番茄師兄

營業中

休息中

早前經過深水埗，終於去咗bookmark好耐嘅蕃茄師兄！我超愛蕃茄🍅無論生熟咁食，都好味兼有益～睇到宣傳單張話，佢哋仲會加入大量牛骨、牛肉去熬製湯底，真係未食都超興奮！🤤​ 今次我就order咗「一貝子」（另加炒滑蛋、雞脾菇、椰菜），朋友就order「芝SEE菇牛」～​ ​一貝子係番茄濃湯麵上，加兩件北海道刺身級煎帶子，再配4隻大花甲嘅組合。不得不讚，佢哋嘅帶子好軟滑鮮甜，外層又經過牛油香煎，外脆內鮮，非常好味。不過，大花甲我就麻麻，肉唔多，仲有少少硬。​至於滑蛋，我覺得做得好好，生熟程度適中，嫩滑得嚟又乾身，好高質！🤤​最後食到去湯底，我真係超鍾意佢哋個湯底，好濃郁嘅蕃茄及牛味，唔似出面食到咁，用味精調整，湯底嘅鮮甜係源自牛骨熬製，既濃郁又鮮甜，好有誠意！👍🏻​​ 朋友叫的芝SEE菇牛，我覺得比一貝子更好味，湯底一樣，但上面嘅免治牛肉粒加咗草菇炒，成件事好惹味，仲加埋芝士，簡直係邪惡之最！不過，口味偏膩，怕肥嘅人叫之前可能要斟酌下。​​ 另外，我好鍾意佢哋嘅小食紫菜墨魚丸，外層炸得香脆，入面嘅墨魚肉又爽口彈牙，好推薦！​​ 蕃茄師兄仲有一系列特飲～左為有機豆漿，右為檸檬雪梨露。

今日出開深水埗 就去左食蕃茄師兄度食 之前聽過人講好好食 但都未試過 今日終於去左食 門外都有唔少人排隊 等左10幾分鐘之後終於等到 我叫左個滑一滑試下係咪真係咁好食 估唔到個蕃茄湯同平時嘅唔同 如果中意食蕃茄嘅各位 真心推薦人地去食 黃店好介紹💛💛💛

中午黎到都幾多人 要自己寫人數拎位入到去 淨係望住呢碗蕃茄湯底都覺得開心揀左一貝子配烏冬加左炒滑蛋同埋芝see菇牛配一樣麵底加滑蛋帶子大大粒好彈牙 而峴肉都系好真材實料滑蛋好滑加埋濃濃蕃茄湯底好開胃芝士同蕃茄又意想不到地夾喎菇味亦都幾濃下

一開始其實真係完全無諗過話食呢間，主要係我朋友想試，我當時抱住去試下啦既心態去食。心諗可能有蕃茄以外既野食呢？點知去到全部都係蕃茄＿街啦，點算呢，吾想害到朋友食第二間，唯有頂硬上！因為當日條人龍都長，等左都差吾多45-60分鐘左右，一直同個fd 吹水吹到口水都dry埋入到店入面係勁多人，無辦法，人多咁大家將就下。服務員當然十分有禮貌、有笑容。因為無特別無咩想食，就叫左同fd 同一款湯麵。點知有驚喜！ 個湯係鮮甜又有少少蕃茄酸，但吾會好酸，吾係羅宋湯果種。食吾出有味精，所以都相信佢地真係有使用大量蕃茄熬製而成！（睇番之前留言有人比劣評話食到罐頭蕃茄味，但係外國食評家都分辨吾到罐頭味，條友條脷仲勁過D食評家）不過好食既蕃茄湯其實就應該新鮮同罐頭兩種都要用到！麵條就彈牙、好食既，滑蛋、滑牛就真．滑，蛋有蛋味、牛有牛味，你知最基本既野吾係間間都做到！不過可能我牙縫比較大，食牛肉會容易癡牙！ 我到最後竟然會食埋嚿蕃茄，仲想飲埋D湯汁，OMG，平時最憎蕃茄，吾敢相信自己呀 同埋我當日應該係全場講野最大聲果個，係咁同我個fd 講埋D 八婆野 不過我隔離枱講電話果陣，我有特登收掣既！店員都好好，無特別

呢間大排長龍嘅黃色小店次次經過都好多人👬👫🏻👭🏻之前試過排隊等位要45分鐘左右先入到座～不過當然要支持黃色經濟圈啦！！！而且男朋友非常喜愛番茄湯啊～～～餐牌上面一律都係番茄湯，配唔同嘅麵底。我叫咗厚切豬扒番茄濃湯麵，配上海麵，塊豬扒真係好厚，同埋又大大塊，勁啖啖肉啊！！！我平時冇話特別鍾意番茄湯底都覺得好鮮甜，再配埋滑嘟嘟嘅滑蛋，真係一流啊！店主仲好有文采，喺收據上會作詩題字，超有趣啊！

