登堂 (已結業)

今晚肥妹仔同屋企人去咗觀塘嘅一間新式西餐廳食飯，除咗環境優美之外，食物質素都唔錯。cognac lobster bisqu呢一個龍蝦湯煮得好好飲，佢一啲都唔重味精味，食得出龍蝦果嗰種鮮味，而且入面仲有大大粒嘅龍蝦肉，飲落去好滿足。typhoon chicken wings避風塘炸雞翼，佢嘅炸雞翼肉質都好嫩滑，外皮炸得香脆，但係最出色嘅係佢嘅避風塘蒜粒，好香口。如果有碗飯肥妹仔都可以撈埋嗰啲蒜粒嚟食。black angus rib-eye  呢一個係叫畀肥爸嘅安格斯牛扒，五成熟切，落去肉質仲喺呈粉紅色，火喉拿捏得剛剛。好美中不足嘅係佢嘅牛扒冇跟sauce，只有芥末醬，如果有埋sauce就perfect。linguine pasta scall呢一個係肥妹仔每次去食嘅都會叫嘅意粉，就係帶子蒜香意粉。蒜香味好出色，原片落去炒嘅蒜， 所以食落去好香蒜味。佢嘅帶仔好厚肉，外皮煎到微脆， 入口即溶，意粉煮得剛剛好。caesar salad非常新鮮，沙律菜好爽口，加上烘得香脆嘅麵包粒同埋芝士，好香好好食。chilli toger pr用鐵板上，好香辣椒油嘅味，蝦肉好大隻，好爽口，非常新鮮。quesa

「登堂」呢個名很特別，我估除左登堂入室之意外，當然係寄語能登大雅之堂的意思。英文名取其諧音「downtown」也十分貼切。呢間餐廳走中高檔扒房路線，個人十分欣賞這間餐廳。煙火腿青蘋果沙律（跟餐$15）青蘋果酸酸地，食落很清新。煙火腿令沙律變得無咁單調，健康又美味。炭燒美國特級西冷牛扒（$158）西冷牛扒夠厚，用炭火燒出兩面格仔紋，睇見都流口水。配埋黃芥末減輕油膩感，食完唔會覺得滯。餐飲凍檸茶的冰都十分講究，用茶做的冰即使溶化都唔會影響飲品的味道。

日新月異，觀塘工廈區轉型實在快，尤其是轉為餐飲業。無來呢邊無耐啫，興業街嗰頭已面目全非。今晚舊同事就約我去The Wave 見識一番。上到2樓，升降機門打開就見到地方佑大，美輪美奐，裝修豪華，客人爆滿的酒吧餐廳。這種格局，尖沙咀、中環區都未必找得到。我去洗手間經過，見到個酒櫃，都感到非常讚嘆!這裡的環境氣氛真係無得輸，而且仲有VIP 房，朋友們、公司來搞party都好合適。今晚食咗個【雜菜湯】、【蘑菇湯】、【低溫慢煮三文魚、香芒、木瓜、藜麥沙律】、【輕煎北海道新鮮帶子、煙肉、勝瓜、雲耳、半乾車厘茄、香辣蒜片汁扁意粉】，飲品就簡單啲，叫咗日本抹茶和cold brew coffee，再食埋甜品【綠茶心太軟伴自家製紅桑子雪糕】，慢慢坐慢慢同舊同事chill下，非常開心! 【低溫慢煮三文魚、香芒、木瓜、藜麥沙律】賣相一流，一件又厚又肥美三文魚被藜麥沙律墊起咗。這個慢煮的三文魚唔似得煙燻嗰種，一陣味，反而係好嫩滑，能夠比美食滑豆腐。墊底的沙律材料豐富，有芒果粒、木瓜粒襯托，能平衡到藜麥的粗糙口感。【日本抹茶】上來時間剛好，喝一口，去一下三文魚的油膩感，十分唔錯。【Cold Brew Coffee

