登堂 (已結業)

The Wave出名多餐廳，今次就試下登堂。叫左兩杯飲品先，侍應話係自家製，不加糖漿。冷泡蜜桃茶聞落有淡淡嘅蜜桃清香，而冷泡烏龍芒果茶茶味好濃，但無咩芒果味。低溫慢煮三文魚、香芒、木瓜、藜麥沙律 - 三文魚肉質軟淋淋易入口，藜麥健康清新又開胃。美式煙燻醬燒西班牙黑毛豬肋骨伴烤粟米及薯條 - 豬肋骨加左孜然粉似重慶燒烤，粟米燒得好甜，薯條即叫即炸脆卜卜。侍應好好，幫我地切埋。鮮魷魚、煙肉、嫰菠菜、芝士忌廉汁自家製手打寬條麵 - 芝士味好濃，寬條麵好有咬口，自家製有水準，整體食落唔會膩。焗半熟芝士撻伴自家製榴槤雪糕 - 估唔到呢餐最好食嘅係甜品，雪糕榴槤味好重仲有果肉，芝士撻熱辣辣，芝士味好濃厚，撻底脆口。

今日同朋友慶祝生日 黎到觀塘嘅downtown 聽聞呢度既野食非常高質素 即管試試! 入到黎環境非常寬敞 播放住舒服嘅音樂 牆身投影住一啲英文歌嘅mv 幾特別首先 我地點左兩杯冷泡櫻花茶奶蓋 冷泡玄米茶抹茶奶蓋 茶味濃 零糖 一啲甜味都冇 同平時係街飲嘅芝士奶蓋茶完全唔同 可以一試我地點左三個主菜第一 鮮魷魚，煙肉，嫩菠菜，芝士忌廉汁意大利粉 意粉質地頗為較硬身 鮮魷魚嫩菠菜配上忌廉汁 味道一流 第二 煙三文魚比薩(煙三文魚，莫薩里拉芝士，發達芝士，蕃茄，水瓜榴，俄勒岡) 芝士味極濃! Pizza餅底簿 正呀！第三 威靈頓美國特級安格斯牛柳伴炒嫩菠菜，燒手指薯配黑松露菌燒汁 其實食呢個之前已經飽飽地 不過實在係比佢嘅外形同香味吸引! 第一次食酥皮牛柳 感覺好特別 牛柳肉好厚身 配上酥皮口感獨特

開會經過觀塘區，原來觀塘已經多咗好多樓上餐廳，今日同事介紹我嚟食呢間餐廳我覺得好特別，首先係餐廳真係超大，有飲嘢嘅部份亦有食嘢嘅部份，我成日喺銅鑼灣食嘢已經好耐冇見過咁大間餐廳餐牌見價錢唔算特別貴，可以接受唔知食乜由同事發板，前菜嚟咗個白酒煮蜆，超大隻超肥美，個白酒汁十分香，側邊有個蒜蓉包我差不多一邊點啲汁一邊食包，好好味，食到唔停口，最後我用匙羹差不多飲晒啲汁，哈，當湯飲曬。主菜叫咗出面好少食得到嘅燒乳豬仔，份量比我以前食開的仲要大，見到個樣都覺得好精彩，外皮焗到好脆，入面肉質juicy 外脆內軟，口感非常好另一主菜龍蝦意大利飯，最特別係龍蝦用咸蛋一齊焗，中西合璧配搭得好好，龍蝦好香嘅鹹蛋味，用咗香港龍蝦特別彈牙而且冇雪味，加上意大利飯啊，軟硬適中，特別有口感但係又唔覺得太溜，真係超好味又飲又食咁就一個happy friday下星期再摶過。

一去到了觀塘興業街，發現在The Wave全層 2樓開了一個歐陸餐廳及酒吧。觀塘要吃西餐很容易，但要數過萬呎新餐廳有和牛肉眼的性價比到的店就是它！餐廳結合西餐、Cafe及商業聚餐的元素，有牛扒、甜品、特色奶蓋茶等等，而且有新派的西方食物吃，非常特別呢*香煎法國鵝肝帕馬臣芝士汁手工貝殼粉單看名字就知道不簡單的了，出外吃西餐，鴨肝是不二之選，得體又美味。煎鴨肝看似容易，其實要好也不易。由店內友善的店員介紹，鴨肝及手工貝殼粉，保證出外吃不到的，做出跟高級餐廳比較更為吸引。墨西哥烤餅一片一片純手工製作的墨西哥捲餅，不只單純的麵香，好吃～但是我平常吃時是用烤箱烤的，不知道為什麼滿硬的，味道也不夠。Tacos！墨西哥Tacos是平民美食，以粟米脆餅或薄餅包上不同的配料，例如豬、雞、牛、芝士、牛油果、洋蔥、芝士和墨西哥沙拉醬！店內也有豬、雞、牛薄餅，味道酸甜帶辣，好吃的感覺由此而出。濃濃中南美洲風情的異國風味菜，炒香的墨西哥牛肉餡料配上乳酪起司和清爽的莎莎醬，相當適合和朋友一邊吃東西，一邊吃的一道輕食料理。炒好洋蔥絲、煎好牛肉、紅腰豆、玉米粒，墨西哥辣椒碎及起司絲拌勻成烤餅料，感覺很棒喔。與此同時，

