瘋狂小面 (佳德商業大廈)

營業中

休息中

正宗重慶小面，紅油肥腸面香辣惹味🔥一試難忘🔻瘋狂肥腸面 + 烏梅汁💰87 + 10%去食重慶小面緊係要食紅油湯底，我揀左小辣，正常麻，都有d辣㗎。所以都要飲返杯烏梅汁解解辣☺️面質超級Q爽彈牙，軟硬度煮得啱啱好😍紅湯湯底又香又辣又麻，好有層次，非常惹味😋滷水肥腸嘅味道鹹淡適中，肥腸入面仲剩返小小肥油，同埋都冇咩異味，食落好有滋味😋一碗麵一杯野飲加完一都要成💰100，都有d貴，明明起重慶應該只係要💰20🤔但係中環好似食咩都要咁嘅價錢🙁裝修風格係有中國風，有d川劇面具，睇落係有用左心機😝下次都可以試下佢嘅dinner嘅🤔👅味道：8/10💡抵食：7/10📌環境：7.5/10

這裡和我在網上看的重慶吃麵的感覺差不多，套餐可以一次吃到面+飲品+冰粉/銀耳+小吃我點了他家重點推薦的重慶豌雜面(加麻加辣)和冰粉，小吃點了蒜泥黃瓜解膩一下豌豆泥軟軟爛爛黏黏糊糊的，肉臊子很多很香，拌完麵條裹上紅油+豆泥+肉臊醬汁，很好吃。 加麻加辣也沒加錯，吃得很過癮，我覺得我應該生來是個重慶人冰粉加黃瓜都能有效解膩，冰粉軟彈微甜，還不錯~其實進店裡感覺掌廚的和老闆都是內地來開店的，在香港想吃重慶小面的朋友可以來~拍照問過重慶的朋友，都說看上去正宗

今日係中環接男朋友收工後 好想食酸辣粉 就睇下附近有咩麵食 之後見到瘋狂小面 咁就去試下啦😝瘋狂小面主打麵餐 見到會有三款組合😆可以比你選擇要唔要小吃同甜品今次我地就要左兩個A+B+C套餐組合😋- 蒜泥青瓜 /涼拌木耳兩種小吃都係凍食青瓜食落好清新而且好香蒜泥味😆木耳都一樣 十分爽口😚- 瘋狂擔擔面套餐今次個擔擔面就選擇左少辣同埋BB麻雖然係少辣 但係都食到辣辣地🤣食多幾啖都係要飲嘢但係辣得好過引😆鍾意食辣嘅話 建議可以要再辣啲㗎因為加左面既關係 碗麵好大碗😂好彩最後都食得曬😋- 酸辣粉套餐正宗重慶酸辣粉就選擇左BB辣BB麻 呢個辣度就比較適合我多啲😆唔係好辣 但有少少辣😆😆😆😆因為想試下啲牛肉 所以都加左牛肉好入味 而且好淋😍好好味😍特別要講 啲花生好脆口😍

平時諗唔到食咩 就真係想去食辣野今次要為大家介既係 - 瘋狂小面瘋狂小面係位於中環士丹利街66-72號佳德商業大廈1樓餐廳個裝修係走中國風佢地主打係食川菜同米線為主今次點左佢地個午市套餐食包左: 前菜 主食 飲品 同 甜品個主食個擔擔面超正佢有得比你自選辣同麻個程度而且佢係滿滿既醬係麵上面個冰粉係一大舊上佢解清甜Location: CentralPrice : $100-$200/p.pEnvironment (10 is chill): 7/10Yummy (10 is delicious): 7/10

