番茄師兄

營業中

休息中

好啦今日諗住放假得閒去食下一直以黎想試既蕃茄湯底，我同女朋友係兩點已經到達店舖，門口都吾算太多人可以接受既。等左都話唔算太耐既，一入到去坐低開始點餐，因為第一次黎到所以睇餐牌耐左少少，大概五分鐘到已經有職員催問寫好未，我都明嘅出面有人排隊想我地快啲食完快啲走，但都唔係甘樣催人落單呀？咁都算啦我回應個職員未。然後佢就黑面走左…我真係覺得唔知似乜之後落單，舉左一陣手都冇人理會，一個比較中年既女性職員企係到玩手機都冇反應，其他職員都唔知去去曬邊，等左一陣先有反應。都由佢啦我忍，不過唯一值得讚揚既係出餐速度都算快。我叫左一個滑一滑$49同犇犇有禮$79同其他小食，味道方面還可以。一食完筷子都未放低就問我個碗仲要唔要，我湯都未飲曬呀大佬，想同女朋友傾多幾句都唔得，個感覺好似我坐左好耐，但我都係坐左30分鐘到。真係有啲嬲，請問老闆可唔可以請人請返啲有質素嘅，而唔係黑面同唔理人。真係唔係因為黃店就大哂架，員工嘅態度唔好令到d客都唔知再唔再去食好，價錢又唔算平，但服務仲差過m記，既然食二百幾蚊仲要受氣既。不如我食其他更好食服務態度又好既黃店算啦！總括而然唔值得去食，大家睇完我既食評再三思去唔去，費時比

同朋友路過，見價錢唔算貴，正常價格，湯底幾吸引剛好過左午飯時間晏，門口唔算多人，等左陣隊就入得落單呢到用掃QRcode自助形式，幾方便我個蕃茄湯底唔夠熱，無果種出晒煙既熱辣辣但蕃茄味都幾濃，食落去食到有啲番茄粒粒拉麵掛湯力都OK，麵煮到剛好挺身唔會過淋個滑蛋幾滑同厚身 ，食落牛油香味出，應該落左唔少牛油炒，滑得來有挺身感啲牛肉份量都唔少，但味道就不過不失，無咩特別，唔係特別入味又唔會太鞋口整體黎講不俗，員工態度有禮，鐘意食茄類製品的話，值得黎一吃

又係黃店又好食又抵食，難怪每次嚟到蕃茄師兄都大排長龍啦！本身好鍾意食蕃茄湯底嘅我，覺得蕃茄師兄嘅湯底十分特別，店裏面都有提及佢哋用特別嘅牛肉牛骨去煲出嚟，果然10分捨本好味。唔單止湯底出色，連配料都有好多選擇，比較驚喜嘅係仲有海鮮可以選擇添，同一般蕃茄麵店好唔同，而且價錢好親民，今次叫咗一貝子，帶子超級大粒，而且好爽口，食得出係新鮮貨！而且一碗麵仲唔需要$100添，咁嘅價錢就可以食到一半湯底濃郁，用料上乘既黃店，真係夠抵！另外一讚枱面嘅辣醬同埋香料都同個湯底配合得天衣無縫，加完之後湯底嘅鮮味又提升左一個層次

🇭🇰💛番茄師兄🍅想信大家都識佢 背景就唔多講啦紅日中午真係好多人等位😂我地3人行👩🏻👧🏻👦🏻都等左一段時間記得自己拎飛📋有時間可以去隔離支持埋生隆餅家呀💛🥖-🍜犇犇有禮+🍳滑蛋 (💰$79+5)犇其實係指牛🐃既3個唔同部位牛面頰 牛坑腩 崩沙腩唔同部位既牛味都好重 又大件😍肉質唔un 爽口 腍身既質地可以一次過食到🍅蕃茄湯唔係濃身起沙個種而係清甜的牛骨番茄湯🍜麵底都多 分別試左拉麵同烏冬感覺上烏冬會再同湯底夾啲滑蛋食左咁多次都係覺得好正兩大舊蕃茄🍅就偏生👩🏻家姐同👧🏻細妹都比較鐘意食熟身既蕃茄🙆🏻‍♀️🙆🏻‍♀️-🍼樽仔奶茶(💰$18)奶茶味唔算好出色 不過不失不過如果拎走個樽要再加$5感覺價錢高 一般般啦😶

深水埗師兄嘅蕃茄湯底集濃•鮮•稠🍅🤩鍾意蕃茄湯底嘅朋友可以試吓師兄嘅湯底！食得出佢地落足蕃茄去熬製，有濃濃嘅蕃茄精華，湯嘅質地非常之稠，鮮味十足🤩🤩😋🍅滑一滑 $49新鮮牛柳配滑蛋牛柳純肉無筋無肥膏，嫩滑易咬炒蛋金黃香滑拉麵麵底彈口韌性剛好🍅豚豚圓圓 $59材料有豬頸肉同腩肉大大塊爽口豬頸肉腩肉偏肥整體而言性價比高，鍾意蕃茄嘅朋友會滿足🥰不過有時都出現人龍，非繁忙時段幫襯會好啲😉📍蕃茄師兄深水埗基隆街255號地舖

