番茄師兄

營業中

休息中

一直人氣高企🔥閒閒地都要等30分鐘，主打嘅蕃茄麵🍜實在得到香港人嘅支持，無理由唔去捧下場吧🙌🏿，記得自己登記📋等位安排入座，平民價錢，夠貼地，食物選料製作同樣認真！💪🏿———————————————————————————🥢「一貝子。上海麵」🍅🍜💬大大隻嘅蕃薯蜆，加上大大粒嘅刺身級牛油帶子，比較日式拉麵🍜嘅價錢平近一半，配上濃郁嘅蕃茄湯底，而且仲有各款麵食可以選擇，實在太細心😌.🥢「滑一滑。上海麵」🍅🍜💬用上巿面比較少量供應嘅騸牯牛🐮，即係被閹割嘅牛，激素較少，長脂肪多過長肉，較為肥美，加上炒滑蛋🍳又夠嫩滑，「茄牛蛋」確實係無敵絕配👏🏿.🥢酸辣涼伴牛面頰💬相當入味，牛面頰肉好腍，加埋香菜大蔥，值得一試😏.🥢鮮炸腐皮墨魚蝦條.🥤檸檬🍋雪梨🍐露.☕️桂圓紅棗桑寄生茶

午餐時間又再同事最愛嘅蕃茄師兄。上個幾次都好多好多人等，最近冇咁多人等，去到冇幾耐就有位坐。上次食牛舌，今次決定食海鮮，叫咗嗰一貝子(帶子同大花蜆)蕃茄濃湯拉麵 同加多杯桂圓紅棗茶。蕃茄師兄嘅蕃茄湯底係清淡型，唔係淡味嗰種，而係食到似新鮮蕃茄打爛嗰種。出邊有好多蕃茄湯底都係罐頭味加好多茄醬茄膏，令到蕃茄湯好濃；相反蕃茄師兄就屬於新鮮嘅蕃茄蓉加濃濃牛骨嘅味道，食完之後成咀都係牛味🤣。2粒帶子都算大粒，口感爽彈，大部分嘅大花蜆都鮮甜，不過有一粒食到唔係咁新鮮。另外拉麵麵質偏硬身，我好中意，同番茄湯好夾！

見禁多人排隊，心唸難食極都有個譜。點知原來係唸得佢太好，其實只係俾人吹捧得太緊要嘅一間餐廳，都真係幾失望。個茄湯睇落勁傑，但飲落完全冇茄味，甜既，小小酸味都冇，唔似加左好多番茄落去煲個湯底，真係完全打破我對番茄湯嘅既認知😩似落味精，食完勁渴，要係咁飲野先得😟😟😟 個牛肉又鞋又un，唔好食。仲話係推介，其他冇推介既真係唔知點。 其實深水埗仲有好多餐廳，唔需要揀佢。真係可一不可再，支持下一次就算。。😔😞😞

番茄師兄實在太hit了最近, 身為愛好蕃茄既香港人點可以唔試呢!於是我地去到門面拎飛..實在太多人haha等左差唔多一個鐘先入到去。等既時候睇下menu, 唔算好多選擇岩哂我呢D有選擇困難症既人! 要我三選一我都會...有困難小食唔多, 麻香瑞士雞翼都幾入味, 味道甜甜地唔錯!另外有自家制既飲品, 我地叫左檸檬雪梨露同埋蜂蜜冷泡茶, 兩個味道都淡淡地, 但飲住黎食蕃茄麵又幾夾, 至少唔係平時既涼茶味。 不過個樽係唔可以拎走架, 一開始仲以為可以帶走。友人叫左「一貝子拉麵」, 都幾sweet個名...可能係一輩子..可能係一粒貝子..定係一貝個子既拉麵...(sor)總之蕃茄湯好味, 而配料有2粒貝子又有蜆架個湯真係好正, 食完麵可以飲埋D湯, 麵係日式拉麵, 自己試啦!!跟住叫左「帶子牛郎」, 阿牛郎好淋有4大片, 煎過後更香, 好想再食 最後張單好多字唔知點解200蚊有找。真蕃茄。