《登堂》 📍觀塘興業街4號The Wave2樓-早前聽朋友講觀塘新開佐一間幾出色既西式餐廳，環境非常好，全層都係登堂，空間好大，一家人同一大班朋友來食飯非常不錯嘅選擇🔹松露油帕馬臣芝士炸薯條$78炸薯條屬於粗薯，薯條面上佈滿一塊塊芝士，十分足料，有部份仲未溶既芝士配埋薯條口感非常夾，而且薯條既份量仲係超級多🔹法式香草牛油焗田螺$98熱辣辣岩岩焗好既半打田螺，好香既牛油同香草味，每粒田螺入面都佈滿香草，好入味，田螺底下有牛油配薯蓉🔹輕煎北海道鮮帶子,煙肉,勝瓜,雲耳,半乾車厘茄,香辣蒜片汁篇意粉$188點呢個意粉前，員工好細心提醒意粉會有小小辣，而意粉上有3粒帶子，煎到半熟狀態，表面有小小金黃，食落好鮮味，配埋勝瓜,雲耳又幾夾，係個不錯既配搭🔹西班牙黑毛豬火腿菠蘿比薩$158咁多款菜式，呢個Pizza絕對出色，Pizza係薄批，不會覺得油膩，而家每塊都有好大片黑毛豬火腿，配埋菠蘿有小小甜味，不會太咸飲品方面有好多選擇，今次就試佐兩款花茶🔹冷泡茉莉花抹茶奶蓋$35茉莉花好清香，而奶蓋是抹茶味，整杯都不會覺得太甜🔹冷泡蘋果茶$45好小飲蘋果茶，但今次這杯不太甜，而家份量都好大杯，非常好飲✏️整

難得放假緊要食好少少慰勞自己The wave嘅Downtown係觀塘區口碑不錯，一於來試試。雖然是restaurant bar，仍有不少是一家大細來聚會，環境很開揚，氣氛一流！店內有多款不同酒品選擇，happy hour還有買一送一優惠！本身對酒品認識不多，店員主動推介適合我口味的選擇，這杯Susana Balbo Benmarco Malbec帶有清新果香，味道不會太濃烈冷泡芒果烏龍茶，啖啖果香牛肝菌忌廉湯味道濃郁，完全不膩口雜菜湯用了大量雜菜烹調而成，口感豐富！以低温慢煮方式烤焗連骨的Pork rack，厚度十足，外層焦香，內裡生熟度剛好。肉質保持軟身，肉味頗濃，加上惹味的醬汁，配合得不錯！另點了非常傳統的蕃茄芝士薄餅，即點即製，pizza餅皮烤至脆身富麵粉香，加入大量的mozzarella cheese，配上酸甜的蕃茄，簡單而清新，口感豐富。整體來說，無論食物還是服務質素都非常高水準！

今日過觀塘接朋友放工順便約埋一齊食飯，之前聽佢講話係The wave嗰度開咗一間新嘅餐廳，所以今次亦都一早訂咗枱，接咗朋友收工之後一齊去食，入到去環境非常舒適，裝修亦十分有格調，服務員非常有禮貌，1）黃金烤原隻龍蝦🦞，粟米蓉，法邊豆，意大利飯，一上枱嘅時候已經見到隻龍蝦非常大隻🤤，用鹹蛋黃焗龍蝦🦞，出奇地夾，龍蝦亦非常新鮮爽口，意大利飯亦做得非常出色，飯嘅軟硬度剛剛好👍🏻，2）至尊Pizza，餅底做得非常薄，非常之脆口，最重要嘅係好多好多芝士🤤，絕對符合我嘅口味😂😂，3）焗香蕉酥皮卷伴自家製開心果雪糕🍦，香蕉出邊包住一層酥皮，非常香脆，最重要係佢個自家製開心果雪糕，真係非常非常好食，佢將個開心果完全打爛哂，令到開心果個味非常濃👍🏻👍🏻，呢一個一定要試吓，4）冷泡茉莉茶抹茶奶蓋，茶味唔係好濃，奶蓋非常香滑，5）冷泡櫻花茶奶蓋，呢一杯個茶味濃少少，奶蓋亦都一樣非常香滑，整體來講環境非常舒適，食物質素亦非常好，值得一試

