登堂 (已結業)

登堂現在有新甜品menu之外也推出了新的afternoon tea set很細心地分鹹食及甜食版喜歡鹹食的我當然選了鹹食版😆鹹點比甜點較多，吃得更滿足～。鹹食有大大件的三文魚親子青瓜卷及火腿哈蜜瓜另外Scotch Egg用上蝦膠製作口感更彈牙而且不油膩，挺好吃。甜品除了下午茶必有的Scone外有小冬甩、貝殼蛋糕、士多啤梨PannaCotta、芒果朱古力曲奇及宇治抹茶Tiramisu甜點也很豐富啊～。另外也點了新甜品menu的火焰雪山🔥經典甜品百吃不厭～～～

好耐之前已經試過呢一間登堂 好好食今日行開觀塘決定再試一試 今次餐廳推出左好多新野 有埋5 courses dinner set揀 好抵食!!!餐廳嘅環境設計依舊好靚好時尚餐廳連上餐既碟都好靚 打卡一流普通嘅餐包 配合埋意大利嘅醋好好食至於餐湯係一個牛肝菌野菌濃湯好濃郁 好似中式燉湯咁至於前菜係呢一個糖心蛋三文魚子脆煙豬腩超級無敵好食!!!! 三文魚子極度新鮮 配合埋糖心蛋超級好食 唔講我以為自己食緊一個好高級嘅法國餐廳至於飯方面就嗌左呢一個 北海道帶子粟米軟芝士意大利飯 帶子都好新鮮 意大利飯配合粟米都幾特別幾好食之後仲有餐廳自家製嘅雪葩少少酸味類似青檸咁嘅味道 清一清味蕾至於主菜方面就嗌左依個香煎海鱸魚柳 都幾滑幾好食咁多道菜加埋都只係三百零蚊超級抵大大力推薦依間餐廳!!!!

觀塘The Wave成座building都好多唔同種類食肆，而我就較鍾意西餐嘅*登堂*。登堂位於The Wave 2樓全層，全層分bar枱，普通餐桌同廂房幾個區域，地方又大又濶落，裝修摩登，浪漫有情調，座位舒適，餐桌上擺放餐具乾淨整齊。🥗八爪魚冰菜沙律 - 沙律中用冰菜作為沙律菜我第一次嘗試，估唔到又幾夾，冰菜入口爽脆，有水份；🐙八爪魚厚切，味道鮮美有口感；整個沙律夾埋蕃茄仔、鷹嘴豆、溫泉蛋、白菌，配搭新穎，撈埋日式芝麻醬，酸酸味味非常開胃😋。🍕煙三文魚pizza - 先講餅底，質感鬆軟有靱性，口感非常好；好鍾意個Pizza好多芝士，尤其係加上大量Mozzarella cheese，見到拉晒絲，好滿足但又好邪惡😆，三文魚煙燻後色澤仍然保存光鮮，證明油分非常豐富；煙三文魚上嘅水瓜榴，細細粒，味道咸咸酸酸，剛好balance番整個pizza味道。美式煙燻醬燒西班牙黑毛豬肋骨 - （半份份量都好多），豬肋骨位置肉質結實，油脂分布均勻，肉質爽彈；煙燻醬汁味道帶小小類似蕃茄嘅酸味，抵消咗食豬肋骨嘅滯溜感。🍊Orange Mocha - 第一次飲有橙味嘅朱古力咖啡😅，味道唔會太甜，嗒落啲橙味開始慢

近年九龍東發展迅速，好多工廈都已改變用途，尤其在飲食方面，多咗不同餐飲進駐，有中、西、日、韓、台式餐廳等，真係應有盡有 今晚約妹妹👭嚟到「登堂」食飯，餐廳位於 The Wave 2樓，鄰近官塘港鐵站，位置非常方便 餐廳地方寬敞，人置身其中，感覺舒適，心情都非常放鬆 八爪魚·冰菜沙律（配有溫暖蛋、鷹嘴豆、車厘茄、芝麻醬）～八爪魚，口感爽甜，冰菜做沙律菜，唔會有菜的青澀味，入口清爽，咬落，真係有清清涼涼感覺，配上芝麻醬清香，真係好好的開胃菜 煙燻醬燒西班牙黑毛豬肋骨～豬肋骨骨肉分離，外面燒得焦香，入口有微微煙燻味道，裏面就肉質嫩滑，配上惹味醬汁，非常美味 煙三文魚pizza~薄餅厚薄適中，餅底煙韌，餅邊烤得鬆脆，煙三文入口咸咸香香，配上柔軟濕潤、拉絲芝士，層次豐富，簡直一流 Cocoa Orange Mocha～入口有橙香，加上淡淡mocha、可可香味，互相混合，層次分明，多重享受 青金桔 菠蘿梳打～酸酸甜甜，清爽可口

