登堂 (已結業)

登堂已經係肥雞第二次去食㗎啦除咗嘢食水腫唔錯之外佢嘅環境你都好優惠美好適合同朋友喺度談心慢慢吹下水咁今次肥雞就冇嗌沙律直接帶咗個墨西哥芝士牛扒夾餅不嬲肥雞都好鍾意食佢個牛扒因為一啲渣都冇肉汁好冧牛尾粥配埋微辣嘅墨西哥辣椒再加埋牛油果醬莎莎醬酸忌廉醬每一啖多一個享受之後再嗌咗個北海道鹹蛋黃大仔risotto 第一次見到用鹹蛋黃炸risotto帶子非常之大粒蛋蛋都係肉一啲腥味都冇鹹蛋黃醬同risotto好夾再配埋小小南瓜解你再嗌咗個低溫焗乳豬啱啱上市嘅時候熱辣辣啲皮脆波波非常之正

緬因州龍蝦尾,西班牙辣肉腸,燒南瓜,嫩菠菜,半乾車厘咖,鹹蛋黃汁手工貝殼粉 $228菜名好長 簡稱龍蝦貝殼粉 主材料配料都係菜名列哂出黎 一目了然呢個價食到份龍蝦main course要先讚一下 雖然話龍蝦尾 其實size唔細 開邊打孖上 份量同原隻龍蝦相差無幾最緊要係主角龍蝦有質素 成道菜最好食既一樣材料 通常熱食既龍蝦幾容易overcooked變韌 呢份火喉控制得好 幾嫩口 第二係唔使靠配料靠汁都夠味 好難得食龍蝦食得出份新鮮手工貝殼粉扁身長條型 樣有啲似長通粉 都幾手工feel 個粉汁係底又唔太多 偏乾身 主要係同打散左既鹹蛋黃一齊食 諗得出鹹蛋黃做pasta同risoto都幾有新意 要注意既係鹹蛋黃product比較heavy 最好share食配料上有一定量既腸仔粒 其實唔辣 南瓜好似唔係好覺 定還是我當鹹蛋粒咁食左唔知 車厘茄就印象深啲 燒到乾身有別於平時常見啲既食法我覺得整體黎講 道菜性價比都ok 鍾意龍蝦既可以試下 印象中餐牌都有幾他龍蝦菜式 不過就無咁平 豐儉由人美式煙燻醬燒西班牙黑毛豬肋骨伴烤粟米及薯條 (half portion) $138都有段時間無食ribs 照

西班牙香蒜辣椒欖油煎虎蝦 （4隻）＄98 虎蝦係上枱時有一陣陣好濃郁海鮮味，，食落肉質好爽口彈牙，仲有蝦既鮮甜。用了不少辣椒去煮，所以食落有少少辣但因為個辣度剛剛好，所以刺激到味蕾。仲好貼心地提供了法式多士，可以沾上辣椒欖油，正卡拉布里亞辣香腸蒜片牛油白酒汁煮蜆 ＄168菜單上列明會有2款蜆提供，但會視付當日供應。當日提供的蜆，粒粒飽滿而且煮的熟成度剛剛好，蜆肉肉汁多而且唔會有Overcook。雖然有辣香腸但一點都唔辣，怕辣之人食都無問題澳洲和牛醬，63度溫泉蛋，帕馬臣芝士汁手工貝殻粉 ＄148小妹最like呢個貝殻粉，欣賞用人工製及食落有點煙韌既口感。貝殻粉更吸收了所有醬汁，可以完全品嚐到整個菜式。另外不得不提，溫泉蛋蛋香味好濃，加上和牛醬，肉味同蛋味互相配合，將貝殼粉昇華美國煙燻醬燒西班牙黑毛豬肋骨伴烤粟米及薯條 （半份）＄138豬肋骨唔會得好少肉，而且煮到好淋，職員更貼心咁將豬肋骨切好。估唔到職員更將粟米起埋，令客人可以好優雅咁食粟米同豬肋骨，真係好好總括，小妹覺得服務十分好，食物亦是十分高質數，價錢不算很高但性價比好而且環境好好，可以同三五知己談心都好足夠

The Wave開了很多餐廳，選了這家裝潢門面較大氣，顏色運用比較罕有，色澤奪目吸引的。蒜片白酒汁意大利粉意粉爽滑彈牙煙韌比較挺身，醬汁較濃郁帶蒜片咸香味。美國馬尼拉鮮蜆、卡拉布里亞辣香腸、勝瓜等混在意粉內，意粉粉量多。低溫慢煮烤乳豬伴法邊豆金黃乳豬配上手指薯，淋上無花果燒汁。乳豬皮燒至極香脆，肉味濃郁，乳豬肥嫩脂肪飽滿，咬下滑嫩。至尊比薩大大塊脆薄餅以蕃茄醬掃面，底鋪滿厚重的莫薩里拉芝士。咬下邊皮超脆，芝士芝香十足，再配上烤雞肉、鮮蝦、辣肉腸、白菌、洋蔥、黑水欖、俄勒罔等，口感豐富。

