留民料理

營業中

休息中

是日行完山去到屯門置樂附近，又凍又肚餓，求其搵咗間餐廳入去食。佢啲食物都幾特別，朋友推介咗個海葡萄沙律，我都係第一次試海葡萄，質感有少少似蟹籽，但硬少少，咸咸地，幾好食。不過沙律整體黑椒落得重手左。跟住嗰道菜仲特別，係乳鴿！見到佢個Menu有乳鴿，突然間好想食，就嗌左一隻。味道唔錯，其實就真係好似酒樓食嗰啲乳鴿最後一道菜係魚，朋友點嘅，我都無留意佢係咩魚。佢煎得好靚，但食落有少少腥，覺得舊魚一般。但隔離好似炸丸嘅野就好出色，原來佢係炸冬蔭公薯仔波，好香，又唔會太油，好開胃！整體用餐經驗都開心嘅，值得一讚係佢個廁所好乾淨

睇睇下OpenRice見到呢間小店好似評價幾好咁所以就去試下啦老實講 見到門面係有少少想打退堂鼓嘅🤣不過好彩有入去咋 如果唔係就會錯過咁高質嘅餐廳喇舖頭面積唔大 大概有20個座位左右啦有咩食都show晒喺啲黑白板到不過嚟到呢到 都係交俾老闆推介下啦✨日式生炸BB乳鴿 $68一炸起就上枱 個皮脆卜卜食落有陣淡淡嘅酒香味 好好味同平時食開嘅紅燒乳鴿好唔同 唯一可取嘅係啲肉真係比較少 厚肉啲就好喇😆✨鹽燒池魚 $68成條燒魚原條上勁吸引 配埋4款調味任君選擇右下角嘅秘製醬汁雖然有啲辣 不過又真係好惹味不過燒魚嚟講 筆者都係覺得檸檬汁係最襯嘅最驚喜嘅仲要有超多魚春 好好味✨法式油封鴨髀配冬蔭公炸飯團鴨髀個皮好好味 啲肉一啲都唔乾 成件事一啲都唔油膩不過最驚喜嘅係個炸飯團阿 冬蔭公味濃但又唔會太辣 飯團炸得好香脆真係好好食呢間餐廳雖然外表唔起眼 但真係絕對值得去食推薦大家去試下老闆嘅誠意之作😉

好食"多國界菜式", 一定會再番兜！上個禮拜食完，位於屯門置樂附近，老闆好nice, 音樂好聽但餐牌有點難睇，可能老闆每日都唔同菜式寫落黑板由於唔知食乜，見到拼盤兩個字就衝左去，同叫左杯啤酒，$98 Suntory 700ml, 隻杯好重拼盤黎到相當驚喜，賣相好靚，擺盤有心思，具設計感，好食之後黎左個炭燒牛仔柳繪意粉，好好食，牛肉唔柴，火侯十足，意粉比我印象係鹽同油，然後係一個好咸既汁，但呢度緊並唔係咁，個汁絕對唔似一般西餐廳紅白汁開出黎咁求其，唔係大份得滯我都想叫多個黎食之後再追加小小串燒，太有誠意，即使我只係多點2串，伴碟同第一個併盤既擺盤係一樣誇張，有粗鹽同七味粉，仲有d 青菜，食落唔油膩overall 烤串真係好驚喜，唔同一般串燒餐廳咁，又乾又勁味精，好怕食完好口喝*老闆應該好鐘意唱k

住系屯門 但食黎食去都系果d大集團野食 有時真係會好厭～偶爾比我發現Instagram有人介紹屯門置樂餐廳 所以就同朋友一齊佢試試GOGOGO🏃🏃🏃呢個餐廳身處位置都幾偏僻,而且店面細,但好有日式風格🎌 好特別 系門口見到佢個廚房都幾大～入到室內,燈光比較暗,有個大電視,播歌好似立體環回聲,令到環境好似K房/Party room🤣🤣同埋呢間野有好多酒飲,應該更適合夜晚聚會人士💃💃🍻正常晚飯時間度度都好多人, 但係呢間小店竟然無咩客人,所以一開頭我都有d擔心會唔會唔好味🤥🤥分別叫左 燒澳洲雪花西冷意粉,泡菜豬頸肉燴飯,串燒拼盤,椒鹽鴨舌。燒澳洲雪花西冷意粉$128分數9/10😍😍😍西冷吾算好大塊,但係好juicy,意粉超級入味,軟適中,真係好好味！！賣相又好靚,但係挑食小寶寶唔中意食紅黃綠椒,所以挑曬出黎😝😝泡菜豬頸肉燴飯$88分數8.5/10😋😋😋呢個系朋友叫,偷食左幾淡,有少少辣,但係可以接受,原本以為佢系就甘擺d泡菜系飯上面,點知完全吾hea,都係勁入味,勁濃,encore再encore～串燒拼盤$90幾分數6/10😄廚師將串燒拼盤&椒鹽鴨舌擺埋一齊,睇落去好多,但其實如果就甘叫串