一向對番茄湯底都係情有獨鍾既我，基本上有番茄湯底叫既舖頭，都會叫碗試下，今次深水埗呢間一直想試好耐，良心餐廳多人幫襯就必然架啦，所以專登早d去食，策略成功，好快入到去一貝子北海道刺身級帶子+新鮮大花蜆，配烏冬番茄湯底帶甜，少少杰身，同飲到牛油既味道，相信係加了麵撈一齊煮(牛油+麵粉)，雖然番茄味唔算突出，但唔知點解飲落又覺得幾好飲，唔口渴，我鍾意大花甲新鮮無沙，帶子都唔細粒，成碗都非常不錯犇犇有禮牛肉用上騸牯牛=閹牛，所以牛味特別鮮同重，牛面頰，牛坑腩，崩沙腩，3款唔同部位都各有特色，軟腍，爽脆，濃郁牛味都可以一次過食到，好滿足雖然呢度以番茄湯底作賣點，但我覺得個牛係更勝一籌，加上黃色既空氣聞落格外清幽，融入埋個番茄湯底一齊食，特別滋味

今日去左食間黃店，早前已經好想試下，但每次去到都好多人，所以都會唔想等🙈今次預咗要等既心態去試一試佢🤣結果都要等半個鐘🙈🙈叫左呢個犇犇有禮番茄濃湯麵-番茄湯底一啲都番茄🤦🏼‍♀️牛肉都可以既，但啲番茄直頭係生既🤦🏼‍♀️整體真心麻麻檸檬雪梨露-好淡像唔到檸檬味，一啲都唔好飲🤮原味樽仔奶茶-味道都偏淡，茶味都唔夠濃🤦🏼‍♀️另外叫多左一碗帶子牛朗番茄濃湯，湯底偏淡，帶子一般，牛脷還好😅最好食係小食鮮炸紫菜墨魚丸👍🏻👍🏻呢個最好食

喜愛拉麵的我, 聞說這家深水埗的蕃茄師兄有出色的蕃茄湯底, 當然要專誠過一嚐. 香港以蕃茄湯底作招牌的, 想起以前油麻地有一家, 但2,3年前已結業, 甚為可惜. 點了這裡較出名的犇犇有禮, 貪其有幾款牛肉不同部位. 犇犇有禮用上面頰, 坑腩及崩沙腩. 蕃茄湯底香濃有牛味, 滑蛋做得不錯. 最優質的要數牛肉質素, 拉麵的質量則一般, 下次會試米線或烏冬. 以$100以下來說, 蕃茄湯牛肉的質素十分出色, 而且有其他$50-60的選擇, 值得經常光顧. 

終於有機會黎深水埗試下番茄🍅師兄la🤩, 啱啱開檔出面已經人頭湧湧, 喺出面剔定order先, 入座一陣就有得食(效率👍🏻).🍜犇犇有禮番茄濃湯麵 (HKD79)麵底有米線, 日式拉麵, 上海麵, 烏冬同通粉揀. 我食新鮮牛面頰+新鮮牛坑腩+新鮮崩沙腩嘅犇犇, 湯底好味到飲哂, 米線軟硬度適中, 而牛嘅質素非常之好, 啖啖都一咬就開, 牛味特濃. 番茄就略為唔夠熱, encore之選.🍜滑一滑番茄濃湯麵 (HKD49)滑蛋炒得靚, 肉又好味, 我地兩個都飲哂啲番茄濃湯, 完全唔夠喉呀!!!

一直都久仰蕃茄師兄嘅大名，佢老闆嘅良心一早已經展現咗出嚟佢舖頭係喺另外一間好出名嘅馬來西亞鋪隔離，本身我都誤會佢會唔會只係接收隔離唔想等位嘅人，但試過之後就知道依間良心小店真係「好食是良知」等位就在所難免㗎啦，我諗我都等左差唔多半個鐘，但食好嘢冇所謂啦。因為係第一次食，見到佢有啲好出名嘅面餐都唔敢嗌，好似有dd貴，我自己就叫咗一個蕃茄湯滑牛配滑蛋，等一陣就有得食啦。唔使講啦先試湯底，正呀，食得出佢唔係用番茄醬夾硬溝個味出嚟😮係真係用蕃茄同骨慢慢咁煮個湯底出嚟，牛肉又滑，食得出佢冇落到梳打粉去拿佢，肉味香濃，而且份量都好多，滑蛋非常之大嚿，又滑又香，茄牛蛋面真係永遠都無得輸😍再加上佢係有良心店，真係正！同行朋友嗌左貴果款牛麵，我試咗幾嚿牛真係好特別😳🤤肉味比我嘅滑牛更加香濃，分量亦都好足，我哋兩個一致都覺得呢一間係我哋食過最好食嘅良心小店，唔怪得出邊咁多人排隊啦！希望大家繼續支持有良心嘅小店，下次排隊見啦！

