番茄師兄

營業中

休息中

本身對蕃茄師兄好高期望，主要原因係見到長期大排長龍，網上又有好多食評大讚，但試過之後真係好失望，唔會再食第二次~-滑一滑蕃茄濃湯麵(滑牛+炒滑蛋) $49，芝SEE菇牛蕃茄濃湯麵(芝士+香菇+免治牛肉)$49～兩個麵都係濃湯系列，但湯底非常淡，一啲都唔濃，冇乜番茄味，而且蕃茄好硬，感覺就似係湯底放味精湯，蕃茄再另外放落去咁。滑一滑既滑牛炒蛋就係好普通既茶記貨色，而芝SEE麵既芝士都係得好少。-麻香瑞士汁牛柏葉$32，得豉油味，少少辣，一啲都唔麻同香~-信陽毛尖蜂蜜冷泡茶 跟餐$16，凍飲唔夠凍，都係淡味~-另外兩個碗邊都裂左，加上洗手間又塞了不能使用，令得整體感覺更為失望~

相信大部分人因政治立場而幫襯佢，而我都係。可惜服務態度真係差，大佬，我比百幾蚊食碗麵，食完收走個碗之後 想同朋友傾多陣都唔得，不停走過黎催堆單，或者做埋啲小動作搞到你想走。45 分鐘限時，食晒野先半個鐘，咁樣趕客？ 下次洗唔洗叫多幾支豆漿放起枱面，等你知我有比錢食嘢呀？！？！黃色經濟圈啲錢唔係咁賺的，做得黃店 麻煩比返啲服務精神出黎，否則你地同班藍絲無咩分別。話雖如此，我已經唔打算再幫襯呢間垃圾。永久黑名單。味道還可以，價錢屬深水埗區偏貴的水平。

約咗幾個住附近嘅朋友嚟食我一直都好想食嘅《番茄師兄》！因為每次嚟呢條街嘅黃店食飯都大排長龍的，好不容易先等到一間的，而家人流稍為緩和，等候時間相對縮短了！一行四人有三個點咗《一貝子番茄湯麵》包括我，而另一個朋友都就點咗招牌《滑一滑番茄湯麵》！靈魂所在係個湯底，果然有濃郁嘅番茄味，加埋枱上面支麻辣汁醬料就更加好味呀！而且配料又夠份量同好味，我哋仲連一滴湯底都唔放過，全碗清晒的！不過個樽仔奶茶味道就的確較為遜色啲！ 茶味比較淡的，有進步嘅空間！

味道：⭐️⭐️⭐️⭐️作為一個蕃茄控🍅呢間餐廳一早已經bookmark 咗好耐🤤每次經過都見到好多人排隊 今次小編都等咗差唔多一個鐘哈哈 好味嘅話咩都抵返晒啦😋❶滑一滑蕃茄濃湯麵$49大大碗都只係呢個價蕃茄湯底濃郁而且食落唔會有味精嘅味道👍🏻配料仲有好多！有炒蛋同牛肉🐮牛肉食落唔會好un 而且炒蛋都幾滑👻超中意呢個鳥冬烏冬係購置日本人喺香港設廠嘅公司每日新鮮製 連口感都非常煙un彈牙😬無得輸！❷一貝子蕃茄濃湯麵$69湯底既鮮茄味濃郁仲有啖啖茄蓉🍅唔會太酸或者太甜 忍唔住飲完一啖又一啖😆花甲大隻新鮮清甜又無沙帶子有煎過彈牙爽口 冇雪藏味烏冬好彈牙 又幾掛湯wor🤩店舖入邊仲會播一啲文宣嘅歌🎶Ps:深水埗同元朗都有分店😋

中午3點半，仍要攞籌等位，令我相當之熱切期望。等待期間看到門口廣告，標榜用新鮮騸牯牛肉，那份熱切期望就更加之昇華。空間擺设合理，光線充足，顏色配搭醒目耀眼，是給進門的人的第一份感覺，確實是十分之不錯的。滑一滑日本拉麵，再以下午茶價買一客紅棗桑寄生茶。十分明確的告訴大家番茄湯沒有番茄味，不酸也不甜。湯的好處是沒有鹽也不加任何調味，比較清新健康。也十分明確的告訴大家，聲稱的新鮮騸牯牛肉沒有牛味，只有醃料的味道，雞粉還是什麼，不大清楚，下次你嘗過告訴我吧。炒蛋十分之滑也充滿蛋香，是整碗面之精華所在。面的份量十分之充足，但口感比較像公仔麵多於拉麵，明顯煮得過腍。桂圓紅棗桑寄生茶，很清新芳香，不會過甜，是水準之作。十分明確的告訴大家。完全是因為炒蛋跟飲品，所以沒有給劣評。

