留民料理

營業中

休息中

拎左一日假休息一下同朋友行左一日街之後佢就帶左我去一日餐廳食晚餐。入到去裝修擺設好有日本風，叫左兩個小食，一個燒海鮮，同一個飯，食完就lamlam脷咁走。小食泡椒鳳爪細個食過包裝個啲有一陣化學品既味，之後就冇食過。見朋友叫左就即管試下，完全冇以往既感覺。入口冇太辣既感覺，但啲辣慢慢滲出黎，但都係小至中既辣度，唔錯麻辣牛筋牛筋煮得夠淋，辣得黎有少少麻，拎黎送飯一流。燒扇貝加生曬魷魚乾 燒完既扇貝仲有好多汁，好香牛油味(應該係)，肉質彈牙；魷魚燒得好香，送酒一流鹿兒島A5和牛膏燴飯食左第一啖就想成盤搶過黎食，因為食完一啖啲牛既香味充斥住成個口。大家要快啲黎試！

.早兩日去咗屯門置樂一間小店叫留民料理食dinner。雖然門口一啲都唔起眼，不過入面嘅裝修都好有日式居酒屋嘅感覺，仲有ViuTv睇👍🏻。泡椒雞腳$42 冷盤黎嚟嘅，味道酸酸辣辣咁，好惹味開胃，不過食食下都覺得幾辣下。雞皮好彈牙，幾有驚喜。金磚豆腐加九洲豚肉金菇$68+$78 炸豆腐上面有炸蒜，有七味粉，食落外脆內嫩滑。幾高質。九洲豚肉金菇卷份量好足，食落啖啖肉，配埋個甜甜地嘅醬汁，係唔錯嘅。燒大蝦忌廉汁意粉$158 個忌廉汁好creamy，亦唔會太鹹或者太膩。兩隻蝦好大隻好多膏，肉質好彈牙。平時唔鍾意食三色椒嘅我因為佢個汁都食晒d椒。鹿兒島A5和牛膏飯$168個risotto 嘅濕度同軟硬度都適中，個醬好creamy。配料有炸蒜，黑椒，和牛，一次過食口感都好有層次好豐富，不過翠肉瓜嘅份量就多咗少少啦。

久違了的限聚令終於完結，酒吧癮一發不可收拾。行過屯門置樂花園旁邊的一間貌似酒吧既食店，諗住入去叫杯酒讓自己好好醉一醉。怎知一進店內，身體內置的美食雷達入到去自動啟動，咁奇怪既？正常一間酒吧唔會有呢種香味嫁喎？拿拿臨打開餐牌，方知原來呢間係一間叫『留民料理』既餐廳。同老闆吹兩句水，知道餐廳原先真係行酒吧路線，限聚令令到老闆要將餐廳暫時轉營。在餐牌中尋找打開我美食雷達的味道，原來元凶就是『原隻炭燒尤魚干』！立馬要來一客，再來一枝德國手工啤。其實小編縱橫美食界多年，真正能讓美食雷達開啟的食物不多。一般的燒尤魚條絕對引唔起我的興趣。但當呢味佐酒小吃送到時，一切迷底都解開。原來佢地既原隻魷魚係『真‧原隻』。需知道魷魚生晒時，有一些漁民會將魷魚內臟全部清除再開邊生曬，這樣地生曬比較容易干透，需時不用太久，但鮮味卻會差ＤＤ。而『留民』用的，是整隻魷魚仔 (俗稱『屎筒仔』)，而且無開邊。漁民在生曬這個狀態的魷魚需時最久，而且中間如果有天雨問題，未曬干的魷魚仔就有機會變壞，所以這樣原隻魷魚干是比較難買到的。二話不說，一啖咬落去，真係燒得超級干身香脆，再配多一啖手工啤，真心覺得活在世上實在太好，每每憂愁時

去到屯門，去三聖村吃海鮮係指定動作，但三聖村週邊呢，就好少受到關注嘅。近排週圍發掘香港景點嘅同時，發現咗呢間稱得上為『隱世美食』嘅酒屋，佢就係位於 屯門青山公路351號彩華花園地下1號舖 嘅『留民料理』，而一聽到『料理』两字，一定會以為係純日式食物，但原來又錯咗，其實佢係食fusion菜嘅舖頭。聽師傅介紹，喺度第一次食咗來自日本沖绳嘅『海葡萄』，佢係低熱量、不含膽固醇嘅海藻，具抗氧化作用，跟埋蟹籽，木魚絲，喺顏色配搭上已拿够分數，食落又有『爆爆珠』感覺，好得意。唔信邪，明明食評度D人話『泡椒雞腳』有啲辣，我唔信，試咗果然係真的，但係呢種辣係開心嘅辣，開胃嘅辣。『鹿兒島A5和牛膏飯』係非一般的好食，A5和牛食過，但食得唔多，和牛膏就第一次聽，膏飯就第一次食，真係一試難忘，所謂的『齒頰留香』就係咁樣啩，真係值得一試，食落同時有Risotto的感覺，就當佢係一個意日fusion飯吧。聽待應話，呢度的menu都會有變化嘅，或每周，或每月一變，視乎食物供應，聽講今晚有來自澳州的大虎蝦，對於一個『海鮮控』來講係好吸引，點咗2隻燒虎蝦，出到來嚇我一跳，無花無假的『大』虎蝦，成隻『叉』咁長，新鮮，彈牙