久仰深水埗番茄師兄的大名，每次晚市經過都人頭湧湧，門外寫明因衛生考慮，而不招待內地人😼。 有烏冬、上海麵、米線、拉麵等四款麵食可選，本來🦁最喜歡吃米線，但是店員推介上海麵是本地麵商每日新鮮製造的，當然要支持一下啦！帶子和牛舌放進口裡都還有香香燒過的味道，想不到幾十元一碗麵也有高質的配菜🤤另外點了芝士黑松露上海麵，頭幾口味道很濃郁，但吃久點有點覺得太鹹了，還是配帶子和牛舌好吃😋！ 配菜點了麻香瑞士雞中翼，由於進菜麵食也很濃味了，所以覺得可點可不點～但總括也算好吃。場內最吸晴的不是牆上電視播的ViuTv，而是精美的文宣，有本人最愛的貓仔🐈收銀附近擺放了肺炎文宣小冊子和搓手液供人取走。

[🇭🇰香港- 深水埗].🔻“滑一滑”-滑蛋蕃茄牛肉麵,牛肉好新鮮,比起出面嘅雪藏肉,口感好好多;滑蛋炒得好出色,又香又滑,如果個麵係冇嘅,強烈推介加錢要埋;而招牌番茄湯底,湯底冇我想像中咁濃,但食得出茄香唔係茄膏整出嚟,味道唔差,唔會話太甜/酸;烏冬如果冇咁淋會仲好食; 另外推介淋到入口即溶嘅"慢煮沙嗲豬腩肉"同好入味又唔鹹嘅"慢煮麻香瑞士汁雞中翼"👍🏻.🔻🍽 番茄師兄📌 地址: 深水埗基隆街255號地舖

6點半來到蕃茄師兄，門口已經有好多客人在等候入座。相信店內太忙碌，所以門口有塊板，自行寫上人數和等候號碼，店員有位時就會出來叫號讓客人入座！等了大半小時～終於可入座。點了麻辣雞翼拉麵加滑蛋，一碗四隻雞翼，可能浸落茄湯已沒有什麼麻辣味，但雞翼已經煮到好淋好易咬開，湯底美味，拉麵亦彈牙，很好吃！枱面上有一枝「麻之一滴」，我好奇就加了兩滴，真是吃得得雙眼發光，很！好！吃！麻辣愛好者表示要加十滴都唔夠，可否打包一樽？😆最後我會是因為麻之一滴再光顧，當然佢個茄湯都唔錯😹😹

非常出名嘅黃店，要食就要有心理準備排！長！龍！嗰晚6點幾去，等左差不多30分鐘～ 一路等一路睇Menu 嘩原來麵底已經有好多選擇！有米線、日式拉麵、烏冬、上海麵、生菜底...🍅🍜滑一滑番茄濃湯拉麵估唔到啲番茄係原個切開上，好大舊👍🏻 唔係一般一片片嗰啲！湯底亦都好濃茄味牛味好足料👍🏻 🐄新鮮騙牯滑牛：牛份量適中，可以再稔啲～ 炒滑蛋堅係滑劣劣🤣 好味！🍅🍜犇犇有禮番茄濃湯烏冬新鮮牛面頰、新鮮牛坑腩、新鮮崩沙腩🤤 全部都好香牛肉味 肉質又稔又肥美🤣 個人覺得牛坑腩最好食👍🏻 個烏冬同平時食嗰啲比，較扁同幼身，有啲似麵～最後俾大家睇埋張單嘅字句🙂 店主好有創意又緊貼時事，不時轉換字句😉

真材實料嘅蕃茄麵😍又好味又有良心👍🏻音樂亦好好聽💛個湯底好濃郁，上面既炒滑蛋好正好滑☺️大家要預啲時間排下隊，我嗰日等左3x幾張枱😂📍：#番茄師兄 (#深水埗)深水埗基隆街255號地舖

以出色的番茄濃湯底成名，每日均有大量人排隊，好幾次經過門口都因太餓或太多人，試不到～今次終於到我了！.它的番茄濃湯確實令人一試難忘，一上菜茄香撲鼻，先飲啖湯，濃濃番茄味充斥在口腔，酸甜適中非常開胃以下分別介紹我和朋友點的兩個餸款.// 帶子牛郎 配日式拉麵//非常鮮嫩的北海道刺身級帶子，加上牛味濃郁的牛脷，日式拉麵是由日本人於香港設廠的「南天製麵」入貨，每日新鮮製造，口感爽彈，整體讚！.// 犇犇有禮 配日式拉麵// 一碗包含牛面頰、牛坑腩及崩沙腩，採用的牛是牯牛 (即經閹割的牛隻)，牛味突出，而且肉質非常嫩滑，配搭茄湯亦很合襯