番茄師兄出咗名咁耐，一直都好想去幫襯吓，試吓佢個馳名番茄湯底。究竟係咪值咁多Like!!!～～～🐨今日終於有機會喇！嚟到深水埗基隆街附近，原來只係對正西九龍中心嗰條街，非常容易就搵到間鋪喇！我地特登避開午市同晚市嘅時間嚟到，因為知道呢間名店一定會有好多人排隊！所以我地好醒目地揀咗四點幾嗰陣過嚟啦！～～～🐨我地嚟到嗰陣，門口只係有兩位街坊排緊隊啫，所以鬆咗一口氣。反而隔離新開嗰間，竟然有一堆街坊喺度排隊喎！唔通香港人真係咁鍾意排隊咩？～～～🐨都係講返啲食物啦，我地冇點到推介嘅「犇犇有禮」，但係就揀咗「一貝子」同「帶子牛郎」。很有趣嘅名字！兩份都係番茄湯拉麵。～～～🐨兩碗拉麵都附上兩粒大大粒嘅帶子，果然係刺身級，絕不欺場！大花蜆同樣地大粒，入口冇沙，非常好！牛脷都煮得夠軟稔！另外，番茄湯裡面係有番茄蓉的，好有質感，而且番茄味濃，唔似一般茶記咁用茄膏開水。～～～🐨飲曬啲湯都唔會覺得好口渴，真材實料！又唔駛加一服務費！就到時間的話，會再嚟幫襯呀！加咗5蚊就有滑捋捋炒蛋Feature Wall

如果在6:30pm前排隊，會快很多。當天7pm收工突然心血來潮想食，大概等了30-45分鐘。選擇都不算少麻香瑞士汁雞翼很入味，少少甜，其實一人一隻真是太少，下次要encore!本人點了帶子大花蜆番茄濃湯烏冬，烏冬有口感，茄味很重可以當湯飲，帶子不會過熟，剛好。蜆肉及格啦不過可以再肥美一點更好友人要了3牛：牛面頰+牛坑腩+崩沙腩通粉，肉很軟腍，3款牛牛拼湊出新口感。飲品要了檸檬雪梨露同有機豆漿，雪梨露很潤喉，更淺淺的嚐到檸檬味。

鮮甜的番茄湯底和新鮮食材，一直都是番茄師兄的賣點。🍅湯底吸收牛骨的精華，沒有味精，沒有黏口的濃稠質感，但每一口都是真材實料，鮮味到可以喝完整碗湯，有種屋企湯的味道。💛｜滑一滑 $49｜非常推薦！騸牯牛十分滑嫩，但我覺得炒滑蛋才是亮點！✨炒蛋非常順滑，蛋香濃郁，份量又足，添上一兩滴麻辣更具風味。｜犇犇有禮 $79｜薄切的牛面頰牛味濃郁，但牛坑腩和崩砂腩較多脂肪，沒有「啖啖肉」的口感，有點可惜。😢｜麻香瑞士汁牛脷 $32｜有驚喜的小食！👍雖然醬汁是後來淋上，但香甜帶辣，惹味不已。牛脷非常軟腍，份量頗多，建議上桌後再浸一浸會更入味。喜歡牛脷的朋友必試！✨

之前路過見親都大排長龍，所以今日同朋友決定6點鐘就去食..好彩去到只係得4-5張...冇錯...係講緊6點都係要等位..冇計啦..好彩都唔洗等太耐..一貝子 （有花甲 帶子 ）另外再加左個炒蛋花甲都有5-6隻，帶子就3粒左右Size都ok..唔係細細粒果D同埋冇雪味..朋友叫既豚肉另外都係加左炒蛋我地另外仲叫左小食雞亦個湯飲落去真係好重蕃茄味..好鮮甜同個蛋勁夾..不過我地未食哂已經覺得好滯可能係咁飲D湯..

見到係黃店，人氣有咁好，諗住衰極有個譜，點知10個失望我有20萬個失望首先，喺入邊做嗰個男仔好冇禮貌，講嘢好似Rap咁好唔清晰, 放低嘢食嘢飲又好大聲，嗰碗滑一滑嘅蕃茄濃湯，蕃茄唔靚，個湯加咗好多砂糖好甜，啲牛肉好”un”. 諗住杯凍奶茶應該好少少啦，隻色深色嘅，飲落去好似奶水咁, 張相剩返幾多我就剩返幾多咁走咗，我唔想嘥嘢但係我真係冇辦法飲落去。點解連蕃茄都可以整到咁難食🤢🤢🤢可唔可以俾少少心機出嚟👺👺👺👺👺

