發記甜品 (已結業)

如果大家去到荃灣附近食晚飯,我有一個一條龍式嘅好提議.首先去深井裕記食燒鵝套餐.跟住稍事休息就去發記食甜品,咁就最perfect喇.其實我早前寫咗行山遊記兼寫埋裕記嘅食評,已經想寫吓發記,不過放底咗,之後就冇咗件事.其實當日食完燒鵝之後仲有下文.我地四個人去埋發記食糖水.冇法啦!行山太辛苦,要食番啲嘢慰勞吓自己.我地點咗個"焗香蕉酥皮卷",雖然等咗好耐,但係值得嘅.外層酥皮好香好脆,入面嘅香蕉熱辣辣,咬落去香蕉嘅香味傾瀉而出.仲有一個朱古力蛋糕夾層,除咗可以同香蕉嘅香甜味互相發揮外,仲可以令酥皮不會因香蕉嘅水份蒸發而變淋.實在聰明.我食完之後有多少罪疚感,對唔住自己日益膨脹嘅身軀之餘仲對唔住生活得比我地冇咁富足嘅小朋友,希望我日後可以同佢地分享一下美食.