Friday night 想輕鬆 chill 下，黎到觀塘搵食，果然又有驚喜。哩度嘅格局夠晒舒服，好spacious, 又唔嘈，同朋友黎chill 下真係一流。哩個黑松露 mushroom pizza 好 cheesy! 厚厚嘅芝士配埋薄脆嘅批，仲要咁大份，真係好抵食！黑毛豬 ribs 煮得剛剛好，啲肉一啲都唔韌，夠晒 juicy！加埋半脆半有汁，淋淋地嘅薯條同粟米最後食埋甜品，抹茶心太軟甜甜地配埋士多啤梨雪糕，吉落去又係勁流心，大滿足！

朋友生日晚餐聚會，我們就選擇了坐得比較舒適嘅地方相聚，因為我們午餐來過呢度食，覺得這裡環境得確不錯！午餐與晚餐價錢相比，晚餐價錢真係貴得多了。今晚的主菜味道都尚算可以，但無咩特別驚喜，不過不失。其實我們最期待嘅就係甜品啦！還特登上網搜尋左資料，雜誌推介嘅比利時窩夫伴自家製雪糕，睇相片已經非常吸引，我們還拿著相片比waiter睇，我們就要點這款甜品。但當甜品送到枱上時，我們都呆眼了！我們對waiter說：這款甜品是我們點的嗎？Waiter說：係吖，是你們點的比利時窩夫。我們立即拿著相片來比對……我們說：應是金黃色的窩夫喎！Waiter說：比利時窩夫是朱古力味，可能相片有色差，才會像金黃色。我們說：咁雪糕點解不是白色(雲呢拿味)呢？如果口味是有得選擇，為什麼沒人問我們選擇什麼口味呢？Waiter說：因為我們的雪糕是自家製，所以時有不同口味提供，但今天只有綠茶口味。講到咁…我們唯有接受啦，但心諗相片中切好的粒粒水果去左邊呢？我們只得幾片士多啤梨，咁藍莓及芒果在那？… 還我們藍苺吧！😭

觀塘近年越來越多所謂高檔餐廳冇好嘅軟件配合硬件再好都冇用坐低已經知道奶嘢每張枱都喺度催單我到最後就連甜品都要cancel經理都知衰補鑊九折埋單再送多枝唔知咩冷泡茶畀我返去打開飲咗一啖Lur都lur唔切堅係難飲到hihi🤢真係唔知講乜好結語係………高檔是裝不來的

係Facebook見到呢間餐廳既裝潢好似好靚咁，又見近近地係觀塘，特登約咗好耐無見既朋友嚟試試佢。上到嚟已經覺得餐廳裝潢得好優雅，地方又大好舒服。睇Menu覺得最特別既係竟然有奶蓋飲品，好少見西餐有埋呢啲特飲，我地都特登試下佢。朋友同我都各自叫咗杯試下，朋友叫咗杯店員介紹既冷泡伯爵茶接骨木花竹炭奶蓋($35)，我就叫咗杯冷泡玄米茶抺茶奶蓋($40)，感覺幾特別。小食上咗先，叫咗每次食西餐必叫既薯條，呢個係松露油帕馬臣芝士炸薯條($78)，薯條幾好食，黑松露味好香，連埋芝士食都好夾。主食叫咗兩個，第一個上咗呢個"低溫慢煮原隻法國黃油春雞釀鮑魚，粟子，薩丁尼亞珍珠麵伴烤粟米，薯條($288)"，唔記得呢個都有薯條都之前個嗰撞咗，個雞幾好食，好多肉，啲肉又唔"鞋"，雞入面仲包住珍珠麵同埋有鮑魚係入面，幾有心意既一道菜。另外一個主菜就叫咗呢道"輕煎北海道鮮帶子，鮮魷魚，西班牙辣肉腸，燒南瓜，法邊豆，鹹蛋黃意大利飯($198)"，第一次見到鹹蛋黃味既飯，食落去都感覺好新奇，帶子都唔錯。好快就飲晒杯奶蓋，我同朋友仲叫多個巨峰梳打，$38可以無限添飲，幾好味，唔太甜。