深水埗人氣小店，正常時間嚟都預咗要等位先講嘢食，其實都好多款揀我揀咗豚豚圓圓加多隻炒滑蛋，貪佢多肉的確係feel到佢哋專心一意做好蕃茄湯底，蕃茄湯底係落足料，除咗有原隻蕃茄之外，湯底都係十分濃郁，唔係出面普通茄湯做得到麵底方面揀咗通粉，唔會浸到好淋，同茄湯不嬲都好夾。配料畀得好足，肉量好夠，而蕃茄都足料成隻。炒滑蛋絕對高質，色香味俱全。成碗份量中等，都夠飽！整體上菜速度、環境都十分理想，坐落唔會太迫，都算舒服。

呢日要出黎深水埗買野，平時黎都係食開某車仔麵、某豬潤麵店；行經番茄師兄見到唔算太多人排隊，就試下啦入去之前店員已經會出黎派餐牌比你揀定野食，一有位就可以即刻落單店內都貼左好多唔同黃店嘅相喺度，大家有興趣都可以留意下先黎嘅係飲品，信陽毛尖蜂蜜冷泡茶：失望，無茶味，好淡口，同飲水無分別，明顯浸唔夠時間；桂圓紅棗桑寄生茶，欣賞佢唔係太甜，可惜味道都係啖，餐飲價都要加$16，覺得呢個質素只值加$6👎🏻犇犇有禮，加滑蛋同雞髀菇滑蛋應該係即整嘅，所以夠熱牛好食，可惜就凍嘅，敗筆👎🏻湯底無想像中咁濃，食過某d都係以茄湯做賣點嘅餐廳湯更濃，只可以話佢個湯底正常；飲到牛骨味嘅，但唔係話真係咁出厚切豬扒配番茄通粉豬扒炸過龍，勁硬，頂唔順，食左幾啖放棄😓麻香滷水雞翼滷水配麻香係幾好食嘅，雞翼都好入味可惜係凍凍地嘅最正常係呢碟炸野炸野一定夠熱😂唔熱都幾大鑊同埋都炸得外皮幾香脆嘅總結：名大於實，試過就夠，無回頭餐牌寫明用餐時間45分鐘要交枱，明白嘅我地自問都算食得快，睇返張單同我地走嘅時間，我地只係食左20分鐘左右；我其實飲品未飲完，同埋留左張紙巾抹咀，我手腳慢但知道💛店，出面仲有人等緊，都唔想阻住人地快d翻枱

黎開深水埗就諗起番茄師兄個蕃茄濃湯所以又再去食相比起我第一二次嚟嘅時候已經要等好耐啦不過都唔影響ge 繼續支持同路人同黃店帶子牛郎日式拉麵$68 加雞髀菇$5牛脷夠晒腍身 一啲都唔un 帶子唔腥 煎得啱啱好犇犇有禮烏冬$78 加炒滑蛋$5有三個牛部份牛面頰,牛坑腩,崩沙腩份量都唔算少而且好重牛味 夠哂爽 唔會痴牙改名一啲都唔馬虎 玩晒食字帶子牛郎、犇犇有禮、豚豚圓圓、一貝子價錢合理 仲要免收加一絕對值得支持

係深水埗既蕃茄師兄，人氣爆燈，經常都大排長龍。呢日我同朋友早少少12點前到，都要等起碼15分鐘先有枱。小店座位大概20人，加上防疫坐得隔開啲，等位既朋友真係要比點耐性...今次我哋分別叫咗：1. 豚豚圓圓蕃茄濃湯通心粉加炒蛋豚肉片份量都幾多，煎香惹味！加上炒蛋又香滑！飽足感滿滿。2. 一貝子蕃茄濃湯拉麵呢個蜆肉、帶子相比較清新，蕃茄湯配搭日式拉麵好好食！第一次食到最後湯都飲晒！完全唔會口渴，真材實料嘅蕃茄湯

真正嘅蕃茄湯底，會感覺到用好多新鮮蕃茄煲出嚟嘅蕃茄湯底。湯底大有少量嘅蕃茄蓉，仲會配埋新鮮嘅蕃茄肉，食落去比較有口感。叫咗個田園風蕃茄濃湯麵，將麵底變成生菜底，我好鍾意佢哋呢一個配搭，令到唔想吸收澱粉質嘅人可以有多個選擇。蔬菜都好新鮮，無論雞髀菇椰菜蕃茄同埋粟米粒都好食到蔬菜嘅鮮甜味。.另外最吸引我嘅就係炒滑蛋，滑蛋嘅蛋漿依然仲食到滑潤嘅感覺，係一個好好味😋既炒滑蛋。.店舖嘅環境大致乾淨，整體上都坐得好舒服，員工嘅服務態度都好好。店舖係冇水或者茶提供，需要另外叫嘢飲。