番茄師兄

營業中

休息中

來這裏食，其實也只有1個原因。大家心知就可。講返食物啦，我點了三碗麵。蕃茄濃湯湯底。一碗麵最緊要就係湯底，湯底真的很好味。配上日式拉麵，真的令人垂涎三尺。我點了招牌的一貝子蕃茄濃湯底拉麵。其實就係北海道帶子和大花蜆，再加了炒蛋。味道真的很好，蜆很新鮮，炒蛋雖未至於一級，但也做得不錯。美中不足就是太細碗，稍為不夠飽。我也幫小孩們點了個豚豚圓圓蕃茄烏冬，就是豬腩肉和豬頸肉。肉既份量很多，兩個小孩也吃不完。但烏冬不用一會就讓他們吃清光了。可想而知味道也不會差。最後不用多說，手足們自然懂得幫襯。

好少何排好耐隊食嘢嘅我哋，終於的起心肝嚟食蕃茄師兄 @tomato_c_hing 啦～星期六嘅1:30大概等左半個鐘，大熱天時係深水埗等位都真係幾辛苦🥺整體來講，食物味道係唔錯嘅，但又未至於我會想再排咁耐隊再食🤣.usually not the type of person to line up too long for a restaurant 😆 but wanted to try @tomato_c_hing for a long time now 😋 decided to go line up on a saturday at 1:30 👍 waited around 30 minutes! overall, the tomato soup wasn’t as tomato as i thought it would be 🍅 but the food is still pretty decent 👌 probably wont line up again tho 🤣.《蕃茄湯底》😋😋唔知係咪我對呢度嘅湯底太大期望，以為佢係啲好濃郁嘅蕃茄湯底，但原來唔係～佢嗰一種濃郁絕對唔係出

撐黃而去💛#黃色經濟圈一貝子蕃茄濃湯麵🍜（北海道帶子刺身+新鮮大花甲）.帶子都算幾彈牙，蜆都勉強ok😌但蕃茄湯真係完全唔夠濃，可以話係冇蕃茄味🥺🥺有啲失望.同埋真係好多人排哂長龍，晚飯時間都等咗30分鐘🙌🏻要去嘅朋友要預咗點都要等一陣，為黃而撐一撐，但為食好味嘅蕃茄湯真係不了🥺

身為一個蕃茄愛好者，一直都好想試下依間番茄師兄，襯住今日要去深水埗買野，終於都試到了黎得食番茄麵，最重要當然係佢個番茄湯底啦！湯底味道自然，濃淡適中，即使不停飲佢個湯都唔會好口渴，係幾好味既。屋企人叫左滑一滑番茄麵，麵質幾爽口彈牙，同個湯都好夾，不過牛肉竟比較一般，相對個湯就比較失色。我就叫左依個一貝子，兩粒厚身帶子當然係重點，咬落去中間仍然有軟軟甜甜既口感，熟度掌握得非常好，而且解味十足，絕對食得出唔係cheap cheap 貨。而周邊既貝類都好解甜，而且size 唔細，成碗都好好味。臨走時，餐龐仲願意一人送一個口罩俾我地，依份心意令成餐飯既結尾來得更加窩心。嗯，心中默默將依間餐龐加入再光顧名單，haha

🍅👦🏻好好食嘅 🤩蕃茄濃湯底米線/烏冬愛好者天堂😛仲有好多款揀餸選擇困難症嘅應該有排揀🤪..前: 帶子牛郎 (帶子 牛脷) + 炒滑蛋(🍅番茄湯唔加蛋真係對唔住自己😛)後: 犇犇有禮 (牛面頰 牛坑腩 崩沙腩)真係好好食👍🏻食晒成碗 無味精 連湯飲埋💓..麻香瑞士雞翼都好好食🥳唔係太辣 好惹味 超鍾意佢果汁😌..個人真係好鍾意番茄湯米線或者烏冬同炒蛋所以呢個地方對我黎講係天堂😍我幾乎想買雞翼外賣返屋企食多次😂------👻回頭指數/Coming back?🍽食物/Food: 🔘🔘🔘🔘🔘📷環境/Ambience: 🔘🔘🔘🔘⚪️🛎服務/Services: 🔘🔘🔘🔘🔘💸性價比/CP: 🔘🔘🔘🔘⚪️  

🍜 豚豚圓圓番茄濃湯麵 | HK$59✔️ 上海麵、番茄、豬腩肉、豬頸肉、炒滑蛋 (+$5)、粟米粒 (+$3).湯底比想像中稀，但勝在夠香甜亦帶微酸，非常開胃！本身覺得番茄湯大多數都係配通粉或者烏冬，但原來同上海麵係出奇地夾🤪 豬腩肉同豬頸肉嘅份量十足，肉質夠腍又入味👍🏻 麵底份量亦唔嘢少，加埋份炒滑蛋真係差啲食唔晒🤣 不過滑蛋炒得好香有水準，值得加錢一試😋 .疫情期間，有店員幫每位進店客人量體溫，門口亦有酒精搓手液提供✨ 店員亦可為準備入座嘅客人預先落單，到時一坐低就有得食！🤩 .🎈Instagram: @tomato_c_hing