置樂其實隱藏左唔少好好食嘅餐廳，除咗平時啲人成日都會嚟食泰國嘢之外，今次就比我搵到一間食日本Fushion菜，非常好食！次次同朋友食完，大家都大力推介！餐廳內的位置唔算多，如果係晚市時間嚟食最好都係提前預約，如果唔係好可能會白行一轉，或者好似我咁提早嚟食都可以🤣每次前菜都必買嘅海葡萄，真心好好食，呢個消息平時喺餐廳比較少見！鍾意食辣嘅我，仲唔會放過呢一個泡椒雞腳，我食完啦，越食越開胃！炸蠔嗰班相超靚，肉質超級肥美，非常高水準！朋友一個人可以食晒三隻好香口平時喺街度食海鮮通常都比較貴，但呢度食一條咁大條嘅王立倉只係需要$138 ，性價比極高！而且佢條魚非常非常滑，魚皮煎到脆卜卜，仲配左好幾款唔同嘅醬油同葉同辣椒粉俾你點魚肉食！主食方面我哋就揀咗個黑松露菇燴飯，以為佢整先焗野好食，但主食一樣令人驚喜，個飯黑鬆露味好濃，而且分量超多！全餐飯落嚟冇嘢可以挑剔，樣樣都好食！一問之下發現原來餐廳只有一個主廚，親身感受到佢用心烹調！

呢間餐廳嘅環境非常之fusion，細看之下有好多值得欣賞嘅地方！廣島蠔蟹籽意粉上枱嘅時候呢比佢嘅外貌吸引！佢嘅份量好多，炸蠔好新鮮。意粉嘅口感彈牙且配料十足，一啲都唔吝嗇蟹籽😚鹿兒島A5和牛膏飯呢個飯好香，食落口感非常 creamy ！每粒飯都夾雜着醬汁同埋有蘑菇加瓜，食上嚟嘅口感唔會太膩，加上少許蔥花，咬落去蠻有口感的☺️脆皮乳鴿BB 乳鴿被炸到卜卜脆，肉質非常鮮嫩滑，配上特別配製嘅炸粉好香口！值得一試！店員同大廚都好關心食物嘅質素會親自出嚟問客人食物嘅意見，好有心機！

見到這店晚市外賣主菜買一送一優惠，order了日本廣島蠔蟹虸龍蝦汁意粉和澳洲老虎蝦新鮮香草忌廉意粉，另加一隻日式生炸乳鴿！蠔有三隻配龍蝦汁好幾夾，老虎蝦有兩大隻，肉質也很鮮美，兩個意粉都有水準，乳鴿可能是外賣，皮已經不脆了，有點似鹵水，但肉質做得很滑味道也很好。此餐廳位置在青山公路段，坐車常常經過，但很少會行街經過，如果不是見到有此優惠也未必會光顧，不過試過這外賣，下次有機會一定會再試堂食，試佢地的招牌菜如檸檬焗馬友等！

來到置樂花園附近覓食🤤，發現這家日式料理店，未吃過所以決定進去吃吃吧🤭。店舖環境雖然不大，但坐位間也有距離。餐牌上的選擇挻多，有串燒/小食/主食/啤酒等等。💥海葡萄配蟹籽 HKD$48，這個賣相很吸引，面頭還有木魚絲放在上面。感覺像舞動的造型🤩，食物底下還有片檸檬來提升鮮味。海葡萄的味道酸酸咸咸，第一次吃這個食，挻惹味和有口感😋😋。💥脆皮炸bb乳鴿 HKD$68，這個的賣相有點像炸子雞，外皮深色被炸到脆卜卜，乳鴿的肉質嫰滑多汁，而且味道很香很惹味😆😆。💥廣島蠔蟹籽扁意粉 HKD$148，上菜時看到意粉賣相色彩繽紛像個小山丘🤭，另有有燈籠椒做拌菜，面頭有很多蟹籽作為點綴。廣島蠔外皮很脆味道不錯🤩，意粉口感煙韌不會太“腍”。💥A5和牛膏燴飯 HKD$168，和牛就看得多了，和牛膏就第一次見🤣。裡面的奶油味挻香，燴飯每粒飯沾上醬汁挻好🤭。另外有蔬菜在裡面令到口感更豐富，這個飯有驚喜😆。食物質素和份量不錯，價錢中等。