官塘星期日晚上唔洗等位係有少少嘈，可能因為多小朋友座位好闊落侍應都好有禮貌藍青口食得出係新鮮，冇煮過火口，好滑個汁幾香，落咗松露油個南瓜湯同餐包就普通貨色中段再上一個雪芭清一清口腔味蕾主菜係西冷，香炭味，牛味都ok係真係有心嘅餐廳，希望繼續keep到質素雖然只有樽裝水提供，不過酒水先係有肉賺，明嘅，香港地

上到去餐牌有散叫同set menu兩種。我同老婆就一人叫左一個set頭盤我就沙律，老婆就加錢叫左兩隻法國生蠔。都大隻juicy同新鮮。另外由於係bar fusion餐廳，配左一杯經理介紹白酒之後main course 我就叫左手製龍蝦寛麵，有兩隻龍蝦尾，賣相好好，龍蝦尾多汁嫩滑無「聲」，重點手製寬麵煙韌彈牙，掛醬汁都唔錯老婆就叫左黑毛豬帶子配紅豆薯蓉（不過薯蓉比想像中少，得幾滴伴碟，睇見笑左下）黑毛豬，有肉味之餘都軟熟，但又唔似東坡肉果種，佢有少少韌度。但一樣可以一咬就開。都幾好，而且連配菜同帶子食夠健康唔會顯得太油。甜品叫左個草苺燉蛋，同老婆share食，不過佢對酸野唔太好，而燉蛋係幾草苺酸，所以我食左大半。成餐總體都幾好食，其實適合人多飲住酒食晚餐多d,由於室內環境比較大店鋪環境唔會太嘈。==============================最後想提，以下是關於服務上1）5/3係老婆生日，諗左好耐去邊度食。成日係屋企附近食，不如又試下公司附近觀塘工廈餐廳。唔知係邊睇到宣傳就預早上餐廳book枱順便係下環境。book枱時想揀sofa枱，可惜服務員表示要睇當日情況先可安排，值得一

今日又黎到觀塘工廈去搵飯野聽聞呢棟工廈引進左唔少高質餐廳所以就黎試試佢登堂位於呢度既二樓裝修得好靚枱放得好闊落唔會有壓迫感👍🏻以西餐為主野飲有而家最流行既奶蓋我地今次就叫左個咖啡奶蓋同埋冷泡烏龍茶蜜糖牛油果奶蓋要讚下呢個牛油果蜜糖牛油果奶蓋淡淡牛油果味喺奶蓋深出黎🤤🤤牛油果控一定要試下👍🏻👍🏻小食叫左個炸蕃薯條好大份好粗好大條好重蕃薯味蕃薯控又係必點👍🏻👍🏻好好食主食就叫左個龍蝦海鮮西班牙鍋飯二人份量好大鍋啲飯吸晒海鮮味超好食龍蝦大大隻好多肉好好食另外仲有啲青口蜆肉大蝦好足料好抵食總括而言呢餐高質好抵讚👍🏻

早排要同閨蜜K放工去左位於觀塘the Wave的新餐廳食飯。餐廳地方寬敞，而且設計高貴大方，係一個好舒服的環境，最岩係情侶慢慢細味晚餐，亦係一班朋友Gathering的好地方。餐廳有多款飲品，除了有特色的冷泡茶，奶蓋茶、Mocktail、Cocktail都應有盡有。特別一提餐廳有多款日本靚酒，愛酒之人一定不能錯過！朋友仔叫左一杯牛油果蜜糖奶昔，口感滑滑的奶昔，加入淡淡的蜜糖，整體唔會太甜。想慢慢介甜的閏蜜K十分滿意！我就叫左一杯由牛油果蓉、奇異果糖漿、蜜糖為主要材料的Mocktail——Green Lady。入口的味道以奇異果為主，加上微酸的檸檬汁，整體都幾Fresh。上年同朋友出銅鑼灣食飯食過呢個西班牙菜式就難以遺忘，今次我倆見到餐廳又一同一個菜式，即將異口同聲都話想食。呢份西班牙香蒜辣橄欖油煎虎蝦有4隻及6隻可以揀。一上菜已經聞到好香，先將蝦拆殻，再將爽口的蝦肉點埋辣辣地的蒜油，真係好惹味。雖然一聽到油好多人會怕怕，不過餐廳用的係橄欖油，其實都唔係咁可怕，用多士法包點埋個油，真係天堂。墨西哥粟米片係我常點的菜式之一，除了香口外，上面的溶芝士及牛油果醬都好鬼正！餐廳的墨西哥香辣牛肉芝