一直都好想係深水埗搵黃店食，但永遠都好多藍店，之前都聽過蕃茄師兄好出名，我又想食蕃茄通，就即刻行去試食🥰去到門口已經見到好多人係度等位，好彩有d人走左唔洗等太耐就有位😃我叫左一個滑一滑通粉，而老公就叫左滑一滑米線，小食就叫左個鮮炸腐皮墨魚蝦條...1️⃣滑一滑米線/通粉 $49顧名思義聽個名滑一滑唔少得的有炒蛋，仲有牛肉的蕃茄湯底😌呢度的炒蛋好滑好香，份量仲要好大份。牛肉一點都唔鞋，但味道就一般，無咩驚喜。蕃茄湯底好濃郁。呢度d野好大份，可以飽住個肚走人🥰...2️⃣鮮炸腐皮墨魚蝦條 $18/2件腐皮墨魚蝦條食落去幾爽口，好彈牙，口感唔錯😋

今人同屋企人打算係長沙灣附近搵食，想試既店已售罄名物，惟有轉場，於是選左去深水埗，試試出左名既蕃茄師兄，我地一行人排左差唔多一個鐘，終於先有位，我地當然要叫左名物，「犇犇有禮」，由牛面頰、牛坑腩及崩沙腩組成，每個部位好似係有兩件，蕃茄湯底，比我地期望既有落差，諗住應該好濃，好茄，實際係稍稍有點希，味道都可以，但唔係個種好茄，係似西湯既蕃茄忌廉湯，至於牛，我既印象有一款係好爽，好有趙口，要有牙力先可以食到😂我另一屋企人就叫左厚豬八，據屋企人話豬八好有趙口。。另外，佢台上邊有兩支野，一個係百里香，一支係麻辣汁，我地一致認為個支麻辣汁出色過蕃茄湯底😅

蕃茄師兄既大名一早已經知道想試好耐但次次都好多人今晚再一次路過發現排隊人士唔多就排下我哋四個人都要排左半個鐘一路睇吓menu傾下偈時間都好快過之後侍應問分唔分枱坐 唔分再要等耐啲咁就惟有分開食坐低見到有些兩枱兩人坐四人位便好奇問下點分配侍應姐姐都耐心解釋因為佢哋開頭已經坐咗係果度又未食完野 所以安排唔到比我哋之後佢哋食完都可以調返一齊坐好彩我哋隔離果對人仔好快食完我哋最後都可以坐埋一齊傾下偈講返食物排隊既時候已經睇到片 師兄係如何精心炮製蕃茄濃湯底我就一於叫左最簡單既蕃茄滑蛋牛肉麵朋友已經食左野 所以只係叫左奶茶飲另外兩個朋友分開左食所以都無相提供但大家食完都係覺得蕃茄湯底好正濃厚仲有些啲茄蓉食 好食過罐頭茄膏多多倍睇相都知個滑蛋有幾滑幾juicy牛肉片都好食 煮得剛剛好果然出名是有原因的PS 原來果奶茶是要堂食 如果想拎走果玻璃樽要加$5

最初我光顧位於「深水埗」「基隆街」港式蕃茄主題餐廳食店「蕃茄師兄」，以為「蕃茄師兄」餐牌食品裡面可以選擇「白飯」代替一般「麵底」，於是我抱着好奇心態立刻前往「深水埗」。始料不及當我來到「深水埗」「基隆街」「蕃茄師兄」的時候，看完「蕃茄師兄」餐牌之後才發現原來餐廳原來屬於「無飯餐廳」，沒有提供白飯食品，所以我只能享用「蕃茄師兄」裡面，沒有白飯的「蕃茄麵」食品。我被迫當晚享用「白飯」的計劃，押後到光顧「蕃茄師兄」之後，在旁邊附近的其他食店裡面繼續進行。既然「蕃茄師兄」餐牌裡面沒有「白飯」，所以我最後也沒有選擇享用「雞肉」食品。所以我把我晚餐裡面有關「雞肉」跟「白飯」的食品部分，留到在光顧「蕃茄師兄」晚餐之後，在下一間「基隆街」餐廳食店裡面繼續享用。我選擇了享用一碗，集齊了「牛坑腩」、「崩沙腩」和「牛面頰」三種牛肉食材在內的「牛肉麵」食品，食品實際上的名稱叫做「犇犇有禮」。另一方面，食客還可以在「蕃茄師兄」的「蕃茄」食品裡面，再花錢追加「日式炒滑蛋」，令「犇犇有禮」食品的酸味「蕃茄湯」裡面，還有甜味「炒蛋」襯托味道。至於「蕃茄師兄」「犇犇有禮」三種部位「牛肉」裡面，以「牛面頰」的口感最爽脆，

