登堂 (已結業)

同事請食午飯，地點選在觀塘食店，名登堂。食店裝修不俗，顯出一點點優雅，亦帶出一點高尚格調。自己點了烤鱸魚巴馬臣芝士汁配貓耳粉。午餐餐包略少，但食落非常新鮮，包皮帶點脆，加點牛油，配合得恰到好處。餐湯是南瓜湯，味道清甜，加了點忌廉，令湯非常香滑。蜜瓜火腿沙律亦不俗，蜜瓜清甜，火腿鹹香，非常開胃。主菜貓耳粉非常有口感，配合香濃的芝士汁，很不錯。烤鱸魚亦處理得皮脆肉嫩。餐飲亦值得一讚，凍檸茶味道調校得不錯，而冰亦有凍檸茶所造，避免沖淡茶的味道，可見食店亦很花心思在細節上。在登堂食一個午餐，埋單約百多元。雖然略貴，但在食物質素及食店環境來說，亦算合理。

食物質素幾好，價錢都算貴，可惜晚餐唔包飲品，服務員質素好參差，執枱時好似想趕客咁，又同客人講如果唔知玫瑰花係乜味咁我都唔使回答你，估唔到所謂咁高質素嘅餐廳有D咁差嘅waiter食物質素唔錯，我最喜歡食炭燒牛扒

Lunch time眼見都坐滿晒，和同事一行7人食午餐，前一日打黎book左位，所以唔洗等位～Set lunch 選擇都幾多，沙律飯麵扒類都有，揀都揀好耐哈哈😂炭烤美國特級西冷牛扒8安士($158)呢塊西冷扒食落都幾淋，唔鞋口，肉味都幾重～佢既薯菜我覺得好食，有先炒過～唯一就係佢汁比得好少(但我見同事果份係好多汁架！) 整體很不錯～餐湯係南瓜湯，幾濃郁扒餐係可以免費跟飯/意份，大家叫左份黎share另外叫左份煙鴨胸蜜桃沙律(+$15) 都係share食，正常野無咩特別～餐飲就點左Iced latte(+$8)一上台覺得好特別，佢既冰係用咖啡雪定既冰條！同事叫凍檸茶就用左茶底製成既冰條！呢個超欣賞，好有心思！不過我杯latte味道就一般，啡味好香，但佢奶落得好少(見顏色都知)，好似飲緊杯唔洗加錢既Iced coffee咁～

👉🏼炭烤美國黑安格斯西冷牛扒伴荷蘭豆手指薯配黑松露菌燒汁西冷扒肉質鮮嫩但份量唔係太多配菜好欣賞炒荷蘭豆重keep到熱黑松露燒汁除咗點西蘭扒之外手指薯配燒汁都好match大家都清哂碟😆 👉🏼低溫慢煮烤西班牙黑毛豬伴燴蘭度豆野甘藍青蘋果蓉薯蓉泡沫開頭一上我同朋友都認為個樣好似中菜燒腩仔🤣其實佢係慢煮西班牙黑毛豬雖然件數唔多細細份但係由於黑毛豬比較多脂肪所以食少少就夠哂數佢配上清爽既青蘋果蓉同薯蓉泡沫感覺解膩又開胃👉🏼三文魚木瓜黎麥沙律🥗呢個中規中矩可能因為我唔係太鍾意食木瓜既關係份量比較少 但沙律菜算新鮮👉🏼香煎鵝肝配焦糖蘋果前菜加幾十蚊就可以食到鵝肝呢個鵝肝好食表面脆身😍內邊重keep住肉汁 加上少少苦既火箭菜同醋汁中和下油膩嘅感覺 👉🏼南瓜湯好有南瓜🎃味道💁🏻‍♀️非假甜質感打得好滑雖然裏面無咩配料但勝在配麵包一流👌👉🏼熱情果焦糖燉蛋 呢個燉蛋帶有熱情果既酸味鍾意有少少酸酸甜甜嘅口感食咗咁多油膩嘅嘢就算食返個甜品都冇咁有罪惡感👉🏼自家製意大利芝士餅呢個覺得中規中矩我都可以留肚食其他特色甜品🍮Btw食到最後先知道原來佢係屬於M1 group 質素果然係唔錯下次再去可以試埋威靈頓美國牛😍