今晚紉約左朋友去食宵夜😂 行行見到呢間類似居酒屋既餐廳 所以二話不說就入去試下 因為我地個日成十點先去到 所以人客唔多 一去到就有位 環境都好清靜叫左個醬油蟹, 味道一般叫左呢個鐵板燒豬頸肉，味道ok, 夠重口味,可以一試另外,叫左個串燒拼盤, d 菇好多汁, 其他都好食仲有叫左大蝦意粉, 好好食今次呢間都唔錯,食完同朋友傾下計,同朋友聚下都真係唔錯

今次老細推薦食個田螺（唔記得個名），我地再叫左個串燒拼盤加個跟餐沙律。田螺超惹味，好rich蒜香，也食到好似有點柱侯醬同甜醬之類，好鮮甜。拼盤都ok，但始終都係食返老細d fusion野出色d。

我都唔太知Fusion既標準係咩，但覺得如可集各家之大成，但做出來係順眼又好食就為之掂也 👍呢排香港太嘈，2公婆只想搵個安靜既環境調節下身心，最後返左娘家屯門，搵搵冇招牌係門口既 - 留民料理。老闆係FB話有10年花彫浸鮑魚，唔駛諗，唔該2大隻!＞ 鮑魚口質剛好，唔會覺UN，會啜埋碟裡既花彫再黎個海葡萄沙律，第一次食海葡萄又幾爽爽喎。最正係裡面原來有蝦米仔同類似臘肉既野，估唔到配埋西式沙律醬可以咁夾的。牛脷生菜包 - 老公話醬汁同牛脷好夾，牛脷好嫩。正!蟹膏炒飯 - 我懷疑自己食緊蟹。老細話咁濃既蟹膏，係要專登同水上人買。唔用cheap野🙅‍♂️由於蟹膏勁濃，忍唔住叫左支蜜糖黑啤🍯🍺 爽下#留民料理 #蟹膏炒飯太正 #米生今日仍回味 #置樂#屯門好多好野食

成日係周街都係大集團既屯門發掘好味小店，今日收工同男朋友去咗置樂留民料理！多謝openrice的食評推介，俾我試到呢間隱世小店每樣都即叫即製，擺盤靚但唔係得個樣，食落都好好味😊 會多D黎支持的

屯門隱世小店，八人慶生飯，點左好多野食，全部都好有驚喜，好好味，好足料，店員又好好咁不停為我地倒水，大愛個黑松露焗雞同蟹膏飯，其他魚呀串燒呀刺身呀都好食，整體真係好唔錯，一定會再黎！

老闆好nice推介咗幾道小菜 ，本人食得辣試咗辣酒煮花螺，佢雖然辣但係不失鮮味，好少舖頭可以兩者並存！仲有bb鴿，肉質鮮甜又有口感。同埋佢串燒好好食但又唔會好油！最後就係佢舖頭嘅啤酒，suntory真係好好飲！最衰我酒量唔好 如果咪我叫多幾杯！仲有佢餐廳環境同埋氣氛都好高級，啱曬我帶個港女女朋友去食！服務員仲好有禮貌，服務質素非常好不過舖頭比置樂其他店舖收費就貴小小，但佢食品質素絕對對得住佢嘅價錢！物超所值！

近期有驚喜嘅餐廳👍🏻終於冇伏😹-本身打算去食附近嘅泰菜👻點知去到臨時休息,附近好多餐廳都冇開，所以就嚟咗呢度啦✌🏻塞翁失馬焉知非福👅本身見冇人都有D擔心，但堅ok喎👩🏻🍳-Set dinner 有得揀蜂蜜綠茶或者青梅汁🍏【炸軟殼蟹日式咖喱燴飯】$108 真係有成隻炸軟殼蟹喺面🦀個日式咖哩唔辣，但係夠惹味👅【吞拿魚扒配柚子香檸汁】$148 個扒都幾厚身，加埋啲汁清新好多😛【溫泉蛋燒雞肉意粉】$98 呢個都可以啊💁🏻♀️-啲串燒都好出色😍【🍢五花腩】$28 好juicy又滑【🍢IBP肉眼】$48 牛味重又唔嚡🐂【雞翼】$24/3隻 燒雞翼我自細鍾意食🤗真係好惹味【🍢雞腎】$15 所有串燒都高質💋呢度仲有唔同嘅啤酒同埋清酒㗎🍶

黎食過幾次，食物都是水準之作，經常會轉換餐牌，以後一定會多d黎食。今晚同老公黎食的「極黑豚法式扒配蘋果柚子醬」，好juicy! 醬油好開胃，岩晒夏天！Yummy!

今日路過見到呢間舖頭新開，睇下餐牌又有串燒又有鋸扒，就試下呢間，鋪面裝修有啲似日式都幾特別，試咗兩款菜，韓國豬肋骨燴飯， 廣島蠔燴飯，賣相幾好食落去都唔錯，值得一試！