呢間番茄師兄細細個就聽到呢個名，但奈何一路勁多人排隊，冇機會同時間去等，今日難得中午去開深水埗，終於有機會試下啦❗️今日決定試一試呢個滑一滑，顧名思義就係滑蛋加滑牛，$48 重點就梗係番茄湯，濃濃既番茄味，好似將成個番茄拎去榨汁咁😋😋滑蛋炒得好滑，吸埋滿滿既番茄🍅汁，一流滑牛又好滑，好味😋😋另外私心推薦一下呢個檸檬雪梨茶，加$18 就有架啦，清涼潤肺，再加埋檸檬酸酸地，啱晒夏天飲。整體來講10分出色，離開深水埗，絕對值得試吓，但當然要比定心理準備排隊😂😂

小妹同友人早幾個月又平日一齊放假 兩人懶得過海出港島🛥 尼左出名多平價野食嘅深水埗蕩一蕩😍 突然醒起附近有間早期大熱嘅番茄🍅湯麵十分出名🍜 然後平日下就可減少排隊機會 一於來試下先🕺🏻 😋👇🏻👇🏻👇🏻 ... 🍴滑一滑 $48 （滑牛加滑蛋）（另加3蚊粟米 3蚊椰菜）首先一讚係 鋪頭有齊拉麵 米線 上海麵 烏冬 通粉 米飯任君選擇 岩晒對食物配搭有要求嘅各位foodie😍 湯底濃郁茄味 不咸 不是味精味 食完成碗都不口渴🍅 雞蛋🥚食得出落左點奶落去炒 好滑好滑 🐣 唯獨要挑剔是牛牛🐮有點蟹口🥺 係睇到店主好用心 專登最後先落咁放係面頭 廢時乾身 但可能牛始終快熟 總是有點難咬開感覺🐮🙈. . .🍴一貝子$68 （蜆肉 帶子 ）.好靚咁放得 4隻開口嘅蜆肉連殻在面前💯 友人話蜆有點不夠新鮮 但好夠肉地🥰 帶子好用心地先煎一煎 然後上碗 好juicy🥇 同好好好大隻呀都 鮮甜到不得了 有刺身水準❤️. . .🍴70度慢煮麻香瑞士汁雞中翼 $28 （2隻）.小妹不太食到辣 但友人表示岩岩好辣度 如果雞翼可更飽滿 更有肉地就好喇😆 ...🍴鮮炸腐皮墨魚蝦條 $36 （4條）.熱辣辣上碟 好新鮮

支持小店！個番茄湯底好濃好正，我覺叫左個犇犇有禮d牛肉充滿牛肉味，而且食落個感覺唔似’那‘過個些牛肉。另外個滑蛋係我最近食過最好味的滑蛋，價錢又扺食，成日都要排隊，食到真係好開心！

Hey What’s up food hunters😎wanna eat like a hongkie(local people)? this tomato noodles restaurant is a pretty good place to eat i recommend beef tomato soup noodles and lemon pear juice, beef is half fat and half meat yummy and the lemon pear juice i think it’s 99% real juice taste sweet and sour, if u like my review please hit that LIKE ❤️button thanks and i will see u guys on the next one , love n peace ✌🏻

蕃茄湯麵周圍都有得食🍎但係呢間真係我食過最好食嘅😭💓個茄湯勁濃 好杰身‼️除咗有半個新鮮蕃茄 佢仲有好多茄蓉😍好掛湯！鍾意食蕃茄嘅一定要黎試🥰食完成碗麵之後 個湯底都差唔多冇晒🤩佢地仲話呢度啲麵係新鮮每日即做🤤好有誠意👍🏻$50倒一碗 性價比好高🥳-滑一滑🐮 $48 +$3椰菜個麵原本配埋滑蛋同埋牛肉😋份量都幾多下‼️個蛋真係炒得好滑 熟度啱啱好🤤牛肉都好嫩滑 牛味都超濃郁✨絕對唔係一般貨色😍佢有四款麵可以揀：拉麵米線上海麵同埋烏冬😛我就揀左隻最粗身嘅 感覺會有咬口啲同埋掛湯勁啲😆啲烏冬口感好滑好爽口彈牙🥰每一啖麵都掛滿晒茄湯 超正😚