估唔到中環電梯底附近嘅商業大廈一樓會有呢間中式辣麵，而且價錢一啲都唔貴，百零蚊就有齊晒成個套餐食到麵線、飲品、小食同甜品，今日同朋友經開中環上嚟食lunch，見到唔使排隊，仲可以坐埋卡位，雖然我哋係比較早少少嘅時間上嚟，唔係一點，但係呢度都幾舒服，而且距離地鐵站都係5分鐘，想食辣麵或肥腸麵嘅朋友都可以嚟試吓。朋友點咗一碗瘋狂肥腸面套餐，因為佢唔食得辣，佢就點咗個瘋狂肥腸面配白湯（不辣），加咗7蚊要多杯凍冰糖雪梨汁，我試咗佢粒肥腸，估唔到咁大碗麵，上面嘅肥腸份量都唔少，而且入口煙韌彈牙，處理得都幾乾淨！白湯嘅湯底都幾香濃，就算唔食辣都唔使驚會唔夠味！朋友在點咗份泡椒鳳爪，因為佢唔食辣，但好鍾意食鳳爪，不過佢就話個鳳爪真係好辣，佢都差啲食唔落😂（又要想試又唔食辣）瘋狂大排面套餐見佢有豬肉排我真係好想試吓，估唔到豬肉煮得咁霖，每一排豬肉都煮到輕易離骨同勁入味，配合紅湯帶少少辣度，真係會越食越覺得辣！雖然點菜嘅時候已經講咗叫小辣，但係都覺得非常之辣！我在跟套餐點咗杯熱羅漢果冬瓜茶，入口羅漢果味非常非常濃郁，飲得出係自家製造！呢個天氣飲羅漢果冬瓜茶去濕重可以潤下。小食點咗一份涼拌木耳，清爽酸酸地

大家都知中環比較多貴價少少嘅餐廳，所以T小編今日自己一個係附近就搵左間平價嘅餐廳試下🤪呢間餐廳係喺1樓，所以大家未必留意到佢。餐廳充滿中國風，好似去咗四川咁。呢度都有好多組合俾大家揀。T小編今次一個人去食，所以就自己嗌左個餐食。真係鐘意食辣嘅朋友真係唔好錯過，因呢度嘅辣唔會令你失望👏🏼T小編唔食得辣，但又想過下癮，嗌左個bb辣同少麻都食到有啲熱xdd仲可以叫多啲朋友一齊嚟食，嗌多幾款唔同嘅野食開心share呀🤣

嘢食味道okay 冰粉好好味價錢略貴 但偶爾食一次都冇問題嘅最奇怪係服務同環境 佢係樓上舖嚟 入到去覺得裝修有啲殘舊 啲貨喺樓面周圍疊 俾人一種工廈小店 好平民嘅感覺環境略暗 唔光猛又唔覺得乾淨服務都幾差 上到去冇人理啦近乎自己搵位咁就連Waiters都愛理不理咁 又冇講解過餐牌 舉手又等得耐加上佢水都冇一杯俾我哋連自助都冇得斟而最後埋單又要自己出去埋但竟然發現餐廳要收加一服務費唔明間舖deliver 咗咩服務唔好呃10%好冇？

店名: 瘋狂小面地址: 中環士丹利街66-72號佳德商業大廈1樓香港站C出口，行5分鐘環境: 4/5價錢: 4/5味道: 4.5/5今冷黎到位於中環嘅瘋狂小面，兩個人分別叫左1個A+B+C set & 1個A+B+C+D set，都十分之夠飽，好滿足🥰1st setA：酸辣粉+大排(+$21)❤️❤️❤️❤️❤️碗粉叫左小辣，小麻 雖然食落都唔算辣 但聞上嚟同食都係好香辣味同埋食到尾都食有啲麻。 而配料方面有勁多炸醬，芫荽同蔥好夾煙煙韌韌嘅薯粉。個肉排燜得好腍同入味加埋中間有啲軟骨會食得好爽。B：紅肉柚子(凍)(+$7)❤️❤️❤️❤️一般嚟會覺得係好甜嘅果汁，但飲落唔算甜好清新 真係好啱食濃味野。C：紅油耳片(+$33)❤️❤️❤️❤️豬耳好爽口同埋浸哂落啲辣油到食真係好夠味☺️2nd setA：瘋狂肥腸麵（紅湯）❤️❤️❤️❤️❤️叫左個少辣少麻，對於食得辣嘅我黎講個味道幾溫和，湯頭啱啱好有種紅燒湯嘅感覺，唔會好鹹，肥腸都清得好乾淨唔會好肥，個麵都好掛湯，綜合黎講食得好滿足😚B：冰糖雪梨汁(凍)(+$7)❤️❤️❤️❤️相比紅肉柚子會甜d，但隻甜唔係令你起痰嗰啲，配上d辣嘢反而好解渴好消暑，好飲😌C：棒棒雞(+$33)❤️❤️❤️❤️