今天我們在觀塘逛街，行到肚餓便上網找一些吃的，看到了這間評價不錯的西式餐廳，便前來一試。當到了這間餐廳時，第一印象便覺得這間餐廳的裝飾佈置很舒服，座位與座位之間也相隔有一段距離，營造的氣氛不錯，好適合情侶食飯好有情調！爆谷牛奶朱古力，這兩杯飲品甜度適中，爆谷還有餘熱，而且很鬆脆，奶味很濃。不錯！牛油果奶蓋茶很喜歡這個牛油果奶蓋，但係有牛油果的味道而又不膩，茶味很香，而且很有清新的味道。法式焗田螺田螺的味道和口感都不錯， 再配上薯蓉非常好味，係真薯仔蓉，唔係溝粉開，強烈推薦！鮮魷魚自家製手打寛條麵這個自家製的手打意粉不論是厚度和口感也拿捏得剛剛好，比起坊間的好很多！而且追加的芝士粉是店員人手切出來的，不是現成的芝士粉，特別好味，魷魚來貨亦好新鮮！威靈頓牛扒重頭戲！這個威靈頓牛扒看起來預設是五成熟，好軟綿，外層的酥皮熱辣辣，配上這個牛扒口感非常！ 100分滿分！必吃之作！

係到High Tea食下甜品夠哂Relaxing-觀塘工商區最出名就係動物大遷徙，但估唔到呢到會有一間咁靚嘅西餐廳，環境夠Grand夠Relaxing，同出邊平日萬馬奔騰嘅景象真係好大對比。-🍰Afternoon Tea Set - Salty ($328)最底有Parma Ham配蜜瓜、蘇格蘭蛋呢類西式鹹點。中間就有唔同嘅鬆餅同抹茶Tiramisu，最頂就有最甜嘅Mango Mousse 配曲奇同Strawberry Panna Cotta。1️⃣身為一個tea set，入邊嘅鹹點同甜品款式絕對夠多，足足10款擺係金屬架上，真係打卡必備，而且食物質素都相當唔錯。2️⃣鹹點黎講，田中最鍾意就係個蘇格蘭蛋，外層非常酥脆，而蛋黃就夠流心，鹹鮮嘅外層同蛋黃嘅香味溶為一體，味道岩岩好。3️⃣而甜點方面，抹茶Tiramisu相當驚喜，抹茶味相當濃。鬆餅偏向厚實，牛油夠香，田中就比較鍾意個自家果醬，果香夠而唔係死甜，整體水準唔錯。4️⃣而且環境真係酒店級，一上黎已經feel到金碧輝煌既感覺，拍得上酒店環境，High Tea黎講呢個價錢算係幾抵。👍🏻7.5/10

我們在OpenRice上看，這間有威靈頓牛扒的西式食店，好像非常吸引，便決定試一試！這間餐廳的環境無論是燈光，佈置和裝飾也配合得剛剛好，在觀塘仲多間食店之中也算是出類拔萃。自家製手打魷魚🦑闊條麵🍝原本打算吃普通的意粉，但是看到了這個聲稱自家製的手打闊條麵好像也不錯，結果也不出意外的好味！而且魷魚口感彈牙，推薦度四星！法式焗田螺田螺的味道比起同價錢的餐廳好吃一倍！出乎意料好味，推薦度四星半！威靈頓牛扒果然主角是最後出場，這個威靈頓牛扒原本是我們最期待的，結果也沒有令我們失望，除卜卜的酥皮配上這個五成熟的牛扒簡直在口中溶化！ 推薦度五星👏爆谷牛奶朱古力想不到鬆脆的爆谷配上濃厚奶味的朱古力的組合出奇地好，比想像中出色。牛油果奶蓋茶濃厚的牛油果奶蓋配上淡淡茶味🍵的飲品也不錯，就算是食肉獸的我很喜歡這些健康的飲品！最後要提一提這裏的服務質素是我近來吃過餐廳之中最好的，我們走到座位是服務員會主動拉開張凳，單單是這個已經很久沒有遇到，他們的談話殷勤態度和主動幫我們碗碟的質素已拋開其他的餐廳九條街！

