發記甜品 (已結業)

其實呢間店我係4月頭去架^^宜家先寫番..不過都係一樣遮~芒果黑珍珠--正,好大舊芒果,好甜,d黑珍珠好食朋友a-芝麻糊豆腐花-ok啦朋友b-榴蓮布甸-佢\話好食不過呢度都偏遠好少專登入去食,不過我同d朋友都覺得好食過滿記好多~但係最大問題d野良唔夠凍,可能太多生意雪唔得耐啦

第二次嚟食，旺角嗰間亦食過幾次。坦白講，一啲都唔特別。上次去食，個杏仁茶杏味十足，甚至有啲苦。不過我覺得都還可以。朋友個木瓜燉雪耳定唔知乜鬼，一啲都唔熱，食落十分難受。七大一細去，六個人叫嘢食，四個食完有兩個都未有得食。唔係特別嘢，係豆花之類。後來諗住叫個生果杯之類嘅嘢俾小朋友，特登問個夥計有冇。個男仔好猶豫，咁我哋仔細形容俾佢聽，講晒大細份量各樣嘢，佢就走去問另一個店員，然後返嚟話有。過咗好耐，佢攞咗個好靚嘅生果盤嚟。我哋話唔係叫呢種，跟住佢話：「原來冇生果杯架！」個樣好似high完天拿水咁。以後都唔會嚟幫襯。

一肚火！三催四請，一而再，再而三的催完又寫，寫完又再漏。多生意做唔切，就請多個人啦！等o左足足二十分鐘至上o野！再好食都假啦！更何況，真係好普通！

發記既榴槤飄香最出名，呢個我諗我都唔洗再講. 而我上次試過佢既楊枝甘露，都好好味: 芒果大大舊不在話下，椰汁同芒果配合得好好，變左滑得黎又突出到芒果既香味. 再配上適量的西米+ 沙田柚，少少酸，唔會一味得個甜字。值得一讚。都試過佢既芒果pancake 同糯米糍，一般。pancake 比較易散，而糯米糍個皮就唔夠煙勒。(都係長洲果d 好食d...) 基本上依家去到旺角/ 銅鑼灣/ 深井，發記都會係小妹必到之處。

依本人數據分析, 市面眾多"新港式"甜品, 發記的榴槤飄香, 尤其是這間元祖店出產的, 一直穩守第一位。這次趁吃過燒鵝以後, 買一客外帶甜品, 孝敬家中不吃榴槤的小眾。另因為貪吃, 再買多客跟弟弟邊走邊吃。芒果pancake及香蕉pancake包到穿曬窿, 賣相麻麻。舊舊包得irregular, 反而比滿記的賣相更"人手", 喜歡與否有待商榷。因為這兩大甜品店均以差不多的商品食糊, 故在這裡亦以兩店作比較。皮比滿記的raw, 比滿記的香, cream較少而餡較大舊。仲有, 發記的pancake, 稍嫌水果餡料及cream不夠correlate, 吃到好幾口只有cream, 好幾口又好多生果, 好似老死不相往還咁。不過發記一客三件賣$22兼有雙併, 而對手一客兩件賣$20無雙併。喜歡哪款pancake應是對人不對事的。有得揀, 榴槤梗係心頭好, 不過, 撫心自問, cream跟pancake最匹配的水果, 非榴槤芒果草莓, 永遠都是香蕉。

不嬲都係去開西貢滿記食糖水的.不過今次男朋友車咗我去試發記.由於我男朋友唔中意榴槤所以冇叫到榴槤嘅甜品...點知原來咁多網友都話好食..我下次一定要試~~~我地兩個人叫咗一個芒果pastry同一個清心丸加蕃薯. 個芒果pastry賣相幾好.不過個味就唔係我想像中咁好.又未至於難食.不過個清心丸加蕃薯就唔係好得囉..除咗個糖水可以話ok啲之外,個蕃薯唔甜,清心丸又冇味..一啲都唔好食~~~! 我地兩個人埋單都唔平.如果唔係啲人話佢啲榴槤甜品好食我諗都唔會再返嚟了~~~

食完燒鵝順便再食甜品，朋友推介楊枝金露$23，於是叫咗一個，真係有好多芒果肉，而且芒果肉好甜味，不過其它的西米和西柚就相應地少咗，如果可以平均啲就好喇！可能係星期日的關係有好多人食緊．一入到去就聞到好勁的榴槤味，由於我自己唔鍾意食，所以對於這種氣味都比較擴拒，我想如果鍾意食榴槤的人，一定會好鍾意這裏的榴槤甜品．

榴槤飄香真係超正, 每次都食, 好似上癮咁...榴槤班戟都好正!楊枝甘露其實都好味, 不過相比之下, 一定會選擇榴槤飄香!香蕉酥皮脆好味過芒果酥皮脆.(下次會試榴槤酥皮脆!!)意大利涼粉的粗條狀涼粉, 個樣好核突, 見到都唔想食…味道一般, 無咩特別.其他無乜特色嘅就無乜機會試, 因為每次都重複點返d榴槤嘢…