是晚到訪的（登堂Downtown）位置在觀塘，在新商廈The Wave，交通方便易達，餐廳十分寬敞，設計特色，相當有格調，同時分別有酒吧及用餐區，是一間相當有水準的西餐廳。Smoke Salmon Caesar Salad$118，三文魚油份飽滿，肉質鮮甜，夾上嫩綠羅馬生菜、煙肉碎、Parmasen chesse，成為一盤稱職的凱撒沙律。Skewer Platter$368，賣相相當架勢堂，陣容鼎盛，一字排開。分別有燒帶子、白鱔、德國腸、雞翼、牛舌等。配四款醬汁，層次豐富，各有特色。Cavatelli Goose Live $178，香煎法式鵝肝、煙肉、燒南瓜、法邊豆，加入有少見的手工製貝殼粉，噴灑上白松露油，香氣撲鼻。Banana Filo Pastry$68，餡餅皮帶清新小麥香，香蕉塊剛熟軟糯，整體咬落香脆不膩口。

一收工同老公去醫下肚先，黎到呢間入型入格又大又時尚既西餐廳晚餐，而且價錢合理！裝飾十分裝潢時尚，又大又豪華既裝修仲十分有情調，情侶入到黎一定感到浪漫，亦都適合多人聚餐！先黎杯呢到最出名既奶蓋先！「冷泡櫻花茶奶蓋」$48奶蓋奶味很濃，櫻花茶清香易入口「巨峰梳打」$28加$38仲可以無限暢飲添！「避風塘雞中翼」$88未食都知呢隻雞翼塘惹味！雞翼大大隻，脆卜卜係外脆內嫩，雞翼十分juicy！「鮮魷魚、煙肉、嫩菠菜、芝士忌廉汁自家制手打闊條麵」$158果然係手打麵，麵質彈牙口感十分正，忌廉汁十分濃厚，一定一定要試手打闊條麵「低溫慢煮燒原隻法國黃油春雞釀鮑魚，栗子薯條」$288原隻燒春雞多汁多肉仲要原條粟子上，真係好有誠意！雞內仲有栗子，栗子超淋超入味！

試過m1 group旗下唔同嘅餐廳， 間間食物嘅水準都一流， 只係地點、裝修風格、 路線各有不同，知道觀塘都有一間同一品牌嘅餐廳，我一定要去朝聖。環境十分型格， 用咗貨櫃嘅門做佈置，地方寬敞， 有吧檯，四人枱 同埋房，剛有30個人book咗間房，如果成班人食嘢飲酒幾好。因為我見佢都多款唔同嘅飲品同埋酒類都多……環境真係舒適，適合同朋友傾計食飯，同埋啲枱唔會同隔離枱拍得好近，感覺唔會好迫夾。而且仲有不同款式嘅生蠔食， 品酒食蠔冇得輸。係drink Menu上，你講得出唔同種類嘅酒佢都有得飲，出色。同個friend叫咗兩杯嘢飲下吹陣水先。右邊係愛文芒果烏龍茶有淡淡嘅芒果味同茶味，入邊有細細粒嘅芒果肉Ice Cube呢杯好味，飲落甜甜地，有花香味，最特別係佢有放鮮花係入邊，同埋每粒冰入面都係有鮮花。呢個 威靈頓牛柳好味， 酥皮好香牛油味，牛柳食落好淋，有牛肉味同肉汁，就算個配菜都好比心機煑， 菠菜食落好嫩同好香蒜蓉味。個貝殼粉食得出係手工造，同出邊一般嘅意粉口感唔同，有啲煙韌。朋友飯後留低八字comment: 食得招積，環境舒適🤣