哩個long weekend去了觀塘碼頭行街，記得之前嚟過呢間餐廳食飯，環境超好，好chill好舒服，所以今次就帶朋友嚟試吓呢間隱世西餐廳。哩度酒吧枱和食飯區域分開。裝修好靚好整齊。店長好友善，我地叫左油浸大蝦，一共六隻$138，這個餐會送多兩塊麵包。店主特別推介我地可以加入蝦的油一齊食就可以食埋蝦油香，果然唔錯。☺️另外仲叫左半分美國豬肋骨，份量比想像中大，外脆內軟，性價比極高👍🏻哩間位於工廠區嘅西餐廳，無論裝修同食物質素都一流。第2次食都依然係覺得好值得推介👍🏻

國慶長假期在香港很無聊所以一個人去觀塘試一試工廠大廈的西餐廳，這間餐廳位於the wave,裝修很奢華,酒吧枱和食飯區域分開,我們一入去店長也很友善，我叫了一碟黑松露海鱸魚貓耳粉，原因是覺得貓耳粉這個在香港很少可以吃到，黑松露的味道很香配上海鱸魚的皮很香脆，整碟感覺很有特色及可口，另外也叫了一杯香橙mocktail，有一陣香橙的苦澀味加上一大粒冰塊感覺很好飲，下次如果路經觀塘真的不妨試這間餐廳不過可能要行去海邊少少才可以到達。

當晚，在“開飯”搵咗好耐，見到這間餐廳有好多好評，決定到這試一試有無伏。總體算唔錯，可以再幫襯。大約晚上六點半到，當時餐廳只有一兩成客人，竟然安排我哋在又逼又放咗隔板嘅細枱，當然唔接受，㨂咗張周圍闊落好多嘅細枱，坐得舒服好多。講番食物，點咗個煙鱔沙律。煙鱔係法國進口，口感較本地鱔爽脆，唔油膩。但本身無乜味。勝在輕輕加上少許黑松露及大量橄欖油，再加上辣肉腸，青蘋果片，令整個味道提升咗。跟住上係焗法國蝸牛。又係進口嘢。只要焗番香就無得輸。佢做到。再來個藍芝士披薩。芝士夠多夠香。披薩底邊邊又脆又煙韌，但中間有點太濕，太軟，要扣啲分。主菜係慢煮烤乳豬件，則比較失色。乳豬本身有豬騷味，無經醃味除騷！！皮就烤得唔錯。配菜嘅烤番薯，反而俾到驚喜。總括雖然唔係每樣都滿意，但已算唔錯，係中上水準。食材好就唔會太差。

朋友係OpenRice 搵到呢間餐廳，見佢環境唔錯又可以飲下酒，從未試過食到一肚火.......事緣我哋嗌左佢個斧頭扒，我哋係要求係七成熟，等咗成45分鐘之後，個扒上菜嗰時候真係好靚㗎，我哋滿心歡喜仲好期待.......跟住個侍應哥哥話幫我哋切開個扒，切第一下已經發現裏面血淋淋嘅，三成熟都唔知有冇，但個侍應哥哥繼續切......繼續切，但真係生得滯食唔到，個侍應哥哥提議話拎返廚房翻煎🤦‍♀️，我哋都心知不妙，果然再拎翻出到嚟真係「符合我地預期!!!!!」一上台一浸燶味，仲要燒到塊扒黑晒，表面係全熟，仲要個賣相好似茶餐廳嘅炒牛肉條咁，個侍應哥哥堅持話翻煎個樣係咁㗎，裏面真係有七成熟，賣相真係太差，見到咁樣真係食唔落，嗰侍應哥哥收起個扒叫個經理過嚟，呢下仲火.......個經理態度已經唔係咁好，堅持話自己個扒「翻煎後」真係有七成熟，絕對冇問題，問題係個扒成$1200，我哋要求七成熟，你比五成熟我哋都算數，問題係件扒係血淋淋，你叫個客點樣食啊！！！最後個經理都話算數幫我哋cancel，我哋仲諗緊叫其他嘢食嘅時候，突然有第二個大經理走過來凶我哋話件扒冇問題，幫你取消咗，你哋叫返同等價值嘅食物啦，

