瘋狂小面 (佳德商業大廈)

營業中

休息中

score 總分： 75至80第一次睇到這個名，心諗 “睇黎個老闆都幾有“性格”喎”。點知一去到，鋪面又冇咩特別咋喎......又有幾瘋狂呀？咪吹大喎，等我試下你有幾狂野！？外表只是一碗普通“那炸麵”，點知一咬上“頂呀！按你個肚臍機關制”，一食就真心“瘋狂”愛上佢。講堅，出乎意料之外嘅好味道。完全冇諗過比一般麵館好食咁多。點解會愛上佢？咩愛有得解釋架咩？我有！ 係因為佢夠“野味，夠辣！火辣得黎又令人上引” 食得少少辣辣嘅人就會明白一個道理。。。。咁q辣嘅! 但又真係幾好味喎！ 你話瘋唔瘋狂？直頭自虐狂啦～再加上中環區，性價比真係冇得頂，無敵啦～玩晒！

平時好鍾意食辣嘢，呢日試咗呢間幾特別嘅川式麵，都幾地道同抵食。有麵食套餐選擇，分ABCD選項，自由揀要邊個餐。A係麵、B係飲品、C係小吃，而D就係甜品啦～我哋揀咗一個ABC套餐$98，同埋一個ABCD套餐$109，中環區嚟講都幾抵食！麵可以揀紅湯同白湯，唔食得辣嘅都有嘢啱食！🍜瘋狂肥腸面呢個麵好有驚喜！肥腸好乾淨無怪味，好大塊又煙韌，鍾意食內臟必叫！湯底個辣度幾正，係會食上癮嘅味道😂 我幾鍾意個麵質，雖然麵條唔係好粗，但仍然保持到麵嘅爽度，煙煙韌韌唔會腍晒，掛埋辣湯食好爽！🍜瘋狂牛肉面呢個麵揀咗白湯試下，湯底幾香胡椒味，仲有好多芫荽同蔥花，我好啱食😂 牛肉腍中帶爽勁，幾好食！麵條一樣係好煙韌！唔食得辣揀呢款啱晒～🌶️泡椒鳳爪有兩隻辣椒，都幾辣！辣過個麵，但辣得好爽，正！🍗棒棒雞 +$33個汁有啲似口水雞，但係純雞肉無骨，幾惹味！🍧成都老冰粉第一次食呢款甜品，又幾好食喎！冰粉係一大舊，滑嘟嘟，幾清甜，加埋鹹嘅花生同肉碎一齊食，完全無違和感，味道好夾，必食！餐飲叫咗羅漢果冬瓜茶（熱）同埋紅肉柚子+$7，兩杯都幾好飲！瘋狂小面嘅麵食果然係如其名，辣得好爽好瘋狂😂 食完會想再食！下次挑戰下加辣先

瘋狂小面真係瘋狂，朋友帶我黎食一次都令我畢生難忘嘅古色古香餐廳， 很有中國風。是正宗的川菜，辣得黎又有其獨特的風味! 辣度可任君選擇，我選了BB辣⋯⋯原來都幾辣，擔擔麪的滷肉酥香，鹹鮮微辣，香氣撲鼻，十分入味。麪條細麻醬濃香，加埋花生、葱節增香，各有特色。狂牛牛面肉麵是重慶的味道，麵底慢慢溢出鮮味牛肉，充滿麻辣香，好惹味！至於辣度也不太辣。泡鳳爪呢個估佢唔到，係超級辣又夠刺激。即時吃一口勁蒜味青瓜，爽脆又惹味。成都老冰粉，不知是什麼成都美食？原來冰粉似透明的啫喱。另外加了花生，提子乾，酒糟，芝麻，甜水作配料。吃一口已經幫到手解辣。再回來一碗紅棗銀耳湯滋潤一下，材料都幾豐富及足料，令這瘋狂之旅畫上完美的句号。

公司在中環，一直來這家，之前一直都很好，從未想過碰到如此差的服務。來到後店內沒有什麼人，服務員安排了一個小二人台，因為我們準備點很多菜品，要求換一個大台，服務員話，全部留左俾老闆。溝通多次無果，不會再來，沒有見過如此服務。年輕男子侍應生，大家請避雷。