最近熱潮好似個個都去晒觀塘搵未食已經我都夾去睇下有啲咩好星期日餐廳細佬生日，所以我哋就去咗登堂都慶祝佢嘅生日啦！環境都闊落有吧枱/有包房。兩三搵你又得，一家四口你有得，一大班朋友嚟包房都得😯我哋兩個睇完戲，唔算太肚餓，我哋就帶咗啲沙律同埋青口前菜，我哋main course就食慢煮黃酒雞同埋西冷牛扒樣子吸引而且味道都幾好慢煮雞嘅肉質依然好滑，牛扒嘅厚度適中，但係稍為熟咗少少當然生日梗係要有個甜品，呢一個香蕉蛋糕卷味道不錯，唔會太甜起上嚟之前，仲有個火焰蠟燭！！好開心🥳

最近聚餐朋友推薦由著名餐飲集團打造主理嘅概念性餐飲品牌登堂餐廳佔地全層環境寬敞舒適仲有獨立包廂美式煙燻醬燒西班牙黑毛豬肋骨伴烤粟米及薯條 (Half Portion)餐廳採用西班牙黑毛豬肉質相對嫩滑而且味清唔臊；餐廳調製嘅醬汁亦相較美式濃厚嘅燒烤醬輕淡突顯肉香低溫慢煮烤乳豬件伴法邊豆，手指薯配蕪花果燒汁乳豬皮薄酥軟；肉質經過低溫慢煮腍滑鬆化而且肉汁豐富配搭蕪花果燒汁微甜清新米蘭式燴牛仔膝伴帕馬臣芝士汁自家製手打寬條麵牛仔膝肉質軟腍而牛骨髓甘香濃郁加埋醬汁燴煮肉味香濃牛膝跟配自家製手打寬條麵；原本以為唔會好多但結果份量都唔少鮮魷魚，煙肉，嫩菠菜，芝士忌廉汁自家製手打寬條麵餐廳提供意大利粉或者自家製手打寬條麵兩款選擇；價錢相差二十蚊但自家製手打寬條麵扁身偏幼質感較有彈性香煎法國鵝肝，煙肉，燒南瓜，半乾車厘茄，法邊豆，帕馬臣芝士汁手工貝殻粉配白松露菌油鵝肝肥美甘香經高溫煎封後表面焦脆中間色澤依然粉嫩油潤；手工貝殻粉偏長條狀邊沿微卷可以鎖住醬汁配搭白松露油菌香濃重比利時窩夫伴自家製雪糕自家製雪糕總共有四款口味可以揀除左雲尼拿同朱古力仲有紅桑子同開心果；窩夫質感綿；開心果雪糕果仁碎香脆而且帶濃郁

最近好鍾意去觀塘食野， 因為幾個係觀塘住嘅朋友都話附近新開左好多餐廳。今晚我話想食好啲， 於是朋友就介紹我嚟呢間頗新嘅fine dining 餐廳。餐廳座落工業， 經過活化裝修，地方感覺唔同哂，餐廳明顯走型格路線，前部份有個lounge，可以嘆咖啡或酒，中間部份係餐廳， 後面部份有五間大房， 適合一班朋友或者公司聚會。餐廳菜式多元化， 選擇多， 媽咪細食，而我又想精選啲真正想食嘅菜式， 所以決定點a la carte, 唔要set dinner。我地頭盤點左媽咪至愛嘅慢煮三文魚. 香芒. 木瓜.藜麥沙律，慢煮三文魚，冰冰涼涼口感好似刺身咁， 但比刺身更滑更香，我平時好怕食藜麥，怕佢浸旱味， 但呢個完全冇，質感好好， 混和香芒木瓜，酸酸甜甜咁好開胃。小吃點左避風塘雞翼，新鮮滾熱辣炸出嚟， 非常香脆， 但一啲都唔油。炸雞翼個脆漿有啲似麥記嘅脆香雞翼但好味十倍，一份仲有六大隻，抵食。每次去餐廳都會點啲難度高嘅菜式， 咁樣就可以試到廚師功力， 雖然時有中伏，但一直都樂此不疲😝。今晚主菜就叫左威靈頓美國特級安格斯牛柳配黑松露菌燒汁，雖然等待時間較耐， 但上枱時嘅賣相令我地都覺得值得等。威靈頓牛柳

