋友唔食榴槤既都話個榴槤飄香味道唔錯佢話似楊枝金露榴槤版我試左一啖都覺得好香榴槤味甜度適中係幾招牌既但可惜個榴槤pancake唔得榴槤肉唔多反而cream好多但至閉係d cream唔滑嘛都係滿記既榴槤pancake好味d

27/12 一行十個人去食,加上有人請,狂點狂吃,所以試了多款甜品!榴槤酥皮卷係佢最出色之作,榴槤份量剛好不會太多太溜!好香脆!賣相都幾有西餐廳甜品feel!朋友話榴槤飄香都唔錯! 榴槤系列造得好,不過個人不特別好榴槤,反而覺得香蕉酥皮卷更正!雖然冇乜特色,但水準都幾高!至於燸米糍系列,我地點左芒果榴槤,冇乜特別,得四舊就三十蚊,相比榴槤酥皮卷都係三十幾,唔係幾抵食!據說此甜品是元朗B仔涼粉首創,我覺得B仔平D但質素反而更高!其他營糖水系列如楊支金露,士多啤梨布丁但水準一般,但價錢偏高!服務,OK啦,我地食完坐左陣,雖然出面大排長龍不過都冇趕我地走!如果去開深井都會去食,但就唔會特登撘車或駕車入去食!

i tried it just before X'mas time. I agree that the quality of food is not bad, esp for the mango series, its nice. But the service is REALLY POOR. The waiter and waitress are always showing their long face to customers.True that quality of food is important, but service attitude is FAR more important. I won't visit there again.

曾幾何時, 發記私榴槤飄香穩佔我的榴槤甜品榜頭號位置, 嚴重到係為左碗榴槤飄香同男朋友打交果隻...之但係而家呢.....除左榴槤飄香, 可以話係冇啖好食! 榴槤飄香不愧為發記主打, 仍然堅挺! 香濃, 有咬口。其他食物呢...榴槤pancake麻麻地, 比周圍都有得賣的滿記差, 仲要係都差幾多班...... 唔太香, cream太多, 榴槤唔夠好食。榴槤jelly更搵笨! 搵黑加倫子jelly加勁多魚膠粉加一舊榴槤肉就算數, 味道一d都唔夾! 仲要係離曬譜! 咁交行貨法, 過唔過到自己果關架! 好貴, 唔抵食!

近近地去樓下間發記買我最愛的芒果沙冰。怎知一拿上手，縮小了整個size，真的說句：『無野呀？』生意越好反而質量越差，奸商！怪不得我們深井人都不愛到發記吃甜品．．．PS：味道不覺特別好，但價$比滿記還要貴！

楊枝甘露is really good coz the mango it uses are superb good!!!Better than "Moon Kee"!!!