今次平日嚟到食午餐，人潮依舊。每次經過餐廳都見到好多人係出面等，所以一直未入去試過，同埋充滿一份期待。大約等咗幾分鐘就有得入去。裝修配置用心，附近有很多文宣。餐廳主打犇犇有禮，但我地叫咗比較普通既滑蛋茄牛通，另外加配冷泡茶。佢個茄湯好一般，唔係好濃味，比起其他蕃茄湯作主打既店的確有點遜色。價錢可以接受，但係排隊排好耐我就唔推介。而佢個蕃茄似係後期加上去，個湯冇咩蕃茄蓉，個滑蛋炒得比較好，嫩滑又剛好熟透，唔會有太多蛋汁。

自從疫情爆發後，一路都唔係好敢周圍去食野。今日同c都算去得遠啲，試一試好多friend都有打過咭嘅黃店。番茄湯底本來就係我最愛，仲要係黃店，如果唔係一路怕死同怕唔夠口罩，真係一早要黎會一會呀師兄。今次拜訪呀師兄，試左佢個牛牛牛（其實3個牛字點讀？）拉麵 （可以唔揀拉麵揀其實面底）。c就叫左個滑一滑。先講我嗰碗。牛牛牛其實係牛面頰，牛沙腩，牛坑腩。牛面頰夠霖夠牛味，係三樣野最好食嗰樣。另外兩款唔係好夠霖，可能師兄可以加多啲冰糖去煮（我只係諗到呢個方法）。個湯夠濃，我喜歡。c嗰碗滑一滑其實係滑牛同滑蛋。兩樣都不錯，而滑牛同番茄湯係超夾。飲品方面，我叫左蜂蜜冷泡茶，c叫左桂圓紅棗茶。少少偏淡。不得不提嘅係佢嘅佈置。不論係牆上嘅畫，揮春，到張收據 （記得睇清楚張收據！）都好正。唔得閒影相，自己去睇啦！

人氣深水埗店，點都要行去一轉。等左差唔多四個字先至入到場。環境氣氛唔錯。我哋點左一個大蜆番茄湯米線同埋一個牛腩番茄湯米線。大蜆吐沙做得唔係好好，食落去有沙呢，不過我幾鍾意呢個配搭。番茄湯方面，個人認為唔夠酸同埋唔夠甜，做出嚟嘅湯底會比預期中淡口。（不過番茄湯就係要食健康啦係咪？）牛腩方面我覺得係高質素嘅，用嘅食材油脂同埋肉嘅分布得均勻。但係切嘅時候有啲部位就會癡住咗一啲組織，令到整體感覺上會太有咬口。奶茶方面我覺得係OK嘅，中規中矩。

去開深水埗，見到呢間舖好串，叫自己做番茄師兄，而且隔離舖有個牌寫著「排隊請往另一方向」，即係長期排隊（咁啱我早去無咩人排）我就入去試下。我選了「牛筋肉碎番茄湯麵」，個湯底唔算好濃，但係真材實料，因為同屋企煲番茄湯個感覺好似，牛筋肉碎夠牛味，易入口，不過留意可能會有少量碎骨。朋友點了「腐皮墨魚蝦條番茄濃湯麵」，朋友話唔錯。我地再點左個小食鮮炸魚片頭（2塊），有跟甜酸醬，夠彈牙。最後我哋全個湯飲哂。叫埋飲品檸檬雪梨露（$18）、信陽毛尖蜂蜜冷泡茶（$16），平均每人$72。留意返，佢枱面有個麻辣汁，好好味，唔係普通辣椒醬咁求其。所以要排隊總有原因的。

久仰大名 專食蕃茄濃湯的小店閒日非繁忙時段都要排半個鐘雖然同預期想像味道有啲落差湯底中的蕃茄味比我想像中淡 反而飲到牛骨煲出來的味道更重不過自稱牛魔王的我 對於店舖所用的牛肉質素好滿意 肉味濃又煮得岩岩好 無咩批評可言 另外滑蛋🍳炒得好靚食落好嫩滑 配埋湯食一流👍🏼👍🏼 只是覺得湯底蕃茄味再突出 再濃啲會更好 同埋感覺再健康啲😋另外樽仔奶茶不太推薦 奶味似係奶粉開味道怪怪的 與其加錢飲奶茶 不如飲曬啲湯更好更滿足😂🤤