白酒忌廉汁煮澳洲藍青口帶一點點海水鹹香。烹煮時間剛剛好，青口非常嫩滑。白酒忌廉汁更加係最佳拍檔。椰菜花忌廉湯帶一點點草青味，素食者至愛。法式干邑龍蝦湯  +$38好濃郁，配麵包無得輸。低溫慢煮燒原隻美國野雞伴荷蘭豆、薯條配黑椒燒汁皮香肉滑，啖啖肉。燒雞三大要素: 一要香脆，二要入味，三要多汁。呢度完全符合以上三個條件，而且醃製拿捏得剛剛好。炭烤美國頂級肉眼牛扒伴荷蘭豆千層薯配黑椒燒汁高質素牛扒，無需要任何醬汁，亦無需要任何調味，只需要配上一點點岩鹽就足夠。Medium 做到剛剛好。肉味、油香皆充足，相對西冷牛扒比較軟諗。用 Chargrill 代替 Panfry, 出色。焗蘋果批伴自家製雲呢拿雪糕蘋果肉厚，肉桂分量剛剛好。此甜品稱得上完美。咖啡果皮烏龍茶有種去油膩的感覺。青柑桔菠蘿梳打Refreshing 

是日約左好耐都約唔到既friends 食晚飯，本身book左7半但早到7點都俾我哋登堂入室，內籠都幾大，modern design 枱與枱之間有啲距離，同朋友邊食邊傾都不會太嘈到隔離。menu 都 design 得幾靚，呢度真係走時尚路線。我哋個個所叫左壺茶黎飲，4種口味凍既幾欣賞芒果烏龍，茶味清香帶少少既芒果味。而我果壺咖啡陳皮烏龍則茶味更濃。松露油炸薯條$78見唔到松露但好香松露味，食落香脆可口，面頭灑滿碎芝士增添風味。西班牙香蒜辣辣虎蝦 $98上既時候啲油仲係滾到沙沙聲，加多啲牛油會似 tapas 多啲，會更香。白酒汁煮蜆 $168朋友說唔夠味但我覺得剛剛好，蜆肉新鮮甜美。鵝肝手工貝殼粉 $178鵝肝基本煎得好香，出晒鵝油，貝殼粉煙韌有口感。低溫慢煮黑毛豬鞍 $288很有份量的豬鞍，非常厚，因為這是西班牙黑毛豬特別可以7成熟的，但個人還是喜歡食全熟的豬。低溫慢煮法國春雞 $288獨特既煙燻味燻香了成隻春雞，肉質緊緻嫩滑，不是一般黃油雞太軟的口感，雞內塞滿左栗子，一隻鮑魚和珍珠麵，十分特別又飽肚，旁邊的粟米燒得剛好又多汁爽甜。在環境舒服的登堂同久未見面的朋友談天說地真係非常盡興!

觀塘做餐廳競爭力其實都幾大，今日嚟到觀塘the wave呢一間專營酒吧同時又有唔同fusion嘢食嘅西餐廳享用晚餐；地方超級大，裝修亦都 睇得出花過心思而且乾淨企理慢煮三文魚香芒藜麥沙律作為沙律，佢嘅份量都幾多；呢個沙律嘅重點係慢煮三文魚煮到同 普通生三文魚好似冇乜分別，但係食起嚟暖暖哋而且一切就散； 藜麥配芒果係不敗嘅選擇，而且喺呢個季節，佢哋都能夠搵到香甜嘅芒果，配埋酸酸甜甜嘅醬汁，好開胃炸魷魚圈 薯條一間餐廳能夠從佢哋嘅炸物當中睇得出誠意同質素。比較普通嘅cafe炸物都油淋淋，就算係炸到外脆內軟，個感覺都係畀連鎖快餐店好少少而已；但係呢度嘅炸物一上枱，香噴噴之餘，冇面泛油光，魷魚圈體積好大，雖然個炸漿比想像中厚咗少少，但係因為經過調味，所以唔會只有麵粉味。黑豚豬肉菠蘿 pizza切開pizza，拎起嘅時候中間會有拉絲，雖然好似好多芝士，但係感覺唔算好漏。薄脆餅底有少少日式風格，唔似連鎖pizza店一個厚麵包底，食完就飽。菠蘿之外其實仲有菇，好足料！最鍾意pizza條邊烘到脆卜卜😍