以前喺觀塘返工，附近好食嘅餐廳都差唔多食晒，兩年後再踏足觀塘，發現多咗啲新嘢食。今日就同朋友去咗The wave既登堂，一上到去已經覺得裝修好靚，而且現場仲有live Band，可以一邊食飯一邊聽live Band，氣氛相當有情調。打開本Menu已經覺得好多都好吸引，但奈何兩個人唔食得太多，唯有揀啲適合二人份量嘅嘢食。我哋叫咗煙三文魚pizza同鮮海膽手拆鮮蟹肉自家製手做寬條麵，聽個名已經流晒口水。先嚟到既係自家製手做寬條麵，麵上面有好大舊海膽，蟹肉分布喺成個寬條麵入面，以忌廉汁為主，攪勻食落非常鮮甜，寬條麵夠彈牙，加上有啲檸檬又唔會覺得太膩，完全冇令我失望！而個pizza上面既三文魚都好大塊，再配搭Mozzarella同Feta兩種芝士，食落非常香口。飲品方面，我哋就叫左荔枝晶晶同雜果冷泡茶，荔枝晶晶唔太甜，底下面有椰果肉可以食。冷泡茶中有大量果肉，真材實料。最後甜品方面我哋叫咗半熟芝士撻同埋法式芒果拿破崙，分別配搭自家製榴槤雪糕同雲呢拿雪糕。拿破崙超有驚喜，多層酥脆，有芒果cream&鮮甜芒果肉，食哂都唔覺膩。食完之後我地兩個都好飽。

今年生日飯找了觀塘這間新店,貪近地鐵站,地方寬敞,氣氛舒適。還有提供12小時低溫慢煮烤乳豬件,很吸引呢。為乳豬而來,當然要選,皮脆肉滑,皮下脂肪很少,果然沒失望呵😋👍。另外,set dinner 的 appetizers ,帶子用了刺身級數,配答很好,味道有驚喜😘。海膽手拆蟹肉自家製寬條麵,個汁啱啱好掛身,麵質韌度適中,做得很好。今個生日飯很滿足,食物精美又好味。另見四周鄰枱order的甜品也很吸睛,因為生日另一半已準備了蛋糕,甜品唯有待下次才可試了,一定會再來的。☺

從聯合醫院探病後，和朋友在觀塘揾食，記得之前曾到過這餐廳，故再舊地重遊。今是星期日，還有歌手唱歌助陣呢！避風塘軟殼蟹軟殼蟹(一開四) 炸得鬆脆微辣，加咗D沙律醬，最上面鋪咗層炸蒜粒，中間夾咗係整碎嘅薯片，味道很夾，原來炸蒜同薯片可以咁食。低溫慢煮三文魚香芒藜麥沙律三文魚煮得軟綿，但一邊肉略為鬆散。幸好最底鋪滿藜麥同芒果肉，仲有新鮮蔬菜，感覺好清新，填補到三文魚的少許不足。威靈頓特級牛柳酥皮包著五成熟的牛柳，腍軟有肉汁，還夾著一片鵝肝，味道更加濃郁，帶香草味。酥皮能焗酥一點更好，伴菜的薯仔有薯仔味，菠菜也正常。芝士凍頂烏龍奶蓋柚子紅菜頭奶蓋兩杯飲品都係用冷泡茶，冷泡茶用凍水浸十幾個鐘出味，唔會有咖啡因或酸澀味，飲完之後夜晚唔會訓唔著，仲加埋用芝士做奶蓋，芝士味香濃，有一點點油香感，沒有甜度，因為沒不加化學糖，配上不同口味蔬果，個人覺得芋頭味的不及柚子紅菜頭的味道清新，及有自然甜味。

農曆7月14，唔小心約jor friend食飯，佢要去觀塘拎電話，所以我都一早搵定餐廳la!!! 登堂Downtown位於一棟新工廈，位置都好方便ga。餐廳環境有情調，而且空間好大，完全唔會同隔離枱好close。Menu選擇都好多，而且有唔少中西fusion style，例如: 咸蛋黃意粉同勝瓜雲耳意粉。飲品都好eye catching，而且仲有好hit ge奶蓋茶，真係估佢唔到!!!澳洲藍青口配乾蕃茄白油忌廉汁係appetizer，青口肉質tender，忌廉汁ng會太heavy，加上蕃茄微微酸味，nice!!!青口附上兩片蒜蓉包，dip汁食一流!!烤海虎大蝦扭捲粉賣相吸引!!! 有兩隻大大隻ge蝦，蝦肉彈牙，一d都ng梅!!! sauce用jor蕃茄羅勒汁，酸酸地又有羅勒香味，而且仲有西班牙辣肉腸tim，好惹味。扭捲粉煮得o岩o岩好，al dente，扭曲ge粉沾jor d sauce，yummy!!!!至尊pizza咩都有，melting cheese永遠最吸引!!! 餡料有好多，有烤雞，蝦同西班牙辣肉腸等等，薄脆餅底，食多一件都唔怕!!!紅粉莓莓士多啤梨味道都幾好，唔太甜，而且仲