深水埗多美食，今日雖然要去荔枝角返工但係都特登搭車來深水埗覓食，揀咗呢間蕃茄師兄，網上面口碑都不錯，今日食咗呢個係「滑一滑蕃茄濃湯拉麵」材料有牛肉、炒蛋、半個至一個蕃茄，加上掛湯拉麵而成，炒蛋幾滑，牛肉就一般，整體來講質素正正常常

今日十一，做為今日第一餐我提議朋友嚟深水埗要食番茄師兄，雖然d味未算特別出色。時間尚早，門口冇人排隊，店內亦有幾張吉檯，yeah！「尼度...」入門口等探熱，一名長金髮，雙手紋身的女職員面無表情過嚟門口（其實真係戴住口罩都睇得出ga），舉槍探熱，之後手指指下門口位的一張檯，再冷冷的一句「尼度」。我諗：算啦...都冇乜嘢，唔夠熱情je，國慶嘛，冇熱情都啱嘅。「轉咯...」坐低後即時已經feel到冷氣直吹頭頂，友人問咗一句「幾大風bor，要唔要轉？」頭先個冇熱情，頭先黑面女職員都已經令我唔係好想再煩（見）佢，但果個位，坐兩三分鐘真係已經覺得凍，我地未落單，又有吉檯，咁就問下畀唔畀轉檯啦...舉手，另一名頭髮深色少少嘅女職員見到，我講「唔好意思，想轉後面張檯，因為尼度好大風....」佢冇表情咁望去張吉檯 行過去執走檯面多餘嘢，再行番嚟門口度，但全程冇再理我地。我問「可以轉嗎？...唔該？...」佢轉過頭嚟，omg 都係同頭先職員一樣的表情！...佢冇理我地，我再問「唔該 係咪可以轉過去？」一樣，都係冇理我地。我真係好想知道佢冇禮貌可以去到乜程度，我再大聲問「可以轉過去嗎？」佢轉過頭嚟，輕輕一

有好幾間標榜番茄🍅！尼間都係主打番茄牛！我又覺得佢嘅蛋及海鮮比起個湯㡳好個湯我覺得唔係好夠熱不過佢會配兩件生番茄🍅!好新鮮原先想叫芝see菇牛番茄濃湯烏冬！但可惜售罄所以改食一貝子番茄濃湯烏冬滑一滑番茄濃湯米線（$49）湯底唔係好夠番茄味；滑蛋；一貝子番茄渨湯烏冬（$69）海鮮算新鮮不過湯底煮得唔夠熱！烏冬海鮮好似唔系太熟！好大隻烏冬出奇地好食湯底濃過滑一滑

每次經過都好多人排長龍，今日決定排隊食，自己入店拎號，排佐大半個鐘終於入到去，點佐一貝子，即係帶子大蜆加蕃茄湯，本來滿心期待，但個所謂招牌蕃茄湯底真係好淡色水，溝太多水，好淡冇乜味，两粒帶子唔熱既，7隻蜆，係幾大隻，但其中有2隻壞佐成粒黑色有怪味，嘢飲叫桂圓佐桑寄生紅棗茶，味道一樣淡茂茂，人均消費差不多100蚊，呢個價錢深水埗好多選擇，用政治做招牌但完全無用心做食物，直係浪費咁多有心人排隊支持，完全唔值得熱辣辣排大半個鐘！

一碗爽口既拉麵🍜永遠唔會令人流口水，但系如果碗拉麵配埋新鮮蕃茄湯底，佢嘅滋味又會系點呢？當然，只要你試過深水埗既番茄師兄，你就會會明白蕃茄湯底既滋味！番茄師兄成日都有好多人排隊，所以想食既話一定要早d去，小編戈日就等左大概五至十分鐘就有位了。坐定定之後，睇到犇犇有禮就落左單了，因為佢有牛既面頰，坑腩同崩沙腩。系牛肉愛好者，即小編既最愛。當拉麵到左，所以既牛腩都非常淋同好有肉質，當舊肉系口裏面既時候，佢地系會自己散開，質感超正。而個湯底，番茄味好岀眾，鮮味十足。麵質比較有彈性，完全系我鍾意既質感！連豬好得意。

諗住3,4點呢d時間冇咩人可以唔駛等啦，點知都等左半粒鐘，但食完都覺得係值得等。menu好多選擇，都幾多唔同combination既餸可以揀，有選擇困難症既要小心啦🤣佢主打蕃茄湯，個湯底真係好濃郁，但我食得出有西芹味，係有益既，不過我唔鍾意，但又未於接受唔到既。除左湯底，個上海麵都好好食，軟硬適中，煮得啱啱好。 滑蛋就同佢個樣一樣，勁滑。最好食居然係個牛，牛味好重，滑牛就淋d, 犇犇有禮有3個唔同既牛部位，質感又唔同，有咬口d. 另外仲叫左個麻辣瑞士汁雞翼，少少辣，甜甜地，好食。樽仔奶茶都好飲，初時有d擔心會太甜，但佢ok, 幾濃幾滑。