瘋狂小面 (佳德商業大廈) 地址: 中環士丹利街66-72號佳德商業大廈1樓電話: 23113905=====================只賣湯麵同撈麵，四川辣酸口味的湯，在夏日沒胃口的日子，總能令人回復食慾小食要了木耳同蒜香拍青瓜，常見的小食，是跟餐的。喜歡個湯濃味得來，唔會令人好快口渴。簡單的麵條，加上不同的餸，做構成不同口味的麵條肥腸麵個腸中間有脂肪，口感qq 另一個是撈擔擔麵,肉醬炒得好香，微辣程度在夏天開胃得來又唔會食到身水身汗。愛吃辣的人必來哦。再加碗冰粉，夏天最佳組合

以前不嬲幫襯開覺得好好食，點知今次成班人一齊去食話啲面差過之前好多唔知點解…咁都算啦，我明明加咗錢加大，點知碗麵嚟到同我另外幾個人嘅面係一模一樣，好似仲少咗啲添，咁我問個服務員好似冇加大喎，佢話有，咁跟住話唔夠同佢講佢再交俾我啦，咁我都諗住算嫁啦，點知佢忽然間走來問我夠唔夠使唔使加，咁我話加啦，跟住佢走咗佢經過好多次都冇比嗰啲面我…好講大話囉，我又冇話要係佢主動問我，跟住又孤寒唔俾？啲面又差咗？以後都唔幫襯佢

今日去哩間朋友成日食嘅中環飲堂 - 瘋狂小面食野，絕對係中環上班族嘅好選擇！平時不嬲鐘意食湯面，哩度嘅餐牌好簡單，湯面有白湯(唔辣)同紅湯, 可以揀唔同餸嘅配搭，另外仲有兩種伴面選擇，梗有一款啱你口味🤗 今日我就揀左紅湯面: 🍴瘋狂肥腸面+牛肉 - 湯頭顏色好靚而且唔會好油，飲一啖又唔算太辣，應該係三小辣左右，又香又濃，有誠意。肥腸好得！肥美得黎唔韌，同個湯面好夾，必點之選👍🏻👍🏻👍🏻追加嘅牛肉似牛腩，炆得夠稔，抵讚！ 成碗面份量都好足，男仔食都夠飽肚，掂👍🏻🍴小食: 泡椒鳳爪 - 套餐包一個小食，哩個比碗面更辣，越食越上癮，高質！不過如果鳳爪無骨就更好啦🍴飲品: 紅肉柚子 - 食完辣野當然要飲杯凍野解下辣，哩杯紅肉柚子有真果肉，酸酸甜甜，解渴又解辣，推介！😍

地方有d隱蔽，又係隱世小店系列。不過上到黎都幾多人，睇黎好多識食之人專登黎呢度食喎！中國風、川式嘅環境，地方大，坐位多，有卡位，亦都有多人嘅枱拼埋一齊，自閉嘅面壁位都有！任君選擇， 總有一種座位坐得你舒服😆menu一張剔一碗麵，麵可以揀乾撈麵/湯麵，再揀加餸，小食，甜品，飲品。👍👍👍推介瘋狂豌雜麵！ 🍜比較特別啲。特色嘅重慶小麵豌豆雜醬口感潤滑，平時其他地方真係少見！碗豆嘅軟糯同面條再加雜醬嘅香甜，味道配合得剛剛好！🍜牛肉湯麵朋友叫咗呢個，都話好好食。好彩同朋友黎食，咁可以一次過試到多幾種小食：🥢泡椒鳳爪：個辣度好正！🥢高湯蒸蛋：勁嫩滑！上面好多肉醬！推介👍🥢鐘水餃：類似紅油抄手，味道微辣甜甜地，有芝麻香口，又係推介之選👍羅漢果冬瓜茶😋🥣成都老冰粉食完辣野食呢個真係冇得頂！透心涼冰粉，配提子乾、花生、芝麻，屬香口既冰粉👍📝填menu嗰陣，右下角可以填埋做會員，星期一至日3-6pm會員送甜品架！