工廈內的小浪漫高質威靈頓牛柳不容錯過！呢度嘅奶蓋茶非常特別 值得一試茶種多 有櫻花茶 玄米茶 伯爵茶等等威靈頓美國特級安格斯牛柳配黑松露菌燒汁 $348係好少有食到好好食既威靈頓牛柳 做到真正五成熟效果 非常出色！伴菜既炒嫩菠菜同燒手指薯充滿特色 而且非常好味絕對係必食推介輕煎北海道鮮帶子鮮魷魚西班牙辣肉腸燒南瓜法邊豆鹹蛋黃意大利飯 $198材料非常豐富 味道互相配合得天衣無縫辣肉腸令菜式食落好惹味意大利飯煮得恰到好處而且帶子超大粒超鮮甜黃金蝦原隻龍蝦粟米蓉法邊豆意大利飯 $298 色香味俱全既菜式加入鹹蛋黃更加香氣撲鼻而且龍蝦分量十足非常抵食

經為食同事嘅介紹之下,佢話呢間<登堂>嘅夜晚套餐好味又抵食,於是乎我就同埋肥臀同事一齊收工嚟驗明真身啦~呢間餐廳新開咗冇幾耐,喺觀塘The Wave 2樓,非常之就近我哋公司,只需要過條馬路行多條就到喇。一收工就上嚟,果然未有太多人呢個鐘數食晚飯,無他嘅,對我哋嚟講,愈早食就愈好,冇咁容易肥吖嘛~又到咗我哋兩個最苦惱嘅時候,餐牌裡面實在太多選擇,揀得多又食唔哂,職員都好好招呼咁有介紹佢哋有咩推薦~同埋一樣令我哋驚喜嘅事係呢度原來有生蠔啵仲有成十款咁多添...我哋最後都係憑感覺去挑選,脆脆地一人揀咗一隻試吓。跟手就嗌咗一份「必食威靈頓牛柳」再加一碟意粉,兩個女仔share嚟食剛剛好,夠飽又滿足。吉拉多Gillardeau生蠔 x 2($68蚊一隻)：呢款口味標榜海水味重同鮮甜,肉質肥厚,另外口感爽脆鮮甜,對於我嚟講我比較喜歡重口味嘅生蠔所以呢一隻都好合我嘅心意,唔算太咸之餘生蠔亦夠新鮮好食,唔需要再點茄汁,佢本身亦都一啲腥味都冇。美國馬尼拉鮮蜆,卡拉布里亞辣香腸,勝瓜,蕃茄,蒜片白酒汁意大利粉($178蚊)：呢碟意粉濕濕地咁有個橙紅色嘅汁底味道幾開胃,出乎意料地竟然一啲都

收到風，老死mandy話觀塘開左間好靚既西餐廳，傳統工業區有靚西餐廳？咁特別，當然要去試試。地點都算容易搵，一上到去，地方非常寬敞，裝修雅緻舒適。有吧台位置，除左用餐，放工仲可以黎happy hour!坐低望望個dinner set menu, 似層相識既感覺，原來同the right place係同一集團！full menu有好多款食物，揀左好耐，最後決定要個海膽蕃茄醬pasta同牛扒！好多海膽，一d都唔吝嗇，creamy既蕃茄醬，味道一流，意粉既軟硬度適中，份量剛剛好。牛扒入口嫩滑，配上芥末醬同香草牛油，鮮味提升，滿咀牛肉既香味，好搭配，拌碟有新鮮出爐既薯條，飽哂！飲品方面，嗌左個芒果烏龍茶。果味清新，酸酸地，有助消化岩岩食完既牛扒！總的來說，都唔錯，下次經過觀塘會再試！

餐廳環境：佔全層，地方寛敞，大廳餐桌沒有放得過於擠逼，有普通方桌(2人﹑4人)，也有U形梳化的5-6人座位，以及吧枱。另有兩間偏廳，其中一間放了一張可坐10多人的長餐枱，自成一角。另一間偏廳則放了一張4-6人枱﹑及兩張8人枱，我們就是被安排坐在這偏廳，由於樓底矮，困住所有聲音，即使後面另一班食客沒有特別高談濶論，都覺得很嘈吵，有點影響用餐氣氛。食物質素：有主餐牌﹑晚餐(套餐)餐牌及飲品餐牌，晚餐選擇尚可，都是大路的豬﹑牛﹑雞﹑魚﹑羊﹑海鮮意粉等，大概有7-8個選擇。主餐牌的選擇也不少，除了一般扒類﹐還有意粉﹑飯等。餐廳亦有期間限定的優惠菜式，如現在以半價賣4-6人享用的1.2kg澳洲M5和牛斧頭扒。飲品餐牌有點驚喜，有很多台式飲品，如近期大熱的奶蓋茶飲，由於飯前已吃了雪糕，腸胃不好的我就沒有點這些特飲了。每份晚餐(套餐)都包括前菜﹑餐湯+雪芭(讓吃主菜前清一清味蕾吧)﹑主菜，加$38就可以有甜品。我們分別點了(2份)西冷扒(配黑松露燒汁)﹑肉眼扒(黑椒汁)﹑龍蝦尾配豬腩肉；前菜則點了三文魚藜麥沙律及黑毛豬火腿伴蜜瓜；是日餐湯提供南瓜忌廉湯，我們另外加錢換了干吧龍蝦湯及牛肝菌雜菌湯(各$