多次於銅鑼灣食啎到發記，除了因為太多人等位外，店員的傲慢態度很是受不了。平日的深井發記可謂人跡罕至，店員態度良好，比銅鑼灣的分店好上百倍。對於不吃榴槤的我，選擇實在不多，就要了一個楊枝甘露。用了很多芒果，果肉吃起來凍凍的，而且很甜，不是浸了糖水的甜，甘露上放了很多西柚粒及西米露，但吃不到西柚的清苦，正！

在美国住了10年的我对食物就没有太大要求。但發記甜品真的值得表扬。上星期日有朋友在旧金山回来，就一行4人去左深井陈記吃饭，但真的很失望。吃饭后就去到發記试一试网友所介绍的楊枝甘露，真的正正正，芒果肉够多又甜，味道真係一絕。另外老婆也试了榴槤酥皮卷（33元）也物超所值，味道好卖相又正。大家有时间一定要试一试。

8/10(日) 4pm昨日做完過江龍到濠江豪食一整天,乘早上10:30船,分秒必爭,12點從永利趕搭12:30尾班船,歸家已是2時多.緊接今天的行程是與男友家人睇樓;昨日的食物仍未落格,一覺醒來吃得清淡點,因得悉今日尚有重頭戲!相約男友親友及經紀於發記會合,順理成章在此邊吃邊等.早於跟男友鄭重聲明我的消化系統今日不太起動得了,因此今餐性質只屬陪食/試食.點了楊枝金露$23,榴槤飄香$23,榴槤啫喱雪糕$23,西瓜汁加西瓜$18.楊枝金露--芒果肉份量足,反而西柚份量偏少,口感尚算香滑!榴槤飄香--榴槤肉多,味道濃郁非常,口感軟綿! 榴槤啫喱雪糕--啫喱上的豆腐雪糕球應是雀巢的,提子味啫喱內藏著新鮮榴槤肉,味道合格!西瓜汁加西瓜--男友親友指定要加西瓜,加$3,鮮榨果汁沒甚難度.服務一般,侍應們笑容幹勁皆欠奉.價錢合理,質素偏高,不妨一試!

食完裕記隨即去發記食甜品，叫左好似幾馳名的:1. 榴槤飄香- 榴槤肉多味又濃，足料，好好味!2. 楊枝甘露- 芒果大大舊，都係好好味。我地覺得呢間好得，有機會一定會再試其他野。

今日同gf去0左深井食晚飯, 食完餐飯之後0黎0左呢度食甜品, 嘩, 見到d甜品餐牌0既圖片, 我gf開心到叫0左出0黎, 仲即刻叫0左個榴槤飄香食, 一流, d榴槤好鮮甜, 成個甜品唔單止感覺新鮮, 味道仲係一絕, 食落d榴槤又有口感, 唔會因為溶0左入個甜品就變成一pat pat, 好多榴槤d肉, 好明顯係用新鮮榴槤整, 一句講晒, 正!!另外仲叫0左個焗芒果酥皮卷, 呢個甜品個樣好靚, 食落好有高檔外國甜品feel, 成個甜品可以話有2個層次, 外層酥皮又香又脆, 出面仲有少少糖粉令到d酥皮食落甜甜地, 如果鍾意食酥皮0既朋友一定要0黎試下, 裡面d芒果同蛋糕食落好鬆軟, 好甜, 口感好好, 不過d芒果我同gf都覺得我地習慣凍食芒果, 而且焗完之後0既芒果有少少變酸, 不過食落其實唔係好覺, 因為真係幾好味同夠甜, 所以最後我地都食得好開心! 而且決定無論如何一定要再食過, 正所謂”雖然晚飯麻麻地，甜品真係好好味！”, 呢句係我gf講0既^ ^!!

食完燒鵝，順道食埋糖品﹗朋友說楊枝甘露很有名，故點了此甜品﹗個人認為，西柚太少了，多點味道會balance點﹗朋友還點了mango pancake，但由於太飽，故沒有試﹗朋友說d cream ok﹗不太"漏"不過裝修ok，幾靚﹗

食到飽一飽都咁話...難得黎到深井,緊係要試一試發記甜品啦!5個人,淨係得我同我媽咪食榴槤,咁緊係唔會放過個榴槤飄香($25)啦!!真係楊枝金露既榴槤板,d榴槤肉夠多,真係好香榴槤味,香到我daddy同我個妹都想即刻般去第2張台!!我個妹同我daddy share個粟子野($1x)..唔記得個名..係熱食,我都試下,好有粟子香~而爺爺叫左紅豆沙,應該都好食啦,佢成碗食晒下次要試下個榴槤酥皮卷!!