-豆腐火腩飯經常比人話係男人的浪漫，但對我黎講男人的浪漫莫過於麻辣與啤酒。今日放工有空，所以相約友人去呢間瘋狂小面食個麻辣面同啤一啤。-食物: 有唔同的配搭，可以只係食面同飲品$87，加多一個小食就$98，加埋甜品就$109。我地就點左以下幾樣食物。瘋狂擔擔面:乾撈的擔擔面，有花生，麻辣味重，反而花生醬味唔太出。配料十分充足，有啲似四川涼面。瘋狂牛肉面: 麻味重於辣味，有幾塊牛肉，配上蔥花，味道不錯。棒棒雞(+$33): 實際上是麻辣手撕雞，分量不算多，夠一個人吃。如果要兩個人吃，建議點大份(+$65)涼拌木耳: 不過不失! 啤酒($20/500ml): 物有所值，樓下happy hour 或7-11買都不只這個價錢! 環境: 因為餐廳位於大廈一樓，要爬樓梯上去。餐廳座位寬闊，晚上用餐，兩人都可以坐四人座。瘋狂小面 (佳德商業大廈)地址: 中環士丹利街66-72號佳德商業大廈1樓電話: 23113905

由川式小吃到正宗川菜，以師傅多年的手藝烹調，可謂是經典的川味餐廳🤩 泡椒鳳爪鳳爪肉質細緻多汁，泡椒稍微有點辣🔥 蒜泥青瓜青瓜爽脆酸甜，配搭蒜泥令味道更香濃🙂瘋狂肥腸面肥腸香滑，麵條爽口，加上湯底夠矖瘋狂，幾好☺️番茄牛肉面牛肉切成薄片，有點像牛展，番茄湯底採用了鮮蕃茄，先用溫水去皮，再用白鑊方式除去蕃茄青草的氣味，之後再用4小時慢煮方式調製而成，的確唔簡單😮 成都老冰粉冰粉顆粒分明，吃下去啖啖啫喱的口感✨ 羅漢果冬瓜茶冬瓜醇厚不膩，浸著羅漢果香清甜😁 紅棗銀耳湯銀耳有口感而滑溜溜的，味道也不會太甜，適合減肥人士💁🏻烏梅汁烏梅有點像酸梅汁，酸酸甜甜🤞🏻好味指數：8/10性價比指數：8/10餐廳名稱：瘋狂小麵餐廳地址：中環士丹利街66-72號佳德商業大廈1樓電話：23113905

位於中環川菜風味嘅《瘋狂小面》，店舖坐位都算多，仲有套餐嗌都幾抵食🥢滷水拼盤呢份拼盤有豬肚、牛脷、牛肚、牛腱。牛脷同牛肚都滷得腍軟香濃，牛腱則係滷得軟綿綿，豬肚爽口令人咀嚼時好有彈性，滷水汁完全滲透入啲肉好入味🥢瘋狂肥腸面佢哋嘅麻同辣度都可以分開，豬大腸以傳統川式手法處理，再用川香調料小火燜三小時，食落嘅口感彈軟糯，麵質質軟硬適中🥢蒜泥青瓜青瓜非常清爽，青瓜片脆口又帶咗啲咸香蒜蓉，而且調校嘅味道啱啱好，唔會好韌🥢泡椒鳳爪香辣味啱啱好，仲有微微麻感，鳳爪肉質爽口🥢高湯蒸蛋蒸蛋質地好細緻，好似絲絲綿綿咁，滑嫩得黎入口即化，而蒸蛋嘅上邊仲有啲滷肉同埋蔥花，味道更加豐富，啲滷肉醬汁都滲透入蒸蛋入面，增加咗層次同口感🥢成都老冰粉老冰粉嘅口感似涼粉，入面有黑白芝麻更香，啲冰粉真係非常清新，啱啱食嘅時候天氣仲熱，佢哋嘅冰粉真係好適合解暑