登堂係喺觀塘The Wave最近新開的西餐廳，我地決定試一試!地方寬敞舒適，裝修時尚，令人眼前一亮!低溫慢煮三文魚，芒果木瓜藜麥沙律 $158三文魚係厚切，經慢煮過的三文魚質感軟淋! 藜麥獨特的口感加上酸酸甜甜的沙律汁、新鮮蔬菜和芒果肉，健康又美味。低溫慢煮乳豬件伴法邊豆，伴手指薯配無花果燒汁 $248外層的乳豬皮燒得十分香脆，中間夾著一層油香四溢的薄薄脂肪層，下層就係軟嫩多汁的乳豬肉！口感層次豐富，而且味道濃郁，令人一試難忘，真係意想不到的驚喜高質!可以加少許無花果燒汁，味道適中，更帶點清新果香。伴菜有黑醋火箭菜，能解油膩感，好開胃！美式煙燻醬燒西班牙黑毛豬肋骨伴烤粟米及薯條 (Half Portion) $138西班牙黑毛豬肉質嫩滑，而且肉味濃郁! 餐廳調製嘅醬汁亦恰到好處，十分推介! 烤粟米又香又甜，薯條熱辣辣脆卜卜，而且份量都相當多!登堂奶蓋茶 $48奶蓋充滿香濃芝士味，配上清新既茶香，好味道!冷泡芒果烏龍茶 $38芒果的香甜加烏龍茶的清新，正!

終於夾到二月壽星M食飯，地點就由M揀，又係官塘工廈嘅 The Wave，升降機門似貨櫃。由升降機門口行到坐位有一點距離，餐廳好大佔用全個樓層，仲有幾個包廂。除咗入嚟見到嘅大型酒櫃，餐廳中間亦有張枱排著一列餐酒，陣容鼎盛。仲有冰桶冷凍住幾支餐酒感覺係幾Grand嘅品酒好去處。一本係飲品單，一本係菜單......嘩！飲品單內嘅酒類選擇多到呢...唔怪之得咁厚啦。叫杯嘢飲再慢慢研究食咩，淡淡烏龍茶香，牛油果奶蓋幾特別，解渴又醒神。Green Ladies奇異果香味好突出，夾埋檸檬汁夠清新又係水蛇春咁長嘅名......香煎法國鵝肝手工貝殼粉顏色靚靚第一印象已經加分貝殼粉口感煙煙韌韌好正配埋香滑嘅帕馬臣芝士汁，好味法國鵝肝外表煎表得香脆，內裡絲滑入口即溶，邪惡！But I like it菜式設計幾有心思上面嘅火箭菜，有助減輕鵝肝嘅邪惡，因為佢嘅營養價值高、防癌、抗氧化、預防血栓與護肝.......慢煮烤乳豬件乳豬肉質腍滑，皮薄香脆，肉汁豐腴，肉味濃郁，醮無花果燒汁嚟食，開胃消滯手指薯同法邊豆新鮮好味食完嘢，傾吓謁，再叫埋甜品先至係完美Tiramisu新鮮軟滑，酒香馥郁，口感軟熟，好好味呀法式焦糖

今日去觀塘搵好野食，去左一間氣氛超好既餐廳，餐廳位於the wave, 上到去你一個好大既open area, 原來成層都係呢間餐廳，餐廳有一個好大既lounge, 而且裝修得好靚，氣氛好浪漫。另外餐廳仲有一個包廂咁既裝修，同三五知己黎食飯傾計就最岩啦。Meun 上食物非常多，我地先叫左個意粉，之後再叫左塊牛扒。澳洲和牛肉醬，63度溫泉蛋，帕馬臣芝士汁手工貝殼粉意粉軟硬適中，形狀特別，而且醬汁做得非常好，加埋溫泉蛋，好creamy, 味道口感都非常好。炭燒美國1855極佳級黑安格斯肉眼牛扒10安士牛扒份量十足，5成熟岩岩好，配合埋特制既紅酒乾蔥燒汁，味道好好，肉質亦非常鮮嫩。配菜亦非常好食，薯條只需係新鮮炸起就已經好好食。餐廳有個咁大既lounge, 當然餐廳wine list 都非常豐富啦，而且餐廳仲有happy hour 8點前飲品買一送一，非常抵。總結，餐廳面積真係非常大，而且氣氛一流，非常適合同朋友聚餐，食物質素高，又有好多唔同既飲品，好適合同朋友邊飲邊傾計。