去屯門無意中發現呢間隱藏嘅小店，原來都係一間黃店主打fusion菜，菜式好驚喜，特別係招牌BB乳鴿，原來係日本比賽得獎菜式室內似日本居酒屋小店，空間唔算多，但廚房佔四份一位置，座位只有幾張枱人流唔多，大廚較熱情招呼同詢問意見日式生炸BB乳鴿 $78係大廚最得意嘅得獎菜乳鴿擺盤好有心思，連鴿頭都有，似向上飛緊醃完再生炸成隻乳鴿的確比坊間酒樓更惹味表皮香脆，有酥炸香味，啖啖微甜感同酒香味肉質嫩滑，好入味，肉汁鎖緊，唔會太鹹有炸蒜墊底，唔會太油膩食主菜前試試海葡萄配蟹籽 $48 有蟹籽同好少食嘅海葡萄有咬口同幾爽脆，海葡萄較重鹹味，最好先撈勻最頂有少量木魚絲，底部有檸檬墊底加啲檸檬汁令海葡萄無咁鹹，微酸感更清爽拌碟沙律菜幾爽脆，撈勻更fresh同開胃小食叫咗脆炸白鯧魚仔 $88賣相唔錯，魚肉嫩滑細緻，無咩細骨酥炸後外脆內軟，帶鹹味，魚皮香脆，內裏啖啖肉配搭特製醬油極惹味，不過醬油幾辣，唔食辣要留意主菜叫咗鹿兒島A5和牛膏燴飯 $168係和牛膏唔係和牛肉，無肉，但好驚喜飯粒軟滑兼creamy，粒粒煙韌，有和牛膏奶香整體重油脂香，似食緊和牛燴飯仲有香菇粒+翠肉瓜粒+蔬菜粒+香蔥粒等，好有層次

特色留民居酒屋屯門置樂既隱世居酒屋🏮餐廳有多款食物選擇，有日式串燒、酒類仲有多款fusion菜，好似多種技藝在一身咁,環境都表現到多國風情🥰🥗前菜海葡萄第一次食海葡萄，海葡萄既質感同面層既蟹子好似，咬落去脆卜卜，而且有鹹水味道，下面再配埋爽脆既豆苗，感覺清新🍳金磚豆腐用左一口豆腐，上面鋪滿香脆既蔥蒜，整個豆腐外皮香脆，內裡的豆腐嫩滑，口感豐富，加埋七味粉更加惹味🍝煙三文魚龍蝦汁扁意粉煙三文魚有煙燻味，龍蝦汁味道香濃，稀稠度岩岩好，每條意粉都掛到汁，加埋有蟹子卜卜脆既口感，份量足夠呢間隱世小店，係呢度食到有誠意既食物，值得一試，黎屯門可以試下啦😉

居酒店位置於屯門比較入既位置，都搵左一陣先到，約左個朋友一齊食好西。入到去先探熱，確保冇病冇痛先。入到去既裝修非常別緻，好有日本風味。我好點左三樣食物都非常好食炸豆腐魚餅好香脆既口感，而且配合店家提供既甜甜酸酸既麻醬食，好好味，豆腐魚餅食得多，配搭得咁好真係好值得推薦。煙三文魚蟹子海葡萄沙律沙律做得好開胃，好新鮮好大份，我地點做前菜好開胃。燒澳洲大虎蝦鮮香草忌廉汁意粉虎蝦大大隻好新鮮，燒烤既火力時間控制得岩岩好，唔好燒過頭，配合忌廉汁意粉真係出色既組合。

屯門置樂一間黃店，招呼香港人!雖然唔係好大間，但裝修好和風，感覺好親切。MENU都係晒牆上可以睇到, 有好多廚師推介都好似幾正!泡椒雞腳辣到噴火,但係廚房推介!勁惹味，鐘意食辣又鐘意雞腳既一定要食!雞腳泡得好入味，D椒都幾辣,係愈食愈辣。豆腐魚餅好多木魚，個皮幾爽脆。內層食落軟滑，加D紫菜同胡麻醬，好日式既感覺。龍蝦汁煙三文魚扁意粉煙三文魚勁足料!原來仲有好多蟹子,意粉都份量好大，恰到好處。燒豬仔骨燴飯推介！食得辣既一定要食！真係辣到跳舞！燒豬仔骨有2大夠燒得岩岩好,最辣係D飯,第一啖都唔覺….之後愈食愈辣,但係好惹味!好食!!!整體感覺好好,野食又有心整,支持支持!