我好少可打咁多字去讚一間餐廳♥️♥️♥️幾經辛苦終於約到過嚟食晚餐🥰話說我同朋友都係港島人要入到嚟觀塘食野真係好少可主要都係因為呢間餐廳太吸引呢間餐廳大有來頭👍🏻尖沙咀嘅彌敦左岸同The Right Place都係同集團呢兩間餐廳素來都以品質得到好好嘅口碑上網睇過連黃秋生咁嘴刁嘅人都話佢地個總廚有料😂佢地強勁之處係對餐飲嘅熱誠無論係食材方面飲品方面都有所追求一間有自己嘅咖啡師、品酒師什至唎酒師嘅餐廳唔係是但搵個人沖野俾你飲嘅地方佢地會為客人揀選適合嘅飲品配上美食絕對係佢地用心嘅地方所以當之到佢地上年年底登陸觀塘我同朋友就好想嚟食但一直都安排唔到直到今日期待已久嘅飯局終於約到喇一上到去見到超大嘅酒櫃🤩對眼真係發曬光入面放滿咗清酒白酒紅酒呢到環境好舒服唔會好似其他酒吧餐廳咁樣咁黑咁暗有個可以俾人坐係到舒舒服服嘆住杯咖啡做下自己野嘅地方佢地嘅咖啡選擇亦唔少有虹吸咖啡、手沖咖啡、冰滴咖啡⋯唔講咁多食野先😂入正題喇首先我地叫咗個「卡拉布里亞辣香腸蒜片牛油白酒汁煮美國馬尼拉鮮蜆」好！個名好長😂其實都係想話俾客人知佢地用緊嘅係咩野同係邊到嚟嘅食材明點解話佢地有熱誠啦？因為貨真價實👍🏻性價比高呢個蜆帶微辣好

Happy hour 時段， 黎到the wave ， 見到呢間唔洗等位就試下。佢個場好大，所以我同男朋友要坐去bar 個邊食🍽☘️環境好新，好靚。🍽☘️綠色主題好清新☘️🥪鵝肝多士（$148）都幾大件，一件比較生d另一件都幾juicy 🌮Nachos ，牛油果🥑，salsa，sour cream，好多芝士，有誠意，不過nachos就比較軟，唔脆，差d 。🤔另外叫左兩杯啤酒（$88 @ 1) happy hour 送多杯。🍻

今晚放工約咗幾個同事去左觀塘 興業街The wave 2樓（登堂）餐廳十分寬敞，設計好有格調，一邊是酒吧區，一邊是用餐區，一站式的服務不假外求，餐廳的威靈頓美國特級安格斯牛柳， 都好出名，想不到觀塘會有這麼大型及有質素的餐廳，已約定另外一些同事，再過嚟光顧。Lobster Pizza$208 pizza材料有緬因州龍蝦，卡拉布里亞辣香腸鋪滿濃濃的芝士，餅底烤得外脆內的軟，食落口好有層次感。Skewer Platter$368超級燒烤大拼盤分別有燒大蝦、雞翼、帶子、牛肉同燒蔬菜等， 各款燒烤肉質都好夠味道，單看這拼盤已經十分震撼份量十足，有成十幾款不同的味道，可以每樣都試齊，超正。Tiramisu香濃軟滑，又不是太甜，需要再encore。Green Tea Pudding$75甘香軟滑的綠茶蛋糕，再配以雲呢拿雪糕又是另一個驚喜。

今日放假無乜嘢做，就同太太去咗APM度睇戲，過咗年都係第一次去睇戲，完場後去咗附近觀塘工業區嘅西餐廳用饍，該間西餐廳係觀塘興業街4號The Wave2樓叫做登堂(downtown)，一上到去，侍應已經好熱情咁招呼我倆，問我地只係飲嘢定食晚飯，因餐廳門口有個大嘅酒巴，可以選擇係坐係巴枱飲嘢傾計，我倆諗住食飯，所以叫侍應係裡面安排兩個位俾我，内裡環境非常之大，太太睇完餐牌後，叫咗個 低溫慢煮炭燒西班牙黑毛豬鞍拌炒西班牙辣肉腸，荷蘭豆，油封手指薯配青胡椒忌廉燒汁，飲品佢要咗杯日本抹茶，甜品要咗 蘋果批拌雲呢拿雪糕，我就叫咗煎北海道帶子配鹹蛋黃 南瓜蓉拌意大利飯，飲品就要咗冷泡蘋果茶，等咗一陣兩杯飲品先到，蘋果茶飲咗一啖，有濃厚的蘋果味，又有嗰嘢整番熱啲茶，好有創意，跟住就係兩個主菜，先講我嘅煎北海道帶子意大利飯先，帶子好大隻，兩面煎到金黃色，好鮮甜，意大利飯裡面有咸蛋黃同南瓜蓉，配撘幾特别，但味道唔錯，慢煮黑毛豬鞍，切開裡面可以睇到係啱啱熟，入口好冧好似食和牛咁样，沾少少忌廉燒汁，味道好正，就算唔沾汁，都可以食到佢肉汁嘅原味，一樣咁正，最後就係個甜品蘋果批，份量好大，足夠倆個人食，味道一流，