限聚令寬限至四人一台的時候了，適逢家人生日，二月份座位，和家人共聚晚餐慶祝。📍各式生蠔 🦪 $62-68/隻生蠔肥美新鮮，多汁富海水味。📍串燒併盤 $378 （2-4人份量）併盤包括白鱔、海虎大蝦、鮮三文魚、北海道帶子、澳洲牛肉、西班牙黑毛豬五花腩、雞翼，美式辣肉腸、雞脾菇、脆肉瓜、粟米，再配上4款不同的醬汁，份量足，適合三五好友共同分享。📍威靈頓美國特級牛柳 $348（配嫩波菜， 燒手指薯，黑松露菌燒汁）酥皮烘得金黃香脆，不會有太油膩的感覺，牛柳焗得時間剛好，肉質鮮嫩多汁，高水準之作。📍自家製意大利芝士蛋糕 $65客人生日可向店員提供生日者名字，餐廳會為甜品加上生日客人的名字，還會提供爉燭，拍手鼓掌，服務相當貼心。👅 味道：4.5/5💰CP值：4/5🕴🏻服務：4.5/5🔰餐廳環境：4.5/5🍽 餐廳：登堂🌐地址：觀塘興業街4號The wave2樓

生活令人失望、沮喪、無奈，係冇力向前行嘅時候，係時候讓自己休息一下，喘一口氣，然後再重新出發！我就選擇咗去食一餐好嘅，當鼓勵自己，揀咗m1 group 嘅健康Finedine級西餐🉐 downtown.hk .1️⃣澳洲藍青口-青口好大隻又好鮮甜，配乾番茄白酒忌廉汁 ，最後用蒜蓉包點埋濃郁醬汁食一流！2️⃣澳洲和牛肉醬手工貝殼粉-食之前將用63度煮好嘅溫泉蛋、帕馬臣芝士、澳洲和牛肉醬同al dente嘅手工貝殼粉撈勻，入口有茄香，肉醬香而不膩。3️⃣ 焗香蕉酥皮卷配自家製開心果雪糕-酥皮包住香蕉焗到熱辣辣，入口外脆內軟，配埋勁濃開心果味嘅雪糕，一冷一熱，甜到入心！4️⃣自家製意大利芝士蛋糕-濃郁嘅咖啡酒加上creamy又thick嘅Mascarpone芝士，為一餐畫上完美嘅句號。5️⃣冷泡咖啡爆谷奶蓋-冷泡咖啡好香濃，配埋勁rich嘅爆谷味奶蓋，非常特別！6️⃣巨峰梳打-一個價錢可以全晚無限暢飲，正呀！#觀塘好去處 #冇味精

食飯時間周圍都大排長龍，想搵間唔駛排隊嘅餐廳都唔係咁容易。行吓行吓就嚟咗The Wave 嘅登堂。叫咗佢地嘅set lunch低溫慢煮燒雞髀栗子意大利飯。燒雞髀煮得啱啱好，非常嫩滑juicy。意大利飯亦都係我鍾意嘅口感，軟硬同濃稠都適中。但唔知點解啲栗子好似有啲格格不入🌰🤔btw唔駛排隊嚟講呢間食物質素都算幾好，坐得幾舒服，價錢中上。

大約六月時同家人聚餐試左哩間餐廳。到達時已經感覺環境好好，有格調，唔似置身於工廈餐廳。氣氛唔錯，唔會太嘈，適合聚餐聚舊傾計飲食下野飲兩杯感覺好好。食身方面，嗌左以下這款，整體不錯，尤其個串燒拼盤，勁豐富，岩晒多人聚餐分享。有機會一定會再去食！