最近掉左更 一星期要返幾日屯門 ，係市中心食黎食去都係連鎖大集團餐廳，的起心肝去搵間小店支持下，同事介紹有間偏遠少少既西日餐廳。細細　　鋪但裝修好有心機❤️一入門口左邊就係廚房仔，直行有大約7-10張枱仔，幾溫馨既感覺。餐廳主要食日式串燒為主，但我地實在太餓，所以叫左幾個主食+小食😋無論小食同主食都係大份夾抵食，🔥鐵板洋蔥豬頸肉$68 有成超過10件厚切豬頸肉 真心好正又滋味 。 🔥蟹子軟軟殼蟹天使麵 無諗過呢幾樣野會夾得埋，天使麵唔會煮得太淋身 一條條夠煙Un , 配埋炸得好香脆玄學蟹同蟹子好特別又好食 臨走時 係餐廳門口仲見到好多張主廚既獎狀，原來以前係高級酒店主廚 ，後來自己出黎開小店 👍🏻值得Support !

原來置樂花園都有居酒屋，唔止淨係食日本菜，而係fusion多國菜，今晚特登去試試。入門口見到充滿日式居酒屋感覺，門口有 老虎機裝飾，令人覺得真的在日本小店呢！先來開胃頭盤，泡椒雞腳，估唔到日式餐廳 都有泡椒雞腳食，果然是 fusion菜。原來都幾夠辣，真係食得好開胃！餐廳冷氣夠，所以唔會食到出汗。泡椒味道是比一般辣味更多添一種清新香氣和微酸，我愛吃辣，泡椒味道是我的至愛，辣度越食越過癮，不過如果不能吃辣的話就只能淺嚐。豆腐魚餅，覺得很有創意，外表炸成圓形切半，脆脆的，最初看來有點像泰式蝦餅，食落才知道有很香的豆腐味，口感又不至於太軟，因為豆腐混和了魚肉，所以令口感多了幾分爽口，味道的確不錯。因為豆腐本來淡味，但拌有日式沙律醬和七味粉，口感更加香，墊底的沙律菜非常新鮮，又可達到飲食均衡，消除油膩感覺。主菜炸廣島蠔龍蝦汁燴飯，揉合了日本菜與意大利菜元素。廣島蠔炸完仍然食得到海水的味道，加上龍蝦汁燴成的飯，夠香濃，汁煮得夠濃稠，不會太濕，而且有蟹子和黑芝麻增加口感和香氣，是一道味道很濃郁的創意燴飯呢！要讚一讚這裏氣氛很好，當晚有客人生日，餐廳很細心為客人播放生日歌，場面很熱鬧，雖然主角不是我

近排疫情關係都好少出去出邊食飯，就揾我屯門區有啲咩好食，同朋友傾計時佢話置樂花園有間日本居酒居留民料理味道同環境都唔差值得一試，但佢話間野地方唔算大，所以去之前最好打去book定位先，另外佢話有啲野會不定時轉換，所以餐牌多數係手寫，如果食過好食下次都要打去問下仲有無得食，因為都係比啲時令或者最新鮮既食材。今日我揾左個朋友一齊去試下。去到位置都唔算太多，平均5張4人枱，兩個人去都坐得幾舒服。兩個叫左一隻炸乳鴿、麻辣牛筋、檬仔魚、A5和牛膏燴飯。日式生炸BB乳鴿 (得獎菜)整碟乳鴿無論係賣相定味道都相當出色，乳鴿皮脆肉嫩，而且肉汁豐富，另外用了七味粉拌碟。秘製麻辣牛筋果然係秘製麻辣汁，我食過咁多間麻辣呢間都幾有特色，食落唔算太辣有麻麻感覺都幾得意，而牛筋唔會太冧食落有啲口感就係煙煙韌韌，都唔錯。海鹽胡椒煎焗檬仔魚份量都算多幾抵食，魚肉味重另外海鹽加胡椒可以減低魚既腥味仲可以帶出魚既鮮味。鹿兒島A5和牛膏燴飯見到價錢唔算貴叫個牛肉飯食下， 我以為個飯裡面會有和牛肉，店員同我講個飯係無肉但和牛膏都能夠把整個飯都能夠食到好似食緊和牛燴飯一樣。整個飯都充滿油脂香，真係食落同食緊和牛燴飯無分別，食到