假日去了觀塘 apm行街， 晚飯時間我哋想搵西餐食， 附近都係見慣見熟嘅餐廳， 心思思走咗去The Wave , 嗰邊有好多新進駐嘅餐廳。其中一間係M1 group 旗下 Downtown 登堂。Downtown 畀人感覺熱鬧， 但呢度更多一份時尚， 裝修雅緻感覺。 寬敞嘅空間 分別了酒吧和用餐區， 亦有可活動間開嘅私人空間。 四周都有大電視播放着經典嘅mtv。<海膽手拆鮮蟹肉， 蟹粉，西班牙辣肉腸拼蕃茄忌廉汁扭卷粉>$238頗詳盡的菜名， 不過亮點當然係手拆蟹肉蟹粉。端上檯已聞到海鮮嘅香味， 意粉醬汁由各種香料，蟹肉所混合（ 吃到不少蟹嘅軟骨） 味道豐富， 真材實料！ 那一片海膽尤其錦上添花， 在濃郁惹味嘅醬汁下亦冇失色。唯獨是扭卷粉未煮得透，心仍是硬。<香煎法國鵝肝，煙肉，燒南瓜，半乾車厘茄，法邊豆，帕馬臣芝士汁手工貝殼粉配白松露菌油 >$178主要係好耐冇食鵝肝， 忍唔住點咗依個意粉。 鵝肝外皮煎得香脆， 裏面大概只有五成熟， 正宗入口溶化， 油香幼滑。標榜係手工做嘅貝殼粉， 手工粉質感好厚實， 有獨特嘅麥香， 外形似豆莢， 唔係普通嘅貝殼粉。 醬

I have always walked pass this place and have always wanted to explore this fancy looking mall. So I did that today.I first entered the first floor and was immediate captivated by the chic vibe of this restaurant - DOWNTOWN. The place was very spacious and classy. There were tables for drinking and dining. So my sister and I went for the dinning table. We were seated in front of this wall where 3 projectors are projecting some hipster music. I have to say I totally LOVE the ambience of the place

難得與大同一聚，這間餐廳環境適宜舒適，方便交談，所以決定一試松露炸薯條：雖然見不到松露，但每條薯條都充滿松露的香味，外脆內軟，上桌是熱辣辣的，大讚。西班牙香蒜辣椒欖油煎虎蝦：虎蝦大隻鮮甜，香蒜辣椒更添惹味卡拉布里亞軍辣香腸蒜片牛油白酒汁煮蜆：耬選擇了美國馬尼拉鮮蜆，據稱蜆肉較為鮮甜多汁，果然名符其實，而且Size都沒有大小不一，另加菇類配菜，吸收了蜆肉汁，十分美味。香煎法國鵝肝手工貝殼粉：鵝肝的油香佈滿整盤貝殼粉，配上煙肉、燒南瓜、法邊豆及半乾車厘茄，令整盤貝殼粉富有豐富口感，而且配菜們都十分美味。貝殼粉是手工製，所以較為煙靱彈牙，再加上滿滿的芝士，十分滿足。低溫慢煮西班牙黑毛豬鞍：豬鞍鮮嫩多汁，配上適當的香煎，完全滿足了食肉獸的慾望。配菜的荷蘭豆和薯條都十分爽脆可口。低溫慢煮燒原隻法國香油春雞：春雞有滿滿的香烤味，切開入面更有驚喜，內釀鮑魚、栗子和珍珠麵，並不簡單。雞肉不會老，是嫩肉，而且外皮燒得金黃香脆。伴碟的粟米香甜多汁，完全不會燒得過乾。飲料方面分別點了荔枝蜜桃茶(熱)、洋甘菊茶(冷) 、芒果烏龍茶(冷) 及咖啡烏龍茶(熱) ，茶類飲品則是正常水平，值得一提的是熱茶可以免費續杯