📍中環 瘋狂小面上回講開大學回憶，就順便圍繞呢個出題出多個post啦💁🏻‍♀️第一次食呢間餐廳係一個我都幾喜歡嘅大學師兄喺我啱啱出嚟做嘢嘅時候請我食嘅🤭 咁因爲佢喺中環返工，所以就提議咗呢間餐廳🍴雖然我當時唔係好食得辣，但師兄咁難得約我，我傻仔都照衝啦🐩 我好記得當時叫個 BB 辣嘅牛肉麵我都搞唔掂🐂 加上我又好怕醜紅都面曬😳 於是最後就好尷尬 - 又狂流汗塊面又紅咁以一嚿番茄嘅形態食完成餐飯🍅若干年後，我又有緣再訪呢間餐廳 - 依然叫咗個 BB 辣嘅牛肉麵🍜 但唔同嘅係，經過呢幾年嘅辣度訓練之後，我終於可以感受到辣嘅層次同惹味🔥 嚿牛肉好腍好腍，好似一團棉花咁☁ 份麵條好似比我記憶中仲大份咗😉今次可以專注咁享受美食，唔會掛住面紅心跳😅 我諗，呢啲就係成長嘅印記？👣

中環有一間小店嘅麵食係我好鍾意，叫瘋狂小面 位於中環士丹利街商業大廈，搭lift上去一樓就得啦🙏呢間餐廳非常之大，冷氣又充足 所以基本上嚟到應該都有位❤️餐牌相對簡單，分為A B C D 四大款 自由配搭主食同小食 我哋兩個都係貪心嘅人，一於全部都要晒🤪首先送上小食 蒜泥青瓜🥒同涼拌木耳蒜泥青瓜夠爽脆涼拌木耳真係幾辣，鍾意食辣嘅人會好鍾意🤪然後送上我最愛嘅瘋狂豌雜面最鍾意入邊有大量嘅豌豆蓉，然後配上花生🥜蔥丶蒜蓉等等，豌豆非常香甜，再配上彈牙嘅面 非常好吃朋友叫咗蕃茄牛肉麵，蕃茄湯底濃厚，鮮甜濃郁，牛肉大件得來又夠爽口❤️飲品叫咗兩杯熱檸茶 簡簡單單就是美❤️🍨最後甜品成都老冰粉，同埋紅棗銀耳湯成都老冰粉感覺似啫喱，非常滑口紅棗銀耳湯好潤喉，飲落去好舒服😄

非常正宗和美味的四川風味麵條和湯底，遠遠高於行業水平。出餐時湯碗也是熱騰騰的。整個店出奇的干淨，不但沒有油膩的地板，連通風口都一塵不染。非常難得的用心經營，必試！👍

餐廳：瘋狂小面地點：中環士丹利街樓上餐館菜式：川菜餐牌：主打小麵（即係傳統重慶小麵），餐牌基本上就係三款組合既麵餐，有三個價錢$87/$98/$109，另設加一，分別係麵+飲品/麵+飲品+小吃或者甜品/麵+飲品+小吃+甜品。飲品同小吃都可以加錢升級。另外可以再加料。麵可以揀乾撈麵或者湯麵，同埋麻度同辣度。自己剔紙落單。番茄牛肉麵 首先，飲一口番茄湯，湯底超正，帶有天然番茄甜味。另有5塊超薄切牛肉，仲有3條菜心苗，上面加左大量青蔥同香茜，係非常健康既一碗麵。餐牌寫明呢度用新鮮水麵，非油炸或掛麵，又真係食得出，好健康。d麵都唔會話太軟身或一pat pat。加左兩款料。牛肉 加$15 另加一呢個價錢有3粒牛肉粒。牛肉粒帶牛筋，好嫩口。呢個唔錯。大排 加$21 另加一呢個價錢有3條大排，即係豬排骨。都整得好腍，仲有軟骨食。所有肉都有濃濃滷水味，本身已經夠鹹。凍成都老冰粉 （跟餐）凍成都老冰粉係一碗大大碗啫喱，食落清涼少甜，面頭撒上少少黑白芝麻粒，花生米，提子乾，同山楂餅碎。可以清清味蕾。熱羅漢果冬瓜茶（跟餐） 熱羅漢果冬瓜茶主要係羅漢果味，唔過甜。總括而言，今餐個麵的確唔錯。