因為係黃店 所以都聽過好多人講,,,一定要去支持而門口都見到人龍。我用左30分鐘左右 就入到店餐廳主打食蕃茄湯 叫左個一貝子烏冬 同厚切豬扒蕃茄濃湯米線帶子算係大粒彈牙 蜆肉都解既但好失望係佢地主打蕃茄湯 一d蕃茄既濃湯味都無淡如清水, 一上菜 就心知不妙 真心唔值咁既價同時間 食另外厚切生炸豬扒蕃茄濃湯米線又係碗麵一上枱，見到佢番茄湯啲色水都唔係好靚，食落去真係淡茂茂，豬扒睇落去係清蒸，咬落去係幾好厚，但又韌又唔彈牙，就算想食健康版豬扒，都唔係咁煮法，我相信我自己煮都會好食過佢解炸腐皮墨魚條好味既,,炸得 而且好煙韌有咬口但真心,,,,唔太好食 如果純支持既心,,係可以既但食味道既,,希望係可以改善一下

二零二零年四月十三日中午十二點黎到深水埗基隆街"蕃茄師兄"黃色小店 果然受歡迎又有好多黃色文宣仲有得扭黃色閃卡邊等位邊睇今日12 點黎到已經要排隊先探熱再消毒雙手入座奶茶控緊係要揀 樽仔奶茶+$18 唔會太甜茶味重如果大支d 仲好 飲到唔夠喉一貝子蕃茄濃湯通粉$68加炒蛋$5大花蜆 刺身級帶子蕃茄濃湯兩舊蕃茄通粉份量夠多犇犇有禮蕃茄濃湯通粉都只係$79 三牛就係補牛面頷 牛坑腩 崩沙腩 好多牛啊 爽脆兩舊蕃茄通粉唔會太稔真係要連湯都飲埋啊 檸檬雪梨露加$18夠哂清潤啊飲品都唔hea 值得再encore

番茄師兄係最早表態嘅黃店之一，根正苗黃，深受同路人愛戴，日日長龍，甚至能於疫市下開分店。當然，佢嘅食物質素有保證，亦都係人氣 keep 住高企嘅主要原因。上次幫襯我叫咗個 “滑一滑番茄濃湯麵”，入面有蕃茄，炒蛋同埋鮮牛肉，另外我再加多份粟米粒。麵底有五個選擇，分別係烏冬，通粉，米線，日式拉麵同上海麵，我就揀咗拉麵。成碗麵最出色嘅一定係個湯底，蕃茄味既鮮甜且濃郁，超正👍；另外就係鮮牛肉片，肉質軟滑，牛味亦夠；配埋甜甜嘅粟米粒，炒得好香又大大份嘅滑蛋，麵質彈牙而掛湯度不俗嘅拉麵，成碗麵嘅質素係好高嘅。

我愛番茄，師兄好嘢！喜歡「番茄師兄」的理由有很多，食物質素好，水準高，價錢合理，當然是其中之一。至於其他理由，就更是不言而喻，只要去幫襯一下，甚至只在店門外觀看一下，自能明白，自然知道。「帶子牛郎番茄濃湯麵」（$69）是這天我的午餐選擇。兩粒厚身多肉的北海道刺身帶子，四件軟腍可口的牛脷，一個開邊番茄，配以我選擇的幼滑上海麵，都是我喜歡的食物。這兒的番茄湯，雖然好像沒有最初開業時那麼濃郁，仍然不錯，湯味自然討好而不過酸。以高身塑料瓶子奉客的「凍檸檬雪梨露」（跟餐價/$18）味道微酸，裡面有些細小的檸檬和雪梨皮肉，為這解渴凍飲增加口感，也不錯。這天專程去「番茄師兄」，其實我還有一個重要目的，就是在店門外的抽卡機中抽卡。想當年，萬變卡大行其道，年輕的我也曾一塊錢一塊錢地把口袋裡的硬幣奉上，為的就是一張閃卡。不過自從踏入扭蛋機年代之後，我不彈此調已久，想不到，今次竟會為這台之前找了數次都找不到的 Yell Card機，甘心情願為它抽卡，最後還買入了一整盒，有齊全套 165張 Yell Card的 Box Set，以免像砌圖缺了一塊一樣讓自己帶來遺憾。這些 Yell Card，沒有我喜愛的動畫角