地方超級大既登堂 入到去比人一種好high class既感覺！ open kitchen可以見到廚師忙碌咁準備你既晚餐意粉好特出 食落去 好有質感 啲調味滲哂入去意粉到 配啲南瓜同其他配料 好滿足 魚就無咩味道 稍稍遜色！ Pizza啲芝士多到爆 好足料 甜品係香蕉酥 酥皮稍厚 食落口會較乾

今晚去左呢間位於官塘 The Wave, 差唔多有成萬呎嘅特式西餐廳開飯今晚咁啱仲有 Live Band 表演晚市嘅 Set Dinner 有成 8 款, 有餐湯同自家製 Sorbet, 另外仲可以加 $$ 叫埋頭盤 & 甜品精選餐湯  餐包是日嘅精選餐湯係南瓜湯, 南瓜味夠濃, 而且仲有好多南瓜蓉, 配埋熱辣辣嘅餐包, 正香煎鵝肝  焦糖蘋果鵝肝非常厚身, 表面煎到微焦脆身, 油份唔算好多, 而且加埋焦糖蘋果一齊食, 大大減低左油膩感海膽鮮蟹肉蟹粉扁意粉表面放左好多大大粒嘅海膽, 扁意粉有 Al Dente 嘅口感, 材料有手拆鮮蟹肉、油封車厘茄、海鮮汁 & 檸檬皮, 味道酸酸辣甜甜, 非常開胃香煎緬甸州龍蝦尾意大利飯用中西合壁嘅手法, 以中式食材: 蝦乾、勝瓜、玉子豆腐 & 鹹蛋黃, 加入意大利飯一齊煮, 味道唔錯, 而且龍蝦尾味鮮而肉質細嫩彈牙, 大愛自家製雪葩Raspberry雪葩味道酸甜, 夠晒醒胃

上網見到餐廳都幾靚，環境舒適，仲要有live 聽唱歌！🎶🎵🎶登堂位於觀塘興業街Wave2樓，樓下有簡單指示牌。餐廳面積都幾大，有分開房間等等不同席位，更有一間獨立房間存放各種酒頖。而出面則有BAR枱比店員調製不同飲料。坐好後不久，大約7點幾左右就已經見到樂手同結他手已經準備表演，表演者都是本地青少年，欣賞餐廳提供一個不錯平台比年青人追夢同表演，值得支持。途中更可以點歌添!鮮海膽手拆鮮蟹肉自家製手造寬條麵🍝雖然係忌廉汁的寬條麵，但唔會覺得膩，味道反而好清新，因為忌廉汁加入左檸檬，食落似清新既海水味道，加埋蟹肉同海膽一齊味道好夾。威靈頓美國特級牛柳🥩酥皮焗得香脆，最重要係唔會因為沾到肉汁而好快變腍，包著底下軟嫩的牛柳，配合青胡椒燒汁，一脆一軟👍🏻。牛柳熟度岩岩好，容易切開，肉汁味濃。另伴菜有手指薯同嫩菠菜～飲品方面，最感興趣就是餐牌上的自製奶蓋茶系列。黑爵士🍸其實係竹炭芝士奶蓋伯爵茶，面頭有竹炭芝士，飲落唔會膩。牛油果凍頂鳥龍🥃上面奶蓋分別由芝士及牛油果混合而成，相信在街頭上的台式飲品店都找不到。奶蓋的確會比較膩，而淡淡鳥龍會中和芝士的油膩感，飲落帶點牛油果清新。食完後先發覺，原來餐廳屬於