作为一个来自吃辣地区的人，从小吃辣吃到大。我只能说不好吃、不推荐。去吃过几次牛肉面和担担面，整体感觉就是重油、重咸、份量少、价格高。辣度表对非吃辣地区的人应该准确，对吃辣地区的人来说来可能需要加一个辣度。

呢間餐廳的瘋狂肥腸麵🐷瘋狂牛肉麵🐄涼拌木耳和泡椒鳳爪都非常好吃😍只係需要$109 (加一$120）就有晒小食 麵 飲品 甜品 -🍜瘋狂肥腸麵麻辣🌶的口味正中我的心 非常開胃 而且辣度亦岩岩好 不會太辣或太淡👍🏻麵條煮得剛好🍜不太軟也不太硬 加上豐富的大腸和蔥花 口感豐富又有嚼勁😝-🍲瘋狂牛肉麵瘋狂牛肉麵就揀左白湯 芫茜味好香 食落仲好濃 配搭落麵條既味岩岩好😋-😋木耳及鳳爪木耳的口感爽脆 醬汁入味 鮮辣的味道很適合搭配白飯🍚鳳爪則是肉質鮮嫩 味道香辣🌶令人難以忘懷-🍨成都老冰粉甜品成都老冰粉食落感覺好清新 亦好少地方有得食👍🏻配以花生芝麻🥜一上碟真係好香🤤-🥣紅棗銀耳湯另外一個甜品紅棗銀耳湯飲落好健康💪🏻養生人士必選✌🏻

中環一帶好多唔同菜式既餐廳，今次黎到一間主打川菜嘅餐廳試試，順便過下辣癮🤣‣ 蕃茄牛肉面套餐($109)賣相幾吸引，蕃茄湯底係用4小時慢煮方式加豬骨濃湯烹製，唔怪得湯底蕃茄味幾濃郁，牛肉味道唔錯，麵條煮到啱啱好，總體味道都唔錯‣ 瘋狂豌雜面套餐 ($120)豌雜面屬於重慶小面的一種，以豌豆與雜醬為主料，配以蔥姜蒜為輔料製作而成😋作為其中一款招牌，材料都幾豐富，豌豆蓉口感唔錯，加埋肉碎一齊撈麵，味道好夾，質素幾高，一份麵有兩種味道真係抵食🤣‣ 棒棒雞 (跟餐+$33)聞落幾香，食落四川麻辣味幾正宗，雞肉幾嫩；不過呢份真係幾辣，唔食得辣既朋友要注意啦😜‣ 蒜泥青瓜 (跟餐+$11) 蒜味好濃，青瓜夠爽口，涼菜用黎解下辣都唔錯‣ 成都老冰粉 (跟餐+$11) 賣相唔錯，冰粉口感唔錯，食落幾冰涼，好啱用黎解辣😘‣ 羅漢果冬瓜茶/熱檸檬水羅漢果茶味道幾濃郁，唔會太甜，好好味😋💭 C͟o͟n͟c͟l͟u͟s͟i͟o͟n͟餐廳落單幾方便，上菜夠快，重點係味道幾正宗！鍾意食川菜嘅朋友不妨試下💪🏻😋💰Total: $252 ($126/pp 已包括10%服務費)📍瘋狂小面｜@crazynoodles.hk 中環士丹利街66