聽聞呢間番茄師兄好出名 特登同男友黎試試佢當日黎到唔洗排隊 就即刻入得 店員服務都唔錯呢到係可以掃QR code自助落單 都幾方便😎一共叫左4樣野 但碗滑蛋加沙嗲牛唔記得影相🙈1️⃣麻香牛面頰本身以為跟埋麵 點知原來係齋小食😆呢碟野細細兜 但好有驚喜😍每一塊都好軟諗 好入味 雖然份量唔多 但真係值得一試🤤2️⃣ 犇犇有禮湯底比我想像中清淡 可能因為唔似其他鋪頭甘落茄膏 可能食開比較濃味 所以個湯底有啲失望 反而個滑蛋有驚喜 好香好滑 時間控制得好好 不過食到牛油香 應該都落左唔少牛油😈 啲牛就不過不失 值得一讚嘅係呢度有好多唔同種類嘅麵俾你選擇3️⃣ 樽仔奶茶呢個應該係成餐最低分既一樣野 唔夠茶味 奶味偏重 呢支野要$18 唔太值整體黎講 呢到啲服務都唔錯 但係唔知係唔係因為出邊有好多人等位 店員會不停行過嚟問你啲野仲要唔要 想幫你清左張枱 然後想你賣單走甘 呢到反而有啲扣分 因為啲野好明顯仲未食完 推薦牛面頰 超讚👍🏻👍🏻👍🏻👍🏻👍🏻

深水埗有好多性價比高嘅餐廳，本身想同朋友食隔離間蘇媽，但太多人，所以轉戰番茄師兄🍅雖然表面上佢只係間食粉麵嘅餐廳，但其實內裏佢嘅用料一啲都唔簡單。睇佢嘅介紹，佢嘅烏冬係每日新鮮製造，加上烏冬掛湯力比其他粉面高，係必食之選😋 配料方面，由牛，炒蛋，豬，到海鮮都有，比起出面嘅普通丸呀，豬大腸呀特別好多。揀左好耐，我最終就揀左帶子牛郎番茄濃湯烏冬(牛舌+帶子)😚佢個牛舌煎得好香，做到外脆內軟嘅感覺👍🏻個帶子亦好鮮甜，配上新鮮番茄湯同彈牙烏冬，我個胃表示好滿足😋餐飲方面，除咗奶茶外，佢仲有唔同嘅涼茶揀，例如桂圓紅棗桑寄生茶，檸檬雪梨露，可以補一補身，唔洗成日都被迫飲奶茶，咖啡，凍檸茶👍🏻

叫咗個豚豚圓圓蕃茄濃湯麵一嚟到，嚇親我，點解咁大碗嘅，上面啲豬頸肉同豬腩肉多到一!個!點!一個女仔實在無可能食得哂，所以我悄悄地夾咗啲肉去朋友個碗度haha!!惟一係，真係好多人排隊。。。

次次經過呢間鋪都大排長龍，就算攞到飛都未必入到去坐。今次好醒目咁提早排隊，終於試到呢一間好出名嘅蕃茄師兄！本身自己都好鍾意食蕃茄類製品，入到黎見到有咁多蕃茄款式當下即刻心心眼😍總括嚟講蕃茄底略嫌偏暖，但係蕃茄味好濃郁，食落去仲有啲番茄粒，好有層次感，忍唔住不停飲啲湯😋芝SEE菇牛番茄濃湯麵 ($48) 入面有炒好咗嘅免治牛肉粒加草菇，好惹味，配埋芝士非常邪惡，不過係有少少膩。豚豚圓圓番茄濃湯麵 ($58)就係好正宗嘅蕃茄湯底，豬頸肉同埋豬腩肉嘅份量比想像中多。

呢間黃店係深水埗都好出名，今日經開深水埗就黎試下。黎到呢間舖頭，都算多人等位，要自己係門口寫低人數同埋撕張紙仔落黎。我地等左大約20分鐘就有位，入去之前佢會比張order紙你落左單先，咁入到去坐低就食得。.佢有幾款皇牌推介，我地揀左「滑一滑」同「犇犇有禮」，小食就叫左雞翼，野飲就試下樽仔奶茶。.入到去坐低左，啲野食都好快上到，「滑一滑」嘅蛋真係好滑，同埋都有蛋香味。啲牛好滑，亦都好有牛味，佢係用冇打激素嘅騸牯牛，所以牛味會重啲，推介～.「犇犇有禮」入面有崩沙腩，牛臉豬登同埋牛坑腩，成碗都係牛味，鐘意食牛嘅朋友應該覺得好正，連個湯都有牛味。.個雞翼煮得好入味，一定要試下。枝奶茶就普通，有啲似超級市場買到既奶茶，但都有茶味。.呢間值得再去