今日係表妹生日於是我哋幾表姊妹就收工後就就佢係佢公司附近搵左依間餐廳觀塘嘅工廈多嘢食就出哂名啦不過見依間有live band 同威靈頓牛柳 就二話不說選左佢好好慶祝一下啦去到店員安排我哋坐卡位驟眼睇餐廳空間好大 氣氛都幾好環境咁好心諗我哋一定有排坐啦🤣餓到爆嘅我已經率先幫大家話事嗌哂嘢食啦首先嚟左個龍蝦湯，個湯好香龍蝦味，相信一定無味精先可以咁鮮味，又唔會太鹹，正！海膽同意粉依個配搭我都係第一次食，好驚喜，食落去所有野都好夾 好多料好有層次係我最期待既威靈頓牛柳！！下單後需時約15分鐘，因為係新鮮焗制，以酥皮包著牛柳來烤制，酥皮有濃郁牛油味道，一層層分明的有層次的。估唔到牛肉勁軟熟多肉汁，配上酥皮非常配合最後店員仲同我地一齊安排左個驚喜俾表妹非常貼心今餐飯真係捧住個肚咁走啊食得開心又滿足🥰🤤

好姊妹生日，當然要搵間地點就腳方便，環境又靚食物又好食嘅地方慶祝慶祝🎉🎉🎉姊妹提議揀呢間屬於M1 Group旗下的餐廳。喜歡佢哋不使用味精、雞粉、雞湯等高脂無益嘅調味料，堅持只採用高湯、新鮮雞湯、海鮮汁、菜汁、牛肉汁等等作天然調味的健康西餐。講到咁厲害當然要試一試。餐廳為位於觀塘的〈The Wave〉，由港鐵站行過去都好方便，連住得遠小小既嘅姊妹都話有港鐵就ok店內環境都好靚好舒適，好適合飲下酒，傾下偈，食好西。🍷🍷🍷 仲設有live band，氣氛一流。〈香烤雞中翼。泰式羅望子醬〉雞中翼經網面燒烤致微微嘅焦香，熱辣辣嫩滑多汁夠juicy其實會點雞翼係因為想試依個〈泰式羅望子醬〉😅😅😅但係侍應生一放低嘅時候已經提我哋話呢個醬都比較辣，果然我點一點就已經覺得辣度後勁好強勁，試唔到羅望子是什麼味道的確有點可惜，但係自問係辣王嘅朋友絕對可以過嚟試一試，因為就咁聞的確係幾香的。〈燒德國鹹豬手配椰菜及薯角〉〈食肉獸好友〉一見到個menu上面有德國鹹豬手就已經即刻心心眼。淨係睇都知豬手嘅外皮非常脆卜卜，燒得乾爽清脆！！仲有勁邪惡嘅粗薯條，我唔客氣了。脆卜卜嘅外層下帶著一層粘粘的骨膠原層，但再落去嘅

今晚去到觀塘興業街，一座工廠區新商廈（登堂）一上餐廳見到有酒吧區、用餐區及有指定時間的live band表演，如係旺區租金很昂貴，這些三合一的設計，真係好難找到，餐廳地方十分寬敞坐得好舒服，享受美食之餘又可以聽吓歌，輕輕鬆鬆，令人心曠神怡。米蘭式燴牛仔膝，用慢煮可將牛仔膝燴得入味，保持肉質嫩滑，再配以手做有質感的麵條一起吃，十分有口感。北海道鮮帶子扁意粉，鮮甜美味，扁意粉不會煮得太淋身，非常煙韌，再配上雲耳、勝瓜等配菜，吃得清新又健康。朱古力心太軟拌馬卡龍、椰子雪葩$88 這個甜品十分抵食，每一樣都係我喜歡食的，配得好好。Pituya HoneyDr Kitty

向來喜歡去位於工廈內的餐廳貪佢座位夠寬敞舒適The Wave幾乎已經由工廈變了食廈次次黎都有新餐廳出現今次間"登堂"其實裝潢都唔錯餐桌夠大...檯同檯之間有距離不過要傾計就有點難度因為現場有live brand唱歌再加上當晚的侍應真是"過份地殷勤"在正餐完成得七七八八時就時時刻刻問你要點什麼甜品不時望著你像是想問你走得未老實說,有點似要趕客走的感覺但明明附近都是空桌又未到關門時間好吧, 只能說這間不是適合聊天聚會的餐廳大家吃完就趕快走至於食物方面個串燒拼盤賣相不錯款式種類都算多而餐牌推薦的菠蘿薄餅亦幾好味但就比較乾身可能個人始終比較愛吃軟淋淋那種麵包式薄餅飲料方面, 店家有推出一系列奶蓋飲品但味道一般, 建議叫一般正正常常的茶飲就好