聽見店名已經心思思想去的 “瘋狂小面” 唔好以為超級勁辣，其實有辣、有唔辣🌶任君選擇🤗店內裝修以傳統風, 感覺舒服☺️服務貼心👍麻辣的程度可選👇BB辣/少辣/加辣/BB麻/少麻/加麻與朋友點了兩款套餐, 小食 + 面 + 飲品 + 甜品🍽蒜泥青瓜🥒 濃郁蒜香味，口感爽脆👍👍泡椒鳳爪🫳 勁勁勁辣🌶🌶但越食越想食🌶🥵😆瘋狂肥腸面（白湯）🍜 豬大腸以傳統川式手法處理, 將大腸內所有油脂清除, 再以川香調味料小火燜3小時至肥腸軟糯, 配上白湯So Yummy😋酸菜豬肚面（白湯）🍲 由遠道而來的四川酸菜配合川式香料燜製豬肚, 再加上幽香白胡椒豬骨湯, 乎合不辣而有層次感的口味🤤成都老冰粉🥣 以黑白芝麻、葡萄乾、花生、山渣乾、酒釀及冰粉，味道不太甜😊紅棗銀耳湯🫕以紅棗、子、雪耳材料，十分清潤👍羅漢果冬瓜茶🥤清熱潤喉烏梅汁🧋清熱止渴📍中環士丹利街66-72號佳德商業大廈1/F

呢間餐廳係位於中環既樓上舖裝修係傳統既中國風，古色古香食既係地道四川美食🫶🏻入到黎既感覺好開場地方好闊落🔸酸辣粉紅薯粉好彈牙 加埋花椒紅油集將香草芹菜花生同埋保寧醋好夾🔸瘋狂肥腸麵豬大腸容川香條料燜三個鐘 所以肥腸煮到好淋 🔸高湯蒸蛋（限量15份）見到係限量，即睇有冇得叫🤣🤣蛋上面有肉碎增加口感，好滑好濃湯味，蛋蒸熟後口感滑嫩，蛋味濃郁🍀總結環境舒適光猛 套餐抵食 岩曬鐘意無辣不歡既朋友仔👍

•ᴗ• 瘋狂牛肉麵•ᴗ• 瘋狂酸辣粉可以少辣/加辣🌶️🌶️或者小麻/加麻，兩碗我都要咗正常辣度同麻度，麻就唔係好感受到，但唔會太辣。酸辣粉🍜質地煙韌有嚼勁，但唔會咬極唔斷。酸辣粉配炸醬、酸菜、花生🥜，口感幾豐富。紅油湯底加埋酸菜，酸酸辣辣好惹味。牛肉拉麵由拉麵、牛肉塊🐂、蔥、蒜、辣椒油🌶️同各種調味料組成，湯頭麻麻辣辣，拉麵好掛湯，好入味，可惜偏油•ᴗ• 夫妻肺夫•ᴗ• 棒棒雞夫妻肺片有牛展，牛肚等等，牛展好淋好入味而牛肚好爽口👍🏻棒棒雞偏鹹，雞肉幾滑可惜雞肉味唔重🐣•ᴗ• 冰粉冰粉好爽好解膩，有花生🥜、山渣餅、酒釀等配材，估唔到甜甜嘅糖水同炒香咗花生🥜會咁夾

中環是商業區集中地，其實都可以搵到好食又抵食嘅川菜，餐廳的麵食套餐非常吸引，有前菜、主食、飲品及甜品🤭我當然要選擇A、B、C、D樣樣有齊嘅套餐啦！簡直係超級滿足💪🏻🤤美食推介：💛瘋狂大排面：湯底可選辣度，麵質軟硬適中，排骨肉嫩，非常入味👍🏻💛瘋狂擔擔面：擔擔麵配以肉醬、青瓜、香蔥花生，撈在一起很重口味👍🏻喜歡重口味朋友仔必選😆💛泡椒鳳爪：鳳爪辣得很過癮，雖然有點辣，但會令人想追住食🤭💛涼拌木耳💛熱檸檬茶💛成都老冰粉：冰粉口感像啫喱，食完辣野食一碗冰涼又甜甜的冰粉中和一下味蕾，十分完美👍🏻🫶🏻餐廳📍瘋狂小面 (佳德商業大廈) (中環)📍中環士丹利街66-72號佳德商業大廈1樓*價錢抵食👍🏻*